تجربتي لمفخرة الارض لاند كروزر 2010 (5000 كيلو) + اول مشكلة ..!!

[# OMAR #]

السلام عليكم ورحمة الله وبركاته
.
.
اشتريت ولله الحمد لاند كروزر GX-R ثمانية سلندر 2010 لونه ابيض لؤلؤي من عبداللطيف جميل
الـ GX-R ثمانية سلندر يجي ثلاث خيارات
الاول: بدون فتحة وبدون كفر علاقي وبدون ونش وبدون دي في دي
الثاني: يزيد بخمس الاف ريال عن الاول وفيه فتحة ودي في دي زيادة
الثالث: ماادري كم الزيادة بقيمته بس مافيه لا فتحة ولا دي في دي بس فيه ونش ودفلوك وكفر علاقي

المهم ان الوالد قرر ياخذ الاول وقالوا له سعره 188 الف ريال كاش ..
الغريب اني الحين اشوف بموقع المتحدة للتقسيط اللي هو موقع تابع لعبداللطيف جميل سعره بـ 183 الف ..!!
مدري شالقصة هم ضحكوا علينا ولا سووا تخفيضات خلال شهر من نزول الموديل ؟؟!!

هو جا معاه تضليل وحماية واجهية من كول لايت رغم اني ما قلت لهم يحطونها .. مدري ان كانها تبرر زيادة المبلغ ولا لا ..

المهم نجي للاهم وهي الميزات والعيوب ..

ميزات المفخرة:
1- المحرك صحيح انه موب ذاك الزود بس كان افضل مما توقعته بكثير ..
2- القير سلس جدا وتغييراته مريحة
3- راحة ورساوة عالخط
4- اضاءة قوية وكابس زينون يغطي الخط كامل من ايمن مسار الى ايسر مسار
5- مواصفاته جيدة مثل: تشغيل زر وتشغيل السيارة بالريموت والمكيف الكتروني والحساسات وغيره ..
6- منظر وهيبة بالشارع بين المواتر

عيوب المفخرة:
1- الكراسي يدوي
2- مافيه تحكم المسجل بالدركسون
3- ما فيه الا ايرباقين وهذا اكثر شي مزعجني

تجربة الخمس الاف:
رغم ان السيارة المفروض انها للوالد بس كانت معاي طول الاشهر الماضية بسبب ان الوالد بنفس اليوم طلع ساب جديد من الجميح ومرتاح فيها ولا يحب سواقة اللاند ..

اطلع عليه يوميا الدوام من الدمام الى الهاف مون (60 كيلو رايح و60 كيلو جاي) والموتر صراحة فيه رساوة ممتازة وان كنت بالبداية ماكنت مرتاح له باللفات لانه اول جيب نمتلكه من فترة طويلة ..

نجي للنقطة الاهم والاغرب .. بعد اسبوعين من طلعت الموتر من الوكالة كان ممشاه فوق الـ 800 كيلو تقريبا .. كنت رايح الخبر على خط الميناء وطلعت بوجهي دينا واضطريت اضغط بريك جامد ..
المهم ان الـ ABS اشتغل ..
عقب مااشتغل الـ ABS ولعت ثلاث لمبات وهي لمبة ABS ولمبة الهاند بريك ولمبة الدبل ..
ولا رضوا يطفون حتى عقب ما طفيت السيارة وشغلتها ..
وديتها الوكالة وقالوا لي تعال عقب العيد .. ورجعت لهم بعد اجازة العيد وغيروا لي كمبيوتر الاي بي اس .. ورجعت المفخرة ولله الحمد الى يومها ما فيه شي ..

لكن كان العطل غريب من مفخرة الارض
وزيادة على كذا خرب علي اجازة العيد لانهم قالوا لا تشغل الدبل ولا تدخل فيه بر

تقييمي العام للسيارة:
المفروض يكون 10\10 بس علشان سالفة الايرباقين بخليها 9\10 ولانه اخترب قبل ما يكمل الالف بنزلها 8\10 جواب نهائي

واعتذر عن تنزيل صور لان ماعندي كاميرا ولا اعرف انزل صور اصلا <<< ليش عايش

[OOIIIIIIIIOO]

^^^

الله يعطيكم خيره ويكفيكم شره اخوي عمر

بالنسبه للعيوب اضف اليها المحرك لان هناك سيارات بسعر اقل ومحرك اقوى


بالنسبه للاعطال اخوي عمر تذكر ان مافيه شي كامل لان الكمال لله عز وجل


بغيت اسالك هل يوجد طقه بالشفت عند تغيير القير من الاول الى الثاني

لاني سمعت عن هالمشكله في منتدى اللاندكروزر


ومشكور اخوي عمر على نقل تجربتك للمفخره


تحياتي لك

[DaBDoB]

الف الف مبرووك اخوي عمر
الله يعطيك ويعطي الوالد خيرها

استغربت من ملاحظتك ان المحرك مو ذاك الزود
مع ان المحرك هوي الثمانيه سلندر والكل يمدح فيه ويمدح في قوته

وتسلم على التقرير وعقبال تقرير الـ 100 الف كم


تحيااااااااااااااتي

[أبو دانه]

أولاً مبروك السيارة
والله يعطيك من خيرها ،
لكن فعلا ً قلت عدد مواضع الأيرباق
تعتبر مشكلة !

[abu lyan]

سعر رقم 3 في الوكالة من 191000 الى 192000

وفي المعارض تبدأ الاسعار من 189500 الى 193000

ولا تحصله متوفر

[ابو سعد 1]

المشاركة الأصلية كتبت بواسطة # OMAR #

السلام عليكم ورحمة الله وبركاته
.
.
اشتريت ولله الحمد لاند كروزر GX-R ثمانية سلندر 2010 لونه ابيض لؤلؤي من عبداللطيف جميل
الـ GX-R ثمانية سلندر يجي ثلاث خيارات
الاول: بدون فتحة وبدون كفر علاقي وبدون ونش وبدون دي في دي
الثاني: يزيد بخمس الاف ريال عن الاول وفيه فتحة ودي في دي زيادة
الثالث: ماادري كم الزيادة بقيمته بس مافيه لا فتحة ولا دي في دي بس فيه ونش ودفلوك وكفر علاقي

المهم ان الوالد قرر ياخذ الاول وقالوا له سعره 188 الف ريال كاش ..
الغريب اني الحين اشوف بموقع المتحدة للتقسيط اللي هو موقع تابع لعبداللطيف جميل سعره بـ 183 الف ..!!
مدري شالقصة هم ضحكوا علينا ولا سووا تخفيضات خلال شهر من نزول الموديل ؟؟!!

هو جا معاه تضليل وحماية واجهية من كول لايت رغم اني ما قلت لهم يحطونها .. مدري ان كانها تبرر زيادة المبلغ ولا لا ..

المهم نجي للاهم وهي الميزات والعيوب ..

ميزات المفخرة:
1- المحرك صحيح انه موب ذاك الزود بس كان افضل مما توقعته بكثير ..
2- القير سلس جدا وتغييراته مريحة
3- راحة ورساوة عالخط
4- اضاءة قوية وكابس زينون يغطي الخط كامل من ايمن مسار الى ايسر مسار
5- مواصفاته جيدة مثل: تشغيل زر وتشغيل السيارة بالريموت والمكيف الكتروني والحساسات وغيره ..
6- منظر وهيبة بالشارع بين المواتر

عيوب المفخرة:
1- الكراسي يدوي
2- مافيه تحكم المسجل بالدركسون
3- ما فيه الا ايرباقين وهذا اكثر شي مزعجني

تجربة الخمس الاف:
رغم ان السيارة المفروض انها للوالد بس كانت معاي طول الاشهر الماضية بسبب ان الوالد بنفس اليوم طلع ساب جديد من الجميح ومرتاح فيها ولا يحب سواقة اللاند ..

اطلع عليه يوميا الدوام من الدمام الى الهاف مون (60 كيلو رايح و60 كيلو جاي) والموتر صراحة فيه رساوة ممتازة وان كنت بالبداية ماكنت مرتاح له باللفات لانه اول جيب نمتلكه من فترة طويلة ..

نجي للنقطة الاهم والاغرب .. بعد اسبوعين من طلعت الموتر من الوكالة كان ممشاه فوق الـ 800 كيلو تقريبا .. كنت رايح الخبر على خط الميناء وطلعت بوجهي دينا واضطريت اضغط بريك جامد ..
المهم ان الـ ABS اشتغل ..
عقب مااشتغل الـ ABS ولعت ثلاث لمبات وهي لمبة ABS ولمبة الهاند بريك ولمبة الدبل ..
ولا رضوا يطفون حتى عقب ما طفيت السيارة وشغلتها ..
وديتها الوكالة وقالوا لي تعال عقب العيد .. ورجعت لهم بعد اجازة العيد وغيروا لي كمبيوتر الاي بي اس .. ورجعت المفخرة ولله الحمد الى يومها ما فيه شي ..

لكن كان العطل غريب من مفخرة الارض
وزيادة على كذا خرب علي اجازة العيد لانهم قالوا لا تشغل الدبل ولا تدخل فيه بر

تقييمي العام للسيارة:
المفروض يكون 10\10 بس علشان سالفة الايرباقين بخليها 9\10 ولانه اخترب قبل ما يكمل الالف بنزلها 8\10 جواب نهائي

واعتذر عن تنزيل صور لان ماعندي كاميرا ولا اعرف انزل صور اصلا <<< ليش عايش

ما شاء الله تبارك الله

أحمد ربك ان الوالد جاز له الساب
و صارت السياره من نصيبك

سياره رزه و لها هيبه

الله يعطيكم خيرها و يكفيكم شرها

عموما

ما فيه شي كامل الا وجه الله

و كل سياره فيها عيوب و لا تستغرب السيارات الجديده كلها بالكمبيوتر يعني
توقع كل شي

[+KoRn]

فوق 183الف ومافي ال2ايرباق

شي يقهر ومزعج مومعقول هاذا التوفير البخل

حتى مواصفات الامان عشان يوفر كم قرش...

[أبوهذال]

الف مبروك عمر

اخيرا لقيت واحد اطارحه بالجمس

بالنسبة للعيوب فهذي حسب علمي لان الموتر سعودي بينما القطري او البريمي مواصفاته روعة مع بقاء سالفة اليدوي هذي حتى في الفكسار2006 مع واحد من العيال خليجي وشاشة و المراتب يدويه !

اما الخراب ... فصدقني ما فيه سيارة ما تخرب و الخراب ما يفرق بين ياباني او امريكي او اوروبي

و تقطعونه بالعافية

* كنت اتمنى بما انك جربت الكروزر لو تعطي نفسك فرصه و تجرب اليوكون لو تجربة قيادة لمدة ربع ساعه بس و تعطينا انطباعك عن الموترين بما انك محايد