طلب مساعدة في بداية تزويد مكينة LT1

هههههههههههههههههههههههههههههههههههههههههههههههه الله يرجك ياشيخ
والله ودي بس انا في الرياض ولكن ان شاء الله في الصيف باحط السياره عندهم ونشوف بس قل لهم لا احد يسافر الصيفيه ههههههههههه

اذا انت في الشرقيه ممكن اساعدك شخصيا في القطع و المحلات اللي تشتري منها "امريكا" .. فيه بعد واحد اسمه هشام الملا في راس تنوره عنده ورشه "خبير الشفر في الخليج" .. انا حاط سيارتي فيها حاليا .. هو و الشباب كلهم ممكن يخدمونك .. حتى ممكن تروح كل فتره تجلس عندهم تشوف كيف الشغل و آراء الملغمين .. انا كل فتره امرهم اشوف سيارتي و اجلس اسولف مع الشباب
و بعد ما تعدل سيارتك نصبغ نفس اللون و نفرفر مع بعض |11| "لا تصدق"

شكرا اخوي كابرس والله ماقصرت وانا احاول حاليا ازيد الميزانيه عشان على قولتك اشتغلها كلها مره وحده
على العموم صار عندي تصور كامل عن الموضوع وبأبدأ الشغل قريبا وعقبال ما نتقاوم سوا ههههههه>>>>> واااثق

علشان اوضح الكرونه اول .. تراها تختلف عن ترس الدفرنش .. بس دامك فاك الدفرنش غيرهم مره وحده .. الكرونه بتخلي دفرنشك يتحمل 500 بدون مشاكل غير انه بيخلي سيارتك تحرق على كفرين مو كفره وحده بس "ادعس بكابرسك و شوف" .. النسبه اذا منت ناوي تعدل الكام خذ 3.23 .. اما اذا ناوي الكام انت لازم تخطط كل شي من جديد

الطنجره لازم تغيرها علشان تغير حاجه اسمها "stall" لعدد اعلى

الحاجات اللي تعتبر اساسيه مع الكام هي تغيير البلوف و السبرنقات حقتها و الروكرات الخ
- و علشان تستفيد من كامك على احسن وجه لازم تغير الثرتل بدي و توسع "تخرط" روس المكينه و الثلاجه و الفلتر و الهيدرز .. الكام شغلته يتحكم بتوقيت الهوا و البنزين و العادم الخارج من السلندر علشان كذا لازم تحسن مجاري الهوا معاه
- ايضا تغير الطنجره و ترس الدفرنش و الكرونه .. القوه طلعت في المكينه لكن يضيع جزء كبير منها حتى توصل للكفر و كذا تحسن استغلال القوه
- التكاليف تختلف حسب قوة الكام و جودة الشغل اللي تبغاه .. اذا تبغاها تكون مسأله بسيطه من ناحية تخطيط .. اشتر كت حق LT4 يجي فيه كام و روس سلندر و ثلاجه ببلوفها و سبرنقاتها "2300 دولار" .. يبقى الروكرات و التكايات و شغلات تكمل راس المكينه حول "1000 دولار" .. ثرتل بدي "200 دولار" .. فلتر هوا "200 دولار" .. هيدرز لونق "1000 دولار" .. طنجره ستالها حول 2800 "500 دولار" .. كورونه ناسي بس ما تتعدى "500 دولار" .. تروس "200 دولار" .. طبعا يبقى المواد حقتك الشغل مثل القاسقتات و المسامير الخ

التكلفه بتكون غاليه "حول 20 الف" لكن بيكون عندك كابرس قوته فوق 400 حصان و ما عنده اي مشاكل لو تفرفر به طول اليوم .. و لا عاد يحتاج تعدل فيه شي ان شاء الله .. فيه ناس تمشي شوي شوي علشان الميزانيه .. يركب كام و يمشي عليه حتى يعدم الدفرنش و يضبطه .. يمشي و نص القوه ضايعه حتى يجمع للطنجره و الهيدرز الخ .. بس اذا منت محتفظ بالسياره مده طويله خلك على الخطه الاوليه لانها مضمونه و سليمه و ما تكلف

<<< تراه غرقان في بحر التعديلات حاليا و يتكلم من خبره

الله يعطيك العافيه وماقصرت وماعليش بنتعبك شوي معانا
على العموم انا نويت اغير الكرونه فممكن تعطيني افضل نسبه وتكون عمليه وخفيفه وانطلاقتها حلوه هذا اولا
بالنسبه للطنجره قلت لي اذا ركبت الكام ممكن تحتاج لتغيير الطنجره , فانا اقول اغيرها بجديده وكاله والا فيه نوع اخر قد يكون رياضي او ما شابه؟
وبالنسبه للكام ممكن تعطيني فكره عن التعديلات المرافقه والقيمه التقريبيه اذا ماعليك كلافه ؟
شكرا مره اخرى

لو تسوي اللي قلت لك عليه مع البرمجه ما بتزيد كثير بس بيكون فرق كبير في الاداء لانك مضبط الدفرنش .. يعني يمكن بين 280 و 300 حصان بس اللومينا اس اس 2006 ما يمديه عليك
الكابرس رغم قلة احصنته بس اداءه غير طبيعي .. هذا السبب اللي يخليه Real Muscle Car
اذا بس بتغير كام لازم تحط وحده خفيفه علشان ما تتعب السبرنقات و البلوف الخ .. الباقي بيمشي معك عادي بس بتضطر تسوي نفس التعديلات اللي حددتها لك علشان تستفيد صح من الكام لانك بتضيع قوه كثير عالفاضي لو خليت سيارتك كذا .. غير انك بتضطر تغير الطنجره "حاجه بين القير و المكينه تشبه الدونت" و هذي لوحدها بـ 1500 من غير شحن و لا شغل يد .. علشان تطلع قوة الكام للكفر
اذا اشتغلت الدفرنش بس و هيدرز و فلتر .. ما تحتاج تعدل شي ثاني حتى يتماشون غير انك تبرمج علشان كذا هذا افضل حل .. اذا انت معزم عالكام ممكن اعطيك فكره عن التعديلات المرافقه و القيمه التقريبيه حتى تخطط امورك صح

وصلت خير يا اخوي كابريس LTZ , يعني على قولتك لو بأركب الاشياء الي قلت لي طبعا على قولتك بدون الكام كم راح يعطيني من حصان ؟ بالنسبه للمكينه حقتي تراها جديده شاريها وكاله LT1 , فان شاء الله ماراح يخترب شي انا كل الخوف على القير والدفرنس
وشكرا مره اخرى
سؤال على الطاير : لو باركب بس الكام هل هذا يفي بالغرض؟ طبعا معاه فلتر بس وبرمجه

اذا انت ناوي 400 حصان 7000 ما تسوي شي .. بعدين انا قلت 30 الف و انا حاط في بالي ان السياره تعطيك في قومه او خط .. مدينه او سفر .. و تعتمد عليها و كل شي متناسق

الكام ترى هو الزبده .. بس لو حطيت وحده قويه بتعدم لك باقي السياره .. بعدين ترى الكام اذا بتغيره لازم تفك المكينه .. يعني شغلة اليد لوحدها يمكن 1500 ريال من غير القطع الكماليه اللي بتغيرها زي القاسقتات و المسامير الخ .. هذا اذا ما كان فيه شي ثاني في سيارتك تعبان و بيخرب مع القوه الجديده

انا لو معاي 7000 .. اغير فلتر و هيدرز و اغير الكرونه و تروس الدفرنس بس ما احط ترس عالي .. يعني ممكن 3.23 يكون احسن شي .. حتى اتوقع تلقاه في السعوديه بس ما احد يعرف انه يركب عالكابرس

اذا حبيت تفاصيل اكثر لا تستحي

الله يعافيك اخوي كابرس LTZ , على العموم 30 الف كثير جدا و انا ميزانيتي حوالي 7000 ريال وتاكد اني ما ابغى تعديل حق مقاومات بالعكس انا استخدم داخل المدينه استخدام شخصي و بالتالي التزويدالي بأزوده ابغاه يكون ممتاز للأستخدام اليومي لذلك فكرت اركب كام وفلتر رياضي واحتمال ثلاجه بس يعني هالشغلات طبعا معها برمجه بس
السؤال مره اخرى>>> شكلي ذبحتك ههههههه
هل بهالقطع او التزويد الي انا ذكرته بيخترب علي القير او الدفرنس؟ وبالنسبه للحاجات الي انا ذكرتها كم تتوقع توصل موتري من حصان وشكرا

- الدفرنس يبغى لك تغير الكرونه حقته .. فيه شركه اسمه Eaton تصلح وحده مناسبه للكابرس
- عالطريق ركب لك تروس دفرنس اكثر نسب من الحاليه حتى تصير الفزه احسن .. فيه 3.42 الظاهر و 3.73 و 4.10 .. كل ما زدت النسبه حقت الدفرنس بتنقص السرعه القصوى لكن بتصير الفزه اقوى .. انا عندي حاليا واحد 4.10 و واحد 3.73 و محتار بينهم .. اذا بتشتري واحد منهم علمني :)
- القير يمكن يتحمل الـ 400 بس احتياطا تقدر تركب كلتشات رياضيه مع توابعها .. كأنك موضب القير بس تستخدم مواد جودتها افضل في التوضيب .. انا شاري كت من شركة TCI للشغله ذي .. ايضا بتحتاج تغير الطنجره حتى تتوافق مع القوه عندي طنجره سبير بعد |11|
<<< فاتحها دعايه
بس ترى اذا تبغى تشتغل شغل صح من اولها حط في بالك ميزانيه فوق الـ 30 الف .. او ممكن تضبط حاجه و كل ما يخرب شي تركب قطعه اقوى مكانه و تمشي حبه حبه .. و بالتوفيق

اخوي المهندس طيب انا نفس الشي ناوي اعدل لكن هل القير الاوتو ماتيك حق الكابريس 1995 يتحمل؟ وهل الدفرنس برضو يتحمل؟ انا ناوي على 400 حصان لكن خايف القير يضرب والدفرنس يخرب؟
السؤال الى كم حصان يتحمل كل من القير والدفرنس علما ان السياره كابريس1995 امريكي والدفرنس حق كابرسLS مو SS
شكرا

سوري ما شفت الثروتل :)


الهوت كام حلو و هادي بس ما يعطي احصنه كثيره لانه مستواه عادي حيل ..


http://store.summitracing.com/partdetail.asp?part=NAL%2D12370847&autoview=sku


هذا الكام ممتاز و سعره حلو بس لازم تغير اللفترات و تركب لفتر هيدرولك


و مع هذا تركب روكرات 1.6 .


http://store.summitracing.com/partdetail.asp?part=CCA%2D07%2D467%2D8&autoview=sku


هذا هم حلو .



و الله يوفقك ..

أخوي المندس

أنت تقول ثروتل بدي أكبر وأنا توني مركب ثروتل بدي BBK

بس بانسبة لتوسيع الروس و تبديل البلوف هذا أمرها سهل إن شاء الله

ولكن سؤالي ماهو الكام المناسب للسيارة و الذي يعطي الآداء الأفضل علماً بأن أحد أعضاء المنتدى نصحني بالهوت كام

ولله اخوي الشرطه معطيك خلطه حلوه ..



انا اقول كام و تعديل الروس مع ثروتل اكبر راح يطلع مستوي خطير ..


ما عندك فيديو حق التسارع او صور حق الموتر :)

أنا قلت قبل إني ركبت الدفعة الأولى من القطع و كانت
1- رام إير K&N
2-أكزوز فلوماستر
3- عداد RPM بميزة إشتعال نور عند ضغط معين يحدده المستخدم

و حاليا وصلت الدفعة الثانية و هي عبارة عن
1- ثروتل بدي BBK
2-هدرز هوكر
3- Y بايب

وإنشاء الله تسادوني في التخطيط للدفعة الثالثة علماً بأنها قير عادي

مشكور أخوي على النصيحة بس شريت السيارة و اللي كان كان و صعبة أبدل المكينة لو على كذا أبيع السيارة و أشتري LS1
ولكن زي ماقلت شفت السيارة قير عادي و بحالة الوكالة فلذلك شريتها

على كل حال مشكور على الفكرة و ودي أستفيد من خبراتك

سلام عليكم
مبروك على السياره والله يعينك عليها
بحكم امتلاكي لكمارو 97 سابقا احب انصحك بحاجة
غير مكينتها الى مكنية لومينا او كابرس افضل LS1
اشتري المكينة لو كانت مخبطة اهم شي البلوك وركب عليها الكام مع اسياخ العصافير وكل شي
وراح تحتاج تغير الجربكس كمان
وبعدها غير المكينة وبيع مكينتك للتشليح يعني منت خسران شي كثير بس راح تكسب قوة افضل بكثير
مشكلة الLT1 التسخين فلازم تغير بلف الحراره الى 160واذا تبغى تلغم اكثر غير طرمبة الموية
المشكلة الثانية في الLT1 هيا الديلكو وهوا جي تحححححتتتتت اسفل المكينة
والسياره دايما تسخن ويضرب عليك خرطوش او لي فتنسكب موية الرديتر على الديلكو ويضرب (حلوة تنسكب مسوي فيها لغة عربيه)
الديلكو ب 750 وتركيبه ياخذ يوم كامل ويكلف حول 250 يعني انتبه لاتصير مشكلة
الLS1 عليها كويلات على كل بوجي كويل فيعني أحسن واقوى

فكر في الموضوع وبالتوفيق