(نقاش حر) ياخوان مين الناصح والفاهم - اللي يشري جديد او بدور مستعمل

[eng2s]

مبن الناصح




الفهمان


اللي فاهم السوق

وعارف اللعبة

اللي يشري جديد او يدور مستعمل

انا من تجربتي اشري جديد من زمن طويل وعمي ما شريت مستمل


لكن خساراتي كبيرة

مثال كامري اكس ال 63 الف بعد ستة شهور 51 الف ومشيت 25
خسارة 12 الف الخ.....................

وواحد صاحبي مايدور الا مستعمل
او اخو الجديد
يبدل على كيفو وببلاش


مع العلم اي سيارة تلقاها مستعمل حتى 2007

من الفهمان
اللي يشري جديد
او يدور اخو الجديد

[أكورد فضي]

اهلا بك اخي الكريم

هناك قاعده تذكرها دائما اخي الكريم وهو ان الجديد دائما افضل من المستعمل......في حالة مقدرتك على شراء الجديد ابعد دائما عن المستعمل....
ولكن واضح في حالتك انك تهتم لسعر مابعد البيع....اخي لاحظ ان هناك سيارات تحتفظ باسعارها بعد شرائها واستخدامها يعني باختصار شيك في الجيب مثل التويوتا مثلا وهناك سيارات لاتحتفط بسعرها بل ان سعرها ينزل الى اقل من النصف في سنه واحد مثل سيارات الجي ام كالكابريس مثلا.......

واضح ان سعر مابعد البيع يهمك ولذلك اشتر سيارة من سيارات تويوتا وتكون جديد من الوكاله.....سوف تصطاد عصفورين بحجر:

اولا انك اخذت سيارة جديده ولذلك فهي افضل من شراء سيارة مستعمله
ثانيا انها شيك في الجيب ففي حالة رغبتك في بيع السيارة لن ينزل من سعرها الكثير ......

اخوك
اكورد فضي

[salehhd]

السلام عليكم

من تجربتي لاستخدام السيارات فترة طويلة
لمثل حالتك الي يحب التغيير دايم المستعمل افضل وما يخسر فيه كثير
اما الي يبي السيارة حق 3 سنوات واكثر الجديد افضل لاكن مايكون من النوع الفخم لانه يخسر كثير من قيمة

[المارودر 2004]

الجديد افضل لكن اللي يبي يشتري جديد يكون مشتري عن اقتناع تااام ومايكون ناوي يبيع
اما اذا فيه نية بيع فالمستعمل انسب

[اكورداوي]

السلام عليكم

زبده الموضوع الفاهم هو اللي يسوي الاتي:

اذا كانت السياره مستعمله تكون نظيفه و سعرها معقول اشتريها احسن من الجديد لان الفرق بيكون بسيط في النظافه و كبير بالسعر.

واللي يمل من السيارات بسرعه احسن شي انه يشتري مستعمل و بس عشان مايجلس يخسر كل شوي.

واللي يشتري سياره للعمر (فوق ثلاث اربع سنوات) ياخذ جديد احسن

والمستعمل اللي يكون تحت الضمان و غير ملعوب و غير مصلح من قبل.. بنظري احسن من انك تخسر ثمن سياره جديده

والميزه بالسيارات الجديده انك ممكن تتحكم بالمواصفات اللي تباها يعني زي الاوبشن واللون وكذا اما المستعمل يجيك جاهز

واذا تريد تشم ريحه الوكاله خذ جديد:D :D :D


وانت صاحب القرار في النهايه


وشكرا لطرح الموضوع اللي حير اغلب الناس فس العالم

[GM_TAHOE]

السلام عليكم

من تجربتي لاستخدام السيارات فترة طويلة
لمثل حالتك الي يحب التغيير دايم المستعمل افضل وما يخسر فيه كثير
اما الي يبي السيارة حق 3 سنوات واكثر الجديد افضل لاكن مايكون من النوع الفخم لانه يخسر كثير من قيمة

هلا أخوي
مثل مقالك أخوي صالح
وعلى كلامك انك تحب التغيير كل فترة قصيرة
ذكرتني بخالي في سنتين اشتراء 5 سيارات بيع وشراء خسر في هذي السنتين مايقارب 20000 ريال
واخرها الكامري 2007 مستخدمها بس ست شهووور وماشي 7000 كيلو بس
طاح من سعرها 13000 ريال + انة مركب جنوط وكالة بــ 4000 ريال = 17000 ريال خسارة
فلأفضل لك هو المستعمل
اخوي من المعروف ان السيارة الجديدة لما تركب عليها اللوحات خلاص لاجيت تبيعها
يطيح من سعرها مايقل 6000 ريال حتة لو كانت ماشية بس 60 كيلو مجرد ماتطلعلها لوحات تطيح سعرها على طوووول
فاذا كنت على هذا الحال بتخسر كثيييير
فخذلك مستعمل ( أخو الجديد ) يعني تاخذلك واحد ماشي من 1000 الى 8000 كيلو


أخوك
S O S O 2 0 0 4

[mnsalmns]

مشكور أخوي عالموضوع......... صراحة موضوع مهم جدا

فية كثير يضن إن الواحد مايشتري سيارة مستعملة إلا إذا كان ما عندة فلوس.........يعني بالعربي خيار الضعوغ المساكين

انا زيك ماقد شريت مستعمل و كات هاذي فكرتي عن المستعمل لكن الحقيقة تغير نظرتي بعد ماشريت سيارة مستعملة

طبعا فية نوعين من الناس ممكن يشترون مستعمل...النوع الأول عو إلي ماعندة فلوس و مايقدر يشتري جديد
النوع الثاني هو إلي يفكر بالربح و الخسارة و يحط إعتبارات مثل نزول سعر السيارة و قيمتها إلخ إلخ و انا راح اتكلم عن النوع الثاني

طبعا معروف إن من ناحية الخرابات أكيد السيارة الجديدة هي أفضل خيار لأنك عارف تاريخ السيارة زين ومافي شي مخفي عنك لكن طبعا معروف إن السيارة الجديدة أغلى

شخصيا أشوف إنك إذا إخترت السيارة المستعملة كويس فإنك راح توفر مبالغ كبيرة خصوصا إذا كانت السيارة إلي تبيها أصلا غالية

مثلا خلنا نفرض غنك تبي سيارة فخمة قيمتها فوق ال200 ألف لكنك ماتبي تدفع كل هالمبلغ حتى لو كان معاك, لو لقيت سيارة من هالتوع جديدة نوعا ما يعني مالها إلا سنو أو سنتين و خالية من المشاكل فراح تقدر تشتريها بأقل من السعر الأصلي بحوالي 20-25% و إذا كانت لها 3 سنين راح توفر أكثر و أكثر و السيارة راح تكون تقريبا جديدة و فيها كل التقنيات و المزايا الجديدة و تلقاها لسة على الضمان يعني شعور السيارة الجديدة لسة موجود مع توفير 30 أو 40 ألف

السيارة إلي شؤيتها ماكانت غالية... تجربتي بصراحة إني من زمااان و أنا أبي رانجلر و كان ودي بواحد قبل ما أتزوج فقررت أخذلي واحد لكن صراحة أستغليت سعرة و ماحبيت أدفع كل هالمبلغ علية ففكرت أشوف مستعمل لكني أكتشفت إن المستعمل كلة تقريبا تعبان و مالقيت ولا سيارة زينة لكن مع طول البال و البحث لقيت واحد عند دكتور انجليزي وماكان يستخدمها إلا للشغل و ماكانت ماشية إلا 30 ألف و معاها كل أوراق الصيانة........ المهم السيارة شفتها لقطة فشريتها ووفرت على روحي تقريبا 40 ألف ريال و شريت السيارة إلي أبيها و السيارة لها ألحيين 3 سنين و ماشفت منها شي الحمد للة و هاذي كانت التجربة الأولي و الوحيدة لي مع المستعمل لكن بالنظر لنتايجها ما اعتقد بتصير الخيرة

أهم شي إنك تاخد كل سيارة لحالها و تشوف إذا تسوى إنك تشريها ولا لأ يعني شوف مقدار نزول السعر عن سعر الجديدة و نوعية راعيها الولاني هل هو من النوع المحافض على سيارتة و شيك على خرابات السيارة و جربها لأن شراء سيارة مستعملة قد يكون خيار ذكي جدا يوفر عليك ألاف أو قد تكون قد ورطت نفسك مع سيارة مليانة خرابات