عند استلامك لسيارتك وكالة ووجت فيها خدوش تستلمها..

[دكتور / مجنون]

ابدن اخر المستجدات كلموني قالو بنعطيك بديل لها هههههه والمشكلة ماتعضو كل يوم يقولون بكرة وللحين الله يعيني على هالوكاله وموظفيها ... المشكلة قارنت كذا سيارة منها الاوريون والهوندا اكورد والالتيما 6 سلندر كسعر ومواصفات افضل شي الالتيما ... بس شكل الوكاله ترفع الضغط ... على فكرة وزارة التجارة كان سلبية في الموضوع ولو الله ثم نيسان الشرق الاوسط ماكانو جابو لي خبر ... اتصل علي وزارة التجارة يقول ماردو علي الايميل والحل قال مالك الا تروح الوزارة .. وبداية البلاغ قال لي الموظف ان بنحول الموضوع للمراقب يطلع يشوف السيارة يعني كذب في كذب ... ارسلت تغريدة لوزيرهم مارد ...

هانت يارجال.. مابقى الا القليل.. هم بيطفشونك شوي وانت تطفشهم شوي وبتاخذ السياره اللي تعجبك

[bo rayan]

والله ياتمغطت تمغيط الله لا يوريكم ...نصيحة يارجال ابعدو عن الوكيل وموظفينه وبالاخص السعوديين اكذب منهم مافيه وادارتهم نفس الشي ... تعاملت مع تويوتا الله يعز تويوتا عنهم ...

[د.مصرقع]

نصيحة لأي شخص بيشتري سيارة جديدة:

1/ تروح بنفسك للمستودع وتعاين السيارة وتسجل رقم الشاصي وتأكد متى تاريخ التصنيع ولما تستلمها تأكد ان رقم الشاصي مطابق للي عاينتها
2/ تطلب منهم البطاقة الجمركية وتتأكد متى صدرت بطاقتها الجمركية ولو كان تاريخ دخولها قديم اطلب سيارة غيرها

وهالحاجتين من ابسط حقوقك

والسبب ..انا اخر سيارة اشتريتها موديل 2014 طلبت ادخل المستودع وحصلت وحده تاريخ تصنيعها 2014 ووحده تاريخ تصنيعها 2013

فاخترت طبعا 2014 لانها بتكون الدفعة الاخيرة وتلافوا المشاكل اللي بالدفعة الاولى

ورحت اشوف بطاقتها الجمركية فكان تاريخها جديد .. خفت تكون داخلة زمان الميناء وتكون معرضة للشمس والرطوبة او تكون من صالة عرض او عليها مشاكل فنية ولا مشت وبيلصقونها بظهري

[bo rayan]

والله ياجماعة صار معاي منهم ش ي غير طبيعي ومن البداية كانت في بوادر اني ماشتري وخصوصا اني مستخير الله بس ماااش مني صمت صمت صمت وفطرت على العيسى وتعاملهم الكذاب ... والله همهم بس يصرفون لك السيارة بلي هي اهم ش ي يبعون وبكيفك تصير مشاكل تصير بلاوي ماعندهم مشكلة انا حاكتب تقرير كامل بس خلني اخلص من مشاكلهم معي حتى السيارة كان في بالي اشيك على الخدوش فقط ويوم شفتها سليمه قلت كويس ويوم استلمتها جيت لقيت استكر تحت الشطنة مب موجود ... استهبال كلمتني موظفة تسئل عن انطباعي عطيتها بس زبدة الموضوع كانت اظن تبيني امدح ولا سئلت عن الباقي ووقفلت شركة ضايعه وزارة التجارة نايمة ...