روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 1 من 3 1 2 3 الأخيرةالأخيرة
النتائج 1 إلى 8 من 19

الموضوع: الطريقه الصحيحه لتغير زيت القير ؟

  1. #1
    عضو متميز الصورة الرمزية V-I-P
    تاريخ التسجيل
    01-08-2004
    الدولة
    الرياض
    العمر
    38
    المشاركات
    1,249
    معدل تقييم المستوى
    41

    الطريقه الصحيحه لتغير زيت القير ؟



    السلام عليكم ورحمة الله وبركاته



    ياأخوان انا ناوي اغير زيت القير تبع الليجاسي 2002

    ولكني ماراح اغيره في الوكاله ودي اسوي كل شي بالسياره بنفسي (( اتعلم عليها ))


    المهم وشي الطريقه الصحيحه لتغير زيت القير (( طبعا مع الفلتر ))


    في واحد من العيال يقول اول شي تحطه في P وبعدين تفك السره الي تحت الين ينزل الزيت
    وبعدين تحطه في الـ N <<<<<<<< صراحه استغربت شلون ابدل في القير بدون زيت

    رد علي وقالي عشان يطلع كل الزيت الي في القير

    المهم شرحلي كل شي بس حبيت اعرف منكم الطريقه الصحيحه

    لأن كلامه صراحه ماعجبني (( ولاكن ممكن يكون كلامه صحيح ))



    المهم الي يعرف الطريقه الصحيح لتغير الزيت ومجربها من اول يليت يشرح الخطوات بالتفصيل

    ومشكور مقدما



  2. #2
    عضو
    تاريخ التسجيل
    04-01-2006
    الدولة
    IRAQ
    العمر
    43
    المشاركات
    126
    معدل تقييم المستوى
    37

    رد: الطريقه الصحيحه لتغير زيت القير ؟

    السلام عليكم ورحمة الله وبركاته
    انا عندي BMW 540i وديتها عالورشة قبل اسبوع وبدلت زيت القير
    اول شي حطيت السيارة عالــP ورفع السيارة من الامام يعني ايطارات الامام صارت بالهوا
    وفتح القير و نزل كل الزيت بعدين رجع الغطاء تبع القير ورجع السيارة للوضع الطبيعي
    ثم ورفع السيارة من الخلف يعني ايطارات الورا صارت بالهوا وبدا يعبي زيت 7 عبوات تقريبا وصل العبوة 3 وحط القير عالــR وكمل الزيت طبعا السيارة شغالة بس ما اذكر متى شغلها!!!
    وعالعموم هذا اللي اعرفه ارجو التاكد من الطريقة من قبل الخبراء قبل العمل بها .

  3. #3
    عضو الصورة الرمزية FAHAD LTZ
    تاريخ التسجيل
    23-08-2005
    الدولة
    فرجينيا
    العمر
    46
    المشاركات
    31
    معدل تقييم المستوى
    38

    رد: الطريقه الصحيحه لتغير زيت القير ؟

    تغيير الزيت نوعين:

    اولأ :

    تغيير الفلتر ويكون القير على P والمحرك طافي ويتم فك الكرتير وتغيير الفلتر وغسل الكرتير والمغناطيس بالبنزين من الاوساخ وبرادة الحديد ويرجع يركبها ويعوض الزيت المفقود ( عادة من اربع لخمس لترات)

    ثانيا :

    تغيير الزيت بالكامل ( نتكلم عن حوالي 12 لتر زيت ) وطبعا تضطر تغير معاه الفلتر , ويتم بواسطة جهاز يركب على خرطوم تبيرد الزيت اللي رايح للرديتر بحيث يشفط الزيت القديم ويضخ مكانه زيت جديد بنفس الكمية والسيارة تشتغل عشان يتحرك الزيت. وبعد ما يتئكد من اكتمال العملية يغير الفلتر بنفس الطريقة السابقة.

    وسمعت عن ناس او ورش ما تستخدم الجهاز الخاص, بكل بساطة يفك الكرتير ويشغل بعدين الزيت ينزل من نفسه لكن هالطريقة تعدم الكلتشات.

    تئكد من نوع وكمية الزيت المطلوب ومن نوع الفلتر قبل كل شي عن طريق الكتلوج

    بالتوفيق

  4. #4
    عضو متميز الصورة الرمزية V-I-P
    تاريخ التسجيل
    01-08-2004
    الدولة
    الرياض
    العمر
    38
    المشاركات
    1,249
    معدل تقييم المستوى
    41

    رد: الطريقه الصحيحه لتغير زيت القير ؟

    handaseh


    مشكوووووور وماقصرت اخوي

    بس ممكن الطريقه هذي خاصه بالالماني

    لأني اول مره اسمع فيها

    ومشكور مره اخرى على مشاركتك




    FAHAD LTZ

    ياسلام عليك يابطل

    صدقني ان هذي المعلومات جديده علي

    ودام الطريقه التقليديه تضر الكلتشات الله لايحدنا لها

    صراحه كفيت ووفيت







    والي عنده تجارب او مشاركه يليت يضيفها

  5. #5
    عضو متميز الصورة الرمزية V-I-P
    تاريخ التسجيل
    01-08-2004
    الدولة
    الرياض
    العمر
    38
    المشاركات
    1,249
    معدل تقييم المستوى
    41

    رد: الطريقه الصحيحه لتغير زيت القير ؟

    ابشركم ياأخوان غيرت زيت القير امس والطريقه (( على حسب تعليمات واحد من اخوياي كالتالي : ))

    1- اول شي وضعت القير على الـ P وبعدين فك صرت القير والفلتر حق زيت القير

    2- وبعدين يوم نزل كل الزيت ركب فلتر زيت القير وبعدين اضفت 2 لتر زيت قير

    3- وبعدين شغلت السياره وخليتها شغاله دقيقه وحطيتها بالـ R خمس ثواني وبعدين بالـ N خمس ثواني وبعدين R خمس ثواني وبعدين N خمس ثواني وبعدين P
    (( لاأحد يسألني ليش سويتها على تعليمات خويي ))

    4- رجعت وعبيت باقي العلب وسويت نفس الخطوه رقم 3 الين وصل المقياس على الـ FULL بالضبط



    ملاحظات مهمه :
    1- يجب التأكد من نوع الزيت
    2- يجب التأكد من عدد لترات التعبئه <<<<< وهذه النقطه مهمه ويخطئ بها الكثير
    فعلى سبيل المثال بعض الكتلوجات يكتبلك سعة زيت القير 5 لتر وهي اذا جيت بتغير 4 لتر (( وهو ليس خطأ من الكتلوج ولاكن ممكن الكتلوج يقصد السعه الكليه يعني اذا بتسوي توضيب للقير .. والله اعلم ))
    اذا الطريقه الافضل انك بعد ماتعبي اللتر الثالث او الرابع تبدأ بالقياس
    (( وحطوا في بالكم ياأخوان اني اعرف راعي لوميا زاد في التعبئه عن المقياس المحدد والقير صار يرفع ار بي ام واذا عشق يطلع صوت ))




    على العموم اشكر الاخوان الي ردوا وافادوني وانا كنت ابسوي طريقتهم
    بس الطريقه الي سويتها يقولي خويي على ضمانتي وهو ثقه وفاهم بالسيارات



    واذا فيه اي استفسار تفضلو ...

  6. #6
    عضو سوبر الصورة الرمزية msh3l1
    تاريخ التسجيل
    21-12-2003
    المشاركات
    1,245
    معدل تقييم المستوى
    44

    رد: الطريقه الصحيحه لتغير زيت القير ؟

    ما شاء الله عليك جزوم

    و عندي كم سؤال الله لا يهينك

    1- سيارتك كم ماشيه الحين ؟ و كم مره غيرت زيت القير قبل ؟

    2- حسيت بفرق بسلاسة التغيير و لا لا ؟

  7. #7
    عضو متميز الصورة الرمزية V-I-P
    تاريخ التسجيل
    01-08-2004
    الدولة
    الرياض
    العمر
    38
    المشاركات
    1,249
    معدل تقييم المستوى
    41

    رد: الطريقه الصحيحه لتغير زيت القير ؟

    اقتباس المشاركة الأصلية كتبت بواسطة msh3l1
    ما شاء الله عليك جزوم

    و عندي كم سؤال الله لا يهينك

    1- سيارتك كم ماشيه الحين ؟ و كم مره غيرت زيت القير قبل ؟

    2- حسيت بفرق بسلاسة التغيير و لا لا ؟


    هلا وغلا بأخوي مشعل

    بالنسبه لأسئلتك:

    1- 103,000 كيلو متر - وغيرته مرتين من يوم طلعتها (( مره في الوكاله ماأدري وش سوو فيها ومره في محل غيار زيت مثل ماذكرت في الموضوع

    2- صراحه ايه حسيت بس شي بسيط وانا مايهمني اني انا احس لا (( اهم شي القير الي يحس وينبسط )) وامس مشيت فيها 210 على خريص
    احس ان عزم السياره زاد شوي (( ماأدري منت تغير الزيت او من النيتروجين الي ركبته بالكفرات ))


    وبالنسبه لك اخوي مشعل فيه بعض الامور لازم تنتبه لها

    اولا: ترا الأكورد زيت القير بدون فلتر
    وعلى ماأظن ان مكتوب في الكتلوج يتم تغير الزيت كل 20 الف
    (( افتح الكتلوج وتأكد كل كم يتم التغير ))

    ثانيا: ترى الاكورد تاخذ 4 علب زيت قير = 4 لتر
    ومثل ماقلتلك انتبه للملاحظات الي ذكرتها فوق



    واذا فيه استفسارات ثانيه تفضلوا ...

  8. #8
    عضو سوبر الصورة الرمزية msh3l1
    تاريخ التسجيل
    21-12-2003
    المشاركات
    1,245
    معدل تقييم المستوى
    44

    رد: الطريقه الصحيحه لتغير زيت القير ؟

    يعطيك الف عافيه..

    سألت الوكاله و قالوا فيه نوعين زيت

    اصلي يتغير كل 40 الف كيلو

    و نوع ثاني يتغير كل 20 الف كيلو

    و الفلتر موجود لكن ما يتغير الا بالتوضيب

المواضيع المتشابهه

  1. مشاركات: 10
    آخر مشاركة: 03-10-2005, 11:22 AM
  2. هام جداً بخصوص زيت الفرامل (البريك)
    بواسطة خلف في المنتدى ورشة السيارات
    مشاركات: 7
    آخر مشاركة: 14-08-2005, 03:00 AM
  3. مشاركات: 50
    آخر مشاركة: 14-03-2005, 07:58 AM
  4. زيت القير للومينا اس اس
    بواسطة BLACK^DIAMOND في المنتدى ورشة السيارات
    مشاركات: 4
    آخر مشاركة: 23-10-2004, 10:40 PM
X