المساعده محتار بين الدينالي وجيب مرسيدس؟؟؟؟

والله أنصحك بالدينالي على شان هو مجرب و قطعه و صيانته متوفرة و كما قالوا لا تنسى اللاستخارة!

بانتظار رأي باقي الخبراء وماقصرو اللي شاركو

اخي mathstar

اشكرك جزيل الشكر على الرد والتجاوب السريع ..بارك لله فيك
ولله ياخوي اول واحد لقيته معه لاندروفر .. نادره وهذي قمة التميز والي انا ادور عليه .. ابي سياره ماتشوفها إلى باللعنه :D
وما سمعت السيارة السيئه فهي للموديل السابق .. اما الموديل هذا .. ماله اي إرتباط بالسابق .. ومكينته هي مكينة جاكور jx وهذي المكينه تنافس محركات نيسان Q بالأعتمادية وفائزة بعده جوائز مع الجاكور
الله يطعمك من خيرها ويكفيك شرها اخي الكريم mathstar ويبارك لك فيها ويوفقك ..
وياليت تنزلنا عنها موضوع .. كتجربه للسياره

الاخ GGTIبالنسبة للسعر انا مأخذها اول رمضان فل ابشن 198 ودفعت 3 الاف حق الدعاسة لأنها ما تجي معها بس ترى الفل ابشن تجي من غير DVD. والدفي دي قيمته 12 الف عنهم بس انا ماشتريته.

بالنسبة لصرفية البنزين الكتالوج يقول (داخل وخارج المدينة 18.8 لتر لكل 100 كيلو) لكن عندي من عداد كمبوتر السيارة صرفية البنزين هي (16.9 لتر لكل 100 كيلو)

وبالنسبة لورشة السيف وقطع الغيار الصراحة لم أتعامل معهم بعد. السيارة ما كملت معايا شهر. لكن سمعتها عند الناس سيئة والله يستر.

السيارة ثقيلة مقارنة ببقية سيارات الدفع الرباعي من ناحية الوزن فقط. أما بالنسبة للقومة فالثمانية سلندر ممتازة زما تحس بوزن السيارة. الستة سلندر صراحة خفت منها.

العزل الصوتي في كبينة القيادة ممتازة. والوطي على عيون القطط أبشرك ماتحس فيها.

وأخيرا أحب أذكرك أن تجربتي للسيارة ما زالت قصيرة وأنصحك بأخذ رأي شباب غيري.

|3|

انا اصوت مع الدينالى

أنا مع اخويsalehhd
الموتر
حلوووووووو مره بالطريق وخاصه في السفر بس في المطبات لك عليه شوي

لأن مساعداته رياضيه

معقوله V8 فل ابشن 198 .. انا كنت سائل عنه قبل تقريبا 2شهرين .. قالوا لي 220 فل نفقيشن ..

الله يخليك تعطينا تجربتك وتقييمك لهذه لسيارة لرائعه .. ومدى رضاك عنها

مثلا صرف البانزين .. كيفه

الورشه حقت السيف مضبوطه ولا لك عليها

يقولون السيارة ثقيله ولذلك قومة السيارة والنقزه على قولتهم ثقيله شوي .. رايك ؟

قطع الغيار .. غالي ولا ؟ وماهي الخربات التي واجهتها حتا الأن
العزل الصوتي للكابينه .. وصوت المكينه والوطي على عيون القطط ؟

معليش ازعجتك بكثر الأسئله .. بس ولله مبتلش وبحال الله لا يوريك لي سنه ونا ادور على سياره .. وكل ماعزمت على سيارة .. طلع لي فيها مشكله

اخوي انا كنت ناوي على جيب مرسدس ML500 خيالي الصراحة ويضاهي الكي إن بورش

بس لقيت خبر في احد المنتديات وهو الذي خلاني اتراجع عنه وهو التالي :

بصراحة للأسف الشديد ....قير مرسيدس الجديد 7G-TRONIC كثير مشاكل وغثيث

.............

حتى وهو سليم فان الطقة موجودة ولكن على خفيف وانا جربتها على مرسيدس 2006م

وحتى اني لاحظت بعض اللخبطة في تغييرات القير


**********

انا شريت مرسيدس بنز S500 2006

قبل 8 اشهر تقريبا و من يوم ما مشى له 1500

وهو فيه خراب في القير يعني اذا نزلت القير من الp الى D فيه طقه قوية مره يعني لازم تتحرك من مكانك اذا جت الطقة و بعد ما مشى 3500

كيلو بدا الخراب الكبير يعني اذا كنت ماشي 60 الى 80 وهو على الغيار الثاني و دعست كل الدعسة وجاء يغير للقير الثالث تجي طقة قوية ولازم يطق ظهرك في الكرسي من قوي الطقة وديتها للوكالة مرتين والله كل ما تدخل للوكالة تتطلع مظبوطة و كلو تمام بس بعد شي يومين او ثلاثة يرجع نفس الخراب و هم يقولون ان الخرتب في فلتر القير

السلام عليكم

اذا السيارة تبيها لاستخدام شخصي وداخل المدينة وليس للبر فعليك باللكزس rx350 او انفتي fx35 او مورانو

سيارات شبابية وقوية وغنية عن التعريف

بالنسبة لليوكن فهو سيارة ممتازة ولاكن جديدة ولم تجرب بعد والاند روفر يعيب علية الوكيل واسعار قطع الغيار وكذلك 6 سنلدرة يعتبر محرك ضغيف لسيارة بحجمها

في الختام انصحك بالاستخارة فما خاب من استخار

وخذه نصيحة لاتبعد عن الياباني

وبالتوفيق

بالنسبة لي ارشح لاندروفر وقد امتلكت واحدة مؤخرا وبعد تجربتي لها رأيتها سيارة مميزة جدا وزاد اعجابي بها خاصة ان كنت من محبي التكلولوجيا والسيارة مريحة من ناحية المطبات واي سؤال انا حاضر

اما بالنسبة لالدينالي فانا لا أرى فيها اي تميز يعني سيارة الشعب:D

بالنسبة للمرسيدس الماني ما عليه كلام... لكن احد اصدقائي يشتكي من نظام التعليق

بالنسبة لسعر لاندروفر LR3
V6 فل ابشن 175
V8 فل ابشن 198