سؤال يطرح نفسه.. بكم تشتري الوكالة السيارة من المصنع؟؟؟

[air]

السلام عليكم ورحمة الله وبركاته

قبل 8 شهور اذكر اني مريت وكالة الجميح سألته عن سعر لومينا LTZ 2006 مخمل بدون فتحة,, قال لي بــ85 الف ريال
الان بعد نزول الموديل الجديد سعرها بحدود 73 الف ريال
وحسب كلام واحد من الشباب انه حصلها جديدة في معارض النسيم بكم؟ 70 الف فقط!!!!!!!!!!!!!
ياجماعة وش هالضرب في الاسعار؟
المعرض اكيد اشتراها من الوكالة بأقل من 70 الف , نقول 68 الف,,
السؤال اللي يسدح نفسه بكم تشتريها الوكالة من الشركة؟؟؟؟؟؟؟؟؟؟؟
طبعا السؤال ينطبق على جميع السيارات وليست سيارة بعينها
وفي جميع الوكالات نحصل هالشي خصوصا عند نزول الشكل الجديد

خلونا نقول سيارة بغض النظر عن نوعها يبيعها الوكيل بــ100 الف والمعارض اقل بـ3-5 الاف ريال
بكم اشتراها؟؟؟؟؟؟؟؟؟؟؟؟؟؟
لازم نفتح عقولنا شباب ونعرف وش اللي يصير حولنا
تحياتي

[az5z]

انا على ما اضن أنه الوكالة تعرض السيارة عند معرض المعرض يأخذ نسبته والباقي يروح للوكالة
بالنسبة لخويك أتوقع السيارة مستعمله ورجعها للوكالة وهم عرضوها في المعرض بالسعر هذا ويمكن يكون استعمال بسط 1000 كيلو أو اقل

(( من أمن العقوبة ساء الأدب ))

[أمير العرب]

ياشباب السلام عليكم ورحمة الله وبركاته
السيارة تشتريها الشركة أو الوكيل من المصنع بنازل كثير من قيمتها وإذا وصلت هنا حطوها بسعر غالي وبعد فترة ينزلون من الزيادة في السعر ويقولون عروض ويجونك المساكين يحسبون أنهم كسبانين ويقعون في الفخ أما المعارض فأظن والله أعلم وعلى ماسمعت أنهم يشترونها من المصنع مباشرة وللوكيل نسبة

[نديم الطيف]

عام 96 تقريباً او 98

واحد من جماعتنا اخذ من الجميح جمس صالون 2500 وكان الغرض منه انه بيتبرع به لمستوصف بقرية عشان يحطونه سيارة اسعاف لان ماعندهم


والرجال بيشتري ماعنده مشكلة لكن يوم اخذنا الاوراق وكذا كلم موظفين الوكالة قالهم ترا الجمس هذا الغرض منه عمل خيري..ليه ماتراعوني بالسعر؟؟


قالوا بنرفع للادارة وبنرد لك...رحنا وجيناهم بعد كم يوم...قالوا مبروك الادارة وافقت تعطيكم الجمس بسعر التكلفة....تدرون بكم سعر التكلفة؟؟؟؟؟؟؟؟؟؟؟؟

بـــ 58 الف ريال فقط

[just Peugeot]

بالنسبة للوكيل
بالبيد
وبكل صراحه وامانه
يبيع السياره بنفس الفرق من الشركه الام ( فرنسا )
لاني دخلت موقعهم و شفت اسعار السياره باليورو
ولمن حولتها على الريال السعودي طلعت بنفس القيمة
الا ان فرقت بشغلات بسيطه
( الفل - الوسط - الاقل )
عشان كذا تشوف اسعار البيجو رخيصة بحجم مميزاتها التي بها
طبعاً يمكن الشركة الام تبيعها لوكالة بالبيد
بسعر مخفض
بس اكيد ان السعر الدولي يكون واحد
وهاذي اعتقد انها سياسة الشركة الام


اللي اشوفه انه اكبر نصاب و حرامي
مع احترامي له
( عبداللطيف جميل )

كوريلا 2006
مافيها الا ( مسجل - مكيف - ساعه )
ب ( 54 الف )
وين عايشين حنا
والناس تاخذ الشي هذا رغبانين في الكرف و السعر الممتاز في البيع بعد الاستعمال
لكن مافكرت في السلامه - المواصفات - المميزات


اذكر واحد من اخوياي ركب سيارتي 307
وقال ياعساني ما اشتري مثلها
يقول كأنك جوة طياره وش تبي في السياره ذي
قلت والله انك احدى الامرين
اما ان تكون
( طعس )
ام
( من جماعة ضيف الله وغرم الله )



موضوع رائع اخي air
والله تشكر علية من قلب

اخوك
بيجو وبس

[salehhd]

السلام عليكم
نسبة الهامش الربحي يتم تحديدة من قبل المصنع وليس الوكيل غالباً وكذلك العروض الترويجية تكون تحت اشراف المصنع
وليس الوكيل لذلك نرى ان جي ام عندما تعمل عروض تخفيض عند الجميح تكون عند الوكالاء الاخرين مثل ا لتوكيلات وبالبيد

كذلك الوكيل ملزم بتصريف كيمة ميعنة من السيارات خلال العام لذلك يقوم بعمل عروض ترويجية في نهاية العام لكي يتخلص من المكية المنتبقية
ولا تشغل مستودعاته

ومن يبحث في مواقع الوكالات في الانترنت سيرى هذا الشى وان الاسعار في الدول الاخرى لاتختلف كثيراً عن اسعارها هناان لمن
تكن اكثر

كذلك يؤخذ في الحسبان مصاريف الوكيل والمعارض والموظفين وغيرها من المصاريف الاخرى

[نديم الطيف]

^^^^^^^

بالنسبة لتشابه العروض التخفيضية بين الوكلاء المختلفين لنفس المصنع فهذا سببه التنافس وليس سياسة المصنع..لان الوكيل الي مايسوي عروض مايبيع سياراته

وبالنسبة لتكلفة ورواتب الموظفين ترا الادارات الاقليمية الي باكثر من دولة رواتبهم من المصنع نفسه لانها ادارة اقليمية وموظفينها موزعين على اكثر من وكيل...من يحدد رواتبهم؟؟ طبعاً المصنع لانهم International

[LAMBORGHINI]

لاتنسى الجمارك و التامين البحري و رسوم التوصيل

ولا تنسى ان الوكيل تاجر و يبي يربح من السياره