رابطة ملاك ومحبي باثفندر الجيل الجديد ( استشارات وتبادل معلومات )

[majedoona]

اخواني الاعزاء

دفعة عربون لنيسان باثفندر 2014 فل كامل علما انني جديد على نيسان عموما

حبيت اعرف اسعار الصيانة عند العيسى

والافضل ازود 1000 ريال واخذ ضمان خمس سنوات ومفتوح الكيلوات


واذا نويت على الشراء ماهي اهم الاشياء التي اشيك عليها قبل الخروج من الوكالة

والف شكر

[Hussain219]

السلام عليكم ورحمة الله وبركاته
عندي استفسارين ياخوان اللي يقدر يفيدني لاهنتوا
1- سيارتي باثفندر موديل 2010 ادا جيت اسرع 120 او 140 اسمع صوت تحت من جهة المكينه مثل اللي يروح ويجي انا شكيت في
العمود اللي بوسط الموتر من تحت ؟
2 - وين القى جنوط المنيوم او كروم في المنطقة الشرقيه ؟

ولكم جزيل الشكر

[ابو راكان .]

خبراء و ملاك باثفندر احتاج معلومات مهمه

السلام عليكم ورحمة الله و بركاته

سيارتي باثفندر موديل 2010 و اشتريته من الوكاله كنت اشيك عليه في الوكاله إلى 80000 كيلو طبعاً عند الحمراني و كانت التكاليف كثيره جداً
و انقطعت عنهم و صرت فقط اغير زيت المكينه عند ون ستوب و الحين انا محتاج اغير السيور و زيت القير و ما ادري اذا فيه حاجات ثانيه تحتاج تغيير لأن سيارتي الحين ماشيه اكثر من 130000 ، سمعت انه فيه جنزير في المكينه لازم يتغير و كذلك عندي مشكله اسمع صوت قرقرقر خفيييفه إذا كنت ماشي في الدائري و جنبي الصبات اللي على اليسار يطلع الصوت هذا خصوصاً بعد تبديل القير و لاحظت في ثقل بالدركسون و كذلك ما ادري يتهيئ لي او انه فيه ثقل بالموتر .

صراحه احتاج رأي اي رجل عنده خبره و ياليت اذا تعرفون مركز صيانه او ورشه زينه لأني اخاف اروح الوكاله و ينصبون علي و يبالغون في قيمة الشغل .
انتظر آرائكم ولن اسوي اي شي إلا بعد أخذ مشورتكم

[المنهل]

السلام عليكم ورحمة الله وبركاته
اخواني لكم وحشه والله لايخلينا منكم والحياة وظروفها ابعدتني عنكم الفترة الماضية
سؤالي هو : عندي باث 2009 وفيه تهريب من دودة الدركسون ، ولكن ماحصلت الاصلاح يقولون ان الوكالةيقولون لازم الدودة كامله وتكلف 3500 تقريبا ، ولكن فيه ميانيكي قال اولف لك اصلاح من سيارة ثانية وكالة بـ 1000 ريال
وش رايكم فيه حل احسن من كذا او احد منكم مرت عليه هالحالة
ولكم جزيل الشكر
المهم ميكانيكي

[المنهل]

ههههههههههه
المهم ميكانيكي <<<< هذي دخلت غلط

[المنهل]

اخوي حسين 219
انا مرت علي الهزه هذي وطلع الصليب.. فتأكد من الصليبات
انا طلع اول مره وغيرت الصليب وبعد سنتين طلع الصوت وحصلت صليب الدبل وغيرته وهلحين ولله الحمد تمام

[saudiman]

شكل القاعدة انحذفت

[2009 SE2]

السلام عليكم ورحمة الله...
حياكم الله أخواني...
أول مشاركة لي وأبي شوركم وفزعتكم...


قبل كم يوم شريت باثفايندر 2009 SE2 والموتر ماشاء الله تبارك الله نظيف
ماشي 122.000......

شفت كلام الشباب عن طريقة الفحص الخاص بالنيسان ( وضع المفتاح على On و بعدها off الخ...)

سويت الطريقة وعلى كلام الإخوان هنا أن العلامة اللي تأشر بشاشة الطبلون تعني خلل.. بعد ماسويت الطريقة وتمت الدورة كاملة من أنوار ومساحات وخلافه جميع لمبات الطبلون ثابتة ماعدا لمبة الزيت تأشر وبنفس الوقت الامبير الخاص بالزيت يرتفع وينزل وقت الفحص.


شوروا علي ياأخوان السيارة ماعليها ملاحظة بس ماأدري وش الخلل.. علماً بأني شفت عيار الزيت بس مابين لي شيء بحكم أن مجرى العيار فيه ميلان فما يعطيك دقة بالعيار...



انتظر ردودكم بفاااارغ الصبر