يا اهل الازيرا تعالوا ابيكم بكلمة راس....؟

[مروق البال]

بسم الله وبالله

مساء الفـــــــــل والياسمين

الحقيقه>>>>الاخ يبي سلف:D

مالكم بالطويله

من كم يوم طق في راسي الا اروح اشوف الازيرا

معي اني كنت افكر في السوناتا

ورحت اليوم للمجدوعي في الخبر

وشفت الازيرا<<<<<قل قسم|1|

صراحه السياره اعجبتني

مواصفات عاليه وسعر مناسب

ولكن يا اخوان متردد لان السياره كوري

كل ماقلت لاحد من الربع بطلع ازيرااا

قالي كلها سنه وتهربد وبعضهم قال انت مهبول تحط فلوسك في كوري

النوع اللي شفته وعلى قد قريشاتي

النوع اللي فوق الاستاندر يعني فتحه بالسقف ومخمل

السعر على ما اعتقد 70500 ماني متاكد

طبعا بنظام التاجير

دفعه اولى 25 الف وبدون دفعه اخيره

صراحة متردد وخااايف

والسبب

الصناعه كوووووووووووووري

فاسالكم بالله ان ان تخصلون النصيحه ان كانت السياره

تستاهل او لا؟

وياليت تقولون لي وش افضل لون؟

وماهي نصائحكم لاهنتم

[بلا حدود]

هلا فيك اخوي

السياره عندي من 5 شهور وماشيه 10 الاف حالياً

الى الآن السياره عال العال

لكن واجهتني مشكله وحيده عند الاربعة الاف كيلو وهي رجة بالفرامل وتصلحت على الضمان

وفيه غيري ماشيه عندهم 40 الف و100 الف راح يفيدونك اكثر


بالنسبه للسعر وش زينه على سياره مثل الازيرا وفئتها

السعر رخيص ومناسب جداً

لكن تأكد من شغله وهي حجم المكينه هل هو 3.3 او 2.7 اذا يهمك العزم

3.3 237 حصان

2.7 185 حصان

الـ 3.3 اقوى من الـ 2.7

وكذلك الـ 3.3 سير التايمنق فيها حديد

اما الـ 2.7 سير التايمنق ربل ويتغير من فتره لفتره ( من 60 الف الى 100 الف ) على حسب استخدامك

سير التايمنق الربل تغييره بالوكاله بما يقارب 1600 ريال

سير التايمنق الربل اذا انقطع في اغلب الحالات يبيلك نص توضيب

اما سير التايمنق الحديد لك وللزمن

لازم تاخذ كل هالنقاط في الحسبان

تأكد من المكينه

وماخاب من استشار



بالتوفيق

[vector]

أخوي أنا معي أزيرا 2006 وصارلها سنه وكم شهر

وسويت عليها حادث وصلحتها

وماشاء الله جديده مثل ما هي

واذا بتتأكد استأجر وحده والعن خيرها مثل ماسوا بلا حدود:D

وبالتوفيق

[بلا حدود]

^
^

ويرجعها مصدومه عشان تكمل التجربه :D

[khalid911]

اخوي انا معي ازيرا 2007

الان لها سنه عندي و انواع الكرف

ما شاء الله عليها قوة تحمل روعه

المطبات تسلم علي اول ما اجيها من كثر ما اكلها <<<<< خخخخخخخخ

السياره ماشيه 70000

و ان شاء الله قريب اكتب تقريري

[فـوفـو]

أنا عند أخويييه وحدهـ موديــل 2006


وبكــل صــراحه .... السيارهـ من أبــدع مايكون بس......

ألي ماتوقعته قوة مكينه الـ3,3 ...ابــصراحه مررهـ حلوهـ ^_^


. . . . . . . . . .

حبيبي وألي يقولكـ كوري ..قــوله خذ هذا المفتااح وجرب السيارهـ بعدين تعال قولي كوري ^_*
والــكوري وبذاات هوندااي تطورت بشكل ملحوووظ وواضح

وألي عجبني بالسيارهـ تماسكها مع المنعطفااات بشكل حلووو . . . . . . . .

....

وأنا أقولكـ بكل صرااحه ورااح اسأل اماام ربي على كلااامي

السيارهـ جداً ممتازهـ ومافيها شئ يعيبها نهائياً


وهــذا ألي يقولكـ كووري شكله قلقكـ خذلكـ كااااااامري ـههههههه هما كذا ياحبهم لتويوتا

^_^

[محـاربـ]

بسم الله الرحمن الرحيم



بصرآحـه ياخوان هذي اول مشاركه لي .... وبما اني بغيت اكتـب موضووع عن نفـس ماتكرم به الاخ مروق البال فهونت وقلت ما ابي اكرر نفس الموووضووع.


الحقيقة الي ايقظـت جميـع انواع السيارات وهزت اركانهاا هي (( هونداي)) بدوون اي شـك وأحـب أقولكم انا لم أجرب هذي الشركه الا نادراا وكانت على الاكسنـت فقـط في موديلات قديمه.. وكانت تجربه بسيطه اخذت عنهاا انطباع سيء عن الشركة وعن منتجااتهااا ومضت الايام ومضت ومضت ..


اذا بناا نسمـع عن التطور الي تحققه هالشركه يوما بعـد يوم وفعـلا فهي تتقدم الى الامام مبهره الجميـع بعكـس بعـض الشركاات , ظهرررت السوناتاا بتألقهاا الناجح جداا وظهرررت الازيراا ونفـس الكلام يقال عنهااا وهذا بناا ننتظــر الإعصـاآآر القادم من هونداي ألا وهوو (جينيـسس) التي باعتقادي انها صفعـه قوويه للشركات المنافسه سووف تستيقظ من سباتهااا وتحاول جاهده
الا تتفوق عليهاا هذا إن لم تتفووق عليها واثبتت ذلـك. قد يقوول البعـض وما ادراك عن هذا كلـه وكانت تجربتك بسيطه على هذي الشركـه سيكون ردي مجمووعه من التقارير والحقائق والاثباتات الي قيلـت في حق هذه الشركه ليس من بعض عمـلائهاا او المتعصبين لهاا ؟ لا لا لا سيكون من الخبراء والشركات العالميه التي قيمت هذي الشركة ونالت الجائزه تلوو ألأخرررررى .


لا اريد الاطاله عليكم ولكـن انا تجربتي بالسيارات هي أمريكيه بحتـــه منذوو نعوومة اظافررري وكنت أفكر الا استغني عنهااا ولكن آن الاوان للتغيــر وبحثناا عن البديـل ونظرنا في هذا وذاااك وبصراحه لم افكـر بهونداي,,,,, الا في الااونه الاخيررره؟لمآآذأ >> مواصفاات وقوووه وفخاااااااامه رائعـه جدا جدا جدا واسعار منااسبه .



وبعـد هذاا كلـه انا افكر جدياا أن أمتلـك الازيراا 2008 ونفـس الكـلام الذي قيـل لاخونا مروق البال أبتعععععد عن الكووري لقيته وبصراحه لم يهزني كثيرا فمعظم من قال هذا الكلام لا يعرف الازيرا اصلا وعنده سؤال لي اي شركه فكانت الصدمه لما سمـع هوندااي..... الحديث يطوول ..


إلى جميـع من يعرف عن الازيراا التالي إخبارنا به مشكورااا :


1- قوة تحملها للحوداث لاقدر الله


2- محركهاا الجديد لا أعرف الكثير عنه.


3- القير التيترونـك العجيـب الذي شدني وبقوووه.


4- نظام الثبات الالكتروني للسياره, والفرامل المانعه للإنغــلأأآآق.


5- عزم السياره << واشدد على ذلك بقووه لاني بمنطقه لا يوجد بها شوارع مزدوجه كثيرا وحياتنا كلها تجاوزاات× بتجاوزات .


6- هل تتحمل المرتفعات والمنحدرات والمنعطفات الشديده.


7- الحرآره .. وبما إني مستخدم للامريكي أسالوني عن الحراره هههههههههه.


طبعـا كل ماذكر أريد الايجابيااات والسلبيآآت فكـل سيآره لها إيجابيتهااا وسلبيآآتهاااااا


وآســف جداا على الإطـاله ........... وسجلوا إعجآبي الشديد بالمنتدى بدوون أي مجآمله .




تحيآآتي

[أبو خميس]

الأزيــــرا مايحتـــاج تحمــل وقوة بدي وعـــزم ورساوة وقويــة في الطلعـــات وقويــة في الفرامـــل

[mnaief]

عشان تزيد ثقتك في السياره ..
http://autos.yahoo.com/hyundai_azera_se-reviews_user/
> ناظر اراء اللي جربوها وكتبوا تجاربهم في الياهو :)

[محـاربـ]

مشكورر يا أخوي أبوو خميــس


ومشكورر أخوي منآيـف < ترى ثقآفتي روسيــه ههههههههه على العموم الرابط راح أجيب واحد يترجم لي.
وأحـب أقولك لم أكن أثق بهوندآي أولا ولا بيني وبينها .. ولكـن تغير الحـال .. والعاقل هو من يدرك الامور وهوندآي فرضـت نفسهاا ... وزي مايقولون ((( الزيـن يفرض نفسـه))


بس فيـه نقطه قريتها وانا أشووف تجارب الاخوان عن الازيرا.. الي هي بطىء إستجابة الجيـر هل هو المقصود على وضعية الأوتوماتيــك أم التيترونـك أم في كـلا الحالـتين


وأحب أسال بعـد عن التيترونـك هل بالاستطاعه تحويلـه الى الاوتو أو العكـس والسيآره تمشي مثـلا 110 .
وأيضا ووضع التيترونـك والتعشيـق يتم وأنت داعس على البنزين ولا تشيـل رجلـك وتعشـق.



وأرجوو المزيـد من الردود

[khalid911]

اخوي محارب

بالنسبه لاستجابه القير فهي بطيئه صحيح

لكن اذا استجاب او حولته عادي و رجعته الى اخر نمره مسموح يرجع لها عى حسب السرعه الله يعينك و خاصه اذا كانت 3.3 او 3.8

و انت ماشي 260 يعني جايب الطبلون حط القير عادي و رجعه اوتو و لا تخاف من شي

القير تقدر تحوله في اي قت متى ما بغيت حوله

و اذا في اي سؤال انا حاضر

[M.W4EVER]

ياحبايبي الظاهر صارت سيارتي حقل تجارب المهم انا معي ازيرا 2006 ماشيه 109000 ريال قصدي كم
السياره زي العسل
بس خرب فيها الستاره والباقس ولاشي مع اني كارفها كرف ع كيف كيفك
السياره عزمها مو سهل وقويه وراسيه وحرارتها تمام لأن حنا في 2008 مو 1990 عشان تقول حراره
واي استفسار حاضر

[عاشق السوسو]

هلا فيك اخوي .. بصراحة اختيارك رائع .. وإن شاء الله ما تندم عليه

انا ما بأقول شي لأني ما جربتها ..

بس راح اعطيك .. رابط لشركة تقييم سيارات .. اخترت لك الازيرا 2007 .. وانت قارنها مع سيارات من فئتها .. مثلاً تويوتا افالون .. انفينتي G .. واللي تبيه بعد ..

ولا تنسى ان الازيرا حديثة العهد بالنسبة للسيارات الاخرى , كالاسطورة الأفالون ..

بس مع ذلك استطاعت ان تثبت كفاءتها

>>> اضغط هنا (http://www.jdpower.com/autos/car-comparison/compare.aspx?year=2007&make=Hyundai&model=Azera&jatoModel=AZERA&body=SA&doors=4&drivenWheels=F&cabType=&fromModel=1) <<<

|3|

[mnaief]

بس فيـه نقطه قريتها وانا أشووف تجارب الاخوان عن الازيرا.. الي هي بطىء إستجابة الجيـر هل هو المقصود على وضعية الأوتوماتيــك أم التيترونـك أم في كـلا الحالـتين

وأحب أسال بعـد عن التيترونـك هل بالاستطاعه تحويلـه الى الاوتو أو العكـس والسيآره تمشي مثـلا 110 .
وأيضا ووضع التيترونـك والتعشيـق يتم وأنت داعس على البنزين ولا تشيـل رجلـك وتعشـق.

القير في الوضع الاوتوماتيك بطيئه استجابته صحيح . :) وهذا حال أغلب السيارات الفخمه وبالذات الألمانيه ..
اما اذا حطيتها بالتيبترونيك .. بتشوف عزم مجنـون .. وتغير من الـd للتيبترونيك وانت تمشي طبلونها عادي ماتفرق :)

[محـاربـ]

الله يعطيكم طولـة العمـر ماقصرتوا .....أخواني خـالد وعاشق السوسو ومنـايف كفيتوا ووفيتوا

وفعـلا يزيـد أعجابي بهالسيآره يوم ورى يوووم .

ولي تعليـق على مشاركاتكم:-


لكن اذا استجاب او حولته عادي و رجعته الى اخر نمره مسموح يرجع لها عى حسب السرعه الله يعينك و خاصه اذا كانت 3.3 او 3.8

وهذي الفئتين الي معجبتني صراحه وما راح اتنازل عنهاا ياخالـد


السياره عزمها مو سهل وقويه وراسيه وحرارتها تمام لأن حنا في 2008 مو 1990 عشان تقول حراره

لا تلومني وأنا أخووك يا أحـب الكوري

ولا تنسى ان الازيرا حديثة العهد بالنسبة للسيارات الاخرى , كالاسطورة الأفالون ..

يعني يا عــاشق السوسو .. الأكورد والكامري جنبهـا ولا شي خاصه فئة 3.8 ... وهي منآفسـة للأفالون.. من جد أســـد له زأرته بين السيارآت

اما اذا حطيتها بالتيبترونيك .. بتشوف عزم مجنـون .. وتغير من الـd للتيبترونيك وانت تمشي طبلونها عادي ماتفرق

قوووووول معي يامنـأيف يآلبيــه وبقوووووهـ

وأعتقد إن علمية التعشيق وأنت حاط رجـلك يعني مافيه رحممه لا تشيـل رجلـك
,,,, ونظـام الاستريو يطربـك ويطرب الي يمشـي جنبـك....


والي حــآب يضيــف أي شي إيجـآبي أو سلبـي عن السيــآرهـ يقولهـاآ............




تحيـآآتي وأشوآِقي الحــآره لكم

[مروق البال]

بارك الله فيكم اجمعين

الحقيقه استفدت استفاده كبيره ومعلومات قيمه افدتونا بها كنت اجهلها

اشكرك جميعا وكل باسمه

والله انا بطلعها باذن الله وباعطيكم الاخبار

واللي عنده اي اضافه لايبخل علينا

كل الشكر والتقدير لكم

[mnaief]

^
اذا جزمت عليها .. حاول تاخذ المكينه 3.8 ..

[M.W4EVER]

والله مكينة 3800 جباره اذا 3300 لاعبه بالسيارات لعب وعزمها مو صاحي

بس توكل على الله عيبها الوحيد بكل ظامانه نورها العالي بس ينحل مو مقضية

[بلا حدود]

^
^

3.3 قويه انا معك


بس لاعبه بالسيارات لا اسمح لي

حدها مع مكسيما اللي مكينتها من 98 ماتغيرت


اما اذا جيت للمنافسين ما تأكلك عيش

تدوس مع اوريون الله يعينك على الفرق اللي بجيك هي ولا الافالون

تدوس مع التيما مالك امل

المفروض ينظرون للمنافسين قبل كل شي

يعني الازيرا من الاول مفروض ماتنزل الا بالـ 3.8 ويخلون الـ 3.3 خاصه للسوناتا

مويجون بـ 2008 ينزلون 2.7 :confused:

يعني حتى لو الوكيل طالبها

هيونداي المفروض ما تركب مكينه بالحجم المتواضع على سياره مثل الازيرا في سنه تعتبر انتفاضه للمحركات اليابانيه المنافسه

هذا غير ان المحرك قديم ويحتاج عنايه وصيانه اكثر لتواجد سير تايمنق ربل

لم تُوفق هيونداي في هذي النقطه

[ولد جدهـ]

ازيييييييييييييييييرا وبس

هيت وبس
قوهـ رفاهيه
روساء
خلاااااااااااااااص


تحياتي

[فـوفـو]

إلى جميـع من يعرف عن الازيراا التالي إخبارنا به مشكورااا :

1- قوة تحملها للحوداث لاقدر الله
غريب سؤالكـ ...!! كيف يعني قوة تحملها للحوادث .....يعني لو سرلي حادث مايسيرلها شئ ..هذا سؤالكـ !!؟؟

2- محركهاا الجديد لا أعرف الكثير عنه.
وعن المــ ح ــركـ انا قد ماأقولكـ انه محركها جداً ممتاز وقوي ... بقولكـ جرب السيارهـ وشوف بنفسكـ |1|
وانا أتــكلم عن الـ3,3لــتر ولــيس الـ3,8لــتر <<----أكيد المكينه الثانيه راح تطلع خراافيه |4|


3- القير التيترونـك العجيـب الذي شدني وبقوووه.
قــير جــداً ناعم .... وقوي


4- نظام الثبات الالكتروني للسياره, والفرامل المانعه للإنغــلأأآآق.
قـوة ثبات السيارهـ أذهلت كــثير من الشباب الي أعــرفهم ومعاهم سيارات بنفس المواصفاات


5- عزم السياره << واشدد على ذلك بقووه لاني بمنطقه لا يوجد بها شوارع مزدوجه كثيرا وحياتنا كلها تجاوزاات× بتجاوزات .
الله يعــينكـ على الخــطوط الــمزدوجه |5|
واذا على عــزم السيارهـ .... بقولكـ أستأجرلكـ وحدهـ وشوف نــفسكـ
((التــجربه خــير برهاان |1| ))


6- هل تتحمل المرتفعات والمنحدرات والمنعطفات الشديده.
نــ ع ــم


7- الحرآره .. وبما إني مستخدم للامريكي أسالوني عن الحراره هههههههههه.
ـهههههههههههههههـ
أنا عندي كــدلكـ ... والحااال من بــعضوا :D
بس لاتنسى انه احنا سرنا بعام 2008 ...... يعني انسى شئ اسمه حرارهـ مع السيارات الجديدهـ
واذا على الأزيــرا .... أتذكر مرررهـ وقفتها في الظــهر تقــريباً ساعه او أكــثر
والــحرارهـ ماتحركت ولا شــعرهـ
^_^


طبعـا كل ماذكر أريد الايجابيااات والسلبيآآت فكـل سيآره لها إيجابيتهااا وسلبيآآتهاااااا

أمااا عيبــها :: انهــا سيارهـ للشــخصياات ولــيس للشبــاب <<وجهت نظــر :rolleyes:
وثــانياً :: يبغالها مــحافظه .... عشاان تبقى وردهـ كما هيه
ونـــظيفه
^_^


وآســف جداا على الإطـاله ........... وسجلوا إعجآبي الشديد بالمنتدى بدوون أي مجآمله
لاعــادي




وفــي الأخــ ي ــر أقــول جرب السيــارهـ وأحــكم بنــفسكـ

عــشان لا تشكـ في أقــوال النــاس

^_^

[M.W4EVER]

ليه انا مشيت مع أفالون وماجنا وعندي فيديو له والماجنا تعديتها بعد 120 وقمت على لومينا ال اس وكابريس ال اس وأكورد 6 سلندر ورحت على تاهو وقمت على كامري 6 سلندر قير عادي

ياحبيبي عزم الأزيرا مو سهل لمعلوميتك ويمكن سيارتك فيها بلا الأزيرا عزمها والله مو سهل صح انا ماأناقشك بالألتميا لأن الألتيما رياضية و 6 تعشيقات وتعال سشوف وزنها هي والأوريون بس الأفالون انا رايح عليها وهو فاصل مانع الانزلاق المكسيما الأوتر ماتسوى شي قدام الأزيرا قارن اوتو ل أوتو
يعدين لمعلوميتك المكس ال 99 تمشي مع الاس اس اذا كان اللي يسوق طاره وأحد الأعضاء حط فيديو لقومة أزيرا ومكس مركب فلتر والأزيرا مشو مع بعض بالقومه وبعد ال 160 بدت تروح الأزيرا

[بلا حدود]

^
^

المقطع لسيارتي :)


انا كلامي عن الافالون والاوريون والالتيما

يروحون على الازيرا وبفارق كبير

[فـوفـو]

^
^

المقطع لسيارتي :)


انا كلامي عن الافالون والاوريون والالتيما

يروحون على الازيرا وبفارق كبير



ممــكن كلامكـ صح للـ3,3

أما

الـ3,8 فأكــيد لا


^_^

[بلا حدود]

^
^

نعم كلامي عن الـ 3.3

اما بالنسبه للـ 3.8 توقعاتي انها تكسر خشومهم :D

بس تبقى التجربه خير برهان

وانا الى الآن ماشفت اي ازيرا 3.8

ولا شفت لها تسارع

اتمنى من اي عضو شاف تسارع للأزيرا 3.8 ينزل لنا المقطع او الرابط

[mnaief]

^
يااااليت والله لو نلقى رابط لتسارعها نشوف وش هي من لحيه D:

[محـاربـ]

وفــي الأخــ ي ــر أقــول جرب السيــارهـ وأحــكم بنــفسكـ


عــشان لا تشكـ في أقــوال النــاس



^_^



جـــآري البحـث عن محـلات تأجر الازيرا ولا يوجـد سوى الكورولا ومشتقـاتهاا ...!! لاحد يسألني ويـن سـاكن ^_^


أما بالنسبـة للحوآدـث أكيد بيصير لها شي هي وغيرهـا <-- قآلـوا لك سيارة بآت مــان صواريخ ولا يجيها شي :D .......... المقصود هو قووة البدي يتأثر كثير ولا شووي يطيـح بسرعـه ولا يمسـك نفسـه ... ولله الحمد من كـلام الأخوان أعتقـد إنه قووي .

بعدين بالعكـس أنا أشووف السيـارهـ شبابيـه وإذا كانت لكبار الشخصيــات عآدي جدا خلنا نحـس إن حنا كبآر حبيتيـن شوويه << مو أفضـل منا|3| كلنا عيـال تسعـة .

وكـل الشكـر على تعليقك الي أسعدنـي .




تحيآـأآتي

[M.W4EVER]

جربوها اللي في الرياض يروح الوعلان ويجرب انا جربتها تسارعها مره حلو بس ماصورت وابشرو بحاول أجرب مره ثانية وأصور

بالنبه لي الأزيرا 7 وشوي وهذي واضح الفرق أقوى من الأزيرا حتى اذا دعست لازم تفصل الESP
اول مادعست دعسه عادية ولعت اللمبه

[مروق البال]

طيب وش رايكم في الازيرا 2.7 هل احد جربها منكم؟

بحول الله وقوته الاسبوع الجاي راح امر المجدوعي واجرب قيادتها

[بلا حدود]

^
^

انا ماجربتها بصراحه

بس 2.7 صغيره على الازيرا وثقلها

يمكن انها تناسبك اذا مايهمك العزم ابداً

واذا بتجربها ازين وازين ولاتنسى تعلمنا انطباعك عنها

[محتار 2008]

بالنسبة لاخ الي بيشتري ازيرا اقوله بالتوفيق


بالنسبه لسيارتي ازيرا 3,8 ماشية 600 كيلو
والله ماشاء الله الماكينة قوية وتسارع حلو لكن شوي صرفيه البنزين لك عليها !!!
السيارات الي تقاومت معها
هوندا أكورد 2007 6سليندر ورحت سلام سلام
مرسيدس شبح 98 S500
8سلندر ورحت زي السلام عليكم

باجيرو 3,8 وبعد 10 ثوان ماشافني:D


وانتظروا بنزل تسارعها وصور لها!!




تحياتي والله يوفقك

ولاتنسى الاستخارة

[M.W4EVER]

أخوي محتار الله يهديك حاط راسك براس الأكورد وبعدين ال500 افلقني لو شفته بعد 120