السلام عليكم و رحمة الله
انا اشتريت المازدا 6 فل لون اسود, و بدون ما اخش في مقارنات مع سيارات تانية السيارة بسم الله ماشاالله تحفة و فخمة و ممتعة بالنسبة لسعرها و فئتها (علشان كنت بقارن ما بين كذا نوع)
بس طبعا انا متضامن مع صاحب الموضوع في موضوع عزل الصوت و اعترف انه فعلا موجود...لكن الموضوع مش مضايقني بنفس الدرجة...و زي ما تفضل الاخوة هنا الموضوع دا و نسبة الانزعاج منه يختلف من شخص الى اخر..لكن من حقنا نسعى الى حل (و في رأيي البيع يكون اخرهم لان السيارة فعلا جميلة)
انا دورت على النت و لقيت الناس برة بردو عندهم نفس المشكلة, زي ما هوا واضح فالرابط التالي
http://forum.mazda6club.com/3rd-gen/...er-s-side.html
و الاهم من كل دا ان MAZDA NORTH AMERICA طلعت بيان رسمي بالموضوع دا و طريقة علاج المشكلة, و دي حاجة يحترمو عليها
https://drive.google.com/file/d/0B4q...i1NUjQ/preview
انا عن نفسي السيارة ماشية 400 كيلو بس, و هستنى صيانة ال1000 و هواجه التوكيل بالموضوع دا و لو رفضو هرفع شكوة الى MAZDA UK/MAZDA JAPAN علشان انا مش شايف سبب ان الموضوع ميتحلش و العلاج موجود...و لو لسه متدربوش على علاج المشكلة او لم يصلهم المواد اللازمة معنديش مشكلة استنى بس اكون ضامن ان في حل هيطبق
انا رأيي جميع ملاك السيارة يضغطو على الوكيل علشان دا حقنا و الحل موجود بس لازم يكون في ضغط
و اسف جدا على الاطالة