ابــيـــكــــا .... هل تنصحوني بها ؟؟ أرجو المشاركه من الجميع

الأبيـــكا حلوه و قويه وعن صرفية البنزين جيده و بصراحه هذا السعر قليل عليها و على كل ذا الكلام هي فخمه.

والله الموتر ماعليه حلووو مره


ومن شكله مريح


واما السعر الله وعلم



تحياتي

السلام عليكم ..
..
توكل على الله وخذ لك سوناتا أفضل لك من الأبيكا ..
..
لأن بكل صدق ماأعرف ولا شفت ولا واحد يمدح في هالسياره ..
..
اذا ناوي بقيمتها خذ لك سوناتا صدقني موتر محترم وله مكانه بالسوق ..
..
وأذا عندك شوي او تقدر تزيد خذ لك فورد مونديو تنسيك الثنتين ..
..
تحياتي لك و المسامحة على التقصير

نصيحه لوجه الله أبعد عنها ترى علامة شفر اللي عليها زينه والباقي كله كوري في كوري ومايجي منها قير عادي (( مع اتحرام لهونداي العريقه ))
تويوتا كامري xli (( سعرها مناسب ومفتاحها شيك بالجيب ويكفيك أنها تويوتا بس عيبها أستراليه الصنع ولا هي تمام وتكرف ))
فورد مونديو نص فل (( علامه فورد زينه وكلها شغل ألماني وسياره ممتازه ومحركه الاقل سعه والأفضل 2 لتر ومكيف ممتاز وتكرف ))
مازدا 6 نص فل (( سعرها طيب وقطعها متوسطه بس سعرها يطيح شوي وتكرف وميكف ممتاز ومحركه نفس محرك الفورد مونديو ))
هونداي سوناتا نص فل (( سعرها طيب وتكرف وقويه وتتحمل لكن أفضل انك تنتظر للسنه القادمه لأنها جديده على السوق ))
اتمنى لك الأفضل والتوفيق ومبروك مقدما تحياتي |3|

اخوي زود فلوسك شوي وخذ لك كامري لانها لك وللزمن اما السيارات الكوريه بصفه عامه لاتقرب منها لانها اذا جيت تبي تبيع
يطيييييييييح سعرها اما الكامري والله لو تكرفها كرف وتبي تبيع قيمتها فيها واذا ماتبي كامري انصحك بمازدا زوم 3 لان سعرها قريب من سعر الابيكا وافضل منها وانت على كيفك ...

تحياتي...............

اخوي انا ما انصحك فيها لسبب انها جديدة, ومثل ماقالوا بعض الاخوان تستهلك بنزين
ارى الخيار الافضل سوناتا أو فورد مونديو أو مازدا 6

واذا كنت تشوف اسعار بعض هذي السيارات غالي مالك الا المستعمل |5|

تحيتي لك

شكرا لكم جميعا اخواني ....

و ان شاء الله قريبا أتخذ القرار .....

السلام عليكم ورحمة الله وبركاته

السيارة قوية وجديدة وهي فخمة و مميزة ولكن هل مستوى الثبات في السيارة

او البنزين من اهم عيوبها وهل لها عيوب اخرى مثل التفكك بسرعة والسعر

عند اعادة البيح ينقص كثيرا ؟؟؟ ان شاء الله الاخوان يفيدونك .

ولكن انصحك بسيارة الكامري قوية وتتحمل اكثر من الابيكا و قطع الغيار متوفرة .............. الخ .

او بالهيونداي سوناتا 2006 .

وشكرا

الحمدلله انا معايا لها 8 شهوووور ومدلعها كشافات وجنود وخشب وجلد وقير توماتيك واربعة سلندر

ومرتاااااااح بها علماً بان مشاويري ما بين العمل ومشاويري الخاصة اقطــع 100 كيلو متر باليوم الواحد

وباطلع بها مكة جدة ويكون العداااااد البنزين حقها الربع |1|



والحمدلله انا ما اشتريتها الا وبناءاً على اللي سبقوني واخدوها من سنتين |3|

السلام عليكم

السيارة ممتازة

ماشاء الله لها معي أكثر من سنة و نصف

مع احترامي للجميع و شكري و تقديري لهم الا ان ردك هو الافضل بينهم ......


لأنك تكتب و تشرح و تفصل في الكلام .....

و الظاهر بصرف النظر عن هالسياره و نشوف الكامري :)

مرحبا
شوف اخوي السياره شكلها حلو مره وواسعه ومريحه بالسواقه
بس فيها عيوب كثيره (اثنين من اصحابي يشتكو منها) لانها تصرف بنزين كثيرررررررررررر
وهذا الشي انا شفته بنفسي علما انو معاي كابرس 6 سلندر بس اقدر اقول فرق البنزين يزيد عن الضعف
غير كدا تتهربد بسرعه وتتفكفك وسعرها يطيييييييييييح الارض
اذا تبغا نصيحتي شف السوناتا الجديده مررررررره حلوة وقووووووويه وانا مجرب الهونداي واعرف قوته وتحمله
وسعرها تقريبا نفس الشي بحدود 45 - 47 زي كدا يعني
وتكرف 5 سنين وعليها ضمان وسعرها كمان بالسوق كويس يعني ماتطيح زي الابيكا
والقرار بالاول والاخير لك
واذا تبي تقتنع مزبوط استأجرها 3 ايام وجربها عشان تقدر تعطي حكم مبدأي عليها واستأجر الهونداي سوناتا وجربها كمان
بس نصيحه الابيكا ابعد عنها بالذات انك راعي مشاوير ترا بتذبحك بالبنزين

اللومينا غاليه


الميزانيه ما تسمح

والله ياخوي الأبيكا اصلها سيارة كوريه وانت عارف السيارات الكوريه مايحتاج أقوول

طيب انت ليش ماتاخذ لومينا ال اس .......

وبالتوفيق .........

بصراحة مانصح بهذي السيارة
السيارات اليابانية متميزة ب 4 سلندر

بس الفوكس صغيره اخوي بشار ....





على العموم ننتظر أراء أكثر .....

انا عن نفسي افضل الفورد فوكس و يكفي ان الفوكس اروبية :)

مشكور اخوي كابرس لكن هل يتحمل الاستخدام و الكرررف ؟؟


و بالنسبه للسعر انا كنت عند العيسى الي على الدائري الشمالي و سئلت عن السعر قال السياحيه 47 ألف و الفل كامل بس 4 سلندر بـ 53 ألف

والله موتر حلو ومريح جدا

ولكن السعر ماعندي اي خلفيه عنه

بس ياليت احد يخبرنا عن سعر الفل 6 سلندر