المسأله تجميع دراهم - موضوع لنقاش -

كابـــSSـــرس @user_6060 · 03-03-2006

بسم الله الرحمن الرحيم

السلام عليكم ورحمة الله وبركاتة

مساكم الله بالخير جميعا

الموضوع عن تضليل السيارات بالكامل - تكتيم- لذلك وضعته في العام لتوضيح :)

[COLOR=Sienna]مقدمه :-

شمسا حارقه - جامعه اكثر من 5 ساعات ناطل موترك في الشمس وطبعا شمسنا معروفه |11|

ماترحم الله ينجينا من عذابه

المهم ندخل في الموضوع :cool:

انا مسوي تضليله للموتر كامل 01 من الصيفيه يوم دخل فصل الشتاء شلت الامامية وخليت الي على جنب

المهم ياخوان رحت لدمام مرتين ومريت داخل مدينة الرياض بأكثر من تفتيش

اليوم وانا في حي الشفا بجنوب الرياض طحت في مركز تفتيش في حاره لنركز على كلمة حاره |10|

دوريه وحده مسويه تفتيش المهم ياخوان كان فيه جنديين وملازم جالس في السياره

جيت وقال لي اثباتك والاستماره قلت له سم عطيته الاحوال والاستماره قال لي بالحرف الواحد

وانت وخشتك تتمشى ومامعك رخصه ؟؟؟؟

اسلوب استفزازي قلت له انت وش طالب الاثبات الشخصي الاحوال تكفي

المهم عطيته الرخصه واظاهر خلاها استقعاد قال ومضلل الاماميه

شرحت له شمس وبعدين منظر ووووو من الكلام

قال لي ارفع القزازه قلت ابشر << مسوي محترم

قال وبالحرف الواحد : انت عاد ماتستحي مضلل كامل وجاي تتسيف

<<< في هذه الحظه الانبير وصل H وطل دخان مع اذني :D

قلت له انت وش تبي بضبط تراك عاد تعديت حدودك

قال ابيك تشيل التضليل الاماميه قلت بس ابشر << مسوي بارد ومن جوا مولع

جيت افك الى وابو الشباب حط دفتر القسايم على الكبوت قلت وش تسوي

قال احرر قسيمة تضليل

<< الضغط يولد الانفجار << صارت عليه هذه المعادله

انا شلت يده وقلت والله ماتكتب وارتفعت الاصوات والناس يناظرون

المهم اتى لنا الملازم قائلا : << ترى ذا الجمله متعوب عليها

سلامات وش فيك

قلت كيت وكيت والرجال ماخذها استقعاد والسالفه

قال له الجندي القصه واخر كلامه هو فعلا مادعاني لكتابة الموضوع

وهي :-

ياطويل العمر تبيني اكتب مخالفه واخذ عليه تعهد :confused:

يعني السالفه شفط فلوس واستقعاد للعالم

راح الملسون وجاء الضابط والشهاده لله فعلا كان رجل خلوق وطيب

قلت له ان القصه كذا وكذا وانا جاي لستراحه لانيب ادور وانا اصلا من شمال الرياض

وعطيته من ذا الكلام وفهم وقال لي ان التضليل الكامل غير مسموح به على شان الارهاب

ولازم العسكري يشوف السياره كامل من الداخل

وقال للعسكري :-

خلاص خله يروح بكل بساطه ؟

ورحت لافكيت تضليله ولاخذت قسيمه بس الي خلاني اكتب الموضوع

عدة محاور :-

هل المواطن ضحية اخلاق االعسكري يعني اذا كان تافل العافيه الله يعينك انواع الاستقعاد

هل الغرض من الحملات التفيشيه وفي مواقع سخيفه هي من اجل المال ؟

لماذا لايكون هناك دورات تدريبيه لبعض الجنود وكيفية التعامل مع الاخرين؟

من اجله فئه تندمر سياراتنا من الشموس وللمعلومية الارهابين مايضللون

والدليل الاحداث الاخيره يعني عذر غريب صراحه ؟

اتمنى من الجميع ان يفيدنا بالمعلومات او قصه حدثت له

تحياتي للجميع

[/COLOR]

كراون فكتوريا @user_28880 · 13-04-2006

من جد بعض العساكر عليهم طلعات تبين صغر عقولهم وقلت تفكيرهم يعني انا قبل 7 شهور كنت راكب مع ولد عمي بسيارة صديقه المهم صديقه هذا ما معه رخصه وتو داخلين بحاره ولا ذا التفتيش يعني لوكنا اسرعنا شويه وحنا داخلين الحاره كان دسنا الجندي المهم وقفنا وقال وين الرخصه قاله والله مامعي معي اثباتي يمين يسار قاله راح ننقلكم للقسم انتضرو راح تجي دوريه وتنقلكم والسياره راح يجيبها العسكري المهم وحنا ننتظر هم راحو يفتشون السياره تصدقون في كيس كاجو فتحه واكل منه حبه او حبتين والباقي رشه على الارض يقول يمكن مهربين شي معه <<صاير من عساكرشيكاغو

المهم جات الدوريه والحمدلله طلع اللي مستلم بالدوريه جيران ولد عمي وكيل رقيب فقال للجنود خلوهم يمشون وعطوهم الاثباتات

يوممشينا وقف صديق ولد عمي للبقاله بيشتري شي نشربه ويمد يده بدرج الباب اللي كان فيه 290 ولا يشوف ولا ريال:eek: وهومتاكد انه حاطهم بعد ما اشترى الكاجو من قبل نمر على التفتيش

يعني وين العقل وين الرزانه وين الثقل لاكن المشكله ان بعض العساكر عقولهم محترق فيوزها |11|

وبعضهم والله تحطه على الجرح يبرى |1|

salehhd @user_17805 · 15-03-2006

السلام عليكم

صحيح مع الاسف الكثير من افراد المرور والشرطة مزاجيين في التعامل وانا حصل لي معاعف مواقف كثيرة في السابق

ومحد كرهني في للكزس غيرهم كل ما مسكوني وعطوني مخالفة وحاولت اني اخلية يتراجع عنها قالي انت عندك لكزس وتقدر تسدد بهذا الاسلوب
الي يشوفهم يقول لاقي الفلوس في الشارع وهذا الموقف صار معاي مع اكثر من شخص وهذا من الاسباب الي خلتني ابيع اللكزس

ارى ان تقوم ادارة المرور بعمل دورات تثقيفية لهم لان العسكري المفروض انه موظف دولة ويخدم المواطنين وليس العكس

وكذلك تعريف السائقين بما لهم وما عليهم من خلال الاعلان او التلفاز

هذا ما لدي في الوقت الحالي

والله يصلح الاحوال

راعي ال 8100 @user_22094 · 12-03-2006

اخوي الغالي اشكرك عالموضوع وصارت لي سالفه قبل اسبوع تقريبا مسكني تفتيش بحي الربوة ومعي اهلي قال الرخصه والاستمارة عطيته كل شي قال وقف على جمب قلت خير انشاء الله واستغربت انه موقفني يعني لا نيب مظلل ولا نيب فاك اللوحة ماسويت شي يوم جيته قالي فك الانتل الللي فوق واجي واطرطع قلت الحين موقفني ومعي اهلي واخرتها عشان الانتل قال ايه ممنوع قلت من يقول انه ممنوع قال هذا النظام قلت انت رجال بتمشيني ولا لا قال لا مانيب مشيك الين ماتفك الانتل وتعطينا اياه قلت خير انشاء الله واروح وافك الانتل واكسره قدامه نصين واعطيه اياه قلت اذا انت تستقعد انا اعرف استقعد ترا واعرف حركاتكم يالعسكر عموما هذا الانتل وتراه ب 25 ريال واقدر اشتري 10 اناتل موب واحد المهم واعطيه ظهري وامشي واسحب عليه وامشي طبعا عطاني اثباتي قبل لا افك الانتل ابو الشباب يحسبني بعطيه الانتل زي ماهو مادرة اني بكسره بس خله يعرف قال ايش قال النظام

A L H A M O O R @user_17724 · 10-03-2006

حياك الله مشعل ومشكور على الموضوع
أذكر اني قطعت اشاره في جامعة الملك سعود
الاشاره انت أكيييد تعرفها هي اللي عند مدخل مستشفي الملك خالد
هي اشارتين
الاول صارت صفرا وانا ماشي يمكن 100 ثم صارت حمرا وسحبت عليها ! وقطعتها
طبعا الاشاره حقت الخروج من المستشفى
كان فيها دورية مرور كان طالع من المستشفى ( ممكن موصل أحد بعد حادث )
المهم الاشاره الثانيه ممنوع تروح يمين وهي حمراء
وانا مارزت في اللوحه ذاك الوقت
واروح وألف يمين
والا الأخ وراي يكبس وعلى جنب
طبعا هو نزل وجاني
وما كان معي رخصه
وقال لي ليه تقطع الاشاره !!
قلت له والله مستعجل وعند أختي موعد في كلية الاسنان
قال وبعد مظلل ( كنت مظلل زيرو زيرو وبعد نص القزازة ) !!!
المهم قال راح أعطيك اربع مخالفات
1- قطع اشاره 2- سرعه 3- تظليل 4- عدم حمل رخصه
وقال طف السيارة وهو بينادي راعي سطحه وأنت اركب الفكتوريا وعلى التوقيف
قلت طيب والأهل
قال دق على أي أحد يجي يأخذهم !!!!
قلت له ما معي جوال :D
قعد يلف ويدور
ثم راح وطلع الدفتر ,, وقال اكتب :
انا فلان الفلاني وقطعت الاشاره ومظلل وووووو
وسحب الاثبات والاستماره
وقال راجعنا بكره في مرور الناصريه عشان التوقيف
قلت ايه هين :D
رجعت للبيت وقلت للوالد حفظه الله
وراح دق على زوج عمتي وقال له السالفه
ومن بكره ابوي سدد المخالفات واخذ الاثبات والاستماره بدون توقيف |4|
اللي قاهرني هو :
1- اشارات جامعة الملك سعود الغبيه
2- عطاني قسيمه على التظليل
3- قعد يتدخل في اشياء خاصه مثل وين ابوك ليه ما يودي اختك و وش وظيفته ومدري ايش
4- ما سامحني ومشاني نظرا للظروف
5- ان بعض الاحيان لين صار معك سياره فخمه والله ما يقولك شيء واتحداه
ــــــــــــــــــــــ
في سالفه أخرى
كنت مكتم ( الجمس ) تبعنا 04
وكنت توي مغسله وملمعه وطلعت من المغسله على حي ( الرائد )
وعروف بكثرة الدوريات هنا ( 999 )
والعسكري طلع لي فجأه وانا مادري وقال على جنب
وقفت و العسكري خااايف <<< يحسبني ارهابي
وقال لي ليه مظلل
طبعا قعدت اصرفه
وطلب الاثبات والاستماره <<<< ما طلب الرخصه !!
ثم لف على السياره وشيك عليها وقال
وش اسم ابوك ووين ساكن
طبعا انا ساكن في شمال الرياض
ولا لو اني في الجنوب كان على طول القسم
المهم قال أبيك توعدني انك اذا رجعت لبيتكم تفك التظليله
قلت أبشر وعلى خشمي
ورجعت للبيت والا يومك هذا ما فكيتها :)
ترى 999 أخف ويسامحون أكثر من 993 اللي هم المرور

عاشق المغامره @user_28188 · 09-03-2006

هاذي الشكال توم مشرف

صاحب المعالي @user_19740 · 09-03-2006

ياخي على مزاج العسكري والله,,

انا كنت باللومينا مكتم القزاز كامل 02 والخلفيه 03 ,,

وقفت جنبي سياره شرطه عن الاشارهـ ,,

وانا رجولي تنفض من الخوف ,,

وبالاخير فتحت الاشاره ومشينا وهو ما سوى شي !!

.

وموقف اخر بنفس التظليله ما غيرتها ,,

كنت ماشي بطريق الملك فهد بالرياض ,,

على سرعه 100 ,,

ومادريت الا سياره الشرطه وراي بالمايكروفون ,,

يا راعي اللومينا وقف على جنب !!

المشكله قلت ابفكـ التظليله ,,

بس ما خلاني افكها وكان ملزم على القسيمه !!

قال طيب تظليل القزازه الخلفيه ممنوع ,,

قلت له دن هنااااك يبو >>> عاد مو بالاسلوب هذا طبعاً ,,

وما فكني الا والقسيمه بمخباتي !

.

يعني العسكري الاول كان فاضي و بجنبي ومابيني وبينه الا نص متر وما سوى شي ,,

والثاني متعب نفسه ومسوي زحمه بطريق الملك فهد عشان يوقفني ويعطيني مخالفه !!

شفت كيف الفرق !!

ك

كابـــSSـــرس

والله يالغالي مره راعي دوريه وقفني وخذ الرخصه قال لي يقرب لك فلان قلت ايه من عيال العم

قال وش اسم ابوه سويت في مخي بحث وكانت النتيجه لايوجد معلومات متوفره :D

الى ويقعني بذيك القسيمه الله يهديه

ههههههههههههههههههـ

ذكرتني مرهـ مسكني واحد ,,

يوم شاف اسم العائله ,,

قال يقرب لك الرائد فلان الفلاني بالمرور ,,

قلت علطووووول عمممممممي ,,

قال سلم لي عليه وخلاني امشي ,,

قلت بنفسي اذا شفته يكون خير :D

م

مخربها

السلام عليكم .... عدنا من جديد مع موقف يدل على دلاخة رجال المرور ...

شبااااب الله فكني بإعجوبه ولله الحمد من التوقيف والتسطيح ....

كان معاي سيارة البيت (( فان مرسيدس )) المهم ماشي في شارع ما توقعت يكون فيه تفتيش المهم كنت ماشي فوق 140 ما دريت قدامي الا تفتيش قلت اكيد يشيكون على الاثباتات بس لاني ما شفت رادار بس يوم قربت من التفتيش لقيت في الارض الفاضيه جمب التفتيش عدد كبير من السطحات وكثير منها محمل مواتر ومن هالمواتر سيارات قويه مثل رينج واودي كلها جديده قلت اجل عز الله رحنا وطي المسأله جد ولا ينفع فيها واسطات وحوسه وطلايب اذا قالوا جنب وخذ اغراضك باخذها واركب الباص بدون اي نقاش المهم ما كان فيه احد قدامي كنت اول واحد (( من الدزه اللي كنت دازها :D )) المهم وقفني العسكري وفتح له القزازه وناظر فيني وناظر في الموتر شوي وما عرف وشو ونادا خويه قاله هو ذا اللي مسرع ؟؟؟ ناظرت خويه وانا ارجف قام خويه يناظر في الموتر شوي وبعدها قال لا ما اظن وقالي روح انا ما صدقت على الله قالي روح وادز وانا اناظر في المرايه قلت الحين بيتأكدون انها انا ويلحقوني بالالنترا السري بس الحمد لله الله فكني ...

الحين الفان المرسيدس من متى وهو موجود عندنا في السعوديه ؟؟؟ مو المفروض انهم يكونون حفظوا شكله ؟؟

انا عكسك بالظبط ..,,

انا مرهـ كنت طااااير باللومينا بطريق الامير عبدالله ,, احم احم قصدي الملك عبدالله ,,

المهم اني نسسسيت ان فيه تفتيش بعد النفق ,,

قبل ما اوصل لهم بشوي ,,

شفت العساكر من بعيد يتناقزون ويأشرون علي !

قلت يا ولد رحنا كبدهـ بالجبن ,,

وبالاخير مخالفه سرعه يحبها قلبكـ ,,

عاشق_قمر @user_19901 · 09-03-2006

حسبي الله ونعم الوكيل وبس

لا اكثر ولا اقل

بلا حدود @user_24628 · 09-03-2006

ك

كابـــSSـــرس

الله يسمع منك يارب وانشاء الله تكون هناك دورات تدريبيه في هذا المجال

تحياتي لك

دورات تدريبيه?????

والله تبي الصراحه وانا اخوك هذا الشي ما اظن بيصير عندنا

سلام|3|

ابوعمر 1979 @user_6074 · 07-03-2006

انا صارت عندي مخالفتين يشيب لها الراس

الأولى / كنت موقف عند مطعم وموقع المطعم عند اشارة والاشارة هذي مسنتر عندها جندي بمواصفات عميد ركن المهم....
لسه داق الريوس ما عشقت على الD الا اشوفه يأشلالي بالدفتر قدام الخلق عند الاشارة المهم قال الجمله المعهودة ( رخصة واستمارة )
قلتله خير قال ليش منت رابط الحزام قلتله ياخي توي ما مشيت قدام وحت لمبة الحزام اللي في الطبلون ماطفت قال المفروض انك قبل ماتشغل السيارة تربطه وحرر مخالفة بس تصدقون طلع ضعيف في الاملاء والارقام لخبط في رقم الهويه ولخبط في الاسم والسيارة موديلها 96 حطها 99 .( يستاهل )

الثانية كنت واقف في الاشارة وصدام السيارة مغطي على الخط الأصفر جاني وقال ابعطيك مخالفة تجاوز الخط الاصفر قلتله ياخي الكفر ماهو على الخط قال لا انت معطل حركة المشاة هذه الجملة اللي رفعت ضغطي لأنه الشارع فاضي حتى سيارات مافي الااثنين
وغصبن عني اعطاني مخالفة .

انا احس المخالفات صارت تجارة وكل يومين مطلعين خبر فرحانين بيه في الجرايد مثل ( ضبط 7500 مخالفة بمكة الاسبوع الفائت )
ولا ( اجمالي المخلفات تصل الى 13000 خلال الشهر الاول من العام الجديد )
هذا موحرام وانا أتوقع اللي يستحقون المخالفات من هذا العدد مايجون 40%

حسبي الله على كل عسكري ما يخاف الله في عمله

وسلامتكم

مخربها @user_24088 ..:: TAHOE//YUKON GRP. MEMBER ::.. · 07-03-2006

السلام عليكم .... عدنا من جديد مع موقف يدل على دلاخة رجال المرور ...

شبااااب الله فكني بإعجوبه ولله الحمد من التوقيف والتسطيح ....

كان معاي سيارة البيت (( فان مرسيدس )) المهم ماشي في شارع ما توقعت يكون فيه تفتيش المهم كنت ماشي فوق 140 ما دريت قدامي الا تفتيش قلت اكيد يشيكون على الاثباتات بس لاني ما شفت رادار بس يوم قربت من التفتيش لقيت في الارض الفاضيه جمب التفتيش عدد كبير من السطحات وكثير منها محمل مواتر ومن هالمواتر سيارات قويه مثل رينج واودي كلها جديده قلت اجل عز الله رحنا وطي المسأله جد ولا ينفع فيها واسطات وحوسه وطلايب اذا قالوا جنب وخذ اغراضك باخذها واركب الباص بدون اي نقاش المهم ما كان فيه احد قدامي كنت اول واحد (( من الدزه اللي كنت دازها :D )) المهم وقفني العسكري وفتح له القزازه وناظر فيني وناظر في الموتر شوي وما عرف وشو ونادا خويه قاله هو ذا اللي مسرع ؟؟؟ ناظرت خويه وانا ارجف قام خويه يناظر في الموتر شوي وبعدها قال لا ما اظن وقالي روح انا ما صدقت على الله قالي روح وادز وانا اناظر في المرايه قلت الحين بيتأكدون انها انا ويلحقوني بالالنترا السري بس الحمد لله الله فكني ...

الحين الفان المرسيدس من متى وهو موجود عندنا في السعوديه ؟؟؟ مو المفروض انهم يكونون حفظوا شكله ؟؟

كابـــSSـــرس @user_6060 صاحب الموضوع · 06-03-2006

O

Octavia 2002

بسم الله الرحمن الرحيم
السلام عليكم و رحمة الله و بركاته ,,
مشكور أخوي على طرح الموضوع ,, و الحمدلله عندنا بالشرقية ,, تعاملهم أتوقع احسن من الرياض و جده حسب كلامكم ,,

وعليكم السلام ورحمة الله وبركاتة

اقول يازين الشرقيه كلها اهلها والمدينه نفسها ومناظرها والله لو بيدي

كل اسبوع اروح لها :)

O

Octavia 2002

على العموم أذكر حادثة لواحد من الشباب قالها لي من قبل فترة ,,
الرجال شغل سيارته و توه بيمشي : بالليل كانت : ,,, توه ماشي مشغل السكن وقفته الدورية << ماعنده رخصة ,, قال العسكري إثبات - إستمارة ,, عطاه قال له ما معك رخصة قال لأ ,,
قال العكسري طيب ليه ما تولع الانوار ,, ما تدري إن عليها خرامة وقدرها 150 ريال ؟؟
قال ادري عليها غرامة ,, بس لسه أنا ما مداني امشي 3 متر إلا أنت جيتني , , , , من هنا من هناك ,, راعي الدورية دخل سوالف ,,,, و كان راديو الدورية مشغل .. راعي الدورية قال لصاحبي تبي تمشي بدون مخالفة ,, قال أكيد ,,, قال عجل أعرف لي أسم الأغنية و المغني اللي بالراديو ,,,,,, و عرفوه و مشاهم ,,
شوف كيف يعني !!!

خخخخخخخخخخخخ والله راعي الدوريه ذا راعي وناسه لو اني من خويك تكيت معه جوا الومينا

وفليناها << راعي وناسه ههههههههههههه

بس من يقول ان النور عليه غرامه انا حر اول ما اولع مالهم شغل وش حيث السيارات الي تجيك

مكسره مع كل مكان مدري وشلون تمشي ويمشونها ؟؟؟

O

Octavia 2002

على العموم في رأيي الشخصي ,, العساكر أنواع ,, واحد تحسه يفهم و يراعي الظروف ,, واحد ثاني أبد صامله عنده و مايفهم شي و ما يغير رأيه أبد ,, و أظن كلاهما على مزاجه ,, إن عجبه شكلك مشاك و إن ما عجبه عطاك مخالفة إن شاء الله حتى لو على إنك مش مغسل وجهك قبل ما تطلع ,, << عساكرنا الله يخليهم ,,
,, هذولي شكلهم تأثرو بالشبه بين السوناتا و الأكورد ,, أساسا شكلهم ما يدرون وشي السيارة ,, شافوا حرف H بالشنطة قالوا هوندا خخ

صدقت يالغالي هي على المزاج ومن ناحية اسامي السيارات والله نصهم ماجابوا خبرها ههههههههههههه

O

Octavia 2002

على العموم ,, مشكور أخوي كابـــSSـــرس على طرح الموضوع ,, و فعلا هذا شي يبي له معالجة عندنا بالسعودية و بغير السعودية ,,
تحياتي ,, عبدالله

الله يسمع منك يارب وانشاء الله تكون هناك دورات تدريبيه في هذا المجال

تحياتي لك

كابـــSSـــرس @user_6060 صاحب الموضوع · 06-03-2006

ب

بلا حدود

العساكر سالفتهم سالفه كل واحد وعلى حسب مزاجه
والله اني الحين تعقدت نفسيآ من التفتيش تعبت وانا اتهاوش معهم
والحين اعطيه اللي يبي واخليه يسجل اللي يبي ولا اتعب نفسي معه

فعلا يالغالي السالفة ماهي نظام ولا هم يحزنون السالفة سالفة مزاج فقط

ومن ناحية التفاتيش والله ترفع الضغط اولا يجلسون ساعه على شان يقرون الرخصه

وزحمة وحوسه وساحبين على العالم ؟ ومن ناحية اعطيه الي يبي معصي

خصوصا اذا كان ماوراي شي والله لا انشب له مثل مانشب لي :D

ب

بلا حدود

اذكر لكم سالفه صارت لي:
مره كنت ماسك خط وفي تفتيش حق رادار سرعه وطبعا انا عارف مكان الرادار لانهم ما يغيرونه ما بلغو علي سرعه
بس كنت مظلل 01 خفيفه ونظاميه
لما وصلت للتفتيش طبعآ كان مسارين وعسكري واحد كان موجود انا اخذت المسار الايمن اللي ما فيه العسكري وكنت منزل القزاز حقتي من غير قصد
ويوم وصل دوري طالع فيني العسكري وسلمت عليه بكل احترام ومارد السلام<<<< هذا مشكله اخرى عندهم عدم رد السلام
رد علي وهو رافع صوته يقول وش عندك انت؟؟؟؟؟؟؟؟؟؟؟؟؟
قلت له ليه سلامات
ورد علي وهو رافع صوته بعد ويقول ارفع القزاز
رفعت له القزاز وطالع شوي وقال وقف على اليمين بدون مايطلب مني اثبات ولا استماره
مشيت انا عشان اوقف على اليمين
اول ما تحركت قال لي وقف وقف بصوت مرتفع ووقفت قال عطني الرخصه وبعدين صفط
عطيته ووقفت ونزلت له
قلت له سلامات انا مسوي شي يستاهل الزحمه هذي كلها
قال بالحرف الواحد ( انت تستهطف رجل الامن ) <<<< انا انلحس مخي
وكيف يالحبيب
قال لي منزل القزاز عشان ما ندري انك مظلل
قلت له انا مزلها من غير قصد وبعدين التظليله نظاميه ليه اسوي نفسي وانزل القزاز
قال لي من يقول لك انها نظاميه
قلت له هذا النظام الجديد التظليله الاماميه مسموح فيها اذا كانت خفيفه
قال لي انا نظامي ان التظليل في القزاز الامامي ممنوع
قلت له انا ما همني نظامك <<<< هنا بدت الهوشه
قال لي لا تكثر كلام ورح شيل التظليله والمخالفه بتجيك
قلت له انا تظليلتي نظاميه وعشان انها نظاميه تبطي اني اشيلها
بدت الاصوات ترتفع والناس يطالعون وجا عسكري ويقول وش السالفه قلت له انا مظلل 01 يعني 30% ويقول لي شيلها
قال العسكري الفاهم الله يجزاه خير لا اصلا التظليله المسموح بها 50% يعني تظليلتك نظاميه
ولا زال العسكري النذل ملزم اني اشيل التظليله
ورجعنا نتهاوش مره ثانيه لانه بصراحه رفع ضغطي من جد وما صرت افكر بالعواقب لين جو العساكر وفرقو بيننا
وقال لي واحد منهم خذ هذا رقم ضابط الخفر وقله السالفه ومو مقصر معك
دقيت عليه وكان متفهم وما قصر بس قال لواحد يروح يشيك على تظليلتي اذا انها من جد 01
وبعدين كلم الضابط العسكري النذل وقال له خله يروح
وناداني العسكري وقعد يطالع بالرخصه وقال لي جب الاستماره <<<< يدور اي شي بس عشان يعطيني مخالفه
وطبعا الاستماره منتهيه عندي واعطاني مخالفه

والله مشكله الصراحه اشياء غريبه تصير عندنا فعلا العساكر الي عند التفاتيش مع احترامي لهم جميعا

بس والله يبي لهم كورسات في كيفية التعامل مع الاخرين ؟

يعني مو معقول يجي واحد ويهينك قدام العالم ويرفع ضغطك وتوصل لرفع الصوت على شي اصلا هو نظامي

وللمعلوميه انا توني ادري ان 01 نظاميه << مضلل على عامها ؟

ب

بلا حدود

وش رايكم برجل الامن اللي قاعد يمثل دوله كامله
اعتقد انكم تمرون اكيد على بوابات فيها سكرتيه في الدوام مثلآ شوفو الفرق بين اخلاقهم واخلاق العساكر
فاصل اعلاني: كنت مره ماسك خط ورايح للجبيل وكنت امشي 170 بسوناتا 2006 مستأجرها وطبعآ صادني الرادار ولما وصلت للتفتيش كان فاضي ما في الا انا
وقفني العكسري وسأل خويه وش السياره اللي مبلغ عنها قال له هوندا اكورد قلت له انا هيونداي سوناتا ومشاني مع ان البلاغ علي <<<< لا تعليق

هههههههههههههههههههههههههههههههههههههههههههههه

الله يعين اول هوندا بتجي عقبك وهذا الامر صاير بلهبل خصوصا الي يوقف ينتظر عشر دقايق ثمن يمشي

والله مايجبون خبره ؟

ب

بلا حدود

اسف اني طولت عليكم
اخوكم بلا حدود <<< مسخها

حياك الله يالغالي واسعدنا مرورك

تحياتي لك

كابـــSSـــرس @user_6060 صاحب الموضوع · 06-03-2006

ا

الوافــي

نصيحه لسكان الرياض ..
لاتولعون الـسكن والكشافات ( السكن = النور الصغير في السياره )
ولعوا النور الاساسي والكشافات او النور الاساسي بس واربطوا الاحزمه
ولله الحمد انا بالانفنتي مضلل القزازه حقت السواق والراكب 02 .. وطال عمرك اقرب تفتيش افتح الفتحه اللي فوق ( علشان يدخل نور ) وافتح الدرايش اللي ورا واللي قدام و واربط الحزام و ولع الزينون والكشافات
والله ويمشوني جزاهم الله خير :D
لكن نظام سكن وكشافات اتحداكم اذا مشاكم ( من واقع تجربه لاكثر من مره )
وبالنسبه لي اكثر سيارتين اذا شفتهم يجيني الهم هم الدوريه والهيئه وربك يستر !
وشكرا لصاحب الموضوع

والله نصحيه مهمه وانشاء الله بأخذ بها على محمل الجد

والله انا من طلعت الموتر ماولعب النور الاساسي الى في الخطوط

انا اقتصادي السكن هو الي شغال دايم

بس على قولتك اذا جيت عند تفتيش انشاء الله منيب مخلي نور في السياره الى ومولعه

وان مشت عليهم انا بأكتب موضوع منفصل اشيد فيه برجال الامن في نقاط التفتيش ؟

ومن ناحية الهيئه اسمحلي يالغالي الله يكثر وجودهم

كابـــSSـــرس @user_6060 صاحب الموضوع · 06-03-2006

ن

نيسان للأبد

خلك نظاامي وماراح احد يتفزك بل بالعكس راح يقدرونك (( من واقع تجربة ))
.

مشكور على النصيحه بس التضليله ما اشوف فيها اي شي مخالف ؟

<< يقول شكلك عسكري خخخخخخ

كابـــSSـــرس @user_6060 صاحب الموضوع · 06-03-2006

M

M .N. N

مشكور أخوي على الموضوع
أنا أذكر مرة من المرات على كتكمت تظليلة كامل الزجاج ،،، وجلت أفحط بحارة
فجأة :
وقفني عسكري وأخذ الإستمارة وقالي الحقني على المركز طبعاً كتب لي قسيمة ،، وحجز شهر وأسبوع، وأنا أسبــــوع
جاء أبوي وعلى طول طلعني أنا والسيارة وحول القيمة لربط الحزام = 100 ريال ،، وما سجلوا أي شيء بالكمبيوتر
أيش رايكم بالعدل ، وتطبيق الأنظمة 100% :) :)
(( على فكرة أنا مو راضي أبدً باللي حصل وأنا اللي مخليهم يحولون القسيمة الى حزام والا هم كانو ناوين على طلب أبوي أنهم يغيرون بالرقم وتكون على واحد غيري لاكن رفضت )) :(

ولو يالغالي هذا من مشاكلنا ولازم نبحث في ايجاد حلول لها

ماشاء الله تفحط والله اسمحلي عاد انا ديني ودين الي يفحط المفروح تغريب سته شهور

بس من ناحية تطبيق النظام ماشاء الله ماقصروا

انا ما ادري الى متى والواسطه بتسيطر على المسؤلين يعني يضل الضعوف مضلومين

والي عنده الواو يمشي والله لو انه مايدري وين الله حاطه فيه ؟

كابـــSSـــرس @user_6060 صاحب الموضوع · 06-03-2006

b

bashar_255

انا مستعد أعطيهم 1000 ريال سنوياً سموها ضريبة أو اغتصاب أو جباية لاكن ما يستنذلو على مع العلم اني ما أخذت مخالفة من قبل

صراحة

كرامتنا أولاً

تحياتي ،،،

والله يالغالي صدقت وسبق قلته الكرامه اهم من كل شي

يعني ماله داعي ننسب وننهان قدام العالم على سبب تافه ؟؟

يعني يهينك ويحرر مخالفة ؟؟؟؟؟؟؟؟

كابـــSSـــرس @user_6060 صاحب الموضوع · 06-03-2006

ع

عذب الاحاسيس

الاسبوع اللي فات في حي السامر بجدة قدام كتيكت <<<< للي يعرف جدة
في اشارة زحمة وكل العالم تبي تاخذ اليوتيرن والله اخذنا اليوتيرن ويوقفنا التفتيش وش فيه ليه قاطعين الاشارة <<< بالله وش رايكم
ومن هنا وهنا وماادري ايش واخلاق سيئة تلاعنت انا وياه وعطاني المخالفة ومشاني لاحجز ولاهم يحزنون والله انه اكثر من نص الدفتر مخالفة قطع اشارة
سؤالي بس هل هالشرطي مايخاف الله مايخاف احد يدعي عليه وهو مظلوم هل مايخاف تستجاب دعوة ويعاقبه الله في نفسه او اولاده
سؤالي اذا كان الشارع اصلا زحمة هل من حقه يحرر مخالفات >>> بدال مايجلس يضبط السرى يجي يحرر مخالفات
والمشكلة كلهم عينة وحدة تخيلوا شايب تقريبا عمره 60 ويعطيه قطع اشارة بالله وش رايكم
وش موقفك وانت تسدد المخالفة <<<< اهم شي 900 ريال :)
تحياتي للجميع والله يكافينا شر مرورنا الهمجي

حياك الله يالغالي

والله انا ماعرف في جده الى شارع المكرونه وطريق الملك فهد والكورنيش وابحر والاهم السنابل :p << ياجتها ايام عز :D

لاحول ولاقوة الابالله يعني مستقعد اخونا بالله والله يالغالي هذي تصير واجد

خصوصا اذا طفروا بس انا ما ادري هلا فعلا هناك اجازه للي يخلص دفتر القسايم في مده معينه ؟

ومن ناحية ترتيب وتنظيم هذي شلها من راسك مانظم الى ربعك

هم جيدين في المخالفات بس

كابـــSSـــرس @user_6060 صاحب الموضوع · 06-03-2006

c

clk_200

[center]السلام عليكم ورحمة الله وبركاته

اولاً حبيت اشكرك اخوي العزيز على الموضوع الأكثر من رائع ,,,

والله يخلينا نفتر حرتنااا شوي في العسكريين من القهر الي فيناا

بصراحة رجال المرور في البحرين مزاااااج على الأخر يعني يوم

تشوفهم ما في احلى منهم ويوم تسب وتلعن فيهم من عمايلهم

مثلاً يوم انه ركبت على المرسيدس تظليل 02 واغمق شوي بعد

كانت الدوريات تمر عليي وانا حتى مو رابط الحزام بس وحتى

النافذة الأمامية صاكها تظليلة ويمرون ويقعدون يطالعون فيني

وبس ,,, وانا اقول يمكن خايفين بأني اطلع واحد من هل الهوامير

ويزفت فيهم بالشارع ,,, ويوم من الايام اخوي كان في السيارة

راد البيت وما يشوف الا المرور وراه يأشر له قال اخوي ما راح يوقف

في الشارع راح اوقف في اقرب مخرج للشارع المهم وقف وقال له

انت وش مسوي في السيارة ضاربها سوبر دراك و النافذة الامامية

بعد ما يصير وقال له خويي مو غلطتي غلطة الي ركب انا قلت له ركب

قانوني بس ماركب ... قاله ما يمشي هل الكلام وطخه 10 دينار مخالفة

وشال التظليل الأمامي ,,,,

وحادثة اخرى كنت يومياً ازور احد كبار الشخصيات في منطقة تبعد عنا

تقريباً 30 كيلو وكان في المخرج حقتها تفتيش وكل يوم امر عليها وكان

نفس العسكري الي يوقف السيارات وكل مره يخليني اطوف ,,,

يوم من الأيام ما لقيته الا يقول لي وقف وعطهم الرخصة قلت له طيب ليش

قال اقولك وقف وعطهم الرخصة قلت له طيب ورحت وقفت الى العسكري

الي يطخ مخالفات وقلت له تفضل هاي الرخصة قال ليش موقفك عيل قلت

له ماادري مع اني يومياً اطوف عليه لما ارد من عند فلان بن فلان قال

لي اسمح لي يالطيب وان شاء الله راح اخبره الحين انه ما يتعرض لك غير اليوم

وراح عطاه كم زفه ليش انه اعلى منه رتبه وقال له اني من طرف هذا الرجال ,,,

طولت عليكم وايد في قصصي واتمني انكم ما تملون منها ,,

بس تبين الانواع المرور وتعاملهم ...

اخوكم

clk_200

الله يعطيك العافيه يالغالي على المرور

شرفت الموضوع الله يحفظك

اجل ربعكم موب يختلفون عن ربعنا

شغل اسامي ومزاجيه ههههههههههههههههههههههههههههه

والله يالغالي مره راعي دوريه وقفني وخذ الرخصه قال لي يقرب لك فلان قلت ايه من عيال العم

قال وش اسم ابوه سويت في مخي بحث وكانت النتيجه لايوجد معلومات متوفره :D

الى ويقعني بذيك القسيمه الله يهديه

اشكرك مره اخرى على المرور

وتحياتي لك[/CENTER]

كابـــSSـــرس @user_6060 صاحب الموضوع · 06-03-2006

C

Camry-GLi

اخواني بصراحه السالفه ومافيها ان العسكري علي كيفه يطبق النظام ,,,,,
يعني لو انك من نفس القبيله بيسامحك ولو هو يعرف واحد يقرب لك اكيد بيساعدك ...
يعني السالفه ومافيها واسطه ومزاااااج

والله صدقت يالغالي وهذي نقطه مهمه كل واحد له نظامه وكل واحد انت تكون تحت رحمته ؟؟؟

يعني اعيد واكرر هي مزاجيه وهذا في الحقيقه ظلم ومذله وشي مافيه احد يرضى به بس الله يخلف علينا

C

Camry-GLi

انا صارت لي سالفه قبل 6 شهور في حي العقيق
كان فيه تفتيش طويل مرره والمشكله انه كان صف واحد ومافي الا العسكري واحد يفتش ... وفيها 3 سيارات شرطه فيها حوالي 5 عساكر
انا كنت مستعجل وسويت صف ثاني .. وجاني عسكري وقال هات الرخصه والاستماره ووقف لو سمحت ... انا استغربت لدرجه اني توقعت ان على سيارتي بلااااغ
ولمن وقفت السياره وجيته .. قال ليه سويت صف جديد ..؟؟ انا تفاجأت وقلت له .. انا مستعجل ومادري ان هالشي ممنوع ..
والله العظيم عطاني الرخصه وقال .. لاعاد تتعودها مره ثانيه .. <<< قلت له ليه في مخالفه عليها ولا هذا نظام جديد توك مطلعه من راسك ..
ناظرني بحقد وخلاني .. لانه يدري انه مايقدر يسوي شي ..

ههههههههههههههههههههه والله يالغالي قصص غريبه ابطالها العساكر يثيرون الضحك

يعني هذا الفعل يستدعي سحب رخصه ؟

لا انت جرب واضرب بروي ياشيخ احتمال يسحبون موترك

ومن ناحية النظرات لاتوصي مابقى احد ماصقعني بنظرة خخخخخخخخخ

C

Camry-GLi

سالفه ثانيه بقولها لكم ...
خويي قبل اسبوعين في جده مسكوه في تفتيش وحجزو سيارته تدرون ليه ؟؟
لان معاه جمش ومركب شناااابر (كفرات بالون ) ....... ومركب انتل طويل .... العسكري يقول له ان الشنابر تغيير لمعالم السياره ,...؟؟؟

هههههههههههههههههههه

فعلا كل عسكري وله نظام يالغالي في الدائري في الصباح انا مولع السكن العسكري ارغمني اني اطفيه ؟

كان النور بيعميه ؟

C

Camry-GLi

معليش طولت عليكم بس ... نقول الحمد لله ان شرطه الرياض اخلاقهم افضل بكثير من حقين جده

لا وش دعوه يالغالي تشرف بحضروك والله يالغالي المفروص تكون الاخلاق وحده وهي الاخلاق الاسلاميه