هونداي والاخطاء المصنعيه

[هاوي موتر]

7
7
7
7
7
7
7
7
7
7
يا شباب انا حبيت اطرح لكم الموضوع ونشوف ارائكم
لماذ دايم سيارات هونداي يكون فيها اخطاء مصنعيه وقد طرحت في فتره ليست بالقريبه عن خطئ مصنعي ووجدت اكثر من شخص يشتكي من نفس الخلل
وبامكانكم مراجعه مواضيعي السابقه وتقرئوا عنه
بصراحه انا ماذكر اني دخلت صيانه الوعلان الا ويوجد بها شخص يشتكي من عله والسياره جديده
الى متى والاخطاء المصنعيه ملازمه هيونداي|10|
واكثرها في السوناتا والانترا؟
ليش ما يحاول المصنع يتفادها
هل متغاظين عن ها الموضوع؟؟؟؟؟؟؟؟؟؟؟؟؟؟؟؟؟؟

وارجوا التفاعل وطرح ارائم بهذا الخصوص

تحياتي|3|

[NFSonata]

والله الحمد لله ماقد سمعت عن خطاء مصنعي خطير في سيارات هيونداي

وانا سيارتي سوناتا 2006 ماشيه 100 الف تقريبا ولا اشتكيت منها الا ان كشافاتها ضعيفه نوعا


ونشوف ردود الاعضاء

تحياتي

[فـوفـو]

حبيبي مافي شــركه ماتخــلا من آخــطاء مصنعيه لا هونداي ولا غــيرها


وانا ابــ ص ــراحه ماعمــري اشتكيت من السيارهـ

. . . . . . . .


وممكن تلاقي ناااس يشتكووون .........لأنه مستحيل ترضي جميع الناس

وانا أعــرف شباب يشتكووون ويسبوون في تويوتا .........<<هذهـ وهيا تويوتا الي رافعينها السما


رووح شووف موقع تويوتا وشوف الشكاااوي كيف فيها عن الصيانه وعن جودهـ السيارات والعيوب الي فيها
|5|
.
.
.
.
. . . . .

بس للمــعلوميه هذا ليــس مقيااس على الشــركه !!
|4|
لأنه كل شــركه وكل محل يوجد فيه خلل

وانا تخــصصي اليكترونيات أجهزهـ طبيه .........وأكثر الأجهزهـ حساسه هيا الأجهزهـ الطبيه

وبرضوو نواجه بها نسبة خطأ ..... وهيه مصنــ ع ــه من ألــمانيا :D




<<<انفلت بالهرج ـههههههههههه
|3|

بس ياليت تــعرف وجهت نــظري من الموضوعـ

^_^

[عاشق دايو]

ليس الأخطاء المصنعية حكر على الشركة معينة بل على الجميع الشركات

وكثير من الشركات تخشى من العيوب المصنعية لأنها تتقلل من قيمة السيارة أو الشركة

من السباب الأخطاء المصنعي

1 زيادة الأنتاج

2 قلت الخبرة وهي كثير من الشركات ينقصها الخبرة مثل ((دايو))

3 زيادة التقنيات في السيارت مثل كمبيوتر وغيرة

أنا أتوقع أن من المستحيل وجود السيارة كاملة لأن كمال(( لله تعالى))

عندك السيفيك 2006 و أكورد كلها فيهم خطأء مصنعي مع العلم هذي من أفضل السيارات اليابانية

تعرف ليش الأبيكا يقولون عنها فيها مشاكل السبب في أول دفعة من 2.5 كانت فيها مصايب مصنعة

ولين الحين الناس خايفة منها

أقولك في أحد يعرف متى يمرض طبعا لا

نفس الشئ لا أحد يعرف متى يكون في السيارة خطأ مصنعي ألى بعد التجربة

أقولك أخوي كل شركات و الناس يخافون من الأخطاء المصنعية

والأعطال المصنعية ليسة حكر على الشركة معينة

تقبل مروري عاشق دايووووووووووووووووووو

[هاوي موتر]

الفهد الصياد
فوفو
عاشق دايو
يعطيكم العافيه
ولاكن انا ابقى على رايي
انا عارف ان ما في شركه تخلو من الاخطاء المصنعيه
لاكن انها اشوف ان هيونداي اكثرها
وتقبلوا تحياتي

[بلا حدود]

اخطاء مصنعيه مثل ايش

انت تقول كثيره ممكن تعددها لنا ونناقشها وحده وحده

اللي اعرفه عيب مصنعي واحد بالسوناتا وهو الشماسه وتم تداركه بالموديلات الحديثه غيره ماشفت

اما بالنسبه للتبديله هذا شي طبيعي واشوفه بكل السيارات الاوتو دائماً التبديله الاولى محسوسه اذا هذا اللي تقصده

وما اذكر واحد اشتكى من قيور هيونداي الا في بطء الاستجابه فقط

[ST220]

حسب علمي ان سيارات هيونداي هي أقل السيارات اللي فيها عيوب مصنعية

سيارتي إلنترا 2006 مافيها عيب والحمدلله

وبعدين أخي الكريم أنت حكمت على الهيونداي من ورشة الوكالة وشي طبيعي ان ورشة الوكالة ما تجيها إلا السيارات المعيوبة او المحتاجة صيانة

حتى لو تروح لصيانة عبداللطيف جميل بتشوف نفس الشي

[vector]

بالنسبه لي

اذكر بالسوناتا 2004 كان فيها مشكله بالاقفال(السنتر لوك)

خرب علي مرتين وصلحتها على الضمان

[أبـــوبـــدران]

بالنسبه لي سيارتي ماشيه 60 الف سوناتا 2006

واستخدامي لها سيئ للغايه

والحمدلله .. مافيها الا كل خير

اشياء بسيطه من سوء الأستخدام بس

انا اشوف ان هيونداي بهالشيئ ممتازه

اسوأ شركه اشوفها تويوتا .. بالعيوب طبعآآ وليس بالجوده

والسلام عليكم

[Microsoft]

أخوي هاوي موتر

ياليت تذكر لنا العيوب إلي شفتها

لنتادل الخبرات حول السيارة

بالنسبة للأخطاء المصنعية

هناك دراسة لأقل شركة في الأخطاء المصنعية

أذكر كانت اللكزس الأولى وبعدها شركة ثم تويوتا

ويليها الهونداي ..! .. يعني بالكثير الخامس في الترتيب

* طبعاً كلامي عن سيارات هونداي الجيل الجديد ... فــقـــط

[DaBDoB]

السلام والرحمه على احلى اعضاء واسماء موجوده:cool:
والف شكر اخوي هاوي على الموضوع

الاخوان ماشااء الله عليهم ما قصروا وكفو ووفوو
ولو برد بيكون اغلب ردي اقتباسات من الشباب

المهم الزبده والملخص ان مافي شركه ما تخلى من الاخطاء والاغلاط المصنعية
وفي جمله دايم يقولها مسؤولنا فالدوام وهي ان دام فيه شغل لازم يكون في اخطاء:)

واضن اخواني الاعضاء يذكرون اخطاء شركة فورد عندما سحبت 2000 سيارة من السوق
والسبب خط في دينمو الكهربا والارمادا عندنا سحبت 200 سيارة من السوق والملاك والسبب
عيب فالعجلات والتويوتا اعترفت بعيب مصنعي فالشيفت الامامي كان يفلت وسبب حوادث وعوايل ماتت عندنا بس ما سحبوا السيارات من السوق يعني بعددلك وايد امور .

عالعموم تسلم والشكر موصول لك |3|

[راعي الأوريون]

انا معي سوناتا والحمد لله ليس هناك خطأ مصنعي لكن على قولة واحد من الشباب اللي رادين عطنا المشاكل والأخطاء المصنعية ونناقشها وحده وحده

[saad k22]

حبيبي انا عندي النترا موديل 2005 وماشيه 200الف وماعمري سمعت او شفت عيب فيها ولله الحمد تقبل مروري ............................
تحياتي

[هاوي موتر]

عطيكم العافيه ياشباب على ردوكم
واوراكم ام بخصوص الي يقول عطنا عيوب عشان نناقشها
انا اقولكم
انا طلعت سوناتا2006 قير عادي جنوط وسعرها كان50000 ريال وجاني فيها انواع العيوب كالتالي:
اولا خلل في القزوز
ثانيا عيب في الانعطاف لليسار او الدوران كان يطلع صوت غريب ونزلت موضوع عن الصوت هذا وهذا رابط الموضوع:http://www.assayyarat.com/forums/showthread.php?t=84872
وايضا عيب في النافذه الخلفيه نها اذا نزلتها لاخر شي يطلع صوت طقه
اخواني الاعضاء
شكرالكل من تفضل وطرح رايه
وبانتظار باقي اراء الاعضاء

تحياتي لكم

[vector]

^^^^^^^^

تصدق اخوي الصوت اللي عندك لما تلف يسار او تديور

موجود عندي بالأزيرا مؤخرا وهو زي كذا (تش تش)

واحيانا وانا ماشي مهدي بدون ماأدعس بنزين عندي صوت (طييييييييط طييييييييط)كأنه صوت حديد يحتك ببعضه

بس الأصوات هذي متأكد انها طالعه من الحادث الأقشر اللي صارلي

وماأعرت للأصوات هذي اي اهتمام

لو أحد عنده فكره عنها ياليت يقولي

اما العيوب المصنعيه الحمد لله ماعندي

سلام

[NFSonata]

اخوي هاوي موتر انت معاك سياره زي سيارتي بإستثناء الجنوط بصراحه الاقزوز عندي مافيه اي خراب يمكن انت مركب قطع تلغيم في السيارة

اما صوت الطقه في القزاز الخلفي اعتقد انه طبيعي يعني اذا نزل القزاز الى الاخير اكيد فيه حاجه بتوقفه واعتقد انه هذا صوت الطقه

ومعاك حق هي اقوى من طقة القزاز الامامي

عن الصوت لما تلف يسار الصوت هذا موجود عندي بصراحه لكن انا سيارتي انقلبت على حجاره كبيره

والكفر ضرب في واحد من ذي الحجاره وهذا اللي سبب انقلابها فأتوقعت انه منها بس الصوت ماهو(تــــش تــــش) الصوت صوت قربعه او كأنه فيه حاجه ماهي مربوطه صح يوم سألت عنها قالولي العكس وغيرته وماراح الصوت قلي الميكانيكي الرمان بلي وغيرته وبرضوا الصوت موجود

فقلت اخليها زي ماهي


تحياتي

[Sammy Mirza]

والله انا مجرب شخصيا الكوبيه 2006 جلست عندي 6 شهور و بعتها و بعدها حرمت الهونداي لان كان موجود عندي اكثر من مشكلة من نفس المصنع

اولا: من يوم شريت السيارة و الكلتش ثقيل جدا
ثانيا: حساسة المكينة كانت حق النترا مركبة بالغلط من المصنع و كان ال ار بي ام يضرب 4 ال 5 و انا واقف و الجير فاضي
و و و و و و و و و و و و

الحمدالله كانت تأجير و قدرت افتك منها

[العادل]

السلام عليكم كيف الحال يا شبااب اولا اقول لاخوان ان العيوب المصنعيه قد تكون في سياره وموشرط تكون في الاخرى ومعنتهاااا نفس المصنع لكن لكل سياره ظروفهااا المتغيره لهاااا فهذا يعتمد على الجو وغير وانا سيارتي انا ماشيه قريب الــ 90 الف ولله الحمدلله انا اشهد لها وشهاااتي في السوسو مجروحه وعلما ان سيارتي اول دفعه من السوناتا الجديده ولله الحمد ماشيه تماااام

[هاوي موتر]

يعطيكم العافيه لكل الي شاركو بالموضوع
اخوي الفهد الصياد
بخصوص الخلل في القزوز لا تلغيم ولا غير والسياره معي الا الان ماسويت شي فيها لاتعديل ولا غير الا تظليل
والصوت الي في القزازه الخلفيه قوي جدا لاكن الحمد لله كل الامور هذي تصلحت على الضمان
تحياتي

[M.W4EVER]

ماخبر فيه عيب غير الشماسه حقت السوناتا
حبيبي جربت كثير من هيونداي
الجرانديور كنت أعرف وش بيخرب فيها لأن كل اللي معهم جرانديور نفس خراباتي
الالنترا 2003 للحين تزقح غير الفحمات ماغيرت
الالنترا 2006 ماشيه 50000 كم ماقد طبت الوكاله وملغمها وهي ماشيه 9000 كم والي يومك زي الساعه
سوناتا 2006 الين 55000 كم تمام حتى الشماسه ماصار لها شي عندي
ازيرا 2006 ماشيه 113000كم بس الستاره خربت
وبالنسبه للي عنده طقه اذا لف آخر شي أنا طلعت عندي وانا ماشي 110000 ورحت الكويك سيرفس حط بخاخ دبليو 40 في مكان مدري وين بالضبط واختفلى الصوت

اتوقع الموضوع بس للحسد

[Microsoft]

أخوي هاوي .. يمكن أشتريت سيارة من بين

مائات الألوف من السيارات السليمة

؟؟؟
:)

[انفنتي M45]

سيارتي النترا لها معي أكثر من سنتين ولا شفت منها أي عيب
وندمت وقلت ليتني من زمان شريتها بدل الايكو التويوتا التعبان اللي غلبني

خخخخخخخ راعين تويوتا مايبغوا يبطلوا حركاتهم :D
ستظل هونداي شوكة في قلوب الحاسدين
وهي عدو قوي بتصريح رئيس تويوتا

تحياتي :D

[speeed1]

السلام عليكم

انا ملاحظ ان نص السيارة اللي قاعدة تجي عندنا فيها اخطاء مصنعية واعتقد انه بسبب كثرة الانتاج و التقنيات الكثيرة و حتى جودة السيارات انا ملاحظ انها بدات تنخفض
مثلا الكرسيدا تلاقيها ماشية وعمرها اكثر من 15سنه و تلاقي لومينا 2004 خربانه

[mnaief]

ناظر المنتدى الياباني وشف واحد يشتكي من القير وهو أفالون!من تصنيع تويوتا ! :) يارب وصلت الفكره

انا سيارتي ماشيه الحين بحدود الـ70 الف سوناتا 2006 .. ماشتكيت من اي عيب مصنيع بإستثناء الشماسه فقط ..
ورغم كذا السياره عشره على عشره والحمدلله يارب :)

طبيعي انه من بين 100 سياره تم تصنيعها يطلع لك عيب في سياره او سيارتين !
لكن وش العيب اللي يطلع ..
بالنسبه لك طلع لك عيب في الاقزوز والوكاله صلحوها على الضمان .. هنا أقولك احمد ربك
غيرك عنده مشكله في القير والوكاله رفضوا يصلحونها :) .. ناظر فرق المشكله بس ! قير واقزوز !!!

تقبل تحياتي.. , :)

[هاوي موتر]

يعطيكم العافيه يا شباب على ردوكم الجميله
اخوي احب الكوري اي حسد واي كلام فاظي وكلن يرا الناس بعين طبعه<<<<<ارجو انك تكون فاهم

[M.W4EVER]

لا مافهمت انت حاط موضوع تقول عيوب مصنعية طلعلي أحد معاه هونداي عنده عيب مصنعي


أول شي ياعزيزي اعرف وش معنى العيب المصنعي : العيب المصنعي ينطبق على أكثر السيارات المصنعه مو سياره والا سيارتين
مثل الشماسه عيب مصنعي و90% من السوناتات فيها هالعيب بس عطني كم واحد اشتكى من الاقزوز غيرك ؟

[KOL-AL7OB]

اسوأ شركه اشوفها تويوتا .. بالعيوب طبعآآ وليس بالجوده

والسلام عليكم

أبغى أعرف وش دخل تويوتا

على العموم المشرف ماقصر|1|




هناك دراسة لأقل شركة في الأخطاء المصنعية

أذكر كانت اللكزس الأولى وبعدها شركة ثم تويوتا

ويليها الهونداي ..! .. يعني بالكثير الخامس في الترتيب

* طبعاً كلامي عن سيارات هونداي الجيل الجديد ... فــقـــط

مادري ليه تكرهون تويوتا - أكثر من عضو -

يعني راعي الموضوع ماجاب طاري تويوتا في شئ ولا حتى صورة|10|

أخواني ::

جميع السيارات تحوي مشاكل

سواء كانت تويوتا أو حتى BMW أو حتى المايباخ

ومهما طال الزمان لن تصل سيارة إلى مستوى الكمال

أو خلوها من المشاكل

لأن الكمال كمال الله وحده ..

فلماذا تنكروا إن لا تحتوي على مشاكل

وحاولوا ألا تتهموا الشخص بالباطل للأنها نميمة واحذروا النميمة لما فيها من ذنب عظيم

ولعلا الشخص يريد أن يرى إن كان يعاني من المشكلة لوحدة

أو إنها خلل مصنعي

أو ليس من الأفضل إن تساعدوه في حل مشكلته

مثلا :: نصيحته بمراجعة الوكالة

ولا يعادي بعضكم البعض بسبب شركات لا تمد لكم بصلة

كأنها شركات أبائكم أو أخوانكم

والسلام عليكم

[فـوفـو]

فلماذا تنكروا إن لا تحتوي على مشاكل

وحاولوا ألا تتهموا الشخص بالباطل للأنها نميمة واحذروا النميمة لما فيها من ذنب عظيم



راااجــع ردي في الصفـ ح ــه الاولى
ومافي احد ينكر . . . احنا جالسين نقول كلامـ منطقي

لأنه صااحب الموضوع خصص هونداااي بمشااكلها ..((وهذا غلط))

لأنه جميع الشريكات يوجد بها أغلاط مصنعيه ..... ((وانت ذكرت هذا الشئ))

فأنا مستغرب من صااحب الموضوع ..انه يقوول الهونداي كثيرة مشاكل

وهــذا كلام باااطل . . . . . ((لأنه في نااس معاهم سيارات وماأشتكو منها))

الى اشياء بسيطه لا تستاهل حتى دخولها للصيانه ((مثل الشماسه فقط))

وهــذا الشئ خلاص انتهوو منها

^_^

[KSA-HEART]

ههههههههههههههههههههههههههههههههههههههههههه

يوم عن يوم اعشق الكوري بزيادة

[M.W4EVER]

أخوي فوف وفيت وكفيت يعطيك العافية

[هاوي موتر]

مادري ليه تكرهون تويوتا - أكثر من عضو -

يعني راعي الموضوع ماجاب طاري تويوتا في شئ ولا حتى صورة|10|

أخواني ::

جميع السيارات تحوي مشاكل

سواء كانت تويوتا أو حتى BMW أو حتى المايباخ

ومهما طال الزمان لن تصل سيارة إلى مستوى الكمال

أو خلوها من المشاكل

لأن الكمال كمال الله وحده ..

فلماذا تنكروا إن لا تحتوي على مشاكل

وحاولوا ألا تتهموا الشخص بالباطل للأنها نميمة واحذروا النميمة لما فيها من ذنب عظيم

ولعلا الشخص يريد أن يرى إن كان يعاني من المشكلة لوحدة

أو إنها خلل مصنعي

أو ليس من الأفضل إن تساعدوه في حل مشكلته

مثلا :: نصيحته بمراجعة الوكالة

ولا يعادي بعضكم البعض بسبب شركات لا تمد لكم بصلة

كأنها شركات أبائكم أو أخوانكم

والسلام عليكم

__________________
يعطيك العافيه

[M.W4EVER]

طيب ياعزيزي ليه مارحت قسم البي ام وحطيت المشاكلالحين انت لاتملك السوناتا ولا شي أجل ليه حاط الموضوع ؟
هذا السؤال ؟ واين العيب المصنعي اللي تتكلم عنه قلنا فيه عيوب ماأنكرنا الشماسه طيب عطني غيرها أبي غيرها طلعلي هو وخلينا نشوف هل باقي الشباب فيه عندهم خراب
انا عندي سوناتا والنترا وازيراالثلاث سيارات بس الأزيرا خربت الستاره وهي طالعة ونازله فيآخره تطلع صوت طقطقه فيه أحد من الشباب عنده نفس المشكله ؟
أخوي هاوي تكلم بعقل ومنطق مو تحط عنوان كبر وشو وآخر شي نطلع فص ملح وذاب على قولة العجايز
ياتقول وين العيب المصنعي اللي اضطرت هونداي انها تستدعي سياراتها مثل الفضيحة اللي بالأكورد اضطرت تستدعي آلاف السيارة عشان عيب في الدركسون
او لاتحاول تطيح من قدر هونداي

[Microsoft]

أخوي هاوي .. الله يعينك على المشاكل إلي واجهتك

والموضوع ما يستاهل كل هالزحمة .. فياليت الشباب يهدون الوضع شوي

كل سيارة ولها عيوب .. .


ما قلت لنا أخوي هاوي وش صار معك في النهاية .؟

[الهيو]

اخطاء مصنعيه مثل ايش

انت تقول كثيره ممكن تعددها لنا ونناقشها وحده وحده

اللي اعرفه عيب مصنعي واحد بالسوناتا وهو الشماسه وتم تداركه بالموديلات الحديثه غيره ماشفت

اما بالنسبه للتبديله هذا شي طبيعي واشوفه بكل السيارات الاوتو دائماً التبديله الاولى محسوسه اذا هذا اللي تقصده

وما اذكر واحد اشتكى من قيور هيونداي الا في بطء الاستجابه فقط

صح لسانك اخوي بلا حدود . وحتى بطء الاستجابه في القير لا يعتبر عيب مصنعي ولكن خاصيه قد لا يحبها البعض . وهي موجوده في سيارات اقدم واكبر من سيارات هيونداي مثل سيارات مرسيدس .


لا مافهمت انت حاط موضوع تقول عيوب مصنعية طلعلي أحد معاه هونداي عنده عيب مصنعي


أول شي ياعزيزي اعرف وش معنى العيب المصنعي : العيب المصنعي ينطبق على أكثر السيارات المصنعه مو سياره والا سيارتين
مثل الشماسه عيب مصنعي و90% من السوناتات فيها هالعيب بس عطني كم واحد اشتكى من الاقزوز غيرك ؟

صح لسانك اخوي احب الكوري ومعرفة معنى عيب مصنعي يجهله الكثير والكثير يعتقد ان اي مشكله تصادفه في سياراته تعتبر عيب مصنعي .
ولكن لا نتعجب من طرح الموضوع لانه لو عرف السبب لبطل العجب .
واخيرا اقول للاخوان جميعا محبي هيونداي والكارهين لها لا للتعصب اطرح الموضوع والرد الهادف لنستفيد ويستفيد الجميع . :cool:

[M.W4EVER]

أشكر مرورك أخونا الهيو ومايكرو

[redx]

أنا سيارتي سوناتا 2006 ماشيه حدود الـ 200 الف تقريبا
المشاكل اللي واجهتني فيها وكثير من الشباب هي أن كشافاتها الأماميه ضعيفه
والشمعات بشكل عام دايم تحترق غيرتها بناءً على نصيحة ميكانيكي من تويوتا وارتحت منها
والشماسه خربت علي 3 مرات

[HaSoOoOoN]

انا عندي النترا موديل 2006 وماشية 80,000 والحمدلله ما اشتكيت من شيء وغالبية اصحابي عندهم النترا واكسنت والحمدلله ما سمعتهم اشتكوا من شيء
تحياتي.......