ببساطه
تشغيل المكيف
وبعد دقيقه
اطفئ زر
الكومبروسر
لكي
لايدخل الهواء الخارجي
بمجرد اطفاء الزر
سوف يغلق باب التهوية
التلقائي
ولن تحتاج الى التشغيل كل فترة
السيارة مصممه
تدخل 25%
من الهوا
لكي لا تشعر بالخمول
شكرا
اخ Jeep2222
شكرا على الرد
اعتقد انك تتكلم عن ميزة فصل وتشغيل المكيف الاتوماتيكية عندما يصل المكيف لدرجة الحرارة المطلوبة!!
اذا جوابك نعم فهذا منطقي ومعروف وما هو الخلاف يللي بدنا نوصل لاتفاق عليه
يعني زي مكيف البيت لما تحطه على حرارة منطقية يعني 25 او 26 فستسمع القطعة الخارجية انها توقفت وبعد قليل اعيد اقلاعها.
نحن نتكلم عن ابقاء المكيف شغال لما تطفي السيارة وبعدين لما تجي تشغل السيارة يشتغل المكيف لحالو
هل انا فهمتك صح بردك ولا في لغط؟؟؟
هلا والله
لا مالك لوا
القصد التشغيل بالاول
ثم اطفاء زر الكومبرسر
راح يظل الكموروسر شغال
وباب الهواء مغلق
بما ان النظام مصمم
ان يدخل 25%
من الهواء الى السيارة من الخارج
لأنعاش السائق ومنع خمول السائق في القياده الطويله
لكن احنه ما نتحمل كل شوي يفتح الباب او الهواء الخارجي
فتم تعليمي طريقة
ضغط زر الكومبروسر
قصدي اطفاء الزر
راح تختفي النجمه
لكن بما ان الهواء الخارجي مغلق
سوف لن يتوقف الكومبرس
بل يظل بالتشغيل
بدون ان ترى النجمه
وايضا لا تحتاج الى تشغيل الزر العلوي
لكي يغلق الهوا
جربها
راح تشعر ببروده موطبيعيه
لان ماراح يدخل هوا بالمرة
شكرا
التعديل الأخير تم بواسطة q8ty40 ; 17-10-2009 الساعة 01:17 PM سبب آخر: بدليه شكبرها
انا مخليه على auto ولا اطفيه ودرجة الحرارة على 25- 27 درجة مئوية (78 فهرنهايت)
يوكون 2001
يا اخوان الرجال سأل عن كيفيه تشغيل المكيف وانتوا توهتوه بنقشات مالها باب افهمها وهي طايره تخيل الكمبرسر شغال على طول كان من اول ربع ساعه السياره ثلجت بس فكر في الصوت الي طلع بالمكينه والسياره واقفه وانت مشغل المكيف من ايش المراوح لا في صوت طقه تسق صوت الكمبرسر تلاقيه 2دقيقه شغال 5دقايق طافييرسل على حسب درجه البروده الي تبيها
من خلال خبرتي المتواضعه مع المكيفات الإلكترونيه مثل مكيف اليوكن
عادة تكون المكيفات الإلكترونيه مصممه انها ما تطفأ واللي حاصل انك لما تطفي المكيف من زر الباور حقه راح يرجع كل الإعدادات الإفتراضيه من الهوايه إلى المكيف الخلفي إلى آخره
طبعاً للناس الصحيين واللي ما يحبو زيادة البروده وما يبيون يتعبون أنفسهم مع وزن المروحه وغيره .. يستخدمون الأوتو ويحطون درجة الحرارة اللي تناسبهم والكمبيوتر حق المكيف بيفتح الهوايه ويقفلها على كيفه ، لكن للأسف هالوضعيه ما تنفع أحيانا خاصة مع أجوائنا اللي مغبره بنسبة 60 في المئه على مدار السنه ..
أنسب حاجة هو التالي ..
تشغل المكيف عن طريق زر الباور
اضبط الحرارة على 16 درجة مئويه (أقل شي)
أوزن المروحة على الدقه الثالثه لوقت الظهر أو الثانيه للحرارة المتوسطه أو الأولى في الليل والجو المعتدل
ولا تطفي المكيف لما تطفي السيارة خله على هالوضعيه
كل مره تشغل السيارة المكيف على حسب انت ما تركته عليه آخر مره
المكيف الإلكتروني صمم عشان يريح السواق مو عشان يشغله
لكن الناس للحين متمسكه بفكرة ان المكيف المفروض ما يكون شغال مع تشغيل السيارة هذا واحد
واثنين أنه لازم يطفي المكيف قبل ما يطفي السيارة
وبكذا يحس ان استخدام المكيف الإلكتروني شغله عويصه
أنا أقول اللي ما بيشيل هالفكره من راسه ولا بيقتنع بكلامي يغير أزرار المكيف حقه ويركب له عادي أصرف له لأن هذاك ما راح يسوي إلا اللي انت تحطه عليه لأنه (عادي) ..
سيارات أرامكو ما ندل زر المكيف وين .. وعلى الكرف اللي عليهم السيارات خربت والمكيفات ما زالت شغاله زي الحلاوه ..
وأنا كانت عندي أكورد والوالد عنه فورد وهذا الحين على اليوكن والأمور عال العال ..
لاحظوا لما تشغلون السيارة بالريموت يشتغل المكيف على طول قولوا الوكاله تبي تخرب سياراتنا بعد ..
يمكن ماحد لاحظ هالشغله .. لما تشغل السيارة والمكيف شغال الكمبرسر ما يشتغل إلا لما يستقر المحرك بعد لحظة التشغيل .. يعني بتشغل بيشتغل هواء المكيف بس تنتظر كم ثانيه كذا أحياناً توصل للثلاثين ثانيه بعدين يشبك الكمبرسر ..
طبعاً أنا ما أضمن ان هالشي ينطبق على المكيفات العادية مثل الفئة الستاندرد من اليوكن أنا أتكلم هنا عن المكيفات الإلكترونيه .. وعلى ذلك جرى التنويه خخخ
مساء الخيير بصارحه تهت في الموضوع شكله تفرع ههه
ممكن طريقه مكيف يوكن 2006لان كل مره اشغله لا بد احرك المواشر ع الفتحات الي فوق لانه اول ما يشتغل يكون ع الارجل بصراحه طفشني جرت كل طريقه ما نفع