استفسار عن مرسيدس c200

انصحك فيها أفضل من الفولكس لان الفولكس يطيح سعرها أكثر وماهي مرغوبة كثير بس اذا عندك 130ألف تطلع لكزس IS أحسن
والفولفو تعبااااااااااااااااااااااااااانة

السلام عليكم

انا اخوي عنده c 200 koperosser موديل 2005 كامل المواصفان

فتحة
جنوط قياس 17
جلد بيج
ذاكرة في كرسي السائق
المقود كهربائي
مثبت سرعة + مع تحكم بالمسجل والهاتف من المقود
هاتف
مصابيح زينون
كشافات
ستارة خلفية
ضمان 3 سنوات دون تحديد الكيلو متر

السعر 125000 من الوكالة مواصفات elegance

-----------------------------------------------------------------------------------

بالنسبة للقيادة ممتازة وثابتة فوق ما تتوقع على الطرق السريعة
بالنسبة للتسارع هو انك اول ما تدعس تحس انها ثقيلة بس بعد ثانيتين تقريبا يشتغل نظام الكمبريسر (مثل التوربو)
تطير السيارة

اعطالها قليلة جدا
قطع الغيار مقبولة بالنسبة للاسعار ولكن اجرة العمالة غالية عندنا بالامارت


ملاحظة : اسعار السيارات تغيرت عندنا طبعا بالارتفاع

واذا في اي استفسار انا حاضر

أخى المخلص نصيحة منى خد المرسيدس لانها اول شي دفع خلفى و4سلندر والكمبروسر ميزة افضل يعتبر تيربو بقوة ال6سلندر هدوء ورساوةونفيقيشن وفخامة وقطع غيار رخيصة وعملية انا عندى باسات 6سلندر سيارة سيئة من ناحية الوكيل وقطع الغيار ودفع امامى يوجد بها عكوس واقيمة العكس الواحد 3000ريال والسيارة تسمع فيهاصوت الهوء من الخارج أزعاج وتفتكفك بعد فترة من الزمن وخفيفة في الخط وغير مريحة وانا حاضر لاى استفسار عن الباسات

امممممممم
ماعتقد لهدرجة..
بس السيارة حلوة لكن انا ماشفت احد من الي اعرفهم اشتكو من كثر خراباتها..اعرف واحد تقريبا يستخدم السيارة من عام 2002 للان وماشيه معه تمام وكثير الطلعات هو
بس انا اقولك مادفع هذا المبلغ على سيارة بهذا الحجم
ماتقدر تقارنها مع E لنه مواصفات الاي قريبه جدا جدا الى الفياغرا اما السي لا غير اقل
يكفيك المنظر بس..:D
انت جرب السي وجرب الاي وراح تشوف الفرق صح.

مشكوووووووووووووووووووووووور اخوي على التوضيح ويعطيك العافيه

والله ياخوي داخليا جميله وخفيفه.. لكن هالخضه لي تجيها.. واللمبات الخلفيه دوم تحترق.. وعلى فكره اذا ختربت دق بك الارض تطلع لك مليون خراب ..

خبرتي من واقع سيارة اخوي.. وهو محافظ عليها تمام التمام لا قومات ولا خرابيط.. مره جاء بيطلع شغل السياره ما تشتغل قلنا يمكن البطاريه بس ماكو صوت ابد ..
جينا وديناها الوكاله والله مافي عله إلا الطلعت فيها وخوي مثل الاطرش في الزفه مو عارف وين طلعت هالاعطال كلها من دام ويل ل حد انه الليزر تبع مفتاح السياره متعطل.. ويالله شد على قطع الغيا تقريبا 15000 الف درهم وحايلنا فيهم لين قال 10000 درهم..

اول ما طلعنا .. هههههههههه اخترقت الاشاره الخلفيه ...

لهذا ما انصحك فيها ابد فئه فاشله ..

بل بل خضه والله اجل هذي مشكله من جد
امممممممممممممممممممم
والله مادري شقول بس شكلي بغير زجهتي نظري
طيب مافي هذي الفئه اي شي حلوووو ولا بس عيوب؟؟؟

نصيحه لوجهه الله فئة السي لا تأخذها.. يعني بعد ما تشمي فيها تجيها خضه لازم تطفي المحرك وترد تفنحه مره ثانيه.. وعاد يالله وانت موقف بي اشاريت وجت الخضه .. هذا عيب موجود فيها وحتى الوكاله ما تقدر تصلحه .. والشئ الثاني الكهرباء السياره قويه واللمبات ما تتحمل ..
يعني شوف اي سي في الشارع بتشوف ليت واحد والاع والثاني مبند .. وهذا من واقع خبره مرير..

وابتعد عنها صح مواصفات داخليه روعه .. بس لا محرك ولا كهرباء

مشكورين شباب على الردود بس صراحه احس انكم خوفتوني في السياره يعني مادري وش اقول لكم
اخوي النايم ترى رسلت لك رساله على الخاص
اخوي igeللاسف ماعندي خلفيه عن سعر الكوبيه
اما اخوي بنز وبس احس من كلامك انك تقول لي ابعد كل البعد عن هذي السياره يعني هل اكنسل الطلبيه؟؟؟؟
انا من طبعي ما احب اشتري سيارات مستعمله لاني كثير الشغل بالدراسه ولا احب اخذ سياره اروووح اصلح فيها احب السياره تكون فك ايدي طيب ممكن تذكر محاسن الفئه اي والفئه سي غير الحجم تري الفرق بين الحجم تقريبا بين السيارتين في الطول:
الفئه سي 4.525
الفئه اي4.818

لا شنو كورولا؟؟؟
السيارة صغيرة لكنها فخمه من الداخل وافخم حتى من الهوند الاكوورد مو الكورولا!!
وشكل السيارة راح يتغير قريب لنه شكلها من زمان كذا
تقريبا 2008 راح ينزل الجيل الجديد
وموجود فيها كمبريسر ومكتوب ورى فيها بلانجليزي كمبيريسر وحتى E and S فيهم كمبريسر بس مايكتبوا ورى..
ارد اقولك لا تستعجل..
اذا ناوي على E240 اعرف واحد يبي يبيع سيارته موديل 2005 فل ابشن ماشي 39 الف وسقف بانورامك ونراعيك بالسعر
صدقني اطلق الك من السي وكاله..

احد يعرف بكم سعر c كوبية؟ اللي يجي شكلها مع ورا خط عريض اسود

اخي الكريم اسمع هالكلمات فوالله اني اقولها لمصلحتك :
مرسيدس الفئة سي اشتراها احد اصدقائي مستعمل قبل اسبوع ..
والله بدون مبالغة او تعصب هذه السيارة كورولا وضع عليها علامة مرسيدس ..
صدقني اني اسأله الحين لك اسبوع مع هالسيارة وش اللي يميزها عن غيرها من السيارات اللي بسعرها يقول لي صراحة علامتها بس هي الشي الوحيد المميز فيها ..
اخي الكريم ستجد في توقيعي موضوع يفيدك كثيرا وهو مقارنة للسيارات الاوروبية الصغيرة ساب 3-9 و اودي اي 4 وبي ام 320 وفولفو اس 40 ..
الساب للاسف غير متوفرة حاليا بالوكالة وستتوفر بعد اربع اشهر باسعار خيالية
البي ام والفولفو عليهم عروض قوية جدا ..
دعني اتحدث عن الفولفو :
صحيح اني احب الفولفو كثيرا ولكني والله اقول هذا الكلام دون ان تؤثر على اي عاطفة تجاه هذه السيارة او تعصب ..
السيارة مواصفاتها تسوى كل السيارات اللي بفئتها ونفس سعرها
محرك كبير جدا وثبات رائع جدا ونظام كبح عالي القدرة وتصميم رائع جدا
السيارة عليها عروض رائعة وتباع فل كامل باكبر محرك بـ 112 الف ريال واذا اضفت 5500 ريال يمدد ضمانها الى خمس سنوات والعداد مفتوح ..
اخي الكريم انتظر منك اي استفسارات او اسئلة حول هذه السيارة او اي من سيارات فولفو من خلال هذا الموضوع او من خلال الرسائل الخاصة ..

شوف هذي الصور التجسسية للموديل الجديد وهو راح ينزل في 2008 تقريبا...

http://www.mbworld.org/forums/showthread.php?t=157549

طيب نسيت اقول متى راح ينزل الشكل الجديد

يعطيك العافيه على الردود شباب وتاكدت فعلا يوجد كمبريسر
وخلاص انا نويت عليها

انا مع مرسيدس-وبس
خذلك E مستعمل احسنلك
والسيارة ما عليها كلام انا عندي وحدة
والتكييف مشالله عليه بارد
والسيارة ما فيها مشاكل
وان كانك عازم على الالماني غير مرسيدس لا تاخذ >>>>>>>>>>>>> نصيحة

الله يوفقك

كمبريسر جهاز ضغط الهواء اتوقع
المهم انه يزيد في تسارع السيارة وهو موجود في سيارات مرسيدس E من موديلات2000 وطالع اعتقد ونفس الشي موجود في S طبعا جميع الاحجام
والسيارة حلوة بس انا مادفع هذا المبلغ على سيارة بهذا الحجم
لو محلك اخذ E مستخدم تحصل سيارات شبه جديده وباسعار معقوله..
تحياتي

يعطيك العافيه بس شنو كمبرسر ؟؟؟؟
ممكن الافاده