قطع غيار تويوتا وتلاعب محلات قطع الغيار بالقيمه

[مسيرة حبي]

السلام عليكم ورحمة الله وبركاته


قبل فتره خرب علي بسيارتي اليارس 2007 الكمبرسر حق المكيف وقلت بروح اسأل عنه وكنت وقتها بالصناعيه حقت التخصصي خلف اليورمارشيه



لما رحت سألت قال لي قيمته حول 4000 الاف ريال هذا قبل الخصم

وبعد الخصم بيكون بـ 3200 ريال

وفي نوع ياباني قيمته بــ 1900 ريال

وللعلم بالوكاله نفس القيمه لما سأل واحد عندي بالعمل




قلت ليه هذا الغلى قال والله هذا السوق وروح اسأل



قلت اجل مالها الا مستعمل



ورحت حق قطع المستعمل ولقيت عنده وقيمته 950 ريال وضمان بس يومين






المهم طنشت ورميت السياره عند العمل ورحت صناعية الدخل الثانيه بمخرج 28 طريق المدينه المنوره


قلت بشتري فلاتر للالتيما 2009 <

وللعلم فلتر المكيف حق الالتيما شريته بـ 65 ريال اللي يجي داخل الطبلون

وفلتر الهوا بحوالي 70 ريال

وانا كنت اخذ من الوكاله فلتر الهوى بحوالي 90 ريال


وشريت بواجي بـ 360 ريال

مع العلم ان بالوكاله طلعت بـ580 ريال

يناس والله نفس اللي بالوكاله ما تغير شئ لا مسمى ولا صناعه


شفتوا الفرق

..؟؟؟

ولقيت محل قطع تويوتا


وسألت عن الكمبرسر قال لي قيمته الاصلي بحوالي 1750 ريال
>> هنا كاد قلبي يتوقف


طبعاً ماصدقت وقلت شكله الياباني اللي يقولوا عنه

قال الياباني حوالي 1100 ريال

ولما طلع الاصلي الا واشوفه مثل اللي طلعوه لي الوكاله ابو 3200 ريال




<<<<<<<< هنا عرفت ان محلات بيع قطع الغيار لتويوتا بصناعية التخصصي والوكاله نصاابين

وطلعوا لي الكمبرسر ولقيته نفس حق الوكاله اللي طلعوه لي ونفس اللي بصناعية التخصصي



بالله هذا مو غش عيني عينكم


طبعاً للحين ما شريت لان ماقدرت اتمالك نفسي من الصدمه








الزبده من المووضوع


كنت ابي احذركم


من التعامل معهم


اصحاب المحلات الموزعين لقطع الغيار اقل قيمة من الوكاله ومن اللي بالصناعيات

بس يبي لك تدووور عليهم واحد واحد


والله على ما اقول شهيد


واللي يبي يتأكد من فواتير الفلاتر حقت الالتيما والبواجي راح اسوي لها اسكان وانزلها له بالمنتدى

[مسيرة حبي]

54 مشاهد

ولا واحد يملك الشجاعه ويرد

.!؟

[أبو عيس]

يا شيخ مش حالك بس نصب عيني عينك والمشكلة أن الدولة شعارها شهادة أن لا إله إلا الله وأن محمد رسول الله وكمان سيف . وللأسف كل هذا حاصل عندنا من غش ونصب وتلاعبات وخاصة سوق السيارات .

ولو بنتكلم راح يطول الموضوع لكن الله خير المنتقمين وأقواهم وهوا قادر على كل شيء . تقبل مروري

[مسيرة حبي]

هلا فيك ابو عبس

نورت المووضوع

بعد مانسيته اصلن ^_^

[أبو عيس]

أيه صحيح أن الموضوع له فترة وأنا شفته ضمن قائمة مواضيعك وشدني ولما شفت تاريخ الموضوع كان قديم وكنت مستغرب عدم مشاركة الأعضاء .

أدام الله السعد على الجميع

[MR_XX]

مشي حالك

ايش حنسوي ماعندنا حماية مستهلك عندنا حماية تاجر

مانقول غير حسبي الله على كل ظالم و سارق

[لانسر رالي ارت]

اووووف 4000 ريال وبعد خصم 3200 وكمبريسر
وهاذي هي تيوتا كل شي رخيص طلعت غاليه بعد عيل الله يعين اذا ميتسبيشي بعد حوالي هاذا او اكثر
الله يعينك خوي

[عــبــود-E55]

حبيبي شوف ,
نصيحة : خالي معه ياريس والكمبريسور خربان رحت لكهربائي سمعته زينة قالي لو تجيب جديد او تركب مستعمل من التشليح بكل الحالتين راح يخرب عليك وأشرلي على ياريس جديدة موقفة قدام المحل قالي شوف هذي تبي كمبريسور وهي جديدة , قلتله طيب رايك ؟
قال أنا أجيب لك من التشليح كمبريسور تويوتا تيرسل يركب على اليارس 100% وميزته مايخرب علطول ويعيش معاك ,
قلت أخاف مايضبط قال أنا ركبت كمبريسور تيرسل على أكثر من عشرين يارس ولاواحد رجعلي ,
عاد شاورت خالي قالي ركبه ,
وإن شاء الله بركبه ,
بس للأمانة للحين والله ماجربته ,
انت شوف الاصلح لك ,
والله يوفقك ,,.