سؤال / لماذا لم تنتشر أفالون 2001 وما عيوبها

سوبرا @user_11499 · 28-03-2007

بسم الله الرحمن الرحيم ..

السلام عليكم ..

بينما كنا نتجول أمس في معرض جدة بحثاً كامري لأخوي ..
حصلنا أفالون 2001 وارد أمريكا XLS فل كامل بفتحة ومقاعد جلد ومكيف الكتروني وشاشة معلومات ومكيف خلفي
وعدة مواصفات أخرى .. ماشاء الله ..

المهم دخلت السيارة في المزاج ..
ولكن اكتشفنا بأنها نادرة في السعودية فما السبب ؟
واش عيوب السيارة إذا كان فيها عيوب لا سمح الله ..
وهل قطع غيارها تشابه قطع غيار الخليجية مع العلم لا يوجد فرق الشكل الخارجي بين الأمريكية والخليجية ..
وكم تسوى السيارة في حدود كم ؟

أرجو الرد سريعاً ..

للمعلومية :
أفالون 2001 أمريكية تقابل أفالون 2002 أو 2003 خليجية ..

أخـ سليمان ـوكم : ســوبــرا ..

سوبرا @user_11499 صاحب الموضوع · 14-04-2007

للأسف أخوي السيارة انباعت ..

من نظافتها الصلاة عل النبي ما تأخرت ما شاء الله ..
يعني ما لحقناها ..

مغرور بس معذور @user_36900 · 11-04-2007

اخوي سوبرا انا معي افالون 2001 فل كامل السياره ما يعيبها شي ابدا وتوكل على الله وراح تدعيلي بس الفرق بينها وبين الخليجي انه الخليجي الفل كامل بدون مقاعد جلد وبدون سي دي واللي عندك فيعا المقاعد جلد وسي دي .

سوبرا @user_11499 صاحب الموضوع · 31-03-2007

تبون الصراحة حنا كشفنا عليها كشف مبدأي .. يعني مو فحص كمبيوتر ..
وقلنا إذا نبيها نفحصها ..
لكن الظاهر المبلغ ما بيتوفر حالياً يبيله كمان أسبوع ..
وإذا في النصيب السيارة راح تستنانا ..

مشكورين على أرائكم ..

KSA_Matrix @user_37505 · 31-03-2007

أخوي والله شوف السيارة ممتازة ولا عليها كلام ..

اللي أعرفه عن سبب عدم انتشارها هو انها صغيرة (مقارنة بالأفالون الحالية اللي اهم عوامل انتشارها رحابتها) وتصميمها بسيط جدا ..

بالنسبة لقطع الغيار ما اقدر أفيدك

هذا اللي أعرفه أخوي

وبالنسبة للسيارة تراها ممتازة , بس انت شف كم ماشية وتأكد انها نظيفة ترا في سيارات واردة من امريكا فيها مشاكل بسبب كاترينا .. شوي شغل من برا بس ويجيبونها لنا هنا أغلى من قيمتها ..

تحياتي لك اخوي وان كان فيها خير لاخوك عساها من نصيبه ان شاء الله

سوبرا @user_11499 صاحب الموضوع · 31-03-2007

حبيبي stun أصلاً الأفالون اللي تجي على السعودية أمريكية ..
يعني نفس السيارة ما تختلف عن بعض أبداً ..
وأنا شفت السعودية والأمريكية نسخة طبق الأصل ..
والسيارة من ناحية النظافة كان الوارد أنظف بكثير من الخليجي اللي حصلته ..
وبعدين السيار هذي فل وإن شاء الله سعرها فيها ..

على العموم مشكورين على أرائكم ..
اليوم راح نقرر إذا نوينا أشتريها وبعدين راح يفكر أخوي ..

stun @user_2575 · 30-03-2007

الأفالون حلوة من أول ما نزلت عندنا و أيام الثانوي كنت اعرف واحد معه وحده 2002 و ما شاء الله تمام .

بس سبب عدم انتشار الموديل السابق ان شكله ما كان مميز مثل الجيل الحالي .. و ابو جميل ما جاب مواصفاتها كاملة ..

و هذي اللي عندك امريكية .. الخوف انها تختلف عن الخليجية بالقطع و يتورط من ياخذها .. اليوم كنت بالتشليح و شفت اثنين يدورون قطع غيار كامري امريكية . و قالوا لي انها تختلف عن السعودية و الخليجية .

اذا لقيت خليجية بمواصفات حلوة توكل على الله .

السعر ما عندي فكرة للأسف .

سوبرا @user_11499 صاحب الموضوع · 29-03-2007

مشكور أخوي على رأيك ..
طيب ما قلت لنا كم تسوى تقريباً ..

وهل قطع غيار الخليجية متوفر أو لا ..

33 عضو & 73 زائر بدون رد ..
الله يعين شكلي راح أصبر كثير ..
فين مشرفين السيارات الأسيوية يفتون لنا فيها ..

MARLBORO @user_41955 · 29-03-2007

والله الأفالون مواصفاتها عجيبة بس سبب ندرتها قرب سعرها من سعر اللكزس ES فالفرق بينهم تقريبا بس 20 ألف ريال

أذكر زمان سعر الفل وكالة موديل 2003 هي 93 ألف

يعني تاخذ تويوتا وقدامك لكزس..حرام والله

المهم توكل على الله تراها زينة ويكفي إنها تويوتا ..لو كانت فلكس ولا شفر كان قلتلك فر منها فرارك من الأسد..

تحياتي

سوبرا @user_11499 صاحب الموضوع · 28-03-2007

19 عضو زائر بدون رد ..

عجيب ما أحد يفهم في السيارة .. طيب ليش ؟
أرجو الرد سريعاً ..

سوبرا @user_11499 صاحب الموضوع · 28-03-2007

وهذي بعض الصور لسيارت شبيهة منها ..

أنتظر أرائكم بفارغ الصبر ..

4×4 @user_20206 · 28-03-2007

الموتر ما شاء الله ما عليه كلام بس تاكد انه نضيف وزين