لومينا اس اس 2001 ...كم تسوى؟؟وايش مشاكلها ؟؟

[^ملغم محترف^]

السلام عليكم ورحمت الله وبركاته

لو سمحتم يا اخوان انا عندي سيارتي خربت وبأبيعها بخسارة ...
وافكر اشتري لومينا اس اس موديل 2001 فضي وحالته جيدة
المعرض الي بايعها مسعرها ب 25,000 ريال
وانا بصراحة ميزانيتي صغيرة ...وعشان كذا انا كتبت هذا الموضوع...
عشان انا ابغى اشتري السيارة (انا بصراحة السيارة عااااجبتني ) لكن ما ابغى ادفع فلوس تصليحات وخرابات السيارة (الي ما اعرف ايش هي اصلاً)
وانا جاي هنا الحين ابغى اعرف وش اسوي ...اشتريها ولا اخليها ....

وان شاء الله تردون على خرابات ومشاكل السيارة باسرع وقت لو سمحتم...


ملاحظة :: انا ما اعرف شيء عن اللومينا لكن بغيت اقلكم ان عدادات السيارة مولعة لمبتين .
الاولى كلمة SRS
والثانية صورة للمكينة داخلها علامة كهرباء (برق)

وشكراً

[بو العابد]

ابعد عنها...........

[مطعوج]

لومينا.. خذ شكل! غير كذا لا تدور..

[نديم الطيف]

SRS يعني الايرباقات متفتحة.بمعنى ان السيارة مصدومة والايرباقات متفتحة

لمبة المكينة يعني المكينة فيها مشكلة وتبي صيانة


نصيحتي لك انحش عنها...عض شليلك وانحش

[^ملغم محترف^]

بصراحة انا الي عاجبني بالسيارة هي مكينتها V8 5.7 لتر
وانا اموووت على المكينة القوية ... لكن اذا الاخوان ينصحون ابعد عنها .. خلاص نبعد

مشكوور على النصايح يا بو عابد ونديم الطيف

[Genius_m]

سمعت ان مشاكلها كثيرة وهي جديدة ............كيف اذا هي مستعملة؟

الراي رايك (وانا لو معي 25 الف خذيت كابرس LTZ 2000 او لومينا SS 2001) والخرابات الكثيرة هذي بالنسبة لي امر عادي شف سيارة 25 الف وتبيها يعني تصبر(التفت للحسنات واترك السيئات ) (شكل _ محرك جبار __ )

والاختيار اختيارك

[^ملغم محترف^]

مشكوور اخوي Genius_m
ايه والله معاك حق ... وعلى كل حال انا باخذ السيارة مؤقتاً سنتين بس ... وبعدين باطلع واحدة وكالة جديدة.
لكن سؤال يا اخوان... هي اللومينا مريحة في القيادة ولا لا؟؟
لاني انا اتمشى في السيارة ساااااعاااااات ولا ازهق ... فانا ابغى شيء مريح وحلو.... وجبار
مشكوور لكل واحد شارك بهذا الموضوع ومن جد هذا احسن منتدى للسيارات
الى اللقاء

[LUMINA 4EVER]

طيب اذا بخاطرك شف لك وحده ثانيه غير ذي .....



للاسف مااقدر اقولك فيها خربات ولا لأ لانها بتكون مستعمله ماتدري وش جاها وش ماجاها ...

وعلى العموم السياره مريحه وحلوه وفعلا مكينه جباره ...بس لا تتوقع انك بتاخذ سياره مستعمله ولا تحط فيها الا اذا طحت على شي نظيف مره ...الله يوفقك باللي فيه الخير ان شاءالله