مشكلة في المرسيدس-ادعس للاخر ولكن..

سالم الفيصليه @user_35336 · 06-09-2006

السلام عليكم ورحة الله وبركاته ... اخواااني الاعزااااء ..

عندي مشكله في السياره مرسيدس 300SEL م89 6 سلندر ... ظهرت فجأة ..

الا وهي .. انه السياره تقوم من احسن ما يكون وغيارات القير تمام ..لكن لما توصل السرعه ل120 .. خلاااااص ما

تتجاوب معي السياره لما ادوووس .. حتى اني ادعس للاااااااخر الدعسه .. لكن لاحياة لمن تنادي ..

شكل السياره نظاميه وما تبي تخالف الانظمة المروريه ..

عن جد يا شباب .. وش حل هالمشكله ...واكون لكم من الشااااكرين

ملاحظه صغيره يمكن تفيد: انا تركت السياره واقفه مده اسبوع بعد ظهور المشكله بايام ولما عاودت تشغيلها وتجربتهاا ...
مشت معي السياره الى 180 وما ان وصلت لهااااا الا وتناقصت السرعه ببطئ الى ان وصلت للسرعه النظاميه 120 ... هذا كله وانا داااااااعس على الاااااخررررررر ..

نديم الطيف @user_29894 · 11-09-2006

يمكن السوري قالك 550 بيبيع لك طرمبة اصلية تشليح ويركبها

لكن شغل يد 200 على طرمبة...غاااااااااااااااااالي

فني سيارات @user_8460 · 11-09-2006

لو كان فعلا الطلمبة ما انصحك تمشي عليها مسافات لان ممكن تعطل في وقت محرج جدا

أبو الريم @user_27441 · 10-09-2006

سلام
طرمبة البنزين اذا ضعفت تصدر صوت حنه بالامكان انك تسمعه من داخل السياره اذا كنت واقف لأنه خفيف وكأنه تحت المقعده وأما عن شغل اليد واحد ركبلي اياها بخمسين ريال بس يعني السوري غالي

سالم الفيصليه @user_35336 صاحب الموضوع · 10-09-2006

اشكركم يا شباب على ردودكم الحلوه والمفيده .....

انا وديت السياره للورشه بالخفجي - لانها اقرب منطقه لي - وحصلت ميكانيكي سوري ولما حكيت له الحكايه

على طول قال طرمبة البنزين عندك تعبانه قيمتها 350 ريال ومع شغل يده يصير 550 ريال .. ولهذا قررت

اني اوديها لورش الدمام عشان اتاكد من السالفه ويمكن احصل شغل يد ارخص ..

لكن سؤالي الحين .. هل استطيع ان افحص طرمبة البنزين بنفسي ؟؟ وكيف؟ وماهي الاحتمالات التي تحدث لو كانت متعطله فعلا..

وعلى فكره لي يومين امشي عليهاااا 160 وما تصير بها الحاله ..خفت اتعدا هالسرعه وتجيهااا حالتها ..

وبالنسبه للقزوز سليمه .. ومثبت السرعه ماله دخل ...<<< فحصهم السوري

بنز-وبس @user_32977 · 09-09-2006

لا مثبت السرعه بالمرسيدس اذا ثبت خلاص يثبت ولا يغير حتى لو تدعس كل الدعسه
بس اذا ضغطت على الزر الي في نهاية الدعسه تطلق السيارة ويطفي المثبت على طول..

على العموم اذا كانت السيارة تفصل طبيعي عند هذي السرعه وترد تعشيقه يعني كنك مثبت السرعه فما اتوقع شي ميكانيكي
فقط مجرد كهرباء..

نديم الطيف @user_29894 · 09-09-2006

بس تدري...ماظنها من دسك الكلتش لانك تقول تدعس ومافيه امل..واذا دعست السيارة ترد نمرة تلقائي

تصدق مرة شفت المشكلة هذي على 735 .. مابي احطمك بس طلع من الورشة وهم يعتذرون له لانهم مايدرون وش المشكلة :D.....جربنا معه كثير وماعرفنا للسيارة :D

نديم الطيف @user_29894 · 09-09-2006

اذا كانت السيارة توصل 120 وماتتجاوزه ابد شيك على القزوز تلقاها منسده

او يكون فعلاً فيه مشكلة بمثبت السرعة...بس المثبت وهو صالح تقدر تثبت السرعة وتدعس مافيه مشكلة ويرجع ويثبت على السرعة المحددة...فيه مشكلة بس الله اعلم منها والا لا !!! الا وهي دسك الكلتش..يكون يتجاوب على نمر ثقيلة..واذا ريحت السيارة مايعطيك.....جرب بنمرة ثقيلة..شد على السيارة شوي عشان تتاكد...شيك وعلمنا وش يصير معك

بنز-وبس @user_32977 · 08-09-2006

العفو..وخبرنا وش يصير معك.

سالم الفيصليه @user_35336 صاحب الموضوع · 07-09-2006

مشكوووووووووووور يا عزيزي (بنز-وبس) .. راح اوديها للورشه ونشووف وش بيصير ..

بنز-وبس @user_32977 · 07-09-2006

في مشكله في برمجة السيارة
وديها الورشة اتوقع شيء بسيط واقل من منظم السرعه..لانه السيارة تتجاوب بس توقف عند سرعه معينه

سالم الفيصليه @user_35336 صاحب الموضوع · 06-09-2006

اشكركم جزيل الشكر على سرعة الرد ....

وفي الحقيقه السياره فيهااا مثبت سرعه لكنه خربااان (عطلان) منذ زمن طويل يعني حتى قبل لا اشتريهاا ...

واما من ناحية انها تتجاوب معي .. نعم تتجاوب معي اذا كانت السرعه تحت الميه ...

وبالنسبه لدبة الكنداسه سليمه ..لكن المواسير حقتها مدري وش اسمها بالضبط (اللي من القزوز الى الدبه ومن الدبه الى نهاية الشكمان ) فيها طعجات بسيطه ..

فني سيارات @user_8460 · 06-09-2006

يمكن اصابها ما اصاب سيارتي المرسيدس هو ان جاتها ضربه في الشكمان سدت النفس عليها او جات الضربة في دبة التلوثك وكتمت النفس لها تحتاج الى تبديل الدبه حتى تفتح معاك مشكلة الشكمان لسيارات الحديثة سعرها خيالي
واذا بدلته بتجاري او قطعت الدبه يطلع صوت مختلف و مزعج جدا وغير مريح

بنز-وبس @user_32977 · 06-09-2006

اتوقع ان منظم السيارة فيه خلل
ويطلق عليه مصطلح المخ عند الورشات وهو موجود بكبوت السيارة..
مره واحد من الشباب معه نفس سيارتك موديل 1990 ونفس الشيء السيارة براحتها تدعس يعني احيانا توصل الى 200 وخلاص واحيانا من 100 وخلاص واحيانا 240 :D
بس بسالك انت تحس اذا دعست احيانا بسرعة اقل من 120 انها ماتتجاوب؟؟
اذا لا والسيارة طبيعيه احتمال يكون مثبت السرعه خربان..بس اتوقع ان اذا دعست الزر الي في نهاية الدعسه يفصل المثبت..او سيارتك مافيها مثبت بلاساس؟؟