شباب احترت وش اركب كفرات للماركيز .. ممكن تنصحوني .؟

احلى نك @user_14721 · 06-10-2005

السلام عليكم ورحمة الله وبركاته
كيف الحال يالغالين؟
مبروك عليكم الشهـر بعد الزحمــه
وكل عام وانتم بخير

بغيت اسآل عن احسن كفرات للماركيز
ابيكم تنصحوني وش اركب على الفورد
لاني احترت من البناشر كل واحد يمدح بضاعته
والموتر موقفه اسبوعين :D وللحين ماركبت شي
قلت مالي الا منتدى السيارات هم الي بينصحوني ;)
ابغى احد جرب كفرات والا يعرف احد ركب كفرات للماركيز ويمدحها
علما باني امسك خطوط اكثر الاوقات
وابي فوق هذا نقشـه للكفر
يعني بالعربي ابي اذا حطيت ملمع (توت البنفسجي ) يعطيني صورة الي يوقف مقابله :D

ارجوا منكم افادتي بموضوعي ولكم جزيل الشكر

احلى نك @user_14721 صاحب الموضوع · 19-10-2005

اشكر كل مر على الموضوع
وكتب لي اقتراحااته ونصحني

مشكوورين وماقصـرتوا :cool:

الوتر الرنان @user_23336 · 19-10-2005

ا

الرائد

ميشلان... أو برلي..

وأغلب الفورادت الي طالعة من الوكالة... تلقى كفراتها برلي...

لكن الأنواع هذه سعرها مرتفع مقارنة بالأنواع الأخرى... لكن كفاءتها عالية...

وشكرا

أوافق ( الرائد ) الرأي بصراحة ميشلان أو برلي .
أحسن مليون مرة من أي إطارات أخرى ولا تنظر للسعر أبداً ( الغالي قيمته فيه )

كوامر2003 @user_23251 · 17-10-2005

مرحبا ..إذا ماركبت للحين عليك بـ تويو نقشه خيال وكفر يعطيك بكل شي ..
برجستون حق كرف بس يتعبك بالمطبات وغير كذا بعد أستخدامك له بتلاحظ انه جديد من تحت ومن الجوانب متآكل بشكل خفيف ...وعلى عكسة اليوكوهاما يتآكل من تحت بسرعه لكن ليّن وآمن .
جرب تويو وأدعيلي حق كرف وليّن وشكل حلو ولمعة متعوب عليها

OPEL_OMEGA @user_3545 · 16-10-2005

البريلي أفضل كفر للماركيز

دكتوربكلية الحب @user_12229 · 14-10-2005

هلا اخوي الفورد يجي عليه في الموديلات ال98و99 قودير وكويس والجدد يجي بريلي بس اذا تبي نصيحه وماراح تتحسف ركب قودير او دنلوب او بريجستون او تويو
ملاحظه:البريلي غالي ,اليوكوهاما يتمسح بسرعه ،البرجستون يقولون قاسي
مع تحياتي
دكتوربكلية الحب

احلى نك @user_14721 صاحب الموضوع · 12-10-2005

مرحبــا اخوي alwasmy

تسلم يالغالي على النصيـحة
والله يطول في عمر كفراتك
يعني تمدحة حق تفحيط |11|
اخاف اتهور وافحط بالموتر اذا ركب برجستون :D

هلا والله اخووي F50
تسلم يالغالي على النصــيحة

هلا بالغالي AL_wafi
تسلم والله .. بالنسبه لسعر برجستون وميشلان مقدور عليه الحمد الله
ومايهم السعر اذا فيها سلامتك يالغالي
بس بصراحة انا عزمت اركب برجستون تورانزا GS 50
بعد مانصحني اخوي الغالي "MONDEO _05"

بعد مارحت محل الكفرات يماني اعرـفـه
قال انصحك بـ سوموتومو ليـن وماله صوت
واي شي يصير فيه رجعه لي والين من برجستون
ونفس الصناعه كلهم ياباني .. والي شجعني عليه انه لين مع المطبات
ويخفف بالمطبات على الاذرعه والمقصات
وفوق هذا قالي نفس الصنـاعه كلهم ياباني
والي خلاني اغتر فيه اكثر
نقشــته روووعه نقشــه ريــاضيــه
وتوكلت على الله وركبتها والحمد الله اليوم جربتها على الخط
مشيت 160 والحمد الله مافي لاصوت ولا رجـه
وراسـيـه على الخــط

وتم بحـمد الله ;)

اشكر كل من نصحنـي ورد على موضوعي
يعطيكم العاافية وشاكر لكم تعاونكم ..
شكـرا لآتصــالك

AL_wafi @user_23061 · 12-10-2005

البرجستون متميز بقساوته وعمره الطويل ، الميشلان اكثر عمر منه . نصيحتي لك خذ ميشلان شرط يكون فرنسي او الماني ويكون هاي سبيد يعني w أو v والله يكون في عونك على سعره .

K I F Y @user_6053 · 12-10-2005

اليوكوهاما ممتازة وباردة في الخطوط
احتمال أنه يضرب عليك في الخطوط نادرة

وله معي 3 سنوات مشى 100000 كيلو ولا فيه أية مشاكل

alwasmy @user_22208 · 08-10-2005

اخوي انا بنصحك بالبرجستون مافي اقوى منه السبب
انا مركبها على سيارتي كراون فكتوريا 2001 ولهل سنة و نص ما غيرتها والله و لا عمره بنشر علي و لا نسم و تراني راعي تفحيط على خفيف بس رايحة النقشة شوي
قبلها مركب بفس الكفرات تخيل انها الكفرات اللي ورا ماعاد فيها نقشة يعني سادة و الله مشيت عليها 4000 كم و لابنشرت و لا صار فيها اي شي
المهم انك تشتفيد من النصيحة

احلى نك @user_14721 صاحب الموضوع · 07-10-2005

هـلا وغلا اخوي MONDEO _05

تسلم يالغالي ع النصيـحة

بس ابي اسآلك التورانزا كيف نقشـته حلووه ؟

وان شاء الله راح اركب بريجستون ;)

وبعطيك فرـرـرهـ بالموتر بعد :D

MONDEO _05 @user_7546 · 07-10-2005

السلام عليكم ..
..
مدام معاك موتر مريح فيبيله كفرات مريحة ولينة .. ولأ يوجد كليونة البريجستون .. كفر ممتاز ومحترك أنصحك بتركيب التورانزا الجديد ..
..
ولكن الكفر ماراح يعطيك ثبات قوي ..لكن مريح وينفع للماركيز ..
..
اذا تبي الخشن والي له صوت والرياضي .. خذ ميشلان بايلوت برايمسي .. ممتاز .. او دنلوب sp sport 9000 .. أو بريلي P6 .. كلها كفرات ممتازه ولكن كما قلت راح تهز الميزانية ..
..
الأفضل للماركيز البريجستون بوتنزا GIII .. أو تورانزا GS 50 ..
..
تحياتي

احلى نك @user_14721 صاحب الموضوع · 07-10-2005

آهليـ ن اخوـي ابوعمرالوقي

كيف حـالك .. |13|

مشكور لوجهـه نظرـك
بس انا مقتنع بآسمـي
وعلى اي اسآس تبي يتغير؟ |6|

ابوعمرالوقي @user_22866 · 06-10-2005

ياأحلى نت هذا أحسن من أسمك القديم ،وأرجو من المشرفين الإعزاء ابلاغك وشكراً|1|

احلى نك @user_14721 صاحب الموضوع · 06-10-2005

هلا وغلا اخووي Night Hawk

تسلم اخووي على النصحيـه

بس اخلف اركب بريدجستون واتحمس للتفحيط :D

لاتكــوكـني << صورة واحد يدخن >>

تسلم يالغالي ع النصــيحـه
وان شاء الله هذا الي بيصيـر .. الا اذا احد اقنعني بنوع ثاني :rolleyes:

هلا بك يالغالي الرائد

تسلم يالغالي على التجـاوب للموضوع
بس بريلي غـالي شوي
انا اشهـد انـه |1| بس بيهـز الميزآنيـه هـزـزـز :D
والله هي مو شيـنه نخرـبها ونركـب بريلي بس احتمال ابيع الموتر بااي لحظـه |6|

بس ماقصـرت يالغالي على تجاوبك للموضوع

تقبلوا تحيــاتي

الرائد @user_16969 · 06-10-2005

ميشلان... أو برلي..

وأغلب الفورادت الي طالعة من الوكالة... تلقى كفراتها برلي...

لكن الأنواع هذه سعرها مرتفع مقارنة بالأنواع الأخرى... لكن كفاءتها عالية...

وشكرا

CamSHAFT @user_6565 · 06-10-2005

يا عمي
لا تفكر بغير بريدجستون
يكرف كرف مو طبيعي
حتى المفحطين ما يركبون الا هو..لأنو ما يصبر على تفحيطهم الا بريدجستون
اهم شي لا تقرب اليوكوهاما
صحيح هو مريح وراسي..بس يتمسح بسرعة

احلى نك @user_14721 صاحب الموضوع · 06-10-2005

هــلا والله وغلا اخوي عذب الاحاسيس

الموتر موديـ ل 2000

مو دايم امسك فيه خطووط بعض المرات

يعني تنصحني بـ هانكوك الكوري ؟

والا في شي آحسـن منـه؟
شرايك برجيستون ؟

وتسلم يالغالي على اجابتك عن تساؤلاتي ..

عذب الاحاسيس @user_15092 · 06-10-2005

وعليكم السلام ورحمة الله وبركاته

اذا كان الموتر للخطوط وموديل قديم فنصيحة لاتبعد عن هانكوك الكوري

رخيص وجيد

تحياتي