[COLOR=royalblue]بسم الله الرحمن الرحيم
----------------------------
الجلنط هو الهاندبريك HandBreak او فرامل اليد.
- ويكون بالعادة على يمين السائق على شكل ذراع تسحبة باليد.. وفي بعض السيارات ينضغط بالرجل كما في كثير من السيارات الامريكية و يكون صغير وفي اقصى اليسار..ويمكن يجيك زر كما في السيارات الفارهة.
وظيفتة يثبت السيارة عند الوقوف الكلي عن طريق تثبيت الكفرين الخلفيين..ويفضل عند الوقوف تحط القير على الـN وبعدين تسحب الـ HandBreak وبعدين تحط على الـ P علشان وزن السيارة ما يضغط على القير ويكون كل الضغط والتثبيت على الـHandBreak.
----------------------------
وبالنسبة للأوضاع اللي ذكرتها D1-D2-D3 فتختلف تسميتهم من سيارة لسيارة وفكرتها كالاتي :
- D1 : يخلي القير يثبت على الغيار الاول "التعشيقة الاولى" وما يعشق على الثاني .
- D2 : يخلي القير يثبت على الغيار الثاني "التعشيقة الثانية" وما يعشق على الثالث .
- D3 : يخلي القير يثبت على الغيار الثالث "التعشيقة الثالثة" وما يعشق على الرابع .
يعني بتعبير آخر..يخليك تقريبا تتحكم بالقير كأنه "عادي" مو "اوتوماتيك"..وتحط التعشيقة اللي تبيه يثبت عندها وما يعديها .
هذي ميزة مهمة جداً..خاصة في المناطق الجبلية وعند نزول وصعود المرتفعات.
-عند الصعود مثلاً تحط على D1 أو D2 علشان تعطيك عزم اقوى في الطلوع .
-عند النزول وهنا اهميتها الكبرى:
فالنفرض انك نازل منحدر حاد..اذا استمريت بالضغط على الفرامل بكثرة لتخفيف سرعة السيارة عند نزول المنحدر فإن حرارة الفرامل راح ترتفع..وقد تصل لمستوى تتعطل فيه وظيفة الفرامل وبالتالي تصبح سيارتك بدون فرامل في هذا المنحدر .
وهنا تجي اهمية هذي الغيارات..فاذا وضعت الغيار على D1 فان السيارة راح تظل على الاول وسرعتها منخفضة..وبالتالي تعفيك من استخدام الفرامل بكثرة وبالتالي تمنع خطر تعطل الفرامل.
هذي تقريباً أهم استخدامات هذي الغيارات..ويمكن في غيرها ما اعرفها.
----------------------------
وطبعاً المفروض ان القير يكون على الـ P عند التشغيل..لكن بعض السيارت تقدر تشغلها على الـN بعد .
----------------------------
.. أتمنى اكون افدتك ..
.. واي استفسار احنا حاضرين :) ..
أخوك
C[COLOR=darkorange]REATIVE[/COLOR][/COLOR]
