مشكلتي مع المرور

T N T @user_29467 · 15-09-2006

السلام عليكم

عندي سوال بس انه بايخ

اليوم هجيت من تفتيش ودخلت الحاره ولقيتهم في وجهي المهم اني مضلل السياره بالكامل

جاني العسكري قالي انزل من السياره قاتله ابشر قعد يفتش السياره وسالني كذا سوال بايخ

يقول جب جوالك قلتله معصي وكان معاي كمره تصوير قالي ورني الصور الي في الكمره وقلتله معصيين

وتبطي وعطاني قسيمه

المهم كاتبلي تظليل السياره باكامل وكم سعرها الي اعرفه انه التظليل البيبان والخلفيه 100 ريال والجيزاني كاتبلي

تظليل السياره بالكامل ودي اعرف كم سعرها ؟؟؟؟؟؟؟؟؟؟؟؟

ويعطيكم العافيه

تحياتي

B R A B U S @user_18993 · 17-09-2006

السلام عليكم ورحمة الله وبركاته

والله اخوي العزيز انا اشوف اولاً بأن رجل المرور مو من حقه

المطالبة في رؤية الامور الشخصية وحبذا ان صور الاهل موجوده

داخل الجوال او الكاميرا ,, ولكن لو انك اخذته بالسياسية والله

كان يمشيك لانه تصبغهم في الكلام يمشونك اما تتعصب ع طول القسيمة ,,,

الحمد لله انها جت على جذي مو اكثر وبالنسبة الى السعر اعتقد نفسه ,,,

CLK_200

نيسان للأبد @user_17211 · 17-09-2006

والله غريبة زيرو زيرو ماعليها شي عمي ملازم اول يقول الزيرو ون هي الي عليها مخالفه ..

انا مظلل الماكسيما زيرو تو والحمدلله تجلس بالشهر ماتنفك الدعوه مذيبة وانا اخووك ..

.

دلوع الرياض @user_35035 · 17-09-2006

طيب يوم انك منت مكتم لي تهرب وتسوي الحركه هذي اصلن اهم مايعطون مخالفه الا على التكتيم السياره بل كامل

راعي ال 8100 @user_22094 · 17-09-2006

اخوي الغالي ان كانك بتعرف كم قيمة المخالفه اتصل على رقم المخالفات 012928888

ودخل رقم بطاقه احوالك وشوف كم مخالفتك اللي عطاك اياها ...........

T N T @user_29467 صاحب الموضوع · 16-09-2006

هلا اخوي الهامور

التظليل زيرو زيرو خفيفه مره الي في عز الليل يشوف الي داخل السياره

الي سالني من الشرطه 999

A L H A M O O R @user_17724 · 16-09-2006

صراحه مهوب من حق العسكري يطلب تفتيش جوالك !!

لكن الحمد لله جت سليمة ولا خذوك للناصرية وموترك للبن :D خخخخ

عندي سؤال : التظليل هل كان كاتم زيروفور ولا خفيف

وهل اللي سألك كان من المرور ( 993 ) أو من الدوريات ( 999 ) ؟؟؟

T N T @user_29467 صاحب الموضوع · 15-09-2006

يا خوان موقصدي هجيت يعني مو طردي

عند مخرج 11 بعد هرفي التفتيش المهم قبل التفتيش فيه لفه للحاره دخلوا اثنين قدامي ودخلت معاهم

توقعت مافيه احد

يا نواف القناص انا شفت اثنين دخلوا مع الفه ودخلت معهم يعني على نياتي وما معاي حاجه علشان اهج منهم

ياعذب الاحساس التضليل الي حاطها زيرو زيرو خفيفه مره في عز الليل تشوف الي في السياره مو كاتمه

ويعطيكم العافيه على مروركم

تحياتي

عذب الاحاسيس @user_15092 · 15-09-2006

ياخي تعرف انت انه النظام يخالف على التظليل الكاتم فليش تظلل

زي واحد من زملائي جالي زعلان وجالس يزاعق وش السالفة قطع الاشارة وعطوه مخالفة بالله وش رايك زعلان من شي سواه

اما من ناحية الجوال مو من حقه يطلبه اصلا ولا تعطيه اياه ابدا

والمخالفة بسيطة اخرتها تتسدد وتعوذ من ابليس وفك التظليل بكرة يجيلك واحد اخس من هذا ويحجز السيارة

تحياتي

نواف القانص @user_1951 · 15-09-2006

اسلوبك خطأ مع رجل المرور
المفروض انك تحترمة لكونه من حماة الوطن اولا
وثانيا لماذا تهرب منهم هل تخبئ شيئاً عن رجال الامن

منيب صاحي @user_13544 · 15-09-2006

أكيد قصد الرجال يوم قال "هجيت" أنه خش اللفة الي قبل التفتيش , وكان فيه هناك دورية تبع التفتيش تحتريه

دلوع الرياض @user_35035 · 15-09-2006

المفروض يرسلونك لمرور الناصريه هذي تعتبر هروب بس شكل الي كانو بتفتيش طيبين ول كان حجز 24 ساعه وتحقيق وبلاوي احمد ربك بس.

بنز-وبس @user_32977 · 15-09-2006

:eek: غريييبه تهرب من تفتيش ولا يسحبوك..
مدري عن سعرها بس اعتقد دبل يعني 200 والله العالم..
انشالله الشباب يفيدونك.