عاجل أبي شورتكم خلال الــ 48 ساعة في البليزر

السلام عليكم ........

من ناحيه الفرق بين السعودي والامريكي ما ادري عنه بس انا معي سعودي له ثلاث سنوات مطلعه وكاله وماشي 125000

اول ما شريته كانت فيه عيوب بس صلحوها الوكاله والحمد لله من بعد الضمان ما خشيت ورشه واللي يقولك فيه حنه غلطان ميه بالميه كيف فيه حنه وانا امشي فيه 200 وضغط المكينه على ثلاثه وربع يمكن قصده فيه تنسيم هوا من القزاز بس

واي سؤال انا حاضر

شكرا للجيمع

الموتر ابعد عنه نصابين من ناحية الضمان !!

وخرابات مواترهم كثيرة

والوالد مجرب !

لا يهمك ضمانهم كذابين بس يبون يجذبونك تشتري من عندهم

واحد من الجماعه شرى جمس وخربت الطرمبة وسحبوا عليه ماصلحوه وصلحها على حسابه وباع الجمس وشرى جمس

سعودي

نديم الطيف ........مرة حزنتني
راعي الـــ 8100 يا عزيزي ما لقيت فرق يذكر وترى الموتر من عند البيان ضمان أربع سنوات أو 40000 ألف
أرجو التفاعل من أهل الخبرة أصحاب الموتر البليزر

اخوي انا انصحك انك تصرف النظر عنه لانه استمعال امريكي وبيذبحك خرابات

حاول تلقى لك سعودي اضمن لك عالاقل

اخوي نديم الطيف صراه اول مره اسمع عن ذا العيب :confused: . مادري يمكن الموتر الي سمعت عنه فيه مشكله او شي مادري .لكن صوت حنه اول مره اسمعه :D .انا معي الموتر وامشيبه 200 ماعمري سمعت عن ذا الصوت .

انا عندي خلفية عن عيب واحد بالسيارة...اذا تجاوزت 120 السيارة تحن...

وجنرال موتور وقفت تصنيعها هي والانفوي...او على الاقل تخطط لايقافها لانها فاشلة باسواق امريكا

وعن السعر خذها من المعرض قل باجربها..ومر معارض النسيم وشف كم يسومونها منك...

اخوي
بالنسبه ل:
1- السعر معقول هذا سعر 2003 الاستعمال الامريكي اعرف واحد شاريه قبل فتره قصيره بهذا السعر.
2- على حسب رجلك اذا كنت شديده على السياره ماراح يسلك معك شي اما اذاكنت استعمال عادي حتى الصيني يمشي معك.
3- السعر عند البيع سمعت من كذا شخص انه سعره كويس عند البيع باذات الي يكون( دبل.)
4-مادري والله.
اذا كان اكتروني نم الكيف|1| لاني مجربه و احينا اجلس فتره طويله بالسياره وهي واقفه وبرودته ممتازه.لكن اذاكان اليدوي مادري صراحه.
5- الدبل ارقد وامن الدبل خيااال والمكينه افضل منه بعد ميكنته جباااااااااره .نم بس اذا كنت راعي طعوووس.

اخوي هذا الي اقدر اقولك عنه.بس فيه نقطه مهم ((جرب الموتر قبل ماتشتريه شف الموتر عزمه وكل شي عنه شف اذا كان يصلحلك او لا)).

|3| |3| |3|