المساعد الشخصي الرقمي

مشاهدة النسخة كاملة : وين شباب الهونداي يدخلون هناااا فيه سؤال يبغى اجابه


REVOLUTIONARY
05-12-2007, 12:27 AM
بسم الله الرحمن الرحيم

اولااا// اشكر جميع اعضاء المنتدى الكوري وذلك نظراا
للمستوى الراااائع والذوووق الرفيـــــع والجهد الوااافر..
^
^
^
^
^
^
^
^
^
^
^
^
^
ثااانيااا// اخواني عندي سؤال بخصوص السوناتا6سلندر هل تجي ستاندرد/نصل فل/فل اوبشن؟؟
والا بس فل اوبشن؟؟طبعااا الموديل2007/2008واللي يعرف الاسعار ياليت يفيدنا وعند اي وكيل موجودة؟؟..وانا معلوماتي كلها عن الاربعة4سلندر بس ال6سلندر ما اعرف عنها شي..

ولكم مني خالص شكري وتقديري..:)
بلا حدود
05-12-2007, 12:35 AM
الـ V6 يوفرها الوعلان

وعلى حد علمي انها تجي نص فل بس


يفيدونك اهل الرياض اكثر
REVOLUTIONARY
05-12-2007, 12:53 AM
الـ V6 يوفرها الوعلان

وعلى حد علمي انها تجي نص فل بس


يفيدونك اهل الرياض اكثر


مشكووور على الرد السريع اخي المتألق دائماااا بلا حدودhttp://www.assayyarat.com/forums/images/icons/icon14.gif
sun light
05-12-2007, 01:11 AM
حسب علمي يوفرها الوعلان وتجي نص فل، أما عندنا المجدوعي في الشرقيه فهي غير متوفره.
ولد جدهـ
05-12-2007, 02:21 AM
يبونا انا قبل امس كنت في الرياض
وشفت البدو اه ه ه ه ه ه ه ه ه هها
ياااااااااااااااااكثرها في الرياض سوناتا سته سلندر
لو تبغى روح الرياض
تحياتي هيا وبس
عاشق السوسو
05-12-2007, 03:05 AM
<< في الشرقية = المجدوعي = ما يوفرها = ما عندي أي معلومات

وإنـ شاء الله أهل الرياض يفيدونك اكثر

:)
saad k22
05-12-2007, 04:04 AM
غير موجوده بالشرقيه.......................................... ......
متوفره فل ونص اوبشن بالرياض........................................
تحياتي............................................ .......................................
Microsoft
05-12-2007, 11:34 AM
آخر مرة سألت عنها في الوعلان .. متوفر الفئة السياحية أو النص فل

قبل ما أشتري السوناتا ( حوالي 8 شهور ) كانت عند المجدوعي .!!

* مدري وش فيهم على هالفئة .. الكل يبيها وما يوفرونها ... ؟؟؟ :(
REVOLUTIONARY
05-12-2007, 12:38 PM
مشكووريــــــــــــــن اخواني على التفاعل
ونحن في انتظار الاعضاء اللي من الرياض
وياليت يفيدونا عن السوناتا6سلندر2007/2008
وش المواصفات فل اوبشن/نص فل
هل التوب ترونيك5سرعات والا قبيح مثل ال4سلندر4سرعات بس:(
وياليت يفيدونا بالاسعار..:)

لكم مني خالص الشكر والتقدير..:cool:
mnaief
05-12-2007, 02:00 PM
اللي عند الوعلان نص فل ..
والقير فيها خمس سرعات :)
REVOLUTIONARY
05-12-2007, 02:54 PM
وش الاسعار طيب؟؟:)
Microsoft
05-12-2007, 06:58 PM
مشكووريــــــــــــــن اخواني على التفاعل
ونحن في انتظار الاعضاء اللي من الرياض
وياليت يفيدونا عن السوناتا6سلندر2007/2008
وش المواصفات فل اوبشن/نص فل
هل التوب ترونيك5سرعات والا قبيح مثل ال4سلندر4سرعات بس:(
وياليت يفيدونا بالاسعار..:)

لكم مني خالص الشكر والتقدير..:cool:


للأسف أخوي .. الستة سلندر منقطعة من فترة

ويبدو إن الوكلاء لهم وجهة نظر في ذلك .!

-----------------------

بالنسبة للمواصفات الفل كامل ستة سلندر 2006

القير توبترونيك خمس نمر وليس أربعة

8 وسائد AirBag وهي ..

السائق - الراكب الأمامي - في المراتب الأمامية - ستارة لكامل جانبي السيارة

وبالضبط هناك 10 نقاط على عبارة الـ AirBag |1|

فلتر الإلكتروني لتنقية الهواء

ستارة ( يدوية ) في الخلف

3 حساسات في الخلف

شكمانين مغطاة بالكروم مع تحديد أسفل الصدام بالأسود

<< شكل رياضي مجنون |1|

مكيف إلكتروني

مثبت سرعة + تحكم بالصوت على المقود ( الدركسون )

كمبيوتر يعطيك معلومات منها الصرفية ومستوى إستهلاك البنزين وغيره

مسجل كاسيت مع 6 أقراص CDs طبعاً من نوع Track وليس MP3

كرسي السائق كهربائي ( بـ 6 أوضاع تقريباً )

نظام الإستقرار الإلكتروني ESP

العديد من أنظمة الـ ABS والمساعدة لها

جنوط 17" كروم ( المشهور بـ النجمة )

مقياس درجة الحرارة وساعة إلكترونية << شغل اليابانيين :D

------------

هذا إلي أذكره الآن .. وإذا ذكرت شيء سأذكره إن شاء الله

:cool:
REVOLUTIONARY
06-12-2007, 12:59 AM
مشكووور اخوي مكروسوفت
وانا مقدر كل حرف كتبته..اكرر شكري لك:)

بس ماقلتلي وش اسعار ال6سلندر ستاندرد او نص فل او الفل اوبشن؟؟
وش الاسعار؟؟
what is the price
what is the cost
How can a person buy it cash
any anformation about its financial value
صديق نفر انا يبي معلوم كم لازم فلوس كاش يجي هادا سوناتا سلندر سته؟؟
والله ياشباب راح اقلب هندي
هذا كل اللي اعرفه عن الاستفسار عن السعر|5| اتمنى وضح سؤالي..
واتمنى تفيدوني..
Microsoft
06-12-2007, 03:27 AM
مشكووور اخوي مكروسوفت
وانا مقدر كل حرف كتبته..اكرر شكري لك:)

بس ماقلتلي وش اسعار ال6سلندر ستاندرد او نص فل او الفل اوبشن؟؟
وش الاسعار؟؟
what is the price
what is the cost
How can a person buy it cash
any anformation about its financial value
صديق نفر انا يبي معلوم كم لازم فلوس كاش يجي هادا سوناتا سلندر سته؟؟
والله ياشباب راح اقلب هندي
هذا كل اللي اعرفه عن الاستفسار عن السعر|5| اتمنى وضح سؤالي..
واتمنى تفيدوني..


أخوي العزيز .. أنا ذكرت لك في ردي

إن الفئة هذي منقطعة من فترة

يعني غير موجودة إلا مستعمل إذا حصلت

إذا كنت تريد سعرها ( على أيامها )

فكانت في الـ 70 ألف أو أكثر ـ تقريباً ـ

أما بالنسبة للمستعمل إذا كان نظيف

فحدود الـ 55 ألف قد تزيد قليلاً

* أوامر أخرى :D
M.W4EVER
06-12-2007, 05:03 AM
هلا شباب
حبيت أفيدكم السوناتا 6 سلندر صارت مكينتين
طبعا المجدوعي وقفها
والوعلان يجيبها بالمكينة 3300 سي سي و 215 حصان
وجنوط 16 وجلد وفتحه وبدون ستاره طبعا
سعرها 65000 ريال
اما الناغي يجيبها فل كامل 3300 سي سي و235 حصان جنط 17 وجلد وفتحه وستاره و 8 ايرباق والسعر فوق 75000 ريال بس بالضبط كم ماأدري
بس فيه فرق قي المكينتيم 20 حصان تقريبا

ودمتم
الهيو
06-12-2007, 06:59 AM
السلام عليكم :cool:
اخوي سعر السوناتا نص فل 6 سلندر هو 63 الف ريال لموديل 2007 وهذا السعر كان عند الوعلان ومواصفاتها ولست متاكد ان كان فيه 2008 .
1- محرك 3300 سي سي 235 حصان 2- قير تبترونك خمس سرعات 3- جنوط 16 4- كشافات
5- شكمانين طبعا 6- تخشيب 7- فتحه 7- مثبت سرعه 8- تحكم بالصوت من المقود 9- راديو شريط و CD وMP3 وهي افضل فئه مقارنه بسعرها . وارى انها افضل حتى من الاربعه سلندر الفل كامل واذا تريدني اتاكد من توفر 2008 وسعرها انا حاضر .|3|
REVOLUTIONARY
06-12-2007, 02:26 PM
اولاااا//اشكر اخوي مكروسوفت على متابتعه للموضوع..والتألق الدائم..يا رجاااال انت |1|
ثانيااا// اشكر الاخ احب الكوري على المعلومات بس اللي اعرفها عن محرك3300كله235حصان:D
ثالثااا// اشكر واقدر واثمن مشاركة زعيم المنتدى الكوري الاخ"الهيو"لما يقدمه دائمااا من معلومات
واخبار قيمة لجميع الاعضااااء..ياليت تتأكد عزيزي من ال6سلندر2008وش اسعاره عند الوعلان النص فل توب ترونيك اكون شاااااكرلك اخوي..ولك مني اطيب الاماني والتحيات:)
Microsoft
06-12-2007, 02:35 PM
يالله يوفقك ويسهل أمرك

إلا ما فكرت تأجل موضوع شراء السوناتا

لحين نزول الشكل الجديد ..؟ << بيخربط خططك كلها :D
REVOLUTIONARY
06-12-2007, 02:49 PM
العفوووو اخوي مكروسوفت
بس المشكله انا مايصلحلي 4سلندر يعني سفريات على طوووول
عندي كابرس1996من حرق الخطوط 1600كم مرتين بالشهر
صار الكابرس هالحين مثل الجمس1979 تسمع صوته بوب بوب بوب
يعني بالعربي انتهت صلاحيته ومشتهي يخبط..:D
لذلك انا فكرت اخذ سوناتا 6سلندر2008وانتظر الشكل الجديد مافيه فرق بس الشبك الامامي والداخلية
واخترت ال6سلندر لأنها قوية وتتحمل استخدامي..

لك خالص شكري وتقديري اخي مكروسوفت..:)
Microsoft
07-12-2007, 02:19 PM
حياك ربي .. والله يوفقك في كل أمورك

|3|
REVOLUTIONARY
07-12-2007, 02:32 PM
ارحب مكروسوفت:cool:
والله يوفق الجميع|1|
M.W4EVER
07-12-2007, 03:00 PM
ياخوي انا متأكد 1000000 % ان محرك السوناتا ال 6سلندر اللي جنطها 16 وعند الوعلان 215 حصان واللي مو مصدق يروح الوعلان ويشوف ويسأل بنفسه طبعا الموديل 2008 موجود ومتوفر
REVOLUTIONARY
07-12-2007, 03:18 PM
حياك الله اخوي "احب الكوري"

يعني محرك 3.3لتر 215حصان؟؟مشكوووور على المعلومة عزيزي
وياليت تقولي كم سعره عند الوعلان مع مواصفاته2008 وهل هو الشبك الجديد او لا؟؟

يعطيك العافية عزيزي واتعبناك معنا..:)
M.W4EVER
14-12-2007, 05:03 PM
مواصفاته جنوط 16 وقير اوتو ومراتب مخمل وكشافات ضباب ب 65000 ريال
REVOLUTIONARY
15-12-2007, 02:06 AM
^^^^^^^^^
شكراً
M.W4EVER
15-12-2007, 11:59 AM
هلا حياك وأنا حاضر وفي الخدمه لأعضاء المنتدى الغالي