المساعد الشخصي الرقمي

مشاهدة النسخة كاملة : ضيف جديد يرجو المساعدة من اصحاب الخبرة والاختصاص


BMW-745iL
22-05-2007, 06:46 PM
السلام عيكم ورحمة الله وبركاته

عضو جديد في منتداكم الرائع يطلب المساعدة من ذوو الاختصاص والخبرة

باختصار مشكلتي كالتالي:

لدي سيارة نوع BMW 745iL 2003 وضهرت لي رسالة تقول (Transmision failsafe) اتمنى اني ما أخطأت بالاسبيلنق عموما المشكلة في القير يعني لا استطيع التغيير (القير لا يعمل).

أخذت السيارة في سطحة لأفضل مركز صيانة سيارات BMW عندنا في بريدة ولكن لم يستطيعوا حل المشكلة وقالوا لي إذهب بها للرياض للوكالة أو لاحد الورش. والحقيقة أني لا أعرف إلا الوكالة والوكالة طبعا غالين ولا يعرفون إلا تركيب الجديد ومع هذا يصكونك بموعد.

آمل مساعدتي بالتالي :

1- الاستفادة من رأي من سبق له خبرة في مثل هذه المشكلة.
2- أفضل ورشة في الرياض لصيانة سيارات BMW الجديدة غير الناغي.

شاكرا لكم المساعدة.

أبومالك
الفارس 2008
22-05-2007, 07:11 PM
الحقيقة سوف تجد كل ما تريد في مدن المملكة الشمالية / تبوك /عرعر / الجوف / القريات .
لان الجميع هناك يستخدمون البي ام بكثرة ...فاذا لك صديق او قريب هناك فقم بمشورته....

اخوك
BMW-745iL
22-05-2007, 07:16 PM
أخوي الفارس
أشكرك على سرعة الرد

أنا من منطقة القصيم والرياض أقرب لنا من المنطقة الشمالية و الخيارات و الورش أكثر في الرياض.

شكرا لك.
الفارس 2008
22-05-2007, 07:22 PM
على كل حال ربي يوفقك وتجد ما يرضيك وتضبط سيارتك بس السيارة موديل جديد وانتبه يلعبون فيها الميكانيكيين حيث بعضهم عليمي واذا انت سويت بها شيء خلك فوق روسهم لايغشونك .......وقلت لك الشمالية لان كل 10 سيارات بالشمال تجد فيه خمس بي ام دبليو ....وقطع الغيار .....رخيصة جدا ....
# OMAR #
22-05-2007, 07:58 PM
مادام السالفة قير ماانصحك توديها ورشة ماتدري شلون شغلهم ..
الوكالة اضمن ولو كانت اغلى ..
عاشق الالماني
22-05-2007, 10:26 PM
مادام السالفة قير ماانصحك توديها ورشة ماتدري شلون شغلهم ..
الوكالة اضمن ولو كانت اغلى ..



وانا رأيي من رأي الأخ عمر ، لأن الورش الثانيه مستحيل تصير اخبر من الوكاله .

وحتى الورش الثانيه المختصه في البي ام ماهي رخيصه مثل ماتتوقع يعني الفرق ماراح يكون كبير والوكاله بتشتغل في السياره وانت مطمئن ، لأن للاسف اغلب ورش البي ام والمرسيدس نصابين يعني يغير لك قطع كثيره وسيارتك ماتحتاج .

الله يكون في عونك

تحياتي ..،،
بنز-وبس
22-05-2007, 10:32 PM
ياخوي مبين ان السالفه مشكله كهربائيه
اذا تبي توديها ورشة لازم تكون ورشه مختصه وعلى مستوى وعندها كمبيوترات.
مع اني افضل الوكاله..وانشاء الله تحل المشكله,رغم ان حتى الوكاله احيانا مايعرفوا وش الخراب.بس انشاء الله مشكلتك بسيطه ولاتخاف والكمبيوتر عطل عمل القير بالكامل حتى لا يلحق الضرر باشياء اخرى.

تحياتي.
BMW-745iL
22-05-2007, 11:51 PM
الفارس
عمر
عاشق الألماني
بنز-وبس

شكرا لكم جميعا

اتمنى ان تكون المسألة بسيطة كبيوتر وانت جاي.

عموما انا مازلت انتظر اشهر ورشة سيارات بي ام دبليو غير الناغي بس تكون مشهود لها بالكفاءة، يعني مثل المالكي معروف بالنسبة لسيارات مرسيدس مثلا. انا أعرف ورشه اسمها العيدي أو العييدي اعتقد متخصصين في مرسيدس و بي ام ولهم فروع واحد منهم في طريق الامام محمد وانت رايح غرب لجامعة الملك سعود لكن ما أدري عن شغلهم.

انا في انتظار المزيد من آراء اصحاب الخبرة والاختصاص.

شكرا لجميع الأخوة أعلاه مرة أخرى.
عاشق الالماني
23-05-2007, 01:08 AM
اخوي عندك مجمع يارا متخصص مرسيدس وبي ام .

في الرياض الصناعيه القديمه (( الامير عبدالمجيد ))

تليفون الورشه / 014469465 ، 014465550


الرجاء من الاداره عدم حذف الرقم للفائده .


تحياتي ..،،،|3|
BMW-745iL
25-05-2007, 01:51 AM
مشكور يا عاشق الألماني وما قصرت والله.

ما ألومك على حب الألماني!
عاشقBMW
25-05-2007, 05:29 AM
ان كان تبي مشورتي ...

اكشف عليها في الوكاله وشف وش الخراب ؟؟

لاني اكتشف جميع الورش المعترف بها شغلهم مايباعد شغل الوكاله ...

حتى الكشف بالكمبيوتر الاسعار متقاربه ... واحيانا الوكاله ارخص ...

وان شاء الله تكون مشكلتك بسيطه

تشكراتي ، ، ،
BMW-745iL
25-05-2007, 02:00 PM
عاشق BMW

أشكرك على المشورة

وان شاء الله احجز عنهم موعد (عط الخبز خبازه لو أكل نصفه)