استفسار عن لون السيارة اللي يتغير

[كابريساوي]

يا اخواني انا عجبني لون السيارة اللي يتغير بس ما اعرف اسمه عشان ابي ادوره على النت
وهل احد عنده فكرة عن اسعار
واذا صار في خدش لازم اعيد طلاء السيارة كاملة؟؟؟

[B R A B U S]

السلام عليكم ورحمة الله وبركاته


اخوي العزيز هذا يسمونه اللون الؤلؤي او في البحرين يدعى صدفي

وطبعاً هذا جداً غالي واذا تبيه تحصله بالتأكيد في وكالة المرسيدس

وفي اللون البنفسجي الي يتغير الى الاخضر والاصفر والبرتقالي

وكلما زادة التعقيدات في الالوان زاد سعره طبعاً وبالنسبة الى الخدوش

طبعاً اذا قدروا يصيدون لون الصبغة بس مكان الخدش يكون الطلاء ,,


B R A B U S

[كابريساوي]

تسلم يا اخوي بس بغيت اعرف كود او نوع اللون بالانجليزي عشان ودي اشتريه من الانترنت وما قصرت يا اخوي

[عميد الطائف]

صراحة ما أقدر أفيدك...وأشكر الأخ أحمد على الإضافة...
اللي أعرفه إنه أحيان يسمى بالسحري أو الـ Magic ... أو المتموج وله أسماء أخرى...
وبعض الوكالات اللي تقدم مثل هالألوان تكتفي بذكر إنه لون خاص مثل بعض طرازات BMW وبعض السيارات الأوربية...
على كل حال هذه الألوان غالية جداً....

وحتى طريقة طلائها مختلفة عن الطريقة التقليدية.. حيث أن عملية الرش قد تتم في طبقتين وربما ثلاث وقد تزيد...
وسعر هذه الألوان ( بالكيلوجرام ) يعتمد على ثلاث نقاط:

** الشركة الصانعة..
** عدد الألوان الناتجة..
** قوة تموج اللون ( حسب الإضاءة وحركة السيارة )..

على سبيل المثال أحد الأصدقاء قام برش سيارته "كامري وقام بشراء الطلاء (2.5) كيلو جرام + الأساس بمبلغ 3400...
وقام برشها في ورشة متخصصة بمبلغ 2500 ريال... واللون مكون من 4 ألوان ( بنفسجي+أورنج+أصفر+وردي) والأساس بنفسجي.
يعني سعر الكيلو 1400 ريال...!! ويوجد أغلى منها..

وفي حالة صار خدش أو صدمة لاسمح الله ما ينفع ترش باب أو رفرف أو كبوت وتترك الباقي..... في أفضل الحالات ترش جنب كامل.... حتى لو كان كود اللون معك.... لن تحصل على تناسق في التمويج...

تحياتي..

[كابريساوي]

تسلم يا اخوي على المشاركة وياريت اللي عنده معلومة من وين احصله يعلمني

[كابريساوي]

ولو ما عليك امر يا اخوي تسأل صديقك من وين حصله ولك جزيل الشكر