لاصحاب الأوبيروس

[بتي فور]

السلام عليكم

اليوم كنت بمعرض كيا بطريق خريص

وحبيت اسأل عن الاوبيروس الفل اوبشن

واللي عندهم اخر سياره لونها فضي

بصراحه السياراة كـ مواصفات وشكل وسعر مايعلى عليها

من هالناحيه ماعندي مشاكل لكن كان سؤالي الاخير هي قطع الغيار والجوده

لاني ماجربت السياره ولا اعرف احد عنده فسؤالي هل الاوبيروس سيارة تعيش معك ؟

وايضا صيانتها كيف؟؟

لما سألت عن الهوبات مثلا والبريكات طلعت اغلى من الازيرا لكن تبقى معقوله

وحصل لي موقف مع الموظف وهذا اللي خلاني اتردد مره اني اشتري السيارة

وحنا واقفين عند موظف قطع الغيار

كان عنده واحد يقوله عندي 18 سيارة كيا ليه ماتصلحت للحين ؟؟

قاله ماعندنا قطع غيار حاليا ولما حوله الموظف للشخص المسؤول

التفت علينا الموظف وقال ( شاري كيا وزعلان راس مالها كيا )

يعني الموظف محتقر السياره مره وهذا الشي خلاني اتردد مره

وشوي فيه واحد ثاني معه سياره ويبي قطع غيار قاله تعال بعد اسبوعين ماعندنا !!!

يوم سألته قلت له طيب ابي هوبات وبريكات الاوبيروس 2008 قالي عندي

صراحة احترت مره هل الاوبيروس لها وضع خاص عند الوكيل وكيف قطع غيراها وصيانتها

تنبيه مهم جدا

* مابي احد يقولي خلك من الاوبيروس وكوري ومدري وشو ياليت اللي عنده توضيح عن الاوبيروس يساعدني او اكون شاكر له بعدم تعليقه والرد

سمعتم ياصحاب الاكورد سبشل:D

[بتي فور]

ما انتبهت لـ قسم الاستفسارات
ياليت المشرفين ينقلون الموضوع

[M.W4EVER]

فيه أعضاء مثل ابو عبدالعزيز والأبيروسي و ... هم عندهم العلم وانا عندي تساؤل بعد في الأوبيروس يمكن تخمني اشتري وحده لأنها والله موتر
سؤالي صراحه كشكل وفخامه افضل من الأزيرا مدري يمكن عشان دايم معي يمكن حب التغيير بس مثل ماقال بيتي فور انا رحت للوكاله قالو أقل نوع 71000 والفل باقي حبه في المملكه كلها وبعد شهر بتجي باقي الألوان
تساؤلي فخامتها وسعرها حلوه مره ليه مانتشرت هل يعيبها شي ؟
لأني والله محتار وودي اعرف حتى انا وحبيت اتساءل

بتي فور خربت عليك الموضوع معليش

ونسيت اقول الموظف شكله ماعنده علم اسأله عن قطع الغيار كيف سعرها قالي الفحمات والهوبات الأربعة كلها ب 620 معقوووووووووووووووول ؟؟؟؟؟
انا سألت واحد كان معه اوبيروس 2005 قالي كلها مو اقل من 1600 ريال ومستحيل بعد

[ssas]

السيارة قطع غيارها معقولة جدا جدا
يعني يمكن ارخص من تويوتا كامري

امس كنت عند وكيل كيا بشركة ينبع والسيارة تحت التمرين
قالي الموظف صيانة 1000 مجانية و5000 صيانتها بـ 65 ريال ( والله ولا البنشري )
ما صدقت رحت لحق الصيانة قللي 65 بس
قلتلهم وش تسوون قللي نغير زيت وسيفون ونشيك على السيارة من الصدام للصدام
قلت لهم طيب البريك مو مشدود قالو نسويه على الضمان ولا يهمك
تعاملهم ممتاز جدا وكيل ينبع ما ادري عن حقين جدة اتوقع انهم جيدين
قال موظف الصيانة نبدأ في تغيير الحاجات الإستهلاكية بعد 25000 وراح تدفع مبلغ القطع وشعل اليد مرررة رخيص لدرجة ما تتوقعها .
وفي كل صيانة تشييك من الصدام للصدام

على كذا الوكيل يبشر بالخير.......

[احمد1]

بعد اذنك اخوي بتي فور

سؤالي لك وللشباب

الاوبيروس تجي قير عادي ؟
وما مواصفات السيارة السياحي والوسط واسعارها بشرط تكون قير اوتوماتيك

تحياتي للجميع

[بتي فور]

يعطيك العافيه احب الكوري و ssas

بحثت بالنت كثير عن مشاكل الاوبيروس من جميع النواحي
ماحصلت احد يشكي الا من البريكات
والكل بدون استثناء يذم الوكيل السابق اما الوكيل الحالي للحين الناس ماتعرفه
وهل خدمة مابعد البيع ممتازه ولا لا؟؟

الله يعين بس

[msh3l1]

و عليكم السلام

سؤال .. ليش حاقد على الياباني ؟ :D


انت تسأل عن الجوده

http://www.assayyarat.com/forums/showthread.php?t=107573

تغيير كمبريسور مكيف
مشكله بالعكوس
مشكله بالمكينه
تغيير طرمبة المويه
و مشاكل ثانيه

هذي مشاكل راعي اوبيرس 2004 و الموضوع مكتوب في 2007

يعني هالمشاكل كلها في 3 سنوات استخدام :rolleyes:


صح انها تصلحت على الضمان

لكن انت شاري سياره جديده تبي سياره يعتمد عليها و تريحك من المشاكل



عموما انصحك بالازيرا حتى لو كانت اقل مواصفات

و بالتوفيق

[أبو عبدالعزيز]

السلام عليكم.......
بالنسبة لأخوي صاحب الموضوع
خلنا نتكلم جد
قطع الغيار لدى الوكيل الجديد ليست متوفره بنسبة 100%
ولاكن القطع الاستهلاكية عموما متوفره وبكثره عنده
وأما القطع الغير إستهلاكية تطلب من المصنع أو من دبي أو إذا كانت القطعة ضروري ولا يمكن تأجيل تركيبها للزبون يقوم الوكيل بشراء القطعة من الوكيل السابق أو من محلات قطع غيار كيا التي لا تخص الوكلاء والتي طبعا تبيع القطع أصلية فقط
أنا عن تجربة شخصية مع الوكيل الجديد (كيا السعودية):
أنا بالفحص الماضي حصلت لي مشكلة بالسيارة وكان القطعة المطلوبة هي قطعة منظم دخول الهواء للبخاخ ((وهي شريحة إلكترونية بالكامل)) طبعا المشكلة أنا ما أدري عنها ........!!
كل اللي احس فيه أن أحيانا أن عداد ضغط المحرك ينزل تحت طبيعته إذا كان التكييف يعمل بالصيف وهذا شيء مو دائما اشوفه
طبعا أدخلوا السيارة وشيكوا عليها بالكمبيوتر والكمبيوتر عطاهم Error بهذه القطعه (خطأ أو مشكلة)
ولا بد من تبديلها.
المشكلة أن القطعة غير متوفره بفرعهم بالأحساء
ولاتوجد غير قطعه بالرياض وللأسف بيركبوها لأوبيروس ثانية هناك...
والمشكلة أن مدير الصيانة يقول لي أن السيارة صعب تطلع من عندنا لأن الكمبيوتر يعطي أن حالة القطعة مش سليم ((يعني ممكن تطفي عليك وأنت واقف بالاشارة مثلا....!!!))
المهم وش الحل؟؟؟<<< أنا قلت لهم
قال لي ولا يهمك أخوي
وأرسل مندوب عندهم لمحلات قطع الغيار وإلى الوكيل السابق وحصلوا القطعة وشروها وركبوها على حسابهم بالكامل
وكل هذا حصل ((الشراء والتركيب والبرمجة)) يوم الخميس فقط ولله الحمد
وكان عندي مشكلة بالدركسون وحلوها بالكامل ولله الحمد في وقتها
ومشكلة البريكات اللي تتكلمون عنها كانت في بعض الموديلات وتم حلها بالكامل ولله الحمد


يعني بإختصار بعد هذه الحوسه كلها أبين لكم أن الوكيل الجديد بيوفر لك القطعة بالغصب ولا بالطيب
مع وعد منهم بعمل مستودعات ضخمه وتوفير جميع قطع الغيار للمستهلكين
والصيانة ذي والله ما دفعت فيها غير 194ريال قيمة صيانة 50ألف كم فقط
والله على ما أقول شهيد
ملاحظة: والله ثم والله ثم والله
كيا السعودية ماهي حقت أبوي أو قريب لي....وأنا ما ني موظف عندهم ولا تربطني بهم أي علاقة
الموضوع كله أن كلمة الحق لازم تنقال بهذا المجلس المبارك وأنا أخوكم


وأسعار قطع الغيار هي رخيصه ومعقوله جدا
الفحمات الأمامية سعرها لا يتعدى 220 ريال والخلفية أظن أقل من ذلك ولا كن لا أعلم بالضبط
والباقي معقول جدا ولله الحمد


=====================
بخصوص أخوي msh3l1 :
شخبارك أخوي عساك طيب إنشاء الله
وكل عام وأنت بخير
بالنسبة لسؤالك فأنا أبيك أنت تجاوبني عنه
ليش هو حاقد على الياباني؟؟
وأما عن الجودة فالأوبيروس غنية عن التعريف
ولو جودتها عادية كان ما خلوا ضمانها 5 سنوات
وأما بموضوع أخوي اللي أنت وضعت الرابط تبعه
فقصة مبهمة جدا........!!
مانعرف احداثها بالتفاصيل علشان نحكم
وأنا كتبت له كثيييييييييييير
وللأسف أخر رد له كان ضحكه غريبه وكلام (هاهاهاهاهاهاهههاهاها السيارة معروضة للبيع بالتشاليح مبسوطة يا كيا )...........!!!
بالله عمرك سمعت عن واحد يشتري سيارة ويتم تصليحها بالكامل على الضمان وبعدها يبيعها للتشليح....!!!!
والله ثم والله أن كيا ما طقت بال لك إذا بعتها للتشاليح
القهر والخسارة عليك أنت وبس << أعتذر لهذا الكلام منكم
وبعدين بالله كم ماشية سيارته؟؟؟
وكيف استخدامه؟؟
لنا واحد من شباب عندهم تويوتا وهوندا ونيسان كثيييييييير وعارف انا وش مشاكلهم
والله منهم واحد غيروا له الماكينة 3 مراااااااااااااات ............!!!!<< ماراح اذكر نوع السيارة علشان ما يتضايقون بعض الأخوان
وهي والله 2006 ..........!!!
اللهم لا شماته
أنا ما كتبت ذلك علشان اضحك عليكم ولا أتشمت فيهم
لاكن اللي ابي اقوله أن كل سيارة معرضة للخراب وللأعطال المصنعية
ومافي سيارة ما تخترب
ولاكن السؤال ما حجم الخراب؟؟وهل يتم تصليحه على اكمل وجه؟؟وهل على حساب الضمان؟؟


وعموما الأزيرا ماهي إلا الوجة الآخر للأوبيروس مع فارق الحجم قليلا
=================


أتمنى أخواني كلكم تقرون ذالك الموضوع بالرابط
وأنتو أحكموا على كل شيء
==================


أنا أعتذر للجميع اني طولت بالكتابة والحشوا
ولاكن أنا أشوفه ضروري للإستفادة للجميع
وأتمنى من الأخوان اللي يكتبون من أنفسهم أنهم يقرون ويتأكدون أولا وأخيرا
وبارك الله فيكم أجمعين
والله يوفقنا ويوفقكم لكل خير
أخوكم ابو عبدالعزيز

[Microsoft]

عز الله إنك ما قصرت

يأبوعبدالعزيز

|1|

[afaopi]

السلام عليكم


اخوي ( بتي فور )


كيف الحال


انا ممن امتلك سيارة اوبيروس


والسيارة ما شاء الله عليها تمام التمام


بس المشكلة كانت بالبريك والحمد لله صلحوها بعد ما اشتريتها بفترة


وكانت عندي مشكلة ثانية بالساعة وركبوا وحدة ثانية


والحين الساعة خربانة من جديد وان شاء بكرة الخميس راح اوديها الضمان


اذا الله احيانا


والسيارة مثل ما قلت تمام التمام


والسلام عليكم,,,,,

[احمد1]

الرد رقم 5 ظاهر عندكم شباب والا مخفي ;)

[M.W4EVER]

ابو عبد العزيز ماقصرت يالغالي بيض الله وجهك كفيت ووفيت رجعت للرابط اللي في الرد رقم 7 ولقيته مبهم جدا مايجاوب على الأسئلة وماشاء الله عليه بيبيعها تشليح وانت وكم واحد تسألون ومأشكل لكن والله أعلم موضوع لتشويه سمعة السيارة
بالنسبة للفحمات سألت عنها اليوم زي ماذكرت 240 ريال للأمامي و 160 ريال للخلفي يابلاش لسياره بفخامتها
الهوبات الواحد 345 ريال والله حلو كذا لكن مدري هل فيه وكيل ثاني في المملكه غير هذا ؟
أخوي أحمد ماتجي قير عادي
خربت الموضوع على بتي فور

[احمد1]

خربت الموضوع على بتي فور

وشلون !!!!!!!!

[M.W4EVER]

أحمد مو انت مقصدود انا أقصد انا خربت على بتي فور بأسئلتي

محشوم أخوي

[أبو عبدالعزيز]

السلام عليكم


اخوي ( بتي فور )


كيف الحال


انا ممن امتلك سيارة اوبيروس


والسيارة ما شاء الله عليها تمام التمام


بس المشكلة كانت بالبريك والحمد لله صلحوها بعد ما اشتريتها بفترة


وكانت عندي مشكلة ثانية بالساعة وركبوا وحدة ثانية


والحين الساعة خربانة من جديد وان شاء بكرة الخميس راح اوديها الضمان


اذا الله احيانا


والسيارة مثل ما قلت تمام التمام


والسلام عليكم,,,,,

السلام عليكم........
بالله أخوي وش نوع الساعة اللي عندك؟؟عقارب ولا إلكترونية؟؟

[بتي فور]

الله يعطيكم الف عافيه ماقصرتم
شاكر لكم كل(ن) باسمه

[techmate]

يعني بإختصار بعد هذه الحوسه كلها أبين لكم أن الوكيل الجديد بيوفر لك القطعة بالغصب ولا بالطيب
مع وعد منهم بعمل مستودعات ضخمه وتوفير جميع قطع الغيار للمستهلكين
والصيانة ذي والله ما دفعت فيها غير 194ريال قيمة صيانة 50ألف كم فقط



ياشباب أنا عندي نقطتين:
ثانيا: أرجو أن نكتب لكن (الصحيحة إملائيا) بدل لاكن.
أولا: نويت أشتري أوبيريوس فل أوبشن بعد غسيل الدماغ الذي قام به أبوعبدالعزيز والأوبريوسي وراعي الأوبريوس|1| , لكن الوكالة تقول إنتهى الفل أوبشن وبيجي بعد كم إسبوع.
سؤالي: هل يوجد وكيل للصيانة في الجبيل وإلا سأصبح مثل صاحبنا إللي في ينبع أمغطها للدمام كل 5000 كيلو:confused: ؟

[M.W4EVER]

^^^^^^^^^^

صاحبكم اللي في ينبع سالفته مبهمه ولاأظن انها صحيحه
ابو عبدالعزيز في الجبيل اسأله انا آخر خبري بالجبيل كان الوكيل الحاج حسين عند المنطقة المساندة كان فتحله فرع بالجبيل البلد الله أعلم

وبعدين وشو الدمام 80 كم والفرع في اول الدمام خلف الحياة بلازا

[أبو عبدالعزيز]

ياشباب أنا عندي نقطتين:
ثانيا: أرجو أن نكتب لكن (الصحيحة إملائيا) بدل لاكن.
أولا: نويت أشتري أوبيريوس فل أوبشن بعد غسيل الدماغ الذي قام به أبوعبدالعزيز والأوبريوسي وراعي الأوبريوس|1| , لكن الوكالة تقول إنتهى الفل أوبشن وبيجي بعد كم إسبوع.
سؤالي: هل يوجد وكيل للصيانة في الجبيل وإلا سأصبح مثل صاحبنا إللي في ينبع أمغطها للدمام كل 5000 كيلو:confused: ؟

ههههههههههههههههه
أبشر ياسيباويه لكن
وبعدين كيف تكتب ثانيا بعدين أولا....................!!!!؟؟؟؟|3|

والله على خبري ان مافيه حاليا صيانة بالجبيل والله اعلم
ننتظر اهل الجبيل (الأوبيروسي وصاحب الأوبيروس) علشان يعطونك الجواب الشافي
تحياتي لكم

[hawsawi]

يعني كم اشبوع الله يحييك قالولك
انا كنت بالوكالة يوم الاربعاء و عرفت ان هناك 9 سيارات فل ابشن موجودة في كامل المملكة و كلها محجوزة بنظام الاقساط واذا كنت تملك كاش فابشر بالسيارة ادفع فقط 83500 شامل اللوحة و الاستمارة و التأمين

دمتم بخير

[techmate]

[quote=أبو عبدالعزيز;1229782]ههههههههههههههههه
أبشر ياسيباويه لكن
وبعدين كيف تكتب ثانيا بعدين أولا....................!!!!؟؟؟؟|3|

رتبتها أولا وثانيا حسب الأهمية, الأهم الإستفسار (أولا) ثم الملاحظة (ثانيا), ولكن بدأت بثانيا لأنها سطر صغير وممكن تنسى إذا ذكرتها بالأخير|11| .
بما أنك نعتني بسيباويه (والصحيح سيبويه) فعلى ماأعتقد أن الصحيح (هه هه هه هه هه هه هه) :) وليس (ههههههههههههههههه):( .
أرجو أن تتحملوا مدرس لغة عربية خبرة 20 سنة|3| .

[أبو عبدالعزيز]

[quote=أبو عبدالعزيز;1229782]ههههههههههههههههه
أبشر ياسيباويه لكن
وبعدين كيف تكتب ثانيا بعدين أولا....................!!!!؟؟؟؟|3|

رتبتها أولا وثانيا حسب الأهمية, الأهم الإستفسار (أولا) ثم الملاحظة (ثانيا), ولكن بدأت بثانيا لأنها سطر صغير وممكن تنسى إذا ذكرتها بالأخير|11| .
بما أنك نعتني بسيباويه (والصحيح سيبويه) فعلى ماأعتقد أن الصحيح (هه هه هه هه هه هه هه) :) وليس (ههههههههههههههههه):( .
أرجو أن تتحملوا مدرس لغة عربية خبرة 20 سنة|3| .

هه هه هه هه
ماشاء الله عليك اخوي
بس من جد أنت مدرس لغة عربية ؟؟:confused:
بصراحة أتشرف فيك أخوي:rolleyes:

[ssas]

ياشباب أنا عندي نقطتين:
ثانيا: أرجو أن نكتب لكن (الصحيحة إملائيا) بدل لاكن.
أولا: نويت أشتري أوبيريوس فل أوبشن بعد غسيل الدماغ الذي قام به أبوعبدالعزيز والأوبريوسي وراعي الأوبريوس|1| , لكن الوكالة تقول إنتهى الفل أوبشن وبيجي بعد كم إسبوع.
سؤالي: هل يوجد وكيل للصيانة في الجبيل وإلا سأصبح مثل صاحبنا إللي في ينبع أمغطها للدمام كل 5000 كيلو:confused: ؟

ههههههههههههههههههه
من وين جبت هالسالفة وضحكتني والله العظيم
عمري ما طبيت الدمام بحياتي
اصلا ينبع فيها وكيل ممتاز وصيانتة حلوة واذا لا قدر الله في مشكلة هم يودونها جدة على حسابهم

اما اني اروح من ينبع للدمام هذي كثر منها ...
مشواري روحة ورجعة للدمام يمكن تكمل 5000 كيلو

[أبو عبدالعزيز]

ههههههههههههههههههه
من وين جبت هالسالفة وضحكتني والله العظيم
عمري ما طبيت الدمام بحياتي
اصلا ينبع فيها وكيل ممتاز وصيانتة حلوة واذا لا قدر الله في مشكلة هم يودونها جدة على حسابهم

اما اني اروح من ينبع للدمام هذي كثر منها ...
مشواري روحة ورجعة للدمام يمكن تكمل 5000 كيلو

هههههههههه
أخوي هو يقصد مثل سالفة الشاب اللي في ينبع
يعني بيضرب مشوار من الجبيل إلى الدمام:D

ومشكوووووووووووور على توضيحك هذا

[الزين]

ssas
أنا ينبعاوي واللي أعرفه إن وكالة كيا في ينبع قفلت زمان وصارت ميركوري

لايكون تقصد المكي؟

[ssas]

ssas
أنا ينبعاوي واللي أعرفه إن وكالة كيا في ينبع قفلت زمان وصارت ميركوري

لايكون تقصد المكي؟

نعم حبيبي اقصد المكي

وكيل صيانة وقطع غيار ومبيعات