المشاركة الأصلية كتبت بواسطة انت بطنك يعورني
مو مقياس سيارة قريبك
اول شكل للالتيما في 2005 و 2004 كان كلو مشاكل من قير لمكينه لكهربا وسيارات الليموزين تورطو فيها والدليل أن هذا الموديل انقرض من الشوارع
الجيل الي بعده الي نزل في 2008 أو 2007 برضو مشاكلها ماخلصت من مساعدات للقير الي ناس كثير راح عليهم ولاننسى مشاكل جيب المورانو وجيب قشقاي
أما بخصوص المساعدات تتفقع من الطريق صراحه عذرك حامض شوية
ماعمري شفت سيارة تتفقع مساعداتها من لحالها ويقولو السبب شوارعنا وان السيارة رياضية ماتتحمل
طيب السيفك تايب ار ليش مساعدتها ماتفقعت طول الخمس سنين للي معايا وهي سيارة رياضية بحته ومساعدتها قاسيه واستخدامي لها إرهابي وفي أعفن شوارع بالعالم شوارع جده
ليش الأكورد الكوبية ماتفقعت مساعدتها؟
ليش هيونداي جينسيس ماتفقعت مساعدتها؟
أغلب الناس عارفين ان هوندا مضرب المثل في الجوده وحتى لو بها عيوب مصنعيه ماتوصل للقير زي نيسان
ماكسيما موديلات 2003 إلى 2008 ماشوفها بالشارع عكس الأكورد موديلات 85 وانت طالع موجوده
آخر شي مدري ليش الناس تزعل لو قلت الحقيقه؟