70 ألف ايش تجيب لي ؟؟؟

انا من وجهة نظري الماجنا فيها المواصفات التي ذكرتها رياضية و شبابية و كل شئ فيها
لكن ليش ما تشتري الماني ما تندم ابدا عليك بالاوبل بنفس السعر اللي حددته

مشكورين مرة اخرى على تفاعلكم الطيب :)

عزيزي سنياري ...

في اسواق الخليج هناك 4 شركات فقط تتمسك بسعرها عند اعادة البيع وهم ..

1. تويوتا
2.لكزس
3.مرسيدس
4.هوندا

وانصحك انك ماتبعد عن هذه الشركات وخصوصا انك بتسافر بعد سنه ان شاء الله فلو اخذت التيما 6 سلندر فبتخسر تقريبا 24.000 ريال

وبعد ماتجي من السفر ان شاء الله خذ السياره اللي في بالك

\
المازدا .. سيارة قوية وشكلها جميل وسعرها بدون اكسسوارات ب75

والسوناتا مكينتها قوية ومواصفاتها ممتازة

الأكورد اقوى ميزة فيه انه يمسك سعر

والبيجو طاح حظها =مكينتها مو شي + ما تمسك سعر...

افضل اختيار المازدا ثم السوناتا ثم الأكورد

طيب ماتفكر في الالتيما سته سلندر قير عادي
لانه بصراحه الموتر يعطيك

اكشخ سياره من اللي قلتهم
وفيه نوع منها يجي ب72000
وفيه ب78000


تحياتي :)

بغيت اقول للرشحوا المازدا.... ما شاء الله عليهم اكثر من خمسة....

ايش الاحسن الهاتشباك ولا الصالون..... وايش الفرق بينهم من ناحية الفخامة والاسعار؟


مشكورين مقدماً :)

مشكووووووووووووووووووووووووووووووورين اخواني علىهذا لتفاعل الطيب منكم..... والله ما قصرتوا....

المازدا خيار ممتاز لي وبالنسبة لظروفي...

انا خاطري والله بالألتيما 3.5.... تبون اصدمكم بالسعر؟؟؟

3.5 اوتوماتيك بدون فتحة مخمل 84 اللللللللللللف<<< يمكن ينزل الف ولا الفين :(
3.5 اوتوماتيك مخمل فتحة تحكم بالمسجل من الطارة جناح....... 93 الللللللف
3.5 فل اوبشن اي بي اس جناح زنون جلد 6 وسائد هوائية..... 113 اللللللللللللللللف

عرفتوا ليش اخترت الـ2.5 من ضمن القائمة واستبعدت الـ3.5 ؟؟؟؟

والسوناتا..... بعد عجيبة ... بس اليوم اتصلت فيهم قالوا ماعندهم الا وحدة ذهبية 4 سلندر مخمل بدون فتحة بدون ليتات ضباب.... بــ57 الف ..... والدعة الجاية عقب شهرين.... صدمة !!!!!!

عن الاكورد.... مشكلة الاكورد انا غالية بقطر..... لما سألت عنها طلعت بــ82 الف 4 سلندر مخمل فتحة اوتوماتيك

وسألت عن البيجو 407 .... فل ابشن بـ82 الف..... جلد و و و و ..

ان شاء الله اليوم بمر على وكيل المازدا....<<<< عندما تغني الزهور ههههههههه
والسوبارو.... وراح استفسر اكثر عن الاكورد


مشكورين مرة ثانية على تعاونكم معاي :):):):):)

أرشح الأتيما قير أوتو 6 سلندر جناح جنوط انوار ضبابية ارباقات 6 سديات وكست رموت كنترول تخشيبة .....الخ


فقط ب 74 تقريباً


.

اخوي نصيحه لك خذلك زوم الجديده وشفها الموضوع المثبت او بتوقيعي عنها وصراحتا السيارااااه جناااااااااااان وسعرها رخيص وقويه جدا اقوى سياره في فئتها

او خذلك كاااااامري << لانها الافضل عند البيع

او التيما سته سلندر<< وتأكد انها الاقوى في الساحه والعالم خلفك

وسلالالالالالالام

سوبارو ليجاسي


سوبارو ليجاسي


سوبارو ليجاسي

ما راح اكثر عليك وخذها مني

1- اكورد فتحه أتماتيك بـ 74.000

2- سوناتا فل كامل 4 سلندر ..او.. 6 سلندر نص فل

انا ارشح الماجنا لاكثر من سبب:

اولا: السياره 6سلندر يعني راح تريحك كثير خاصه بالخطوط ، وانا بصراحه سيارات الـ4 سلندر مو مقتنع فيها نهائيا.

ثانيا : من حيث الشكل هي الاجمل وشكلها رياضي حيل

ثالثا السياره متغيره من فتره بسيطه ، وطبعا هي ياباني يعني سعرها عند البيع جيد

طيب اخوي ما فكرت بالاكورد

سعرها 71 الف قير اتوماتيك وسعرها مضمون عند اعادة البيع

انا [color=darkgreen]ارشح سيارة واحدة منهم فقط وهي الالتيما مو2.5)))3.5[/color]

(6سي دي,6سلندر.6نمر.6 أزارير في عجلة القيادة)جنط 17
مثبت سرعة وتحكم بالمسجل في عجلة القيادة.
وشكل رهيب وخلفية رياضية.
وطبعأً محرك جبار كالبركان يضخ 260 حصان وتنطلق السيارة من الصفر الى المئة في 5 ثواني. وسعرها في الوكيل 75
وفي غيره 70 ألف والفرق بينهم السعر فقط . ودمتم بخير

نصيحتي لك لاتشتري السونتا لانها يطيح سعرها صحيح انها حلوة وفخمة انصحك بالمازدا 6

هلا والله فيك أخوي الغالي من قطر ,, :)

بالنسبة لي ما راح أفتي بالسوبارو ,, لأني لسى ما شفتها ولا ركبتها ولا حتى جربتها ,,

بالنسبة للخيارات المطروحة ,,

أنا أرشح لك بكل ثقة خيارين ,,

مازدا 6 ,, تكون كاملة المواصفات لكن القير عادي 6 نمر ,, وسعرها عندنا ب 69 ألف ريال

وطبعا محركها 2.3 ,,

الخيار الثاني ,, هيونداي سوناتا ستة سلندرات 3.3 بقوة 235 حصان,, وعندنا بالرياض فئة منها بسعر 68 ألف ريال ,,

وفيها جنوط 17 وقير 5 نمر اوتو وفتحة سقف وسي دي mp3 ومثبت سرعة وتحكم بالمسجل ومكيف الكتروني وطبعا

ABS و EBD ,,

هذي السيارتين أفضل شي بالسعر هذا ,,

وما يبقى لك الا تروح لوكالة مازدا وهيونداي عندكم بقطر وتشوف السيارتين وتسوي لهم تيست درايف وتحدد الأنسب لك ,,

تحياتي لك ,,