عـــشرة عمر مع الوحوش الأمريكيه

[نابولي89]

هذه قصتي مع الوحوش الامريكيه من موديلات 1978م حتى 1990 م فقط والتى كانت تسمى شفر ليت او وحوش امريكيه والتى توقفت عند عام 1990 م فقط
أمـــا الموديلات 91 وفوق لاتـــــــــــــــــعلـــيق ،،،،



http://www.momeen.org/up/uploads/b34ba19405.jpg سوبر 1987

http://www.momeen.org/up/uploads/cbc3446aaf.gif كابرس 78

http://www.momeen.org/up/uploads/bc23772ce4.jpg كابرس 79

http://www.momeen.org/up/uploads/84390446e2.jpg كابرس 84

http://www.momeen.org/up/uploads/6ae7c7b8a6.jpg كابرس84

http://www.momeen.org/up/uploads/b42aacc166.jpg كابرس90


اخيراً بصراحه كانت احلى فترة قيادة للسيارات بحياتي

أتمنى ان اكون قد وفقت بنقل صوره حيه عن الماضي والزمن الجميل

تحياتي ومودتي للجميع

[abdohad90]

والله انك وحش!!

هذي السيارات اللي تعجبني

و دائما اقول

يا ريتني ابن هذاك الزمان!!

[نسناس]

http://www.momeen.org/up/uploads/b42aacc166.jpg
.
هاذي أحلى صورة
أتوقع لو يعيدون أنتاجها جديدة بنفس شكلها راح تمشي بأسواقنا بسهوله
:D

[عميد الطائف]

شكراً لك نابولي...

والكابرس كله كوم... والـ 1979 كوم... ومعروف إن أفضل موديلات الكابرس 79 و 84 ... ثم 90...

وأنا من المهووسين بالكابرس القديم... والحمد لله عندي الآن كابرسين...

الأول: 1984... على يد الوالد الله يطول عمره.. ولازال مكينة وجير وكل شي شد بلد... وما شالله عليه بالمكيف يجيب الـ 200 ماشالله تبارك الله... أبيض والداخلية بني (ولون الداخلية نادر )
http://xs116.xs.to/xs116/07243/ameed-1984.jpg
وطبعاً ما يخلو الأمر من بعض اللمسات الخفيفة عشان يزيد المظهر المرعب للسيارة:D مثل الرفعة التبريزة...



والثاني: 1988... شريته قبل 3 سنوات ونظيف جداً ... بس ما ياكل عيش مع الــ84... لاقومة ولا خط...|6|
http://xs116.xs.to/xs116/07243/CHEVROLEt88.jpg



والغريب ان الناس تقول: الكابرس يصرف شوف لك سيارة ثانية ما تصرف... وأقول لو يبي عسل بدال البنزين راح أعطيه:D
ويقولون معاك كابرس ليش تشتري كابرس ثاني ؟؟ قلت للناس فيما يعشقون مذاهب...

والحمد لله رب العالمين السيارتين هذي من أنظف الكابرسات في مدينة الطائف... والطائف أصلاً مشهور بحب أهله في الكابرسات القديمة وحتى اللي حاب يشتري كابرس بحالة أصلية غالباً يجي للطائف......

على العموم ألف شكر لك على هالموضوع... وقريب بإذن الله راح أنزل قصة حياتي مع حبيباتي...:D

[arab mix]

يــــــــا أخــــــــي صــــــدقنــــــــي هسيــــــارات لو يعاد تصنيعها يا سلام ......

عليها قوووووووة تحمل والله ما شفتها بحياتي واسئل مجرب آآآآآهـ يلـ>> 89

ياريت لو يعيدو تصنيعها حتى لـو بـ 100.000 ريال اشتريها عا11111111دي بس يرجع شي من الزمن الجميل..

نابولي انت تحب تقلب المواجع والذكريات :)

[GTA_IV]

هذي المواتر ولا بلاش مب الجديده الكابرس موديل 2000

قسم بالله مااش

بصراحه القديمه قوه في الحديد وقوه في المكينه وفخامه كلاسيكيه
وراحه يعني مدري وش اقول وش اخلي

وجربت كابرس كوبيه موديل 73 قمة الراحه والجمال
هذا شكل الكابرس موديل 73
http://www.l22l.com/l22l-up-1/3aa1903bc9.jpg

ومثل ماقال الاخ abdohad ليتني ولد هذاك الزمان

يعطيك الف عافيه ياوحش

تشكراتي

[هاوي الفكتوريا]

والله صحيح لو يرجع تصنيعه كان تشوف سوقه كيف يمشي ..........بس زمان مر (((راح علينا)))
مشكورين علي الصور الرائعه..

[نسناس]

أقول لو يبي عسل بدال البنزين راح أعطيه:D






هذا عشق
بس عسا ما تعبيها عسل دوعني
تطلع قيمة يوكن دينالي بشهر

لو يدري المدير التنفيذي لجنرال موتورز بهالكلام يمكن يصنع لك كابريس من ذهـب

:D

[راعي الصابونه]

مشكووووور على الصور جدا جدا جدا وبصراحه وجعت قلبي لما تذكر هالسيارات,

بالنسبه لذكرياتي مع الكابرس كانت في موديل 84 مع الوالد و87 برضو مع الوالد وال91 معاي و اخيرا 95 معاي

والوالد يقول افضل كابرس اشتراه ال91 لانه صار بخاخ وبالتالي معد فيه مشاكل الكربريتر مثل السابق ,

وان شاء الله نجدد الثقه في 2008 قريبا , لكن بما انك ماجربت ال1996 LT1 فانا باعذرك ,

لاني اعتقد انه افضل كابرس نزل و موووووووتر لن يتكرر وكل من جرب ال96 والقديم يرى ذلك

[FARES__KSA]

والله هذا الكلام
اه لو يحصلولي واحد مصنع من جديد بس لا يكون حديد الحين
ابي حديد اول اللي اذا ظغطته باصبعك ينكسر اصبعك
اما الحين اضغط الرفرف باصبعك والله ان يدخل معك

وينك يا تسعاوي
صحيح لي قالوا (( تسعاوي يجرح ويداوي ))

http://www.momeen.org/up/uploads/bc23772ce4.jpg

جدي كان معه واحد مثل هذا بس ابيض داخليه اذا ما خاب ظني كحلي
بس في النظافه اسال عنه
يا لبييييييييييييييييييييييييييه
بس خساره راح
عيون الناس ما ترحم خاااااااااصه في الطايف
سار مرحوم تحت قلاب وهو قدام البيت

[M I X I S]

الكابرس و ما أدراك مالكابرس

يا كثر شعبية هالسيارة

يضرب بها المثل في السلامة في الوقت الحالي

خل واحد اليوم يخش بكابرس أو يحك فيه

خلاص يسلم على موتره

و على طاري دعاية اللومينا " صممت خصيصا للخليج "

أنا أقول الكابرس الأولي هو اللي صمم خصيصا للخليج ,,,

[راعي الفورد\\))]

حلات الكوابرس القديمه انه حديد اصدم او ماجاك علي هههههه

مشكور الله يعطيك العافيه

[Automobile]

الشفروليه هي اسطورة السيارات الأمريكية من 1965-1996
وموديلات 1977-1990 كانت الأشهر والأكثر شعبية http://www.assayyarat.com/forums/images/icons/icon13.gif
ويكفي ان الشركة باعت مليون نسخه في أول سنتين لها (1977-1978) ! |10|
وللأسف أن الشركه توقفت عن إنتاج مثل هذه السيارات الأسطوريه
واللي تمشي الى الآن بشوارعنا وبمشاكل ميكانيكية قليله مقارنه بالجديد
سيارات فعلا هيبه ومتانه وقوه وراحه وإعتماديه لأبعد الحدود
طبعا نذكر موديل 79 الأسطوري http://www.assayyarat.com/forums/images/icons/a16.gif وشكله الأنيق |6|
وللأسف كانت التسعينات نهاية المطاف ...
طبعا اللي يمتلك واحده من هالموديلات ، كأنه يمتلك ثروه ماليه ومعنويه
لأن الموديلات القديمه كانت فعلا تحف فنيه

على العموم ، يعطيك العافية على هذه الموضوع الجميل وهذه الصور الرائعه
والتي أثارت ، وحركت فينا ، الكثير من المشاعر والذكريات الجميله ...

[عاشق المدمر]

التسعاوي يجرح ويداوي

على الخط متساوي

مافيه كابرس مثله مساوي