رابطة عشاق السوبارو (( اليجاسي )) و (( الامبريزا )) هنا كل شئ !!!

[قرميد]

السلام عليكم

لقيتلك كتلوج ال 2008/2009

وما ابغي فلوس ابغاك تروح لسوق الحمام في الرياض وتشتري التالي:

1500 دجاجة بلدي
5865 سلحفاه صغيرة
7 بغبغانات غير متربيه (يعض ويصرخ)
طن هامستر (فار صغير هدفة في الحياه الركض )
كل شبوك العصافير الملونة الي في السوق
10 تيوس
5 نعيمي
سمبنزي ( في حاله مالقيت غوريلا)


وتروح وتفلتهم كلهم في فرع خريص



ولكم جزيل الشكر

ما حددت في اي مكان في طريق خريص ؟؟

يعني استأجر دنيا 2000 ريال

اشتري 10 تيوس من 1000 هذي 10 الاف

5 نعيمي من 1500 هذي 7500

7 ببغاوات من 500 هذي 3500

1500 دجاجه بلدي من 20 هذي 30000 الف

5865 سلحفاه صغيرة من 50 هذي 293250

طن هامستر بيكلف حوالي 50000

كل شبوك العصافير الملونة الي في السوق (هنا ما حددت الشبوك بس ولا فيها عصافير )

غوريلا هذي بسيطه موجوده ببلاش ((زوجتي ))

يطلع المجموع 386250 ؟؟؟؟

اروح اشتري ليجاسي 2020 احسن لي

[rkb_14]

يا شباب ابي ورشة فاهمين في السوبارو في الرياض

[الامــيــر]

السلام عليكم

اخواني عندي كم استفسار ف WRX

الحين wrx 2015 كم يجلس هالشكل ؟
ودي اعرف وش الفرق بين مكينة العاديه و sti اعرف انها 2500 سي سي و 305 حصان والعاديه 2000 سي سي و 268 حصان بس ودي اعرف المكينه وش فرقها من فلاتر وهالحوسه ؟
وقير الاوتو ماتيك كم يتحمل حصان ؟
ابي سياره استعمال يومي وش تنصحوني فيه العاديه ولا ال sti ? مع العلم اني احب التعديل واحب القومات
وحاب اعرف كيف صرفيتها للبانزين لكل السيارتين ؟
وبالنسبه للقير الاوتو للعاديه كم يجي سرعه ؟
والوكيل متى يجيب الموديلات الحديده يعني مودديل 2016 متى ممكن تنزل ؟
وودي اعرف هل احد اشتكى منها ؟
وبعد ودي اعرف وش الافضل للتعديل الاوتو ولا العادي ؟

ويعطيكم العافيه

[الامــيــر]

والصراحه انا احب القير العادي وش تنصحوني فيه بما انه في زحمه بالرياض لكن اشوف كثير يسوقون العادي وماعندهم مشكله ابد بالزحمه وانا سمعت والله اعلم ان القير العادي بالنسبه للسياره الرياضيه افضل من السياره العاديه ولا شرايكم ؟

[H-KYD]

السلام عليكم

اخواني عندي كم استفسار ف WRX

الحين wrx 2015 كم يجلس هالشكل ؟
ودي اعرف وش الفرق بين مكينة العاديه و sti اعرف انها 2500 سي سي و 305 حصان والعاديه 2000 سي سي و 268 حصان بس ودي اعرف المكينه وش فرقها من فلاتر وهالحوسه ؟
وقير الاوتو ماتيك كم يتحمل حصان ؟
ابي سياره استعمال يومي وش تنصحوني فيه العاديه ولا ال sti ? مع العلم اني احب التعديل واحب القومات
وحاب اعرف كيف صرفيتها للبانزين لكل السيارتين ؟
وبالنسبه للقير الاوتو للعاديه كم يجي سرعه ؟
والوكيل متى يجيب الموديلات الحديده يعني مودديل 2016 متى ممكن تنزل ؟
وودي اعرف هل احد اشتكى منها ؟
وبعد ودي اعرف وش الافضل للتعديل الاوتو ولا العادي ؟

ويعطيكم العافيه

مساء الخير

اخي الفاضل
الفرق بين السيارتين كالتالية

محرك ال sti هو نفسة محرك الجيل السابق
محرك ال wrx هو محرك جديد بالكامل وفية ميزة اول مرة تنحط في محرك بوكسر وهو الدايركت انجكشن يعني عندك لكل سلندر بخاخين التقليدي الي يبخ الوقود قبل السلندر والمباشر الي داخل السلندر و
والفرق بين ادا السيارتين كبير لاكن الwrx تتفوق في شغله مرة ممتازة ان الباور حق التيربو يطلع بدري مرة 2500rpm يعني الموتر جاهز لايي تسارع وهذا شي رائع على سيارة تيربو
وبرضو السيارة استخدام يومي لان الباور مدروس صح ...طبعا مايعني انك تسابق 24 ساعة صبح ليل حر برد......اختها الكبيرة تتفوق بالقةو العنيفة لاكن من 4500 rpm وفيها خاصية التحكم بالدفرنس يعني مقدار العزم على كل كفر بحيث ان السيارة تصير متماسكة او ممكن تدرفت فيها وليس توزيع بين الامام والخلف كما يعتقد البعض


طبع السياراتين جيل جديد بالكامل وماراح تتغير بشكل كامل خلال الثلاث سنوات الجاية ممكن لمسات تجميليه

الوكيل تعبان مع تحسن بسيط بسبب جهود وزارة التجارة لاكنة اقل مما نطمح
السيارة وبكل امانة قد تعاني من بنزينها لانة اقل اوكتان من المطوب لاكن ميكانيكيا فمافي ملاحظات حتي هذي اللحظة حتى محرك ال sti ماعلية ملاحظات مع انة نفسة المضروب الي كان علي الجيل التعبان 2008\2010 لاكن عدلو علية حسب ماسمعنا
واذا بتستخدم بشكل يومي وممكن تعدل لحد معقول خذ wrx
اذا تعديلك بيكون عنيف خذ sti لاكن ماراح تكون استخدام دايم

والله يكتبلك الي فية الخير

[superkaaki]

السلام عليكم و رحمة الله و بركاته

ياجماعة الخير، إلي يعرف ورشة لصيانه سوبارو في جدة بالله يفيدنا ولكم جزيل الشكر

[ادهم حجاج]

السلام عليكم و رحمة الله و بركاته

ياجماعة الخير، إلي يعرف ورشة لصيانه سوبارو في جدة بالله يفيدنا ولكم جزيل الشكر

شكلو محدا بفوت هنا صديقي وانا بدور على ورشه بلاردن تحول سوبارو 2.0 امبريزا ل sti

[ادهم حجاج]

شباب عايز مساعده من شباب الاردن بتحويل سوبارو امبريزا ماتور 2.0 ل sti كامل ممكن حد يعطيني اسعار كم تكلف ومين بشتغلهن بلاردن