استفسار في اسرار الكابرس 2006(أسرار الكمبيوتر)

ماشاء الله عليك سبقتني

ابحث بالمنتدى راح تحصل موضوع عن الحزام

اخ /caprice_ss


ماعندك حل للفكتوريا

يا عزيزي صوت حزام الامان ينفصل عن طريق سلك صغير تحت المقعد حق السائق وانا كان عندي لومينا كوبيه وفصلت الصوت وبدون اي تأثير في الكمبيوتر والحين عندي كابريس 2006 اس اس وفصلت الصوت بدون ما المس زر واحد في الكمبيوتر لا احد يضحك عليك ويقولك انا اشيله بالكمبيوتر ترى الموضوع كله سلك تحت المقعد....
واذا حبيت اي استفسار عن الكمبيوتر ترى انا حاضر وممنون......
بس انصحك لا تحاول تفصله اذا ما تعرفله لانه يمكن تفصل سلك الـــ srs واذا عندك اي استفسار عن الكمبيوتر مثل الانذار حق الصيانه اقدر اشيله لك بسهوله وعلى طريقة الوكاله..

أعتقد انها ما تضر ابدا ..

لأنه حتى أنا عندي في البليزر طريقة برمجية عن طريق الأزرار توخر فيها لمبة الزيت إذا ولّعت عليك ..

يعني تولع لمبة الزيت ثم أروح أغير الزيت , ولا تطفي .. رحت للوكالة وعلموني انها مسألة برمجة بالأزارير .. سويتها . وضبطت معي ..

وراح أسويها كل ما غيرت الزيت .

_________________________

حتى فيه أوبشنز ثانية . في البرمجة .

وأعتقد ان أي شي تسويه تقدر تلغيه متى ما بغيت ..

والحل المقترح اللي عندي .. انك تستفسر من الوكالة عن طريقتها .. :)

المسألة سهلة صوت حزام امان ومسجل ,,,,الرجال السعودي يقول اضبطها لك ب 100 ريال والله لو انا يقولي كذا في الفكتوريا اعطيه علطول ويريحني من صوت الحزام

صوت الحزام عندي مزعج ومالقيت حل وسويت الحركه اللي يقولون عليها بالكتلوج ومانفعت وبالنسبة للكابرس اذا المسالة بالازرار تراى المسألة بسيطه ولا لها دخل ببرمجة السيارة او المكينه يعني الموضوع مايخوف

أنا ماراح أسوي شيء
بس ياليت إذا أحد جربها ويعرف الطريقه مضبوط يكتبها هنا
وألف شكر لكم
وبارك الله فيكم

نصيحة لا تلمس الكمبيوتر فالسياره الله يباركلك فيها جديدة وخصوصاً من صاحب مغسلة فهم عادةً مايقولون زيت القير ناقص او زين الباككس (القير الخلفي) ناقص فلا تدعهم يلمسون السيارة إلا للغسيل وتول ان مسؤولية صيانة السيارة يعني مثلاً اذا قالك زيت القير ناقص قوله ادري ولا تزيدة وبعدين اول ماتطلع من المغسلة جيك انت على زيت القير واذا ناقص فعلا زيده انت بنفسك او اذهب الى محلات الزيوت وخلهم يزيدونه.

ونفس الشي الكمبيوتر لا تدعهم يقتربوا منه فصدقني صاحب المغسلة لن يتفوق على الشركة المنتجة للسيارة ولو كانت هذه الحركة مفيدة فعلا فلا اعتقد ان مهندسين البرمجة العاملين بالشركة المنتجه سوف تفوت عليهم وان يتفوق عليهم غسال!(مع احترامي لشخصه ولكن نترك البرمجة لمهندسين البرمجة)

فالحذر الحذر والله الموفق

ممكن يسويه عن طريق الازارير, بس برضو غير مأمونه العواقب, (لنهم ما كتبو عن هالحركة في دليل المستخدم, وهذا يعني عدم رغبة الصانع في ان يتدخل مالك السيارة في مثل هذه الاشياء,)
على كل حال بعطيك الطريقة بس على مسؤوليتك لو صار شي
عندك 4 ازرار , mode,set ,اعلى, اسفل
جرب ضغط الزر الاعلى + mode
قبل التشغيل لمدة 10 ثواني, ثم شغل السيارة ويدك على الازارير, وبعدها فك يدك وبتدخل على الكمبيوتر وتقدر تسوي بلااااااااااااوي
, مثل ان يكون عداد السرعة الكتروني, اظهار درجة حرارة المحرك بالارقام, عداد RPM رقمي, اشياء اخرى ماراح تعرف وش هي بالضبط,
تراني مو متأكد من هالحركة مع الكابرس الجديد, انا جربتها مع اللومينا القديمة 2002 ومثلها مثل الكابرس القديم 3 ازرار (لا يوجد set)
واشتغلت

شكرا يا أخواني على الردود
بس أعتقد أن الأخوان Night Hawk و عاشق الاوبل فهمو الموضوع غلط
الموضوع كله كما قال مشرفنا العزيز المهندس
إنه بيسويه عن طريق الآزارير يعني ماراح يستخدم جهاز خارجي

وشكرا على رايكم المحترم
ونا في إنتظار مزيد من الردود
وشكرا

هلا اخوي

تستطيع عمل هذه الحركه

بس يمكن تعطل الكمبيوتر+ البرمجه بنسبه90%

ولو ودك تسويها افضلك رح للوكاله وستفسرعن الموضوع

((نصيحتي لا تسوي شي بالكمبيوتر))

تحياتي لك

اعتقد انه يسوي عن طريق الازرار و فيه طرق عديده


احاول اني ابحثلك علي الطريقه .