تجربتي للكروان فيكتوريا 2006 [الأرشيف]

مشاهدة النسخة كاملة : تجربتي للكروان فيكتوريا 2006

رئودي

23-05-2007, 01:07 PM

السلام عليكم ....انا كنت ناوي على شراء كروان فيكتوريا ...فقلت خلني استأجرها يوم واجربها

طبعا من وجهه نظري من مميزاتها انها مريحه جدا و راسيه في الخط ....عازليه الصوت فيها تعتبر جيده ....

دعستها وقومتها تعتبر ممتازه ....تأخذ المطبات ولا كأنه طلعت فوق مطب :)
التكيف فيها ممتاز ....

لكن عيوبها :

صوت المكيف عااااااااالي جدا ومزعج :(

السياره في اللفات تزحف زحف ،،،يعني مثلا امس كنت ابي الف يو تيرن ...وانا في اللفه دعست اللي السياره زحفت علي:eek:

وانا صراحه اعتبره عيب كبير جدا :(

ويمكن اصرف نظر عن الفيكتوريا ...

ربكم يعين،،،شكلي بقعد طول عمري وانا قاعد افكر وش آخذ موتر :D

تحياتي لكم جميعا

أنـــــس

23-05-2007, 02:00 PM

مشكور على التقرير المتواضع..

بس حبيت أعلق على كم نقطة:-

1-صوت المكيف تقول أنه مزعج يعني كيف يطلع الهواء بدون صوت وأول مرة أسمع واحد يقول صوت المكيف مزعج!!:eek:

2-تقول أن السيارة تزحف في اللفات ...لأن السيارة كبيرة حجم وثقيلة وأنا من تجربتي رااااائعة جداً وراسية ماشاء الله

أكرر شكري والله يرزقنا وإياك بكل خير

تحياتي....

عاشق الفوورد

23-05-2007, 02:11 PM

لكن عيوبها :

صوت المكيف عااااااااالي جدا ومزعج :(

السياره في اللفات تزحف زحف ،،،يعني مثلا امس كنت ابي الف يو تيرن ...وانا في اللفه دعست اللي السياره زحفت علي:eek:

وانا صراحه اعتبره عيب كبير جدا :(

ويمكن اصرف نظر عن الفيكتوريا ...

ربكم يعين،،،شكلي بقعد طول عمري وانا قاعد افكر وش آخذ موتر :D

تحياتي لكم جميعا

انت تقول السياره تزحف لمن تاخذ يو تيرن
هذا طبيعي لان السياره دفع خلفي ومكينه قوويه ( العزم قوي )
طبعااااا انت تحتاج وقت لمن تتعود تسوق الفورد ;) لان دعسته خفيفه

وانت تقول ان المكيف صوووته مزعج انا ماااشووف فيه شي
الا اذا حطيته على اعلى شي وهذا في اي سياره

وعمومااا مافيه سياره بدون عيووب

تقبلوو تحياتي |4|

hmsnr

23-05-2007, 02:59 PM

يعطيك العافيه انا جربت فورد كروان فكترويا 2005 مالقيت فيه شي من الي تقوله المكيف بارد وهادئ نعم لمن ترفعه اعلا شي بيطلع صوت حتى المرسيدس يطلع صوت لمن ترفعه اعلا شي من ناحية اليوتيرم هذا مثل ماقال لك عاشق فورد الدفع الخلفي يلعب دور ولمن تتعود على السياره بتشوف انها افضل من كثير سيارات . وعندي تعليق على الاطارات نقشتهم مب كبيره ومب واسعه حتى تعمل تماسك في الارض افضل تتغير .

تحياتي

CamSHAFT

23-05-2007, 03:07 PM

من ناحية الزحف,, طبيعي في الدفع الخلفي خصوصا اللي مافيه انظمة تعليق متطورة زي الالماني,, مثال الفكتوريا والكابرس واللومينا والجمس
انا معي لومينا والزحف ولا اسهل,, بس خلاص تعودت عليها وصرت اعرف كيف اتحكم فيها وكيف اوزن رجلي على الدعسة بحيث ماتزحف ولاتفحط
يعني اذا على هالنقطة لاتهتم راح تتعود يمكن لأنك جديد على الدفع الخلفي او متعود تسوق الماني

mnsalmns

23-05-2007, 08:20 PM

عندنا كراون فكتوريا في البيت أستخدمة بعض الأحيان ا>ا دخلت سيارتي الوكالة

السيارة برأيي من مميزاتها انها مريحة و قوية و واسعة و سعرها حلو مرة

أشوف ايضا ان الكراون و الفكتوريا مصنعين زين و عمرهم طويل و يستحملون.... عمي كان عندة وحدة مشا فيها اكثر من 200 ألف و بعدين باعها و أشترى محدة جديدة

شخصيا كنت راضي مع مكيف سيارتنا و مالاخضت علية شي

أما بالنسبة للملفات ترا السيارة طويلة و نوعا ما قوية نبيا يعني توزيع الوزن عند اللفات القوية بيكون ظعيف شوي مما يؤدي لزحفان السيارة

اسطوانه

23-05-2007, 08:57 PM

اخ رئودي

انا من المعجبين والعاشقين للكراون فكتوريا
ومعاي كراون فكتوريا 2004
ومن خبرتي بتجربتي لها
انصحك اليوم قبل بكره انك تشتريها
وخذ الكلام من مجرب
الكراون فكتوريا سياره رائعه وان بغيتها للكرف فهي تكرف كرررف
ومن ناحية الراحه فالسياره غرفة نوم
ومن ناحية صوت المكيف انا معك اذا رفعت من قوة مروحة المكيف بس هذا شي طبيعي بكل سياره
والاكثر من ذلك
من ناحية الصدامات فهي قوية
وقطع الغيار سعرها رخيص ومعقول ومتوووفر بكل مكان
واذا صرفت نظر عن الفورد سواء كراون فكتوريا او قراند ماركيز
ايش تبي تاخذ
واذا كنت تبي تاخذ الماني
لاتنسى الاماني غالي وصيانته صعبه ولاتنسى ان شوارعنا عاد ماشاء الله نظيفه ومافيها حفر يعني لزم تتذكر سوء الشوارع والحفريات
والاماني حساس جدا
واذا حبيت تاخذ لومينا او كابريس او كامري او غيرها
فتذكر ان اللومينا والكابريس جوده مافي وخرابات وعطلات كثيره
والقطع نار
والكامري مافيها اي شي مميز الا قوة الانوار فقط
والمكسيما سرعه على قلة فااايده وقطع ناار
والمازدا زووم الكورولا او غيرها فهي للاطفال وصغار السن او طالب المتوسط والثانوي

فأنصحك اخي الكريم بالفورد فهي سياره مناااسبه
جربها وراح تدعيلي وتدعي لكل من ينصحك فيها لكن العيب الوحيد بالكراون فكتوريا ضعف الانوار فقط
لكن ركب لها مقوي او شمعات زنون

تحياتي
الاسطوانه

فيصل بن محمد

24-05-2007, 02:31 AM

طبعا انا ماراح اتكلم عن الفكتوريا

ولكن عندي نقطه مهمه وهي انا اشتري السيارة عشان اديور وادعس وتزحف ولا اشتري السياره عشان

استعملها استعمال عقلاني

ثانيا هذي سيارة كبيره ومخصصه للراحه والقياده الهادئه وليست سياره سبور

المكيف طبيعي كل السيارات فيها صوت

والله الموفق

أبو محمد 6 6 6

24-05-2007, 02:57 AM

الأخوان ما قصروا , لكن بصراحة اللي يجرب الفورد ما يركب غيره. :)

أنا كان معي فورد كروان فكتوريا 94 فل أبشن قمة قمة قمة و الله في كل شي ... من ناحية الفخامة فخمة خاصة إن السيارة داخليتها كحلي و جلد كحلي و مع التخشيب و التلميع طالعة السيارة اليمه بكل ما تعنيه الكلمة , و من ناحية الجودة و الله العظيم يا إخوان إني كنت في السنه الوحده ما أغيرلها الزيت إلا مرة وحده !!! و مع ذلك ماشية و خادمتنا و الآن مع أخوي الصغير يستخدمها و كارف أبوها و ما قالت أح.

لذلك أنا أنصحك إنك تاخذ الكروان فكتوريا و أنت مغمض جودة و راحة و وسع و سيارة تخدمك و تجملك في مدينة و في خط.

أبو محمد 6 6 6

|3|

أبوعمر

26-05-2007, 01:25 PM

والله الاخوان صادقين
لا تدور غير الفكتوريا ،،
وبالنسبة للدعسة لا تنسى انها 8 سلندر وقويه فدعستها لازم تصير خفيفه يعني محتاجه موزانه بس

وصدقني راح تحبها بس تتعود عليها وراح تلاحظ فرقها ومميزاتها وقوتها بالنسبه للسيارات الثانية

موفق اخوي

dar4arab

26-05-2007, 07:38 PM

A L H A M O O R

27-05-2007, 12:13 AM

خوي dar الميركوري جرتند ماركيز 2007 GS فيها مانع انزلاق ABS ولا ؟؟

فيصل بن محمد

27-05-2007, 12:29 AM

خوي dar الميركوري جرتند ماركيز 2007 GS فيها مانع انزلاق ABS ولا ؟؟

شرفتنا يالهامور

الذي يقصده هو مانع الانزلاق التراكشن اللي اذا دعست ماتفحط السيارة ابدا او دعست مع لفه ماتزحف السيارة ابدا

ال اي بي اس هو الفرامل المانع للانزلاق وهو موجود في الميركوري الاستندر والفكتوريا الاستندر الان في موديلات

2006 و 2007 واصبح ميزه قياسيه في السيارتين وليس محصور في الفل كامل كما في الموديلات السابقه

والله الموفق

A L H A M O O R

27-05-2007, 01:27 AM

ما قصرت أخوي فيصل

رئودي

27-05-2007, 06:17 PM

شرفتنا يالهامور

الذي يقصده هو مانع الانزلاق التراكشن اللي اذا دعست ماتفحط السيارة ابدا او دعست مع لفه ماتزحف السيارة ابدا

ال اي بي اس هو الفرامل المانع للانزلاق وهو موجود في الميركوري الاستندر والفكتوريا الاستندر الان في موديلات

2006 و 2007 واصبح ميزه قياسيه في السيارتين وليس محصور في الفل كامل كما في الموديلات السابقه

والله الموفق

هلا وغلا اخوي فيصل سبورت
بس اخوي انا الموديل آخذته هو 2006 ستاندر والسياره سحفت علي في اللفه ؟؟؟؟؟؟؟

معقوله زحفت بالرغم من وجود مانع الانزلاق التراكشن؟؟؟؟؟

اجل لو ما كان فيها وش كان بيصير؟؟؟؟؟؟:)

لاحووووول كانو سوها دفع امامي وريحونا ،بس مافي شي كامل الكمال لله

واشكر جميع من شارك بالموضوع
تحياتي لكم جميعا

فيصل بن محمد

27-05-2007, 11:21 PM

هلا وغلا اخوي فيصل سبورت
بس اخوي انا الموديل آخذته هو 2006 ستاندر والسياره سحفت علي في اللفه ؟؟؟؟؟؟؟

معقوله زحفت بالرغم من وجود مانع الانزلاق التراكشن؟؟؟؟؟

اجل لو ما كان فيها وش كان بيصير؟؟؟؟؟؟:)

لاحووووول كانو سوها دفع امامي وريحونا ،بس مافي شي كامل الكمال لله

واشكر جميع من شارك بالموضوع
تحياتي لكم جميعا

2006 استندر مافيه تراكشن ثاني شي كل سيارة دفع خلفي تزحف باللفه اذا دعست عليها

اجل وشلون لو سقت الكابرس ودعست عليه بالفه ان متاكد انك ماراح تقدر تمسكه من القوه اللي فيه

موضوع اللفات يعتمد على قائد السيارة

ثاني شي لاتدعس مع اللفات عشان ماتغير الكفرات بسرعة

والله الموفق

اسطوانه

28-05-2007, 05:22 AM

بالنسبه لمانع الانزلاق ولد خالي معاه كروان فكتوريا مستورده من امريكا ستاندر موديل 98 وفيها مانع انزلاق
وموجود ايضا بالدرج تقدر تطفيه ويشتغل تلقائي اذا عطيتها دعسه على رمل او شارع ممطر
بس انا عندي ملاحظه على الفورد الاستخدام اللي تجي من امريكا
فيها قوة وتكرف كررف اكثر من المواصفات السعوديه ( توكيلات الجزيره)
وانتم لاحظوا الفرق اذا شفتو فورد مواصفات سعوديه او مواصفات الاستخدام (المستورده من امريكا) تلقون المستورده انظف
والبدي افضل لان اجوائهم مو مشمسه وشوارعهم مافيها حفريات ومطبات

كيف تفرقون بين الفورد المواصفات السعودي والاستخدام؟

المواصفات السعوديه لها شكمانين والاستخدام فقط شكمان واحد
ايضا الجلده السفليه للسياره الاستخدام تأتي كامله من الباب الخلفي الى الرفرف الامامي
والمواصفات السعوديه الجلده تأتي من الباب الخلفي الى الباب الامامي دون الرفرف الامامي

ومن الداخل الاستخدام تأتي تكايات اليد ثنتين للسائق والراكب
والسعودي تأتي واحده متصله بسبب فتحات المكيف المتصله بها للركاب بالمقعد الخلفي

واهم شي لمن اراد شراء فورد استخدام ينتبه للرقم الموجود اعلى الطبلون جهة الساائق بجانب حساس الريموت( اللمبه الحمراء)
هناك من ضمن الارقام بعد حرف pاذا كان الرقم 71 فهذه تاكسي في امريكا
واذا كانت p72فهذه بولس (فورد شرطه في امريكا )
p73ستاندر اقل المواصفات
p74 نص فل وفل كامل بدون العداد الالكتورنيp75 المواصفات التوب
على حسب الهيدروليك والمسجل السي دي

ملاحظه للفوردات المستورده من امريكا

كثير من الناس يعتقد ان القراند ماركيز المستورده من امريكا لل تكون سياره شرطه او تاكسي فهذا خطاء
ولو تلاحظون بالافلام تلقوم قراند ماركيز دوريات سريه وشرطه او مباحث

باختصار اذا شفتو الفورد من الداخل مخرم الديكور ومحفر مكان التخشيب واثار تلفون او اجهزه ابعدوا عنها لانها سيارة دوريات او تاكسي في امريكا

وانتبهوا ايضا للشنطه من الداخل اذا كانت مخرومه وموجود عليها اثر اريل الافضل الابتعاد عنها

واللي يعرف له موضف في توكيلات الجزيره يجيب له رقم الشاصيه والموضف يدخله بكومبيوتر الشركه
ويجيب له حالة السياره في امريكا هل هي دوريات وتكاسي او عاديه وايضا من اي ولايه جات واخر مره دخلت الصيانه في امريكا واي عيب في السياره يطلعونه
ويقدر ايضا يفك دعستها ويخليها ماتفصل
تجيب 200 كلم بدل ماتفصل على 180كلم

اسف للاطاله عليكم ولكن هذه نصيحه للي يرغب بشراء فورد مستورده

لانها اما تأخذ نضيفه وبحاله ممتازه واما تكون معدومه ومهلوكه والناس تنغر بالشكل الخارجي وتلميع الصالات للسياره

تحياتي

اسطوانه

28-05-2007, 05:32 AM

شرفتنا يالهامور

الذي يقصده هو مانع الانزلاق التراكشن اللي اذا دعست ماتفحط السيارة ابدا او دعست مع لفه ماتزحف السيارة ابدا

ال اي بي اس هو الفرامل المانع للانزلاق وهو موجود في الميركوري الاستندر والفكتوريا الاستندر الان في موديلات

2006 و 2007 واصبح ميزه قياسيه في السيارتين وليس محصور في الفل كامل كما في الموديلات السابقه

والله الموفق

اخواني اللي اعرفه وجربته شخصيا في موديلات الفورد
من 98 الى 2007 بجميع المواصفات الاستاندر والمواصفات التوب
موجود فيها مانع انزلاق وموجود فيها الاي بي اس
وانا جربت المستورد من الخارج
اما الماوصفات السعوديه ماجربتها وماسألت اللي جربوها عن الاي بي اس ومانع الانزلاق

MGM LS

28-05-2007, 12:05 PM

اخواني اللي اعرفه وجربته شخصيا في موديلات الفورد
من 98 الى 2007 بجميع المواصفات الاستاندر والمواصفات التوب
موجود فيها مانع انزلاق وموجود فيها الاي بي اس
وانا جربت المستورد من الخارج
اما الماوصفات السعوديه ماجربتها وماسألت اللي جربوها عن الاي بي اس ومانع الانزلاق

اخي الغالي لدي فورد ماركيز 1999 GS نصف فل

إستخدام امريكي

ولا يوجد بها ABS

والدليل أدعس دواسه الفرامل للاخير إذا حسيت زي التردد

هذي فيها ABS

وغير كذا يوم افرمل بقوه يطلع صوت الكفرات

اما ABS مجربه بماركيز 2003 ضغطت على الدواسه للاخير

وحصل زي التردد للدواسه ووقفت بدون صوت ولا شئ

حتى مانع الانزلاق اعتقد انه مافيها

قلبت السياره فوق تحت بالدرج وبغير الدرج ما فيه لازر ولا هم يحزنون

ودائماً الانظمة هذه بإمكانك معرفتها بأول ما تشغل السياره

تطلع لك انظمة السياره على الشاشه على طول وتختفي بسرعه

إذا كانت شغاله كلها والوضع تمام

وتقبل مني وافر الاحترام والتقدير ,,,,

اسطوانه

29-05-2007, 08:23 AM

اخي الغالي لدي فورد ماركيز 1999 GS نصف فل

إستخدام امريكي

ولا يوجد بها ABS

والدليل أدعس دواسه الفرامل للاخير إذا حسيت زي التردد

هذي فيها ABS

وغير كذا يوم افرمل بقوه يطلع صوت الكفرات

اما ABS مجربه بماركيز 2003 ضغطت على الدواسه للاخير

وحصل زي التردد للدواسه ووقفت بدون صوت ولا شئ

حتى مانع الانزلاق اعتقد انه مافيها

قلبت السياره فوق تحت بالدرج وبغير الدرج ما فيه لازر ولا هم يحزنون

ودائماً الانظمة هذه بإمكانك معرفتها بأول ما تشغل السياره

تطلع لك انظمة السياره على الشاشه على طول وتختفي بسرعه

إذا كانت شغاله كلها والوضع تمام

وتقبل مني وافر الاحترام والتقدير ,,,,

اخوي تأكد اول ماتغل السويتش شوف لمبات التحذير اللي بالعداد وراح تشوف لمبة ABS باللون الاصفر

تحياتي

فيصل بن محمد

29-05-2007, 01:22 PM

ال ABS موجود على الفل كامل كميزه قياسيه اما على الاستندر فهو اختياري ونادر مايكون موجود

في الموديلات القديمه على الاستندر اما الموديلات الجديده 2006 و 2007 فهي اصبحت قياسيه على الاستندر

MGM LS

29-05-2007, 08:41 PM

اخوي تأكد اول ماتغل السويتش شوف لمبات التحذير اللي بالعداد وراح تشوف لمبة ABS باللون الاصفر

تحياتي

يا غالي اعرف الـ ABS ولون لمبته

و مكانه بشاشه الفورد

ووظيفته

لكن اللي عندي مافيها ABS

وتقدر كذلك تعرف إذا سيارتك فيها ABS أو لا بالطريقه المذكورة بالرد الأول

وهذه الاشياء كلها مو موجودة عندي

وشاكر ومقدر لك ,,,

اسطوانه

30-05-2007, 03:00 AM

يا غالي اعرف الـ ABS ولون لمبته

و مكانه بشاشه الفورد

ووظيفته

لكن اللي عندي مافيها ABS

وتقدر كذلك تعرف إذا سيارتك فيها ABS أو لا بالطريقه المذكورة بالرد الأول

وهذه الاشياء كلها مو موجودة عندي

وشاكر ومقدر لك ,,,

والله ياخوي انا شخصيا مجرب الكراون فكتوريا 99 ستاندر
وحاليا كراون فكتوريا 2004 قير ارضي ومواصفات فل الفل
وجميعها فيها ABS
ملاحظه: تجربتي للفورد المستورد من امريكا وليس وارد الجزيره المواصفات السعوديه

وبرضوا كنت مركب جنوط مقاس 17 للكراون ال99 وضرب علي الكفر وركبت الاستبنه مقاس 16
ولاحظت ان السياره تفصل على 80 والدعسه تثقل
ولفيت الورش ومحد عرف السبب والمشكله اكشفوا عليها بكومبيوتر خاص لل ABS الا واحد سوري قال بسبب اختلاف مقاس الجنوط لان الاستبنه مقاس 16 والباقي 17
ورفعت مكبس ABS الموجود بالكبوت تحت فلتر الهوا وصارت تشتغل لمبة ABS وتعني انه مو شغال وصارت السياره تمشي تمام وماتفصل الين ركبت الجنط وغيرت الاستبنه وفتحت الكبوت وضغطت مكبس ABS للاسفل وصارت السياره تمام

وصاحبي معاه فورد مواصفات سعوديه موديل 99 ضرب الكفر وركب الاستبنه وماصار له اللي صار معي ب ABS مشت السياره تمام

وملاحظ ان الفورد المستورد يختلف ببعض الاشياء عن المواصفات السعوديه

تحياتي ومعذره للاطاله

رئودي

11-06-2007, 06:12 AM

هلا والله بالجميع

يا جماعه الخير ...انا لاحظت قبل ما استأجر السياره، بعض الاشخاص في المنتدى او خارج المنتدى يقولو ان دعسه الفورد ثقليه والقومه تبعاااانه وضعيفه ...

لكن بعد التجربه حسيت ان دعستها قويه ووما احس انها ثقيله .....وحتى دعستها اقوى من اللومينا ...

مدري انتم وش رايكم؟؟؟

تحياتي لكم

عاشق الفوورد

11-06-2007, 11:14 AM

هلا والله بالجميع

ا جماعه الخير ...انا لاحظت قبل ما استأجر السياره، بعض الاشخاص في المنتدى او خارج المنتدى يقولو ان دعسه الفورد ثقليه والقومه تبعاااانه وضعيفه ...
لكن بعد التجربه حسيت ان دعستها قويه ووما احس انها ثقيله .....وحتى دعستها اقوى من اللومينا ...
مدري انتم وش رايكم؟؟؟
تحياتي لكم
اممممممممممممممم اقوى من اللومينا لا وين :D تبي اصحاب اللومينا تعصب علينا اللومينا SS اقوى بكثيرررررررررررررر

الموديلات الجديده دعستها اخف واقوى
الجديد تسارعها من 0 - 100 بـ 8 ثواني

اما القديم امس مجربه من 0 - 100 بــ 11 ثانيه موديل 96 ماركيز امريكي <<== منقهر

تقبلو تحياتي|4|

dar4arab

12-06-2007, 03:37 AM

ياشباب الي حبيت اوضحه لكم وضحه اخونا فيصل ..

الكراون والماركيز الاقل نوع من موديلات 2003 الى 2007 مايجي فيها نظام التراكشن الي اذا كنت مشغله ودعست البانزين كله مايفحط الكفر اما الفل كامل يجي فيها ..

اما ال ABS ( نظام مانع الانزلاق ) الي اذا ضربت فرامل يخلي السياره ماتزلق فهو يجي شي اكيد على الفل كامل والاقل نوع في موديلات 2006 و 2007 اما الاقل نوع بموديلات 2006 و 2007 فهو اختياري يعني بعضها يجي وبعضها لا

هذا بحسب فهمي لكلام اخونا فيصل سبورت

zeyad

12-06-2007, 04:50 AM

انا شخصيا جربت الكراون فكترويا

ولله هي زينه مااقول شي

بس مشكلتها الى جيت مسرع وانت ناسي ان فيه مطب

يحك الصدام الامامي والصدام الخلفي او الخلفي

لانها طويييييله

عاشق الفوورد

12-06-2007, 06:53 AM

انا شخصيا جربت الكراون فكترويا

ولله هي زينه مااقول شي

بس مشكلتها الى جيت مسرع وانت ناسي ان فيه مطب

يحك الصدام الامامي والصدام الخلفي او الخلفي

لانها طويييييله

ههههههههههههههههههههههههه

والله مدري وش اقولك بس انت جاااي مسرع :D يعني تحمد ربك ان ماتنعدم السياره عليك من اذرعه ومساعدات و التناكي البنزين يسلم بس

هذا شي طبيعي انها تحك وانت جاي مسرع
وش السياره اللي ماتحك وانت مسرع :D

هذا شي عادي بكل السيارات وذا حك الصدام بس فتحمد ربك

تقبلوو تحياتي |4|

MGM LS

12-06-2007, 07:38 AM

إذا مسرع فوق الـ 100

والمطب قوي ياخي بكل تاكيد تحك

وبعدين ترى معاك سياره سيدان

مو جيب :)

وبالتوفيق ,,

رئودي

12-06-2007, 12:31 PM

اممممممممممممممم اقوى من اللومينا لا وين :D تبي اصحاب اللومينا تعصب علينا اللومينا SS اقوى بكثيرررررررررررررر

الموديلات الجديده دعستها اخف واقوى
الجديد تسارعها من 0 - 100 بـ 8 ثواني

اما القديم امس مجربه من 0 - 100 بــ 11 ثانيه موديل 96 ماركيز امريكي <<== منقهر

تقبلو تحياتي|4|

عاشق فورد انا قصدي على اللومينا ls موديل 99 اللي معي :)

بعدين وش تقصد بالموديلات الجديده؟؟يعني من 2005؟؟قصدك

GTA_IV

12-06-2007, 02:28 PM

الفورد جداً ممتازه
واذا عالمكيف شي طبيعي والفورد مكيفها ماشاء الله حلو مب شين

والسياره جداً عمليه

افضها على الكابرس واللومينا

يعطيكم العافيه

راعي الصابونه

12-06-2007, 10:43 PM

الكراون فكتوريا كجوده ؟ تمثل جودة السيارات الامريكيه بكل فخر

MGM LS

14-06-2007, 03:19 AM

اخوي راعي الصابونه

إذا تقصد جوده المحركات فهي ولله الحمد جودة ممتازة

ولكن كأغلب السيارات الامريكية فهو يعيبها

التفكك والتأثر بالمطبات بإحداث خلخله داخليه بالديكورات

هذا الشئ الوحيد بنظري اللي يعيب السيارات الامريكية

والفورد بشكل خاص لاني مجربه سنين

ولكم مني وافر الاحترام والتقدير ’’’

مطنش النت

14-06-2007, 04:04 PM

الفورد كله بالشكل هذا العجوز وبمكينتها الثقيلة الضعيفة مستحيل اشتري فورد ..
يكفي انك اذا كنت تمشي وصار بالطريق مطبات خفيفة على شكل 88888 تزحف يمين والا يسار وانت تمشي !!!

والمكينة ماوصلت للحين الـ 300 حصان والـ 5 لتر .. وسيارات الـ 6 سلندر تتعداها بالراحة ..
والمكيف مافيه كاتم يعني ريحة برا داخل السيارة علطول وتوزيع الهواء امكانياته ضئيلة جداً ..

ملك الماركيز

17-06-2007, 11:56 AM

الفورد كله بالشكل هذا العجوز وبمكينتها الثقيلة الضعيفة مستحيل اشتري فورد ..
يكفي انك اذا كنت تمشي وصار بالطريق مطبات خفيفة على شكل 88888 تزحف يمين والا يسار وانت تمشي !!!

هذي في حالة المقصات والجلد تعبانه اما غيرها فلا دز وربك يسهل دربك

والمكينة ماوصلت للحين الـ 300 حصان والـ 5 لتر .. وسيارات الـ 6 سلندر تتعداها بالراحة ..

لا تنسى المارودر وصل لل 300 حصان

والمكيف مافيه كاتم يعني ريحة برا داخل السيارة علطول وتوزيع الهواء امكانياته ضئيلة جداً ..

ايه هنا على حسب الجراند عندي ما احس بريحه الجو إلااذا كان مغبر الفلتر وقديم هذي اقول معاك حق اما غيرها فلا؟

ملاحظة انت مجرب الفورد او الجراند؟؟؟؟؟؟