ايهما افضل الاكسبلورر ام الماونتنير ؟؟ ارجوا المساعدة!!!!!

السلام عليكم يا شباب

اشكرك مرة اخرى يا just chevro وجزاك الله خير على المعلومات الطيبة وانا انشالله عما قريب اجرب

السيارة والله يكتب الي فيه الخير والله يعطيك خير السيارة ويكفيك شرها وموفق خير يارب..

اخوي ابو نورا:
مشكور اولا على الكلام الحلو.
اخوي الي معي موديل 2006و دبل .البليزر يجي 3 انواع ls و lt وهذا انواعه كثيره و ltz.
انا الي معي lt اعلى نوع فتحه وازرار تحكم ومكيف الكتروني. تقريبا مثل الفل .
كلام خويك صحيح بس اذا كان فيه هو ا و ضدك .لكن اذا كان الجو عادي ينعدم الصوت صراحه نهائيا .
اخوي انت حاول تجرب واحد وتمشي عليه وشف واحكم.اخوي انا ركبت مع قريب لي معه انفنتي الي شكله زي الباث والله انه زيه . انا اعتبر الصوت عادي والله.
وشكرا.

اشكرك just chevro على المرور وهذا من اهتمامك بالموضوع وانا كان ودي من زمان اسئل هذا الموتر وكلامك وافي والله يجزاك خير وما قصرت بس لدي سؤال طبعا !!!!

مشكلتنا ذبحتنا وكالة يقولون وهذا الي بلشنا ولكن لدي سؤال عن البليزرر وهو كم موديل السيارة الي معك وهل فل كامل ؟

وانا بصراحة جربت الاكسبلورر وكان والله رائع بس زي ما ذكرت سابقا اني ركبت مع زميلي وكانت في قمة الابداع ولكن قال انه في عيب بسيط لا يؤثر على امكانيات السيارة وهو انه يقول لما يمشي فيه 140 كم يقول صوت الهواء قوي يعني العزل حقه مو ذاك الحد انا ما ادري هذا كلامه وما ادري وش رايك انت !!!!

واشكرك يا جذاب على المرور وكلامك سليم وانا انشالله مع موعد وكالة الحاج وبشوف السيارة وربك يامعين


وطبعا لا ننسى الاستخارة كم قال اخونا المشرف صااالح وجزاكم الله خير على المرور؟؟؟


سؤال خطر ببالي وانا اكتب هذه الرد ياشباب وش رايكم بـــ RX330 لكزس هل تصنف من فئة الاكسبلورر ام لا ؟؟

ولا سعرها مبالغ فيه؟؟

ارجوا المساعدة وآسفين على الاطالة....

الفرق بين الماونتنير والاكسبلوررمثل الفرق بين الكراون فيكتوريا والجراند ماركيز وقارن بنفسك

الميركوري تميل للفخامة والرفاهية والراحة والهدوء أكثر من الفورد وكلاهما شركة واحدة...

لكن مثل ماذكرت أنك صاحب خطوط وسفريات فأنا أنصحك بالماونتنير لأنه أريح من الاكسبلورر

وبالنسبة للصيانه فالحاج على ماسمعت أنه جيد ولاكنني لم أجربه ولكن توكيلات الجزيرة يستقبلون الميركوري...

وانصحك بالموديل الأخير اللي قيره أرضي ...

وتقبل تحياتي...

السلام عليكم يااخوان.
اخوي بما انك سألت عن البليزر راح اجاوبك ولان اخوي salehhd ماراح يجوزله كلامي لانه صراحه شايل على البليزر مدري ليش .بكل تسائل تلقاه يجدع كلام على البليزر. المهم:

انا ياخوي شخص املك سياره من نوع شيفروليه تريل بليزر. اخوي انا شخص يوميا لاحظ يوميا امشي 250 كيلو 125 رايح و125 جاي وحصلت لي مواقف كثيره عليه قسم باالله انه كل يوم يزين بعيني من ثبااااااات وراااحه والله ماشاءالله راحه ولا كانك راكب جيب صراحه جربت كذا سياره والله انه موريح مره عنهم. والصرفيه والله قبل ماشتريه متروع من كلام الناس انه يصرف المهم والله ان صرفيه ....ماشاءالله بس .
اخوي بالنسبه لتحمل ارقد وامن (اسئل مجرب ولا تسئل خبير) فيه ناااااس يتكلمون وهم مايدرون:confused: بس لمجرد انه ماجازله الموتر يبي يسبه .
بنسبه للقطع اخوي وياخوان اسمعوا اول مانزل الموتر معكم سعرها غاالي لانه ماهي موجد بع القطع بس الان غير.
اخوي فيه شخص عزيز على قلبي قسم بالله ركب معي وشاف كيف الراحه والثبات قسم باالله مادريت الا جاني ومعه تريل بليزر 2003 قال جازلي الموتر .اخوي صالح صراحه ملينا من اسبابك الي مدري وشتبي .ابو نورا روح وجرب التريل وشوف والله راح يجوزلك وماراح تندم.

بالنسبه للفورد:
صراحه شكله الخارجي صار قديم و المكينه ضعيييييفه مره .لكن داخليه ماعليه بالذات 2006.
اذا كان براسك تريل بليزر وتقدر تجيب موتر جديد خذه وانت مطمئن.

وشكرا وما عليش على الاطاله

السلام عليكم

الفورد افضل من ناحية التحمل والهدوء وسعر قطع الغيار والصيانة
ولا تشتت ذهنك

وحل الحيرة هو ا لاستخارة وبالتوفيق

للرفع

تكفون أفيدونا

ياشباب ما اي تعليق عن الموضوع يعني إلى حد كذا السيارة مالها داعي او ما في احد جربها !!!!!

بس ممكن سؤال على الطاير ايهما افضل بكل صراحة التلبيزر ام الاكسبلورر لأني بصراحة ركبت مع واحد من الشباب

البليزر وكانت فل كامل وصراحة كانت جدا روعة وبديت احتار ايهما افضل الشفر ام الفورد.

والله ياشباب ما في فرق بينهم واليوم اقتنعت في ذلك صارحة صارلي موقف غند معرض الحاج وهو:

اليوم ركبت الماونتنيير في الوكالة وصراحة اعجبنتي من الداخل وخاصة ازرار التحكم التي في الدركسون

والمكيف الالكتروني واثناء ما كنت واستطلع في السيارة اتى الموظف وقال لي اي خدمة فقلت له وش الفرق

بينها وبين الاكسبلورر فقال لي ليس هناك فروق كثيرة واثناء ما كان يتفلسف علي عن السيارة كعادة اهل المعارض

لفت نظري وهو عندما نظرت الي مقبض الباب الايمن للراكب من الداخل مكتوب عليه اكسبلورر فقلت للموظف هنا مكتوب

اكسبلورر فضاعت علومه وراح نادى مشرف الصالة وقال غيرو هذه السيارة وردوها ,,,

المهم في تللك اللحظات اقتنعت قناعة تامة انه ليس هناك فرق بينهما الا في الاكسسوارات وطبعا الميزة للماونتنيير

في التجهيز الداخلي افضل من الاكسبلورر...

انا شخصيا لو قررت اشتري واحد منهم
كان اخترت الاكسبلورور 2007 بالمواصفات الجديدة واريح بالي
من التردد

وقبل كذا استخير الله سبحانه وتعالى

لأن السيارة حقيقة اثبتت وجودها
وانت لاحظ الشوارع وش السيارة الي موجوده اكثر

اشكرك salehhd على حسن اهتمامك وأسأل الله أن يكون ذلك في حسنات اعمالك

وإذا ما عليك يا salehhd تسأله عن هل هناك دراسة من شركة فورد الجزيرة إنه يأتون بفودر اكسبلورر 8 سلندر والتي تسمى (إيدي بوير) ولك مني جزيل الشكر وجزاك الله خير....

السلام عليكم

اخي العزيز ان شاء الله خلال الاسابيع القادمة سأقوم بعمل مقابلة مع مدير معرض فور في الشرقية
وسأقوم بأيصال الاستفسار وانا قلت هذا الكلام بناء على كلام احد موظفي المبيعات هناك ولاكن سأتأكد غدا ان شاء الله

الفرق الوحيد ان الاكسبلورر 4*4

اما الماونتنير awd

اشكرك salehhd على المرور واشكرك على الاهتمام بالموضوع لكن لدي سؤال هل انت متأكد من توكيلات الجزيرة

يقوم على الصيانة للماونتنيير وهل هي نفس اسعار الاكسبلورر في الجدول الدوري للصيانة ام تختلف لك مني جزيل الشكر.

اشكرك ابو عبدالله على المرور ..... والله حاس فيك ابو عبدالله عارف انك محتار من موضوعك لأني قراته اكثر

من مره وعسى الله يسرلي ويسرلك في إختيار السيارة المطلوبة...

وبيني وبينك انا اميل للماونتنيير قليلا لكني خائف بعض الشئ من الوكيل الحاج حسين

ولكن عندما انظر للاكسبلورر في موقع فورد اراها في قمة الابداع لكن الوكيل الجزيرة الله يهديه في السعودية

خيارته قليلة في السيارة مع العلم انه لا يأتي مثل الذي الموقع الرسمي لفورد

اعطيك مثال على ذلك الخيارات الموجودة في الاكسبلورر في المقود( الدركسون ) ليس هناك الا المثبت للسرعة

يعني لا يوجد رفع للصوت والمروحة حقت المكيف مثل الماونتنيير الذي يوجد فيها هذه الاشياء في جميع فيئتيها

الجلد والمخمل وغيرها من الامور مثل الحساسات في الاكسبلورر لا يأتي الا في الفل الكامل يعني جلد وانا لا اريد جلد

اما الماونتنيير يوجد حساسات في المخمل والجلد وغيرها من الخيارات..

السلام عليكم
مثل ما تفضل الاخوان السيارتان وجهان لعملة واحدة

والفرق في الوكيل وانا ارى ان توكيلات الجزيرة وكيل افضل مع العلم بانه يقوم بعمل صيانة للمونترنير

ولا تنسى الاستخارة

بالتوفيق

والله يااخي الكريم
انا مثلك محتار ودي اشتري واحده منهم ومحتار بينهم
وان شاء الله اهل الخبره والمجربين يفيدونا
ولك تحياتي

اشكرك سبع الهيجا على المرور ولكن في نظرك ماذا ترشح الاكسبلورر ام الماونتنيير ؟؟؟

وجزاك الله خير