سؤال بخصوص الدبات (الكنداسات)

[STA(Blue)NG]

السلام عليكم

بغيت اسالكم بخصوص الدبات (الكنداسات)

انا عندي موستنج 99 قير اوتو ركبت عليه دبتين فلوماستر ولما ادعس بنزين يطلع الصوت هادي مافيه ازعاج كبير

وانا فكيت الدبات وركبتهم على موستنج صاحبي نفس الموديل بس قير عادي ويوم ركبهم طلع صوتهم قوي وااجد

هل معقوله فرق الصوت لان هذا قير عادي والثاني اوتو ؟ مع ان المكينه نفس الشي ؟

او انا عندي مشكله بنفس المكينه ماتطلع هوى قوي (مكتومه)

حتى يوم ركبت هيدرز كنت متوقع الصوت يكون عالي على حسب المعتاد واللي اسمعه ان اي واحد يركب هيدرز الصوت يعلى بس انا بالعكس ماعلى ولاشي طبيعي جداا

هل تتوقعون في مشكله بنفس المكينه ؟ وايش الحل معاها ؟

وشكرا مقدما

[bashar_255]

أهلين أبو هلال

كيفك و كيف أخبارك ؟

بالنسبة للصوت أنا حاس انك تعاني منه من زمان

أحين الإكزوست عندك كيف شكله ؟ الدبات اللي قدام شايلهم ولا كيف ؟

الصوت تعني في المشي ولا و هو واقف ؟

في النهاية أنصحك تروح تعمل لها فحص كمبيوتر لعلى و عسى

تحياتي ،،،

[STA(Blue)NG]

اهلين بمشرفنا بشار انا تمام والله

ومن جد مشكلة الصوت اعاني منها من زمان احس بوسواس يقولي مكينتك فيها مشكله

وبالنسبه للاكزوست اتش بايب BBK وبدون دبات بالوسط مافي الا دبات بالاخير

والصوت اقصد بالمشي او لما احطه على ال N وارفع اربي ام 4000

[bashar_255]

انا لما طلعت سيارتي و هي بالقير الأوتو في الدعس أحس صوتها أقل من لما كانت على الموستنج القير عادي و طبعاً تعرف ايش صار بعد التست

بس و هي واقفة لما جيت أحسبها واي بيب و دبة وحدة بالأخير أحس انه ما كان يفرق عن قبل

حسب علمي أن الـ × بيب أفضل من الـ H بيب هذا و الله أعلم بس ما اعتقد انه سبب في المشكلة

المشكلة ما ابي أهوسك بكلام و يطلع غلط لاكن بقول اللي عندي

أهم عوامل من عوامل استخراج القوة هو نظافة الراس فإذا التزويد اللي على سيارتك ما يعطي النتيجة اللي انت متوقعها انصحك تروح تفحص بالكمبيوتر و تشرح المشكلة للمكنيكي

[STA(Blue)NG]

يعطيك العافيه بشار على الرد

بالنسبه لتغير الصوت عندك يمكن يرجع لنظام الاكزوز عندك يختلف عن اللي كان على الموستنج

احنا جربناهم على نفس الاكزوز ونفس كل شي بس الفرق القير

ان شاءالله انا بروح لورشة ابو السعود يشيك عليها كمبيوتر ويشيك على كل شي

لان عندي مشكله ثانيه بعد بالتعشيقات

لما ادعس من صفر يرتفع الضغط الى 3500 اوكي بس بعدها العداد يمشي الى 6200 بس تحس السياره تكتم مكانها ثقيله من 3500 الى 6200 بعد ماتبدل الثاني تنقز وتنطلق

بس تعاال اش صار على مشرووعك ؟ تراه طول ملينا من الانتظار نبغى نشوف لك دوساات صح وتزليغ بخلق الله

بالتوفيق اخوي بشار بمشروعك

[bashar_255]

ضيعو بلوفي و لا أدري وينهم بالضبط و للحين ما شفت مثلهم صاير لي شهر ادور

ما لي الا أني أضحك لأني انكبت في كل بلك في هالمكينة فليش عوار القلب ؟


تحياتي

[سوبرا]

أولاً يا أخوي أبغى أسألك متى آخر مرة نظفت البخاخات .
نصيحة :
لا تنظف البخاخات من أي واحد .. نظفها من ميكانيكي معروف وخبرة ..
وبعدين السيارة مستعملة أو جديدة ..
لأنه ممكن اللي قبلك مغير فلتر الهواء ..
أو ممكن مخفض صوت السيارة بأي طريقة .. تأكد قبل لا تحكم على السيارة ..
لا تنسى معك فورد أي لعب بسيط في السيارة بدون خبرة يخليك كل يوم في الورش .. لا سمح الله ..

انصحك تروح تفحص بالكمبيوتر و تشرح المشكلة للمكنيكي ..