رابطة ملاك ومحبي باثفندر الجيل الجديد ( استشارات وتبادل معلومات )

[فدغون]

السلام عليكم ورحمة الله وبركاته
اخواني سيارتي موديل 2007 وكانت زي الحلاوه وفجأه بدت تطلع اصوات عندي اولها اذا رقيت مطب يطلع صوت من جهة الكفر الأمامي للسائق شي يضرس مدري وشو
وثاني شي طلع صوت مثل صوت علبة الدركسون وهو مهوب علبه دركسون مدري وشو يقهر
وثالث شي طلع عندي رجه على سرعة 70 وصوت من حول مطقة الدفرنس او الكفرات الخلفيه وص وص وص وص اذا رجعت ريوس خفيفه بس الرجه قشراء مع صوت وشيش من الخلف مدري وش
اتمنى من الله وثم منكم اذا احد مرة عليه هالأشياء يعلمني لأن بدت تحوم كبدي من السيارة
اخيراً اعاير زيت القير والسيارة تشتغل والا وهي طافيه.
ياكثري وكثر اسألتي
تحياتي للجميع

[فدغون]

السلام عليكم ورحمة الله وبركاته
سيارتي موديل 2007 وبدء يطلع فيها اصوات
1- اذا رقيت مطب طلع صوت من جهة الكفر الأمامي للسائق شي يضرس مدري وشو
2- صار يطلع صوت من المكينه مثل صوت علبة الدركسون وعلبة الدركسون سليمه ومدري وش هالصوت منه
3- طلع صوت من جهة الدفرنس الخلفي او الكفرات الخلفيه اذا رجعت للخلف وص وص وص مع رجه على سرعة 70 و صوت وشيش من الخلف مدري وشو منه .. وجميع الكفرات ترصيصها سليم.
واخيراً هل اعاير زيت القير والسياره طافيه وا وهي تشتغل لأن جربت وهي تشتغل ماقص وهي طافيه زين
تحياتي للجميع

[بـــدر]

يــــــــــــا قــــــــــــــــــــــوم ألا من مجيب
لا زال العطل قائما

افصل اصبع الباطارية (+) لمده نصف ساعة او ساعة راح يتصفر النظام بالكامل وإن شالله تزبط معكم





.

[Xterra2010]

السلام عليكم ورحمة الله وبركاته

اخيراً اعاير زيت القير والسيارة تشتغل والا وهي طافيه.
ياكثري وكثر اسألتي
تحياتي للجميع

وعليكم السلام ورحمة الله وبركاته

زيت القير له طريقه علشان تضبط معايرته
وهو على حسب علمي أنك تشغل السيارة وهي باردة وتخليها تسخن تقريباً 3 دقائق على حسب السيارة
وتحاول أن تمشي على السيارة بجميع السرعات المتاحة لمدة لا تقل عن 10 دقائق بس ما تطق طبلونها
ثم توقفها على سطح مستوي وهي مازالت شغالة
وتحرك القير من نمرة P ثم R ثم إلى اخر نمره تحت موجوده عندك
ثم ترجعه على P وتنزل والسيارة مازالت شغالة وتفتح الكبوت وتعاير
وبتلقى الزيت دافي ليس بارد ولا حار وهو أفضل درجة للمعايرة والطنازة<---- أوه معليش سهيت وأنا أكتب كخخخ.
ويجب أن يكون مستوى الزيت تحت الأعلى وقريب للأدنى من معيار الحار وليس البارد
لأن المعيار فيه مقياسين للحار وللبارد
ولا تنسى أن تتفحص لون الزيت ورائحته فربما يكون محروق ويحتاج تغيير

ولا ينفع معايرة الزيت والسيارة طافيه أبداً لأنه بيرجع للكرتير أو حاوية الزيت وبتلقاه طافح

هذا والله أعلم وصلى الله وسلم على نبينا محمد وعلى آله وصحبه أجمعين

[بـــدر]

.



طريقة عمل إختبار لأجهزة العدادات والشاشة الرقمية

الإختبار يبين إذ فيه عطل معين

انا زبطت ملف فديو بإخراج متواضع










.

[فارس العمور]

بدر والله اختبار الفديو ممتااااااااااااااز جدا جدا بس ماقلت لنا وش الخيارات الي تطلع لك وانت تضغط الزر ؟

الاخ فدغون سيارتك تحتاج صيانه كامله شكلك كارف ابوها انصحك توديها لورشه محترمه تربيط وتشحيم وتغيير زيوت وفلاتر وتشيك على كل القطع الاستهلاكيه

ويليت لو احد يفيدنا هل يوجد اي مكان في الباث لتركيب مشاحم ؟

[Xterra2010]

أخيييييييييراً
خلصت من قراءة جميع الردود
من عطلة عيد الأضحى وأنا بادي أقرأ وتوني اليوم أخلص
يااااااااااااااااوك
ولا مسلسل مكسيكي


ما شاء الله تبارك الله عليكم

لا يسعني إلا أن أشكر جميع أعضاء هذه الرابطة من غير تحديد أسم بعينه
لأن ما شاء الله تبارك الله راعين الباثفندر عباقره وفيهم روح المنافسة القوية لخدمة بعضهم البعض في الإبتكار والمبادرة في التجربة

وجزاكم الله خير

[معشوقتي نجد]

عندي المساحه الخلفيه اتعبتني كل فتره احصلها منفكه وطايحه بالارض

والمشكله انها غاليه مااحصلها الابالوكاله حتى تركيبها معقد شوي

من يفيدنا وش الطريقه اللي نثبتها فيه....

كذلك بالنسبه لعلبة قربة المويه حقت المساحه الخلفيه وين مكانها بالظبط بالشنطه

ولابالكبوت.......