مشكلة التريل بليزر ........... والهواء المزعج .. هل من حل

اخواني الافاضل0000000000000000000 الحل باذن الله عندي


مشكلة الهواء هو ان هناك فتحة بين الصطب الامامي والرفرف يدخل من عندها الهواء

كان عندي bmw وفيه تنسيم هواء وبعد بحث في هذه المشكلة وجدت ان هناك فتحة بين الصطب و الاشارة بعدين صلحتها بيدي كبستها وراح الصوت


امطلوب عمله في البليزر

قم بتلصيق الفتحة الموجودة بين الصطب والرفرف بتيب وجرب السيارة اذا ذهب الهواء

قم بشراء اللصاق الموجود في الغرابي زيق اسود ولصق الفتحة من داخل الرفرف حتى لايظهر تشويه

من اراد حل لاي مشكلة سواءا ميكانيكا او سمكرة او كهرباء فقد يضع اسمي azaze في موضوعه في المقدمة ليتسنى لي الوصول الى مشكلتك


لكم مني خالص التحية والتقدير

السلام عليكم ورحمة الله وبركاته

ذهبت للوكالة ( العيسى ) ويقول المثل تيتي تيتي مثل ما رحتي جيتي

لكن مثل مايقول أحد الزملاء لابد أن لكل مشكلة حل ولكن الحل يأتي في مثل هذه الحالة بالتجارب .
والله يستر من التجارب لكن اقول تحمل وشغل الراديو على العالي وهيأ نفسك واقلمها على الصوت والحمد لله

السلام عليكم

اعتقد ان المشكلة موجودة في جيمع فئأت البليزر واللانفوي ويمكن الانفوي اقل شوي

وليس لها حل والي يزيد قوة الصوت هو الشكل الغير انسيابي للسيارة

بالنسبة للتصفير فهو من السلة الي فوق السيارة وهذه المشكلة كنت اعاني منها في سيارتي الباث ولما شلت السلة الحمد لله كل شي تمام التمام

أنا اليوم بسؤالي أحد الزملاء ذكر لي المشكلة في الشبك اللي فوق وبصراحة رفضت اشيله لكن كان فيه أحد شاله واختف الصوت ينورنا ونكون له من الشاكرين .

من الأشياء الممكنة لهذا الصوت وهذه حصلت لأحد الأخوان في سيارة هيونداي جيب من الزجاج الأمامي فقاموا بفكه ووضع ربلة صغيرة تقارب الخمسة عشر سم ثم وضعوا السيلكون والصوت اختفى تقريباً 70 % .
لذلك احتمال اجرب هذه الطريقة بعد أن اذهب لشركة العيسى .


السؤال المهم ما دور مكتب جنرال موتور في الشرق الأوسط كما ذكر أحد الأعضاء أنهم لم يفعلوا شيء .... فكرت الضمان يضمن السيارة من المصد للمصد ما عدا الإطارات ............. وهذه تعتبر عيب في الصناعة من واجبهم حله بينما الواضح أن الوكالات زي مدراء المدارس لا تكتب للشركة الأم حتى لا يقولون عنا ما نعرف شيء ويحطونا تحت المجهر خلنا نجرب في روس هالخلق لين نلقى حل !!!!
وهذه اعتقد اكبر مشكلة تواجهنا لماذا لا تخاطب الشركة لتبليغها بالمشكلة ..

السلام عليكم:

مشكور والله اخوي تريـBlazerــل :

والله افدتنا وصراحه بديت اخاف من الوكاله والبعد عنهم أسلم ومشكور مره ثانيه.

ومثل ماقلت مسئلة التحمل مافيه مشكله بس ألي يركبون معك هم الي يقهرون:mad: .وانا صراحه مهوب قوي الصوت بس الي يركب معي يحسبه وهذا الي مضيق صدري|5| .

واذا لقيت حل لهل المشكله لا تخلينا.

وشكرا|3|

أخوي just chevro :


مسألة ان الصوت يطلع بعض الأحيان وبعض الأحيان مايطلع ..

فهذي على حسب الهواء اللي في الجو ..:rolleyes:

إذا كان الهواء المضاد لتوجه السيارة قوي ,, راح تسمع الصوت قوي ..

أما إذا كان الهواء معك .. احتمال ماتسمع صوت ابدا |3|

وشكرا لك ..

أخوي الرااااايق 2006 ,

وإلى جميع الأحبه الي عندهم بليزر مثلي ,,


استفيدوا من تجربتي في هالمسألة ..


أخوكم معه بليزر 2005 إل تي ..

ومضايقه الصوت اللي يطلع من عند الأبواب ,, رحت للوكالة ( الجميح ) بعد شهر من تطليع السيارة . وقالوا لي يبي لها وزن للأبواب .. قل توكلوا على الله سوو لها وزن ..

واجلست عندهم اسبوع كاااامل .. كل هذا لمجرد وزن أبواب .. وكل يوم أدق عليهم وأتمشكل معاهم .. لكن مافيه تعامل زين .. ولا خدمة تسوى ..

أذكر يوم اني جاي استلم السيارة .. شفت واحد معه نفس سيارتي وعنده نفس المشكلة بيحطها عندهم .. والله اني بغيت أقول له خل سيارتك عندك أصرف لك ..

المهم استلمت السيارة .. وأشوف العداد لقيتهم ماشين بالسيارة حوالي 50 كيلو أو أكثر ..

وين يابوي ..؟؟ وين مسافرين بها .. كل هذا اختبار .. مشاء الله تبارك الله .

المهم زحلقتها ..

لكن برضه الصوت لازال يطلع .,, بل بالعكس صار بدال ماعندي مشكلة في الصوت بس , صارت حتى الأبواب ثقيلة ( بصعوبة تفتحها وتسكرها ) ,, وأقوم وأشتكيهم على وكالة جنرال موتورز في الشرق الأوسط ( في دبي ) >> مرتين

ولا تحرك ساكن ,,

عقبها أنا حرّمت شي اسمه تودي سيارتك للوكالة ..,,


__________________________________


ونويت اني أتحمل .. وفعلا قدرت أتأقلم على الوضع ..


لكن اللي قهرني انه كل من ركب معي يحاول يرفع الدرايش .. ويقول ليش الدرايش مفتوحة ؟؟




فبعد كذا قررت اني أحاول أدور لها حل مرة ثانية ..



رحت لم ورشة أعرفها بالصناعية .. شغلهم ماعليه كلام الصراحة ..

وشرحت له المشكلة ..

قال خلاص نشوفها لك يمكن يبغى لها وزن أبواب , أو ان الربلات يبغى لها تغيير ..

المهم سوى لي وزن أبواب مرة ثانية بــ 150 ريال .. ولا تغير شي .!!

الصوت ماراح ..!!


وشرحت مشكلتي هذي لواحد من زملاي .. قال لي رح للغرابي وركب عازل على جوانب الأبواب .. ( سفنج فيه لصاق يلصق على جانب واحد )

ركبتها بــ 40 ريال ..

الصوت الحقيقة خف ,, لكن بنسبة قليلة جدا .. لاتكاد تذكر .. ( لأني ماحسيت بالفرق إلا يوم شلتها حسيت بفرق بسييط )

لكن مشكلة العازل ان الأبواب تصير ماتنصك زين ..


______________________________________

وانا بعد كل هذا استنتجت مايلي :


1- الوكالة لا تقربهم ( السلامة منهم غنيمة ) >> لكن مافيه مانع تروح وتجرب وكاله غير الجميح يمكن يكونون أحسن ,,
2- المشكلة ليست في الأبواب .. بل أتوقع انها في الدرايش نفسها أو في ربلات الدرايش ..,

ولازال البحث جاري حول حل لهذه المشكلة

الله يعينكم على الصوت ,, واللي عنده حل يفيدنا ,, وانا راح أفيدكم إذا توصلت إلى حل ,


..........................


أحس اني قصيت لكم قصة حياتي ..:)

آسف جدا على الإطالة .. :)

الحل الثاني والله نفسياً يقطع القلب
لكن الأول حلو لو ذكرت لنا ما هي طبيعة المنتج واين يباع وتكون قدمت خير لنا

m

m7zon

انا اللي يبهرني ليه السيارات الالمانيه وخصوصا الجديده مافيها صوت هوا حتى على سرعات فوق 200 كلم
انا شفت صور للمايباخ وهم يفحصون تسريب الهواء بمايكرفون دقيق ولاادري يمكن اغلب سياراتهم تنفحص بشكل دقيق جدا
بعمري ماشفت مثل الالماني مايعرف هالشيء نهائيا والسبب جوده المواد المستخدمه واخلاصهم وفخامه الصنعه وايضا يدخل فيها عوامل يدويه كثيره ومافيه مثل الشغل اليدوي ولان اغلب السياارت الرخيصه تصنعها الاات الكترونيه كأنها العاب وماتتدخل فيها يد بشر
تحياتي لكم|3|

اخوي كلامك صحيح كافة سيارات الالمانيا تفحص بشكل دقيق جدا تسريب الهواء العزل صوت المحرك
حتى شبح 600 موديل 1994 له عزل صوت رائع من صوت الهواء و صوت المحرك تكاد ان لا تسمع شي ابدا حتى على سرعات عالية جدا
بس والله غريبة موديل 2006 و صوت هواء :eek:

انا اللي يبهرني ليه السيارات الالمانيه وخصوصا الجديده مافيها صوت هوا حتى على سرعات فوق 200 كلم
انا شفت صور للمايباخ وهم يفحصون تسريب الهواء بمايكرفون دقيق ولاادري يمكن اغلب سياراتهم تنفحص بشكل دقيق جدا
بعمري ماشفت مثل الالماني مايعرف هالشيء نهائيا والسبب جوده المواد المستخدمه واخلاصهم وفخامه الصنعه وايضا يدخل فيها عوامل يدويه كثيره ومافيه مثل الشغل اليدوي ولان اغلب السياارت الرخيصه تصنعها الاات الكترونيه كأنها العاب وماتتدخل فيها يد بشر
تحياتي لكم|3|

السلام عليكم :

اخوي انا عندي تريل بليزر 2006 LT واذا مشيت 120 فما فوق طلع صوت الهوا واحيانا امشي 120 ومايطلع الصوت غريب والله :confused: ؟

لكن انا ابنصحك تروح للوكاله ويعيدون تركيبه للأني ان شاء الله انا ابروح للوكاله للأني لاحظت لما فتحت الباب السائق ان القطعه البلاستيك غير منتظمه بتركيبها مره نازله شوي ومره كويسه فاعتقد ان لازم تروح للوكاله.

اذا كان احد من الأخوان عنده تريل بليزر وراح للوكاله لهل المشكله يعلمنا واكون شاكرله .|3|

في منتج في السوق من شركة MYCAR يوفر عزل للهواء. الله يجعل فيه النفع.

الحل الثاني-|1| - شغل المسجل على صوت عالى وانت ما بتسمع شي !! هذا علاج نفسي وليس ميكانيكي.

الله يسلمك زيبارت اعتقد أن اللي عندهم عازل للصوت من تحت السيارة ......... إلا إذا فيه شيء غير كذا ياليت تقولي وشلون الله يسلمك

والله ياخي قهر سياره جديده وكمان بخسر عليها بتركيب عازل صوت

ليه مو من الاساس ما يركبو عازل صوت تماااااااام وتنتهي المشكلة

أنصحك يا غالي مر على الوكاله وخليهم يغيرو الجلد على الضمان وشوف يمكن تنحل المشكلة

لانه على حد علمي عازل الصوت غالي شوي



ومشكور اخوي lexus lover ما قصرت


مع أجمل تحيـــة |3|

السلام عليكم رحح عند زيب ارت عندهم عازل صوت ركبه وو رح تنحل المشكلة انشاءالله