ممكن احد يفيدنا عن جيب فولفو

اذا عندك 150 ماراح تقدر تشتري جديد للاسف دور بالمستعمل
بالنسبة لشاشة الملاحة فهو مايجي بشاشة ملاحة الا بالطلب وسعرها 7500 ريال ..
والدي في دي اذا موب موجود يمكن توفيره بالطلب ..
المستعمل قلت لك انتبه مايكون من محل ايجار ويكون استعمال شخصي وجيب معاك خبير يفحص السيارة اذا فيها شي ..
اما البر فهذي السيارة زي اغلب الجيوب الاوروبية مهيب مخصصة للطرق الوعرة جدا ..
اما بالنسبة للرزة والشخصية فللاسف مايقدرها الا اللي يفهم بالسيارات بس اما العامة يعتبرونها سيارة عادية ..

مشكور اخوي ومعلومات مفيدة

الحقيقة اذا كان ال 8 سلندر بحول ال 200 الف فالصراحة اشوف ان 200 في السيارة واجد

السعر اللي ممكن ادفعة في سيارة جيدة 150 الف تقريبا

ولكن ال 6 سلندر فل كامل يجي فيه شاشة ملاحة و دي في دي وكاميرا خلفية ام لا

وبالنسبة للمستعمل هل ممكن ان يكون بسعر جيد ونظيف والا لازم تفكها على يدك

كيف السيارة في البر

هل السيارة شخصية عندنا في المنطقة والا الناس ما تعرفها زين

والف شكر مقدما

السلام عليكم ورحمة الله وبركاته ..

اولا : اعتقد ان اخوي القيم عطاك معلومات كاملة عن السعر ..
ولكن احب ان ابشرك ان هناك عروض جيدة على هذا الجيب الان وان شاء الله اذا بتكاسرهم بتطلع بأسعار حلوة جدا ..
ثانيا : انا امتلك فولفو اس 60 موديل 2001 شريتها مستعمل من سنتين والحمدالله الى الان مشيت عليها اكثر من 25 الف كيلو ماغيرت فيها ولله الحمد الا قطع استهلاكية فقط ..
السيارة شريتها مكروفة اصلا بس الحمدالله ماشفت منها الا الخير
الصرفية ممتازة وقوية
يعيبها امرين
الاول : العزل الصوتي سيء جدا (( يعني تسمع صوت هوا عالسرعات العالية ))
الثاني : انها غير مريحة ابدا ..
ولكن لما جربت الاس 80 كانت راحتها رائعة جدا ..
وماادري عن الجيب لاني حقيقة ماجربته ..
التجربة موجودة بالوكالة روح لهم وقول لهم ابي اجرب وماراح يقصرون معاك ..

قطع الغيار :
افضل من السيارات الالمانية ولكنها مرتفعة جدا وهناك فرق كبير بين اسعار قطع الغيار عندنا وفي دول الخليج الاخرى ..

المستعمل :
الوكالة يبيعون مستعمل بس ماانصحك فيه بقوة
اذا ودك تشتري مستعمل دور على واحد يبي يبيع السيارة لاتاخذه وكالة لانهم احيانا يكونون من محلات ايجار ..

محرك الثمانية سلندر :
قوي جدا وماانصحك تفكر بغيره ..
تسارع رائع وصرفية متوسطة نوعا ما ..
وقوته على فكرة 315 حصان مو زي ماذكر الاخ القيم انها 300 حصان
تسارعه من 0 - 100 : 7.2 ثواني (( رائع جدا على سيارة بوزنه ))

توكل على الله اخوي وجرب السيارة واذا عجبتك استخير والله يوفقك
اي سؤال عن الوكالة او عن فولفو لايردك الا لسانك هنا بالموضوع او عالرسايل الخاصة ..

الف شكر للاخوة ومعلومات جدا مفيدة اخوي القيم وما دام ان اسعار قطع الغيار ارخص من بي ام و مرسيدس فهذا جيد

بقي نشوف من الاخوة اللي جربوا هل هي عميلية بمعنى كثيرة الاعطال ام لا

والف شكر للجميع

أنا عندي سيارة فولفو لكن ليست الجيب xc90 لكن أ فكري أشتريه
أمس جربت قيادتها

السيارة غير منتشرة في السعودية أبداً

وكيلها الزاهد ... الخدمة جيدة جداً لكن أسعار قطع غيارها غالية جداً لأنها أوربية لكنها أرخص من المرسيدس و BMW

أما أسعار 2006
5 سلندر قياسية: خمس مقاعد بدون جلد ولا تخشيب وجنوط 16: 145 ألف
5 سلندر مواصفات كاملة: 7 مقاعد جلد وتخشيب الطبلون 6CD وحساسات خلفية : 165 ألف
8 سلندر 300 حصان: نفس مواصفات السابقة لكن تزيد عليها الهاتف : 230
8 سلندر Excutive : : تزيد عليها اكسسوارات كروم مقاعد جلد مطرز الحواف ثلاجة بين المقعدين الأماميين شاشة DVD زملاحة: 260 ألف


أما الرفاهية داخل السيارة:
هي رائعة ... وأجمل ما يميزها الراحة في المقاعد والتحكم الكامل من المقود ...

وأهم ما يميز الفولفو .... أنها سيارة السلامة الأولى

أما تصنيفها بين السيارات الأخرى .... في السعودية الشهرة للمرسيدس BMW ولكزس ... أما في أوروبا فهي في مصافها

أما عيوبها...
1- قطع غيار غالية
2- عند البيع يطيح سعرها.. لكن الوكيل يشتري سيارات موديل آخر 5 أعوام بأسعار مناسبة إذا كانت السيارة نظيفة

إن شاء الله أكون أفدتك..
ويا ليت أحد جرب السيارة يعطينا خبرته