وش افضل صاله للأستعمال الأمريكي ؟؟

هلا فيك اخوي فتى سدير ومشكور على المرور وصراحه يسعدني اشوف واحد من نفس المنطقة اللي انا ارجع لها يرد علي وانا ما فكرت فيها الا لاني دايم اروح كل نهاية اسبوع للمجمعة
تحياتي لك
ــــــــــــــــــــــــــــ

اخوي تاون كار مشكور على المرور الكريم وصراحه صعبه اشتري سياره من الدمام وانا اصلا موجود في الرياض والصالات ياكثرهااا بس وين تلقى الامين واللي سعره معقول
تحياتي لك مره ثانيه

ــــــــــــــــــــــــــ
vti_E
مشكور على المرور اخوي وانا بغيت اتوهق واخذ منهم ان كانك تقصد اللي على شارع الشفا بعد ما تلف يمين وانت جاي تجيك المعارض على يدك اليمين واليسار فيه صاله لهم لقيت فيها فورد 95 قبل رمضان الماضي ستاندر قال لي قيمته17,500 ريال وكان يبي يوهقني في سياره لهم قديمه كابرس موديل 91 يمدح فيها ويبي يلزقها فيني يوم رحت اشوفها عند بيتهم لقيت انه نصاب والسياره ما تسوى القيمه اللي حد علي للاسف
واتمنى انك تفيدني أي صاله هم اللي على الشارع والا اللي داخل المعارض حتى داخل المعارض لهم ثنتين وحده وجها على الساحه حقت الحراج والثانيه وراء ..... واتنمى من الاخوان اذا مرو بتجارب نصب من بعض الصالات انهم يذكرونهم علشان الواحد ياخذ حذره
ولك تحياتي اخوي
ــــــــــــــــــــــــــــــــــــــ

المتعاون دائما هلا فيك اخوي وانشاء الله الاخوان يفيدونك وين موقع الصاله

ـــــــ

للجميع تحياتي وشكري على اهتمامك ونصايحكم

وين موقع صالة البيان في الدمام بالزبط؟؟؟

سلام عليكم

بصرحة انا انصحك بالسيارات الامريكية خصوصا الفورد والماركزي والصالات يجيبون عدد كبير من السيارات واحياننا هم انفسهم ينلعب عليهم فيها ...ويحاولون يلزقونها بظهرك

انا اشتريت سيارة من صالحة الفليج اللي في الشفاء وخذتها بسعر ارفع من السوق ب5 الاف تقريبا والسبب ان راعي المعرض حسبي الله عليه حلف ان السيارة بوية شد بلد وانها ماجاها صدوم ومن هالكلام ..طلعت بالسيارة جربتها طلع فيها مشكلة في المثبت وعلمته قال لا ماعليك بسيطه او انك ماعرفت تشغله وقال لوفيها مشكلة نصلحها لك ..((.يوم رجعت كان اللي يكلمني العامل)) المهم دفعت العربون ويوم خذتها اكتشفت انها مصدومة والمثبته خربان صلحته في الوكاله بحدود ال600 ريال ويوم كلمت راعي المعرض قال انت جربت السيارة صح قلت ايه وكلمتكم عن المشكلة قبل لا ادفع العربون المهم قال انا مالي اي دخل في الموضوع

والبيان كنت مرة عند ميكانيكي فلبيني يقول انهم يشترون السيارة البوليس ويبيعونها على انها سيارة عادي بس انت خذ معك واحد خبير وان شاء الله مايقصر معك

وانا انصحك انك تاخذ استخدام سعودي


يوفقك الله للموتر اللي يسعدك ...

صالة البيان............. فر ع الدمام ...

معي قراند ماركيز اشتريتها منهم وضمان 4 سنوات ... ماشاء الله تبارك الله لي 7 شهور ماغيرت فيها غير الزيت ...

اخوي انا من شهرين شاري ميركوي قراند ماركيز

من صاله صالات الشفا وبصراحه الصاله هذييييك يضمنها لك

والسيارات بشكل عام هناك نظيييييفه وبتحكم عليها لاوصلت لها

على العموم اسم الصاله (( قصر السيارات ))

والله يكون في عونك

مشكور اخوي المستشار على حرصك على الرد على الموضوع وانا رديت في موضوعك واتمنى اللقى جواب
تقبل تحياتي