موضوع جديد ياشباب : كم مره صدمت في حياتك وايش هي اول صدمة وفين

السلام عليكم ياشباب دي لكم اليوم موضع جديد وحينزل معاه كم موضوع ان شاء الله

الموضع اليوم : كم مر ه صدمت في حياتك واول صدمة صدمتها في حياتك وايش السيارة وفين صدمت ؟؟؟؟

المهم انا الحمدلله ماصدمت غير 4 مرات والمشكله كلها في الحوش ماوصلت للشارع يعني الحمدلله ماصدمت احد في الشارع ولا احد صدمني المهم :

1 المره الأولى وكنت تقريبا في بدايت سواقتي للسيرات تقريبا كان عمري 12 ونص المهمواجي ابغى اخرج من الباب حق الحوش وطبعا احواشنا كلها ابوابها ضيقة ويادوبك يعني يزيد عن عرض السيارة ب4 سنتي ولا5 سنتي يعني بالملي المهم واجي ياحبي يادوبك اشوف الطارة واقبع من الباب الخلفي الي جنب السواق ولقيت الباب انعجن طبعا السيارة حقت جدي فحاولت ارجع السيارة على ورا على قداام الين ماخرجت بس انعجنت زي الناس فرجعت السيارة محلها ودخلت البيت لاسبوع وماخرجت من كتر الخوف ولا ادري عن شي من الرعب


2- المر ه التانيه في الحوش التاني جيت اخرج السيارة من الباب الخلفي ولا كن السيارة على ورا يعني الصدام الخلفي على الباب المهم ورا الباب في جدار بيت والمشكلة ضييييق مره يعني اقل من مترين فجي ارجع وبس من نفس المحل الي ورا الي جنب السواق والبق مزبوط في طرف الباب حق الحوش وتسمع انواع التشخيط والتجريح والأانقباع وقيدها المنطقه مقبوعه وبس بدأت ارتجف مره تانيه وماني قادر اسوق تمام وبس رجعتا وهبقت على البيت بس اقل من اسبوع لان المنطقه قيدها مقبوعه

3- المره التالته : كانت خفيفه شوي ومالها اي اثر الحوش ارضه تزحلق لانها بلاط المهم قاعد ادعس في الحوش قالك اجرب الفرامل ارجع لاخر الحوش وادعس الين قبل الباب وراظغط فرامل ولاكن المره الاخير لم تسلم الجره دعست وزودت الدعسه عن المره الي قبلها واظغط فرااااااااامل مين ياحبيبي والسيارة تتزحلق وتزحفففففففففف الين طنبحط في الباب والله خرجت من السياره زي المصروع ماني شايف شي مارحت الا على الصذام من قوة القبعه طالعت لقيت ماشاء الله ماصار شي بس طالعت في الباب لقيته ماشي مترين عن محله يااااااوجه الله هيا ايش يصلح الباب وهو درفتين وحديد والله واروح عند حداد ومادري ايش المهم خرجت من الهرجه


4- الحادث الأهبل الرابع --- قلق رجعت من الاختبارت النهائية حقت ثالثه متوسط وجالس العب في السيارة المهم في طبعا هنقر في الحوش وعاوميده بارزة شويه بس وقاعد ارجع واقدم والعب في السيارة المهم طفشت وقلت خلاص خليني البق السيارة قلت خليني اقربها شوي من الجدار بس وارجع ارجع بدون ماطالع على ورا ولا في المرايات واسمع كدا صوت شي بينطعج الا وقفت وطالعت لقيت عامود الهنكر في نص السيارة !!!!!!!! انفجعت جيت اقدم ودعست بسرعه الا والصدام الخلفي يشبك في العامود لانو الصدام فيه بروز بعد السيارة واطرافه شكلها زي الخطاف المهم شبك مزبوط وعشان اخرج اتعجن الجنب الي بين الباب الخلفي الي جنب السوق وبين الشنطة والصدام الخفي اههههههههه
ولكن الحمدلله اليوم الي بعدو كنت خلاص مسافر بره المملكة وبس رجعت السيارة برضو محلها ولاكن كانت من اقوى الصدمات وفقت على البيت وكان وقتها ظهر وطبعا جدي نايم ياحبيبي المهم ماصدقت جا الليل وشويا وابوي يصحيني يقول يلا لازم نمشي عشان نلحق الطيارة وماتصدقو الفرحه الشديده الي جات في وجهي قلت الحمدلله مأنطبقت هادي المره والا واحنا قاعدين نحط الشنط في السيارة وانا نسيت الموضوع خلاص لانو وقتها كان صبح وطبعا لسا بدري عشان جدي ينزل يجلس في الحوش وخلاااااااااص جينا نمشي الا واشوف جدي نازل وعيونو حمرا ويدور عليا وانا قلبي وصل الأرض واستلمني عاااااااااد الييييييييين اتأخرنا من جد ولاكن برضها عدت سليمة طبعا رجعت من السفر لقيت السيارة مسمكرة ومصبوغة واي حاجه والحمدلله من داك اليوم الين اليوم ماقبعت السيارة





سامحوني جدا على الأطاله عليكم واتمنى منكم انكم تشاركوني وتخلو الموضوع مميز ..........|4|

اخوكم :
درايفر