اليوم رحت وكالة العيسى وفصفصت لكم الكابرس LS موديل 2007

نديم الطيف · 2006-11-16T06:33:01+03:00

CENTER]السلام عليكم ورحمة الله وبركاته كيف الحال ياشباب... اليوم وكما وعدتكم شركة نديم الطيف لفصفصة السيارات Nadeem Car's Review :D رحت وفصفصت لكم الكابرس LS موديل 2007..لان هو الموديل المتوفر حالياً بالوكالة..وعموماً النقاط الي بنتكلم عنها ونعلق مشتركة في جميع الفئات مو بس LS |1| اولاً بالنسبة

كامري @user_798 · 16-11-2006

m

massari 6.1

غريبه وين اخوي كابرس SS

انا ابي اشووف رده على هذا الموضوع

والصراحه يانديم والله انك جبتها في الصميم
مشاء الله عليك ماخليت شي والى وصورته
وانا قبل كم يوم رحت وكاله شفر ابي اشوف الكابرس الجديد

واشوف قدامي التاهو الجديد قلت خلني اركب واشوفه من الداخل
الصراحه انا انجنيت عليه جوووده عاليه وفخامه مقابل سعر معقوول

ونحن ايضا في انتظار رد الاخ كابرس SS :D

والله انك صادق ياخوي فرق بين جودتها وبين جودة التاهو فرق السماء عن الارض والله شيء يقهر

يبونا ندفع 90 الف

على قطع الخردة هذه

والله حرام

وش 90 الف :confused: سعرها اعلى فئه 156 الف ريال ههههههههههه << هذي سعرها خخخخخخخخخخخخخخخ على سياره بصالات العرض مالها اسبوع و متفكك الديكور ههههههههههههه

وسلام

red devil @user_32398 · 16-11-2006

يبونا ندفع 90 الف

على قطع الخردة هذه

والله حرام

massari 6.1 @user_22302 · 16-11-2006

غريبه وين اخوي كابرس SS

انا ابي اشووف رده على هذا الموضوع

والصراحه يانديم والله انك جبتها في الصميم
مشاء الله عليك ماخليت شي والى وصورته
وانا قبل كم يوم رحت وكاله شفر ابي اشوف الكابرس الجديد

واشوف قدامي التاهو الجديد قلت خلني اركب واشوفه من الداخل
الصراحه انا انجنيت عليه جوووده عاليه وفخامه مقابل سعر معقوول

نديم الطيف @user_29894 صاحب الموضوع · 16-11-2006

^^^^^^

بانتظار احد الاخوة المشرفين يصغر لنا الصور :)

كامري @user_798 · 16-11-2006

ههههههههههههههههه اجل يقارنون الهربده والخرده ذي باللكزس ES يشيييخ طييير هناك الديكور متفكك ههههههههههه اجل جوده داخليه كبيره وتقارن باللكزس << هذا الكلام من قبل اعضاء قالوه قبل ماتنزل السياره عندنا بشهر :D يوم نزلت طلعت الجوده اخس من سيارات التشيري الصينيه

والله ان المواتر الكوريه افضل منها جوده بكثييييير << والله حرام ضلمت الكوريين:mad:

اجل ذا موتر المساعدات مايمسكها الا مسمار واحد اعوذ بالله اعوذ بالله وش ذا الموتر

والله طاح من عيني مره وحده فشيله للشفر يجيبون سيارات زي كذا والله فرق بينه وبين التاهو بالجوده حرام يوضع شعار شفر عليها اخخخخخ يالقهر حرام السيارات هذي تفسد جودة العملاق الامريكي وتفسد سمعته

وبالاخير لازم يضفون المواتر ذي عن بلدنا لانها مصدر اساسي للموت لشبابنا

وسلام:o

Caprice @user_9992 · 16-11-2006

ياخوي صورك كبيييييييييييييييييييييييييييييييييييرة راسي صدع الله يهديك

لكن مع اني من عشاق الكابريس لكن انصدمت من الديكورات الداخلية المتفككة

بس ناقص انك تصغر الصور ويصير موضوعك 10 على 10

نديم الطيف @user_29894 صاحب الموضوع · 16-11-2006

للمعلومية شباب انا ماعرف اصغر االصور :D اذا فيه احد المشرفين يتكرم ويصغرها لنا نكون شاكرين له

ige @user_22051 · 16-11-2006

اخواني المشرفين اتمنى تصغير الصور ماهي واضحة ابدا

ثعبان فورد @user_32726 · 16-11-2006

تسلم يمناك أخوي على مجهودك الرائع

بس لو الصور كانت اصغر كان أفضل لاكن تسلم

بالنسة للدكيورات الداخلية المبين انها رديئة جدا ومفككة وماهي راكبة تمام

نديم الطيف @user_29894 صاحب الموضوع · 16-11-2006

عمر + Night Hawk الله يعطيكم العافية وشكراً جزيلاً لك Night Hawk

مع التحية،،،

CamSHAFT @user_6565 · 16-11-2006

يعطيك العافية وتسلم يمينك
تقرير احترافي |1| |1| |1|
ماشاء الله طلعت كل صغيرة وكبيرة في السيارة بعين واحد خبير الله لايضرك
تحياتي|3|

عمر الشهري @user_9141 · 16-11-2006

شكراً على الفصفصة أخوي :D

نديم الطيف @user_29894 صاحب الموضوع · 16-11-2006

اهلا وسهلا فيكم ياشباب وشكراً على ردودكم العطرة :)

S E N I O R @user_31926 · 16-11-2006

اخوي نديم الطيف انت عضو غني عن التعريف بصراحه

وانا اشكرك من اعماق قلبي على الجهد اللي تعبته وقوة ملاحظتك على الاخطاء المصنعيه

لكن شركة هولدن متعودين عليها الاخطاء والعيوب المصنعيه

لكن بالنهايه تعطينا تصاميم خنفشاااريه رووعه بمعنى الكلمه

وما قصرت يالغالي

دمت بود وسلام

سيارة @user_5479 · 16-11-2006

مشاء الله تقرير ولا أروع

وفعلا فصفصة مضبوطة لكن المشكلة الصورة كبيرة مرة فماتقدر تشوفها زين

على العموم ننتظر جديدكم وبالتوفيق

نديم الطيف @user_29894 صاحب الموضوع · 16-11-2006

وبالاخير هذا الاستكر الموجود على باب السواق..باين فيه دولة الصنع...استراليا (خاص للاعضاء الي مايدرون وش صناعتها General Motor Australia) :D

السيارة اجمالاً حلوة والله ولها طعم...لكن سعرها المرتفع بالاضافة والنقاط المذكورة فوق مايتفقون...المفترض تكون اقل سعر بحوالي 30 - 40 الف كذا تكون معقولة |1|

المكينة لاغبار عليها والعزم بيكون قوي وممتاز مثل ماتعودنا على هولدن الموديل السابق |1|

اعجبتني حركة التحكم بالمسجل من الدرقسون...صار تصميم الازرار احلى وتحس انه اكثر عملية وبيعيش..الموديل السابق كانت الازرار تطلع من مكانها

انوار السيارة عدسات..صحيح مو زينون .. لكن نور السيارة هالوجين روعة

وبالاخير سامحونا على القصور ولايزعلون علينا محبي الكابرس لان التجربة هذي تعبر عن وجهة نظري (الشخصية) (وهي قابلة للخطأ اكثر من الصواب) وانا مارحت الا بناء على طلبات كثير من الاعضاء وهذي التجربة عشانهم وعشان كل اخ وزميل يحب الكابرس ويبي يعرف كل شي عنها

مع التحية،،،اخوكم

نديم الطيف @user_29894 صاحب الموضوع · 16-11-2006

لاحظ بالصورة ان الربل منكبس في منطقة معينة ومنتفخ وباقي على وضعة بمناطق ثانية وهذا ان دل على شي فهو يدل على (وزنية الابواب ماهي مضبوطة لان الباب يكبس بقوة على منطقة معينة ويكون بعيد عن مناطق ثانية - نفس الربل من داخل فاضي ومجوف والا كان يقاوم الضغط ويرجع يمتد بعد ماتفتح الباب)

لو تلاحظ بالديكور انه يتفكك بسرعة وسهولة والمواد المستخدم فيها رديئة جداً...فمابالك مع الاستخدام والكرف والمطبات؟؟ وبالنسبة لديكور المسجل والمكيف مواده رديئة وقاسية وبعد اول فك للديكور بتطلع الاصوات :o

وانت فاتح الكبوت تستمتع بالوان متعددة :D عشان لو كنت فاتحه ومعك عيالك الصغار مايروحون للشارع بالعكس..ينشغلون بالفرجة على الالوان بكبوت الكابرس

نديم الطيف @user_29894 صاحب الموضوع · 16-11-2006

عاجبتني الانوار الامامية لكن مع الاسف فيها عيب خطير...ورداءة بالتصنيع بصراحة :(

شف كيف شكل الكلبسات الي ماسكه غطاء الشمعة؟؟ بايخة بقوة ومستعدة للكسر مع اول فك لانها بلاستيك..والي بيجرب السيارة بيتذكر كلامي

الي نعرفه عن السيارات انه الربلات الي فوق الكفر تكون مثبته بمسامير على البودي...الكابرس عكس يجيك البودي هو الي مثبت فوق الربل بمسامير :D

الربلات الي تجي على حواف الابواب ماتستمر دار مادار على الباب..وهذا عامل اساسي بتهريب وصوت الهواء داخل السيارة..مع العلم ان الربل مايكلف شي ليه مايحطونه؟؟ :confused:

نديم الطيف @user_29894 صاحب الموضوع · 16-11-2006

تصميم البلاستيكة الي تفتح الكبوت من داخل الكبوت غلط بغلط..حاله من حال تصميم الطفاية تحسه معكوس...بصراحة فتحه صعب صعب بقوة لان الضغط المفترض يكون على داخل مو برا :confused:

السيارة طول بعرض والمساعد مايمسكه الا صامولة وحدة؟؟ (لاتعليق)

بصراحة السيارة لها هيبة من قدام..وخصوصاً حركة الهدب فوق الانوار الامامية زي البي ام |1|

نديم الطيف @user_29894 صاحب الموضوع · 16-11-2006

اضافة جديدة للكابرس...انتل خلفي فكرته مشابهه للبي ام وهذا جيد |1| ...لكن تصميمه مشابه لشارع الغرابي :D

الديكور الداخلي يفشل بقووووووة...شف شلون الديكور الي حوالين الجلنط متفكك والسيارة مازالت وكالة..اجل كيف بعد 6 شهور؟؟؟؟؟؟؟؟؟ |10|