ليش التهبيط ممنوع ؟؟؟

كلام

اخويــــ((ساطـــع))

صح 100%

تحياتيـــ لــكــم جـــميعــــا

والله قهر التطييح ممنوع مشاكل وتبي الصدق عندنا على حسب مزاج الشرطي كانه مقفله معه مديره معيي يعطيه اجازه الله يعينك يحط الحره كلها فيك

ياأخوان التهبيط إذا كان رايق وبشكل معقول صدقني محد يكلمك أما إذا كنت سادح السيارة أرض أرض وقاعد تنقز من أصغر حجر تدوس عليها هنا يكون التهبيط ممنوع وخطير وماله داعي .... أنا أشوف لوتهبط تهبيطه رايقه أقصد خفيفه منها تحصل المنظر والسلامة وتحافظ عـــلى الـــYour Car >>> هذا رأيي المتواضع وسلامتكم .

السلام عليكم

انا مع الي قالو التهبيط ياثر على السيارة و ممكن يسبب عطل في الطريق ويسبب زحمه
مع العلم ان العطل في السياره ومشاكله بيتحملها صاحب السياره يعني نقدر نقول ( مالهم دخل )

لاكن وش رايكم في موظوعي الي طارحه بعنوان ( تعالو شوفو ) حفريات ممكن تسبب وفيات واظرار اكبر من التهبيط

ولا فيه اي مخالفه على الشركات او المسؤول عن الشي هاذا يعني احنى نبي منكم اي شي يعد مخالفه ويسجلها مخالف وادفع لاكن الشركات الي ماخذه فلوس وشبعانه فلوس عادي يتسببون في اعطال ووفيات ومشاكل طرق وتاخير في الطريق عاااااااادي عندهم


(( الدنياء اخذ وعطاء )) يعني احنى نبي زي ماهم يبون ( المرور )

انا معاك في كل شئ تقوله و الله قهر الواحد من يسوي شئ في سيارته صارت مشبوهه و مخالفات و إذا ماراحت سيارتك الحجز بعد. تخلف

اتفق مع الاخ الساطع في رايه
ياشباب ارفعوا انفسكم من الامور التافهة
لأنه اصبح عندنا التهبيط علامة على الشباب الطائش
واعتقد انكم عقلاء ولاتتابعون الموضات الغبية

السلام عليكم

الاخوان جزاهم الله قالوا ماردت قوله لك

السيارة بشكلها الطبيعي اجمل بمئة مره

يعطيك العافية ياساطع


ساطع بكلامك

تحياتي لك

أخي العزيز alprof 2007

تهبيط السيارة يسبب التالي :

1ـ التهبيط يعني إلغاء فاعلية نظام التعليق بالسيارة وبالتالي عدم ثبات السيارة في المنعطفات بالذات على سرعات عالية ويسبب ذلك خطورة أثناء السير على الآخرين .

2ـ تهبيط السيارة يسبب احتكاكها بالأرض وتلف بعض أجزائها وبالذات خزان الوقود

3ـ الاحتكاك يعني ظهور الشرار ومن هنا تكمن الخطورة في حدوث حريق بالسيارة لوجود خزان الوقود وقد يكون هناك تسرب بسيط من جراء التهبيط للوقود وهذا هو الخطر بعينه

4ـ مع التهبيط لا تستطيع السيارة السير بشكل طبيعي وأغلب المهبطين يمشي بالسيارة ببطء شديد مما يسبب تعطيل سير السيارات الأخرى فالشارع للجميع وليس لك وحدك أخي العزيز

5ـ التهبيط بالذات في سيارات الدفع الخلفي قد يكون سبب في انقلابها حتى على سرعات منخفضة وذلك من جراء انفلات عمود الكردان أثناء احتكاك السيارة بالأرض

6ـ التهبيط سبب في أمراض العمود الفقري بسبب عدم راحة الجلوس بالسيارة

7ـ التهبيط يحدث ضغط عالي على هوبات الفرامل ويقلل من فاعليتها لعدم وجود امتصاص للمطبات

8ـ التهبيط يقلل من مدى رؤية الطريق خصوصا عند طلوع المرتفعات والمنخفضات

9ـ التهبيط يسبب خطورة كبيرة على الركاب في حال حدوث تصادم مع سيارة أخرى وذلك لانخفاض ارتفاع الصدام الأمامي والخلفي

آمل أن أكون قد أفدتك

اخوي خيال التعديل


ماالذي تجنيه من التهبيط وماالفائدة .....شكل فقط ولكن مضار كثيرة وخسائر كبيرة

انا عندي الفكتوريا هيدروليك واستطيع ان اهبطه ولكن ماهي النتائج وماذا ساكسب عندما

اهبط لن اكسب الا نظرات استغراب وتعجب من الناس ولفت نظر ومشاكل في السيارة

لذا الافضل تركها كما صنعت

انا معاك اخوي alprof 2007

والله قهر احنا بعد عندنا في بوظبي و الامارات عامتا التهبيط ممنوووووووع ليش ؟ ما اعرف

طيب يقولون انه الموتر بيتكنسل عند اول مطب ... انزين فيه هيدروليك ... و بعدين انشا الله تتكنسل السيارة و اتكنسل انا معاها هم اشعليهم ههههه

و يقولون يغير من ملامح السيارة كني الحين بغير في البودي ولا بشكل السيارة !!!!!!!!! :(

بس ما اقول الا انه امريكا صدق بلد الحرية ( خلونا بعيدين عن السياسة ) :D
يعني حتى لو سدحو الموتر سدح و ما باقي الا يركبون كفرات صغيرة جدا تحت الفايبرات عشان ما تحتك بالارض و حتى لو احتكت المرور ما يخالفونهم


اتمنى بعد احنى يسمحولنا بالتهبيط........ و الله خاطري اهبط موتري |5|

تحياتي