هل تعير سيارتك لصاحبك بقناعة أم أنه موقف يحرجك (نقاش)

السلام عليكم ورحمة الله وبركاته


والله يا اخوان على حسب الشخص وعلى حسب الشغله الي

راح يقضيها .. وبعد على حسب شغلك انت لا سمح الله صار

لك شي ضروري وتبي السيارة .. وصاحبك طالع مكان بعيد

ونصيحتي لكم لا تعطون سياراتكم حق اي احد او اي كان

مب مسئلة بخل او غيره وانما هذا حلال ومن واجبك المحافظه عليه ...


اخويكم

clk_200

انت كذا |1|



اخوك

صراحة انا قليل حية ما اعير السيارة لاحد ولا اعتذر له اقوله لا بقوة عين مافي الا واحد عزيز على قلبي اعيره بدون تردد لانه صاحبي من يوم كنا بزارين الا اليوم و ان شاء الله تدوم الصحبة غير انه يصير لي غير اني اغليه و واثق من سواقته فما اتردد و هو ما يقصر يعطيني الجلنت حقته لو احتجتها
مرة رحت معه محل و حنا راجعين بدلنا السيارات بدون سبب بس كذا خذ سيارتي و خذت سيارته

اعير نفسي ولا اعير سيارتي
لا قدر الله وصارله حادث شركة التامين مو دافعه شئ ولو كلف الحادث مبلغ كبير بيسبب احراج بيني وبينه ويمكن يودي لقطع العلاقه
يستاجر سياره ولو ما عنده قيمه الاجار اعطيه الا اني اعطيه سيارتي

على حسب الشخص في ناس المقربين جدا مني و اللي بيني وبينهم ثقه و صداقه قديمه ماعندي أي مشكله بالعكس الحلال واحد أما غير كذا آسف مستحيل أعطي سيارتي أي واحد

أذكر على أيام سيارتي القديمه (فورد موستنغ) جاني واحد من الشباب المقربين جدا وطلب السياره مني يخليها عنده يومين و عطيته السياره لأني اثق فيه وهو عطاني سيارته (مرسيدس) ولكن المشكله يوم رجعها لي جاني واحد ثاني من الشباب المقربين ايضا و طلب السياره وعطيته السياره لأني محرج (عطيت السياره فلان و لا أعطيه )لكن للأسف طلع الرجال مو قد الثقه جاب السياره خربانه و فيها مشاكل و واضح انه فحط فيها لكن للأسف انكر من ذيك اليوم ما احد ياخذ سيارتي إلا اثنين من الشباب لأني أثق فيهم و هم حسبت أخواني بيننا صداقه أكثر من عشر سنين

انا من الناس اللي ماعطي احد شئ .. حتى ولو كان سلف ..


بصراحه راح تدخل بدوامه مشاكل اذا حصل شئ غير متوقع وكان قضاء وقدر وماينفع الندم بعدين!!

السلام عليكم

بعد التحية ...


انا من ناحيتي اذا كان هذا الشخص اعرفه هز المعرفه (او بمعنى اني اعرفه واعزه ) ..اعطيه بدون تردد


اما لو واحد (ما اثق فيه ) او ما اداانيه

بأقول له معليش حبيبي تبيني اوديك مشوارك من عيوني بس ترود انت لا

( بدون حيا ولا خجل )

وفيه شايب اذكر كان يقول لي زمان

ثلاث اشياء لك .. ما ياخذها غيرك

1 : زوجتك
2: سيارتك
3: جوالك <<--------- وش دخل الجوال مدري ( بس اتوقع انه كان يسمعبها ((معاكسات وخرابيط )) ) هههه


مشكوور اخوي على الموضوع

بس بصرااحه غلط انك تعطي سيارتك احد ... مهما كان هالشخص ...