السلام عليكم و رحمة الله و بركاته :-
ابشركم شباب اني توظفت هالشهر هذا ... و افكر اني اخذ لي سيارة حلوة استقر عليها الى ما شاء الله ...
طبعا انا كان عندي فورد 92 ايام الثانوي و الصراحة ما كانت تعجبني على الخط
و بعدين شريت اس اس 96 و كان عيبه الوحيد انه كله خرابات
و ايام الجامعة خذت الماكسيما 2003
و الحين في يدي لومينا ال تي زد 2000 بس عيبها انها ابد مو راسية على الخط و انا دوامي بعيد 120 كيلو يوميا ..
على كل حال بعد رحلة بحث طويلة اخترت ثلاث سيايير و كان المعيار الثبات و القوة و الحجم الكبير لاني متزوج و معاي بعض اخواني في شقتي
الخيار الاول كابرس 2000-2003 ---- شكل رهيب و قوة و الثبات ما ادري عنه و الوسع ممتاز .
الخيار الثاني فكتوريا سبورت -- شكل عاجبني و وسع بس ما ادري عن الثبات و قوتها اضعف من الاس اس
الخيار الثالث المارودر -- احلى الاشكال و القوة جبارة و الوسع ما عليها كلام بس ما حصلتها هنا في السعودية فما ادري هل هي موجودة في الخليج؟
انا باخذ احد السيارات نهاية هالشهر ,,,, فارجو من عندهم احد هالسيارة او خبرة فيهم انه ما يبخل علينا برايه ...
و السلام عليكم .
