مكسيماء x لومينا x اوميقا

لكزس وبس @user_1563 · 13-09-2002

السلام عليكم

الصراحة احترت وين احط الموضوع فيه قلنا خلنا نحطها في التقييم يمكن ينفع

انا محتار بين الثلاث سيارات

اللومينا LTZ

المكسيماء

اوميقا 6سلندر

ناوي اطقلي وحده بس ما ادري وش الازين

ابها راسيه على الخط وعزمة يكون قوي ومواصفاتهم ممتازة وقليلة الخراب وفخمة يعني (حق تكشيخ )

يليت الي عنده معلومات عن اي سيارة

لا يقصر معنا وله مني الف شكر...

تحياتي,,,

الهويشل ابومطر @user_265 · 15-10-2002

حبيبي لكزس هذي نصيحتي

اصبر اخوي كلها شهر

ورايح يفتتح معرض الرياض الدولي للسيارات

ورايح تشوف الهبال موديلات 2003

وانا متأكد رايح تنسى اوميجا وماكسيما ولومينا

تدري ليه ؟؟؟

أسأل مجنون هوندا ورايح يقول لك

وعموما أهم شي تشتري السياره التي أنت مقتنع فيها

ولا يهمك كلام الناس ... رضا الناس غاية لا تدرك

عاشق اوميقا @user_2277 · 14-10-2002

خذ اوميقا ولاتفكر لانها فخامه وشبابيه والامانيه ودفع خلفي وصرفيت البزين أقل من المكسيما و لومينا بصراحه كلها سيارات مرغوب بها الان في السوق بس أنا أفضل أوميقا عشان الي قلتك عليه ....

Hamad @user_1583 · 05-10-2002

السلام عليكم ورحمة الله

الاخوة الاعزاء
اخي لكزس

منذوا فترة قريبة كنت في حيرة مثلك وذلك لتعدد الخيارات امامي في اكثر من سيارة ولكن اولا حدد الهدف المرجو واعلم ان السيارة الاروبية اكثر السيارات امنا من اليباني والامريكي .
لذا اخدت للسائق بيجو 406 ولى اوبل اوميغا اعلى مواصفات في 4 سلندر .
السيارتان ممتازتان الحرارة الرساوة تبريد التكيف استهلاك البنزين العزم .
ومايميز الاوبل الرحابة والشبابية في الداخل والخارج .
اما مستوي الخدمة فكل الوكالات حدث ولاحرج.
وقطع الغيار كل القطع الالكترونية غالية في كافة السيارات وعدا ذلك فلمستوي للسعر جيد.
لذا انصحك بالاروبي وخاصة الالماني. علما بان الاوبل تتبع الجنر موتورز ولكن تقنية الوبل الماني ومنتشرة في الكثير من الدول وكانت في السعودية قديما.
وبالتوفيق

ss2002 @user_1540 · 25-09-2002

السلام عليكم جميعا الي مشاركين فالموضوع...
اخوي الغالي توكل على الله وخذ المكسيما....بلا لومينا وبلا اوميغا...
صدقني احسن من الياباني ماشي حقنا نحن فالخليج...يتحمل اكثر...والمكسيما 2003 فقمة الجمال..ومبرووووووووووووك مقدما على السياره..
والله يعطيك خيرها ويكفيك من شرها

لكزس وبس @user_1563 صاحب الموضوع · 25-09-2002

هلا اخوي VX-R_LTD

الصراحة ما ابي ابتلش ابي موتر لي ولزمن علشان كذا محتار ولازم اعرف وش الزين ووش المخيس

وابشركم ان شاء الله لقيت لي اوبل اوميغا 2002 مستعمله استعمال خفيف ماشيه تقريباً 18000الف وسعرها مره مغري

وان شاء الله خلاص تمت البيعة تقريباً

ومشكورين جميعاً على اراكم وردودكم وتواصلكم معنا والله يعطيكم العافية

تحياتي للجميع,,,

لكزس وبس @user_1563 صاحب الموضوع · 25-09-2002

هلا اخوي اوبلss مشكور على المشاركة والنصيحة

والله يعطيك العافية

تحياتي,,,

LIMITED @user_1932 · 24-09-2002

اسمع مني اذا كان فيك شده وسيبك من السيارات الثالثه ذي وخد لكزس ترا الفرق شويه مو كثير ويكفيك انها لكزس.
وكيفك انت حر وخد الي يعجبك ولا تفكر في احد ترى الذى جلست تعتمد على اراء الناس والله حتتعب كل واحد له راى
خذ الي انت تشوفو يناسبك وياريت تبلغنى ايش اخذت وسلام

تحياتي

اوبلss @user_2029 · 24-09-2002

الاوبل افضل من الماكس والوميناويكفيك انها المانيه والماكس بعد160تبدا تلعب فيك

اما الومينا كثيره خراباتها

بس انصحك باالاوبل تراها سياراه ممتازه وعليها مواصفات ماتوجد الابسيارات الفخمه وبالنسبه لسعرها مغري جدا والاوبل سعرها يزيد سنه بعد سنه:mad: :mad:

لكزس وبس @user_1563 صاحب الموضوع · 20-09-2002

مشكور اخوي منتصر على ابداء رايك ورائيك على عيني وراسي

والله الى الحين ماقررت وان شاء الله كلها يومين بالكثير وبشتري الموتر

وان شاءالله بعلمكم وش نويت عليه

لان الآراء الصراحة مختلفة ومحيره الي عنده راي الى الحين لا يقصر معنا

تحياتي,,,

منتصر @user_1605 · 20-09-2002

اخذ نصيحتي واشتر اوبل انا عندي اوبل اذا كنت تبي سيا ره راسيه على الخط وما تسمع صوت الما كينه وتحس با ما ن وتحا فط على صلا بة هيكله حتى بعد سنوات من الأ ستخدام وقطع غيرها مش غاليه اصلا الما كسيمه قير اتوما تك اتركه و لومينا انسا ه وبنسبه للأ خ الا قا ل ان المكسيماء ما تتفكك انا مش معا ك في الراي لأن السيا ره الوحيد الا تحا فط على صلبة هيكله السيا رات الأ وربيه بشكل عام وجودة الخا مة المستخدمه في تصنيع الطبلون وغير ه من الدا خل انا اقولك من اطلعي وتجا ربي العمليه
معا ك الخبير وشكرا

لكزس وبس @user_1563 صاحب الموضوع · 19-09-2002

مشكور اخوي mansouriez على الرد والمشاركة والنصيحة

وان شاء الله خلاص محنا مترددين

تحياتي,,,

حـ3ـــمــ1ــود @user_1336 · 19-09-2002

اخوي (لكزس و بس)..
خذ المكسيما وانت مغمض.. لا تتردد..

لكزس وبس @user_1563 صاحب الموضوع · 19-09-2002

مشكور اخوي VX-R_LTD على رايك

الله يعطيك العافية...

تحياتي,,,

LIMITED @user_1932 · 18-09-2002

بعدين يا ماكس الجنوط القديمه حق سيارتك احلى من الجديده

LIMITED @user_1932 · 18-09-2002

اذا لسه متردد خدلك نظره على الافالون او اللكزسes تراهم احلى من المكسيما بذات اللكزس وفرق السعر مو كثير يعني شويه بس لاكن هذي الزياده في محلها

لكزس وبس @user_1563 صاحب الموضوع · 18-09-2002

الله يسلمك اخوي MaxMaxMax

الله يسمع منك ان شاء الله. ;)

تحياتي,,,

MaxMaxMax @user_1584 · 17-09-2002

على البركة اخوي ... و تعبك راحة لنا ...........

و عقبال العروسة ......... ههههههههههههه

MaxMaxMAx ...........

لكزس وبس @user_1563 صاحب الموضوع · 16-09-2002

والله مدري وين اودي وجهي :o

مشكور وما قصرت اتعبناك معنا اخوي MaxMaxMax

ومشكورين جميعاً على المشاركة

وان شاء الله بتوكل على الله ونطق المكسيماء

تقبلو تحياتي جميعاً,,,

MaxMaxMax @user_1584 · 16-09-2002

لااااااااااااااااااا نصيحة اخوي ....... لكزس ... لا تفكر ابدا بالومينا

اي سيارة و لا اللومينا
حتى لو كورولا و لا لومينا
نصيحة اصحابي يصيحون من مشاكل اللومينا ارجوك شيلها من راسك

بالنسبة للاوبل ..حلوة ..بس ما تعرفون ان الاوبل من صناعة جنرال موتورز ... و هي الى صنعة اللومينا ....... و بعدين اخوي ..انت تبي سيارة خطوط ... 180 .... ليه تدور بعيد ... المكسيما ما شاء الله .. تجيب 180 في الرابع ... و ال 200 كمان ... و السيارة ..راسية ... بس اذا تبي ترسيها زيادة ... عطها لفه و نص قدام .. و لفة ورا ... و توكل على ربك ..................... و ممكن تركب جنوط 17 ... و اذا تبي جنوط سيارتي .. اعطيك ايها مجانا ... بس ارجوك شيل نظرتك عن اللومينا ..

و اذا ما تبي .. المكسيما ... دور في تويوتا .. او ميتسوبيشي .. ترا الماجنا حلوةة

الاختيار لك ..حبيت احط وجهت نظري ....................
طولت عليكم ... اسف ...........

اخوكم .............................ماكس ماكس ماكس
:تمام: :تمام: :تمام: