جيب شيروكي موديل 2000 أم 2002 فما فوق؟؟

[Huck Finn]

بسم الله الرحمن الرحيم
السلام عليكم و رحمة الله تعالى و بركاته، و بعد:


أخواني أردت سؤالكم عن الفرق بين الجيب شيروكي الشكل القديم من 2001 و نازل، و الجيب الشيروكي الشكل الجديد من موديل 2002 و طالع، مع العلم انيه كان لي تجربه مع الجيب موديل 2001 و الحقيقة ما كان عليه كلام سيارة قوية و محرك جبار، لكن كان يعيبه عدم الراحة بالذات على الخط و مع المطبات، فحبيت أعرف عن الجيب من موديل 2002 و طالع (الشكل الجديد)، هل هو بقوة الشكل السابق من ناحية المحرك؟ هل هو مريح مع المطبات؟ و كيف رساوته على الخط؟ شاكرا و مقدرا لكم..

هذا الجيب موديل 2001




و هذا موديل 2005 على ما أعتقد

[Huck Finn]

للرفع.......

[ابـوشــافي]

وعليكم السلام

اللي انا اعرفه عن الشروكي الي من 2002 وفوق

اول شي الماكينه تجي 6 سلندر وراسين يعني على شكل v

والقير العادي يجي 6 تعشيقات يعني اكيد العزم راح يزيد

مع ان القديم يجي 4.1 لتر والجديد 3.7 لتر

لاكن الفرق زي ماقلتلك ان الجديد راسين والقديم راس واحد

اما داخليت السياره في نظري الجديد مريح اكثر واوسع ولايغرك الشكل الخارجي

لانها من خلال الشكل يبان انها ضيقه

واتوقع بل اجزم من خلال الشكل ان الجديد ارسى

وانا لو علي ما اخذ الا الشكل الجديد

وماعليك من الناس تراهم يعيبونها لانهم تعودو على الشكل القديم

وماجربو الشكل الجديد والله لو تاخذه وتركب له كفرات عراض صدقني يطلع مجنون

لاكن اكيد ان موديل 2002 طلع فيه عيوب لذلك خذ من 2003 وفوق

[LT_RAM]

ماقصر ابوشافي

واقترح عليك تجربها من عند الوكالة اذا كانوا يوفروها تجربة
بهذه الطريقة تتأكد

[Huck Finn]

مشكورين اخواني و ما قصرتوا.

[salehhd]

السلام عليكم

السيارة بكشل عام من افضل الجيوب المتوسطة الامريكية
في الرمال وحش
الشكل الجديد اقل استهلاك للوقود من القديم ومحركها 3.7 يولد 207 حصان وتروك 307
باالنسبة للراحة في الخطوط لدى احد زملائي ويقول انها قاسية وكلمته بالنص (كأنك قاعد في الشارع )

في الختام انصحك بالاستخارة فما خاب من استخار وبالتوفيق

[Huck Finn]

مشكور أخي و ما قصرت.

[Huck Finn]

بانتظار المساعدة من باقي الأخوة.