السلام عليكم ورحمة الله وبركاته
لدينا سيارة إيكو وفيها مشكلة ارتفاع حرارة واللي كشف عليها يقول إنه المكينة تحتاج فتح عشان يتأكدوا من سلامة الراس
المشكلة بدأت من أسبوع تقريبا ارتفعت حرارة السيارة ووديتها للورشة وقالوا إنه سير المروحة مقطوع، رحت اشتريت سير وركبوه واتعدلت الحرارة، وفي نفس الوقت رحت غيرت زيت المكينة وغيرت موية الرديتر
بعدها بثلاثة أيام وقفت السيارة وكانت الحرارة مرتفعة وطلع منها دخان ووقفها السواق على جنب وتركها لمدة يومين لأني كنت مسافر ولما رجعت اليوم وشغلت السيارة كان مؤشر البنزين منخفض جدا رحت المحطة وعبيت بنزين، لكني تفاجأت إنه المبلغ اللي عبيته عشرة ريالات فقط يعني إنه التانكي ما كان فاضي، المهم حركت السيارة ومشيت فيها وبعد حوالي عشر دقائق كانت لمبة الحرارة تولع وتطفي فاتجهت للورشة، كشف عليها العامل ويقول ما فيها شي حتى فك غطا الرديتر وما طلع منه مويه، المهم انه العامل صب شوية موية في الرديتر وبعدها طفت لمبة الحرارة, قالي العامل جرب السيارة اليوم وإذا صار شي ارجعلي
شغلت السيارة ومشيت مسافة ومرة ثانية ارتفعت الحرارة وصارت لمبة الحرارة تولع وتطفي، رجعت للورشة وأنا في طريقي ولعت لمبة المكينة وبعد فترة طفت السيارة لما قربت من المحطة، المهم إني شغلت السيارة ووصلت المحطة، وكانت السيارة إذا شغلتها بدون ما أدعس بنزين تطفي، المهم إنه اللي يشتغل بالورشة قال إنه الحرارة مرتفعة والمكينة يحتاج لها فتح لمعاينة الراس
وحبيت آخذ رأيكم لأهمية الأمر خصوصا إنه إذا تضررت المكينة فهذا أخطر شيء في السيارة
وإذا كان فعلا المكينة تحتاج فتح فأرجو إنكم تدلوني على ورشة ممتازة في مدينة الرياض لهذا الأمر
أرجو الرد عاجلا