السلام عليكم ورحمة الله وبركاته
[COLOR="Red"]للمشرفين : الله يرحم والديكم ترى تعبتوني معكم لحد يحذف هذا الموضوع احذفو اللي في قسم التقييم لان هذا معه تصويت وانا ابيه يكون في القسم الاسيوي
اخواني اعضاء منتدى السيارات الكرام
انا محتار بين ثلاث سيارات وتعبت من التفكير ولا عارف وش اخذ فيهم مع العلم انني لست مستعجل لان لدي سياره ولازالت بحاله جيده
لدي تقريباً 100 الف ريال واقدر ازيدها شوي
السيارات التي حيرتني هي :
1- هوندا أكورد : سياره حلوه من شركه عريقه وسمعتها ممتازه لدينا وانا جربتها واعجبتني من ناحية مواصفاتها وتصميمها الخارجي وصولاً الى ديكورها والذي لا يقل جمالاً عن التصميم الخارجي وحجمها حلوه واقصد انها مو صغيره علي والحمدلله مرتاح معها في فترة تجريبها وايضاً رساوتها ممتازه ولكن اقدر الخص عيوبها في نقطتين .... الاولى قساوة المراتب وهي غير مريحه ابداً وصوت الهواء على السرعات العاليه .
2- هيونداي ازيرا : جوهرة هيونداي على مايقال وسعرها قريب من الاكورد مع العلم انها من فئه اعلى من الاكورد ومواصفاتها حلوه مرره وتتفوق على الاكورد في بعض المواصفات غير ان الاكورد لها ميزات غير موجوده في الازيرا مثل اذا كان هناك باب مفتوح راح يطلع لك مؤشر يعلمك بالضبط اي باب مفتوح وعدادات ليدز بيضاء والازيرا للأسف عداداتها فاشله واشوف عدادات اختها الصغيره سوناتا افضل منها بمراحل
بعد تجربتي للازيرا اكتشفت لماذا سميت بجوهرة هيونداي وايقنت انها تستحق هذا اللقب فقيادتها ممتعه وتتفوق على الاكورد بمراحل حيث السلاسه المطلقه ونعومة تعشيقات القير وهدوء المحرك والعزل الصوتي الرائع والذي اجده بصراحه يفوق بعض من سيارات لكزس وهناك ايضاً راحة المقاعد والتي ايضاً تتفوق على الاكورد .
ولكن تصميم الاكورد بالنسبه لي افضل من الازيرا وهناك شي في الازيرا قهرني بصراحه وهي ان الزوائد ليست مصبوغه بلون الهيكل ولكنها تأتي سوداء .
وايضاً من المعروف ان سمعة هيونداي غير جيده لدينا وانا لا اقصد بهذا الكلام انني سوف ابيع السياره في فتره بسيطه لانها سوف تبقى معي لا يقل عن 5 سنوات لذلك لا يهمني سعر البيع.
3- مرسيدس فياغرا 2003 او 2002 : ما اقدر اقول شي لانكم عارفين انها تتفوق على السيارتين المذكوره اعلاه ولكن عيبها انها راح تكون مستعمله واللي عنده خبره عن الفياغرا واستخدامها لا يبخل علينا بالمعلومات وجزاه الله خير
هذي هي السيارات التي حيرتني بصراحه اتمنى ان لا تبخلو علي بأي معلومه تملكونها فهذا العشم فيكم واتمنى منكم التصويت في اعلى الموضوع
تحياتي وتقديري
ابو مهند[/COLOR]
