محتار بين سيارتين تكفون اسعفوني غشيم يتحدث..

kaka202 @user_21689 · 02-02-2006

السلام عليكم ورحمه الله وبركاته..
محتار أنا بين أمرين وحبيت أشاور من عنده خبرة ..
الموضوع
أنا إنشاء الله وراي زواج بالصيفية وودي اشتري لي سيارة
وفلوسي تقريباً 50000 ريال وكمان وراي خطوط مثل من المدينة إلى الدمام
ومحتار بين هوندا سيفك 2005 بقيمة 49000 بدون اكسسوارات وهي الجنوط والكشافات
والجناح ..
والسيارة الثانية فورد جراندي ماركيز موديل 99 فل كامل بحالة ممتازة ماشي فوق الميه
بمبلغ 36000 ريال ...فضي ..
وأنا بصراحة أضل السيارة الصغيرة لكن يقول ما تعيش معك كثير وتتعبك بالسفر فمادري والله ..

وسألت كثير منهم من يقول كذا ومنهم يقول كذا ...
وقلت مافي إلا أصحاب هذه المنتدى الرائع بكل مافيه ...
أشاورهم فتكفون لا تقصرون لاني لازم هالشهر اشتري السيارة ...

saymyname @user_11518 · 02-02-2006

حط على فلوسك 6000 وخذلك سوناتا 2006 نص فل - واذا مو مقتنع جرب السيارة وراح تاخذها على طول وانت مغمض بعد...

عذب الاحاسيس @user_15092 · 02-02-2006

التيما 2005 ب 52 الف تقريبا جديدة

تحياتي

الزاااااحف @user_20961 Banned · 02-02-2006

اسمعني يالغالي
وخذها مني

تبي سياره فخمه ؟؟؟
سياره حقت خطوط ؟؟
سياره حقت مدينه ؟؟
سيارتين فقط

1 - اكورد 2005 سياحي تحصلها بـ 53 الف مستعمل
2 - كامري 2004 GLI وتحصلها فوق الخمسين بشوي
او 2005 XLI جونيور.

---------------------------------------------------
وفيه اللومينا LS 2006 تحصلها مستعمله بـ 55 الف بالكثير ويمكن تحصل اقل
لاكن الامريكي عموما والشفر خصوصا ما انصح فيه بسبب جودته الرديئه وبحكم اني جربته في اكثر من سياره
--------------------------------------------------

على فكره اذا تحب السيارات الصغير عندك الكورولا 2006 XLI مطور تحصلها بحدود الـ 47 الف
سياره حقت مدينه فعلا وسياره كررف
لاكن بالخطوط اذا انت رجال تمشي فوق الـ 160 ما انصحك فيها

تالسيفيك اجديده 2006 رووووعه بالخط وشكل راائع ومواصفات خيال لاكن سمعت ان مراتبها قاسيه وغير مريحه ( سمعت ولست متاكد )

هذا اللي عندي والله اعلم

التيما و بس @user_23604 · 02-02-2006

والله ياخوي اذا انت راعي خطوط فالقراند ماركيز احسنلك,,

تحياتي لك