روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 1 من 9 1 2 3 ... الأخيرةالأخيرة
النتائج 1 إلى 8 من 68

الموضوع: تــعــديــلــي عــلــى الــكــمــارو خــطــوه خــطــوه

  1. #1
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    تــعــديــلــي عــلــى الــكــمــارو خــطــوه خــطــوه




    السلام عليكم ورحمته وبركاته

    هذا اول موضوع لي في الورشه .. رغم اني منيب غريب على الورش وكثرت زيارتي لهن لكن اول مره اكون متواجد في ورشه الالكترونيه .. عربيه
    عموما انا لي تجربه في ترهيم سياره وحبيت احط واكتب عن كل مرحله صارت واطلعكم على المعوقات وعلى الحلول اللى ابتكرناها ...
    وهو عباره عن تعديل سياره وتغيير نظامها من نظام معين الى نظام اخر وطبعا الهدف هو التزويد (( التلغيم )) وبشرح وشلون صار هالشي خطوه خطوه .. وقبل كل شي ابتكلم من البدايه عن هالسياره :
    السياره طبعا هي كمارو موديل 99 ولكن مسجلينها المرور عندنا 98 ولاادري وش الهدف منه !!



    كانت مكينتها سته سلندر سعه 3800CC على شكل V وبقوه 200 حصان الى 220 وبنظام OHV وبـ 12 بلف (( صمام )) وبثلاث كويلات .. وطبعا هالمواصفات كلها هي نفسها اللى على اللومينا لكن تختلف طريقه شكل الانتيك (( الثلاجه )) .. وحتى القير برضوه اللى هو نوع اوتو 4L60E واللى يسمونه (( 700 )) الكتروني نفس الشي تقريبا ...
    طبعا كانت المكينه مخبطه ومنتهيه وكنت ابي مكينه ثمانيه سلندر لعدم اقتناعي بهالمكينه ابد ابد .. وكنت ادور مكينه LT_1 وطبعا مع الظفير والكمبيوتر والقير برضوه وهذولا الاشياء هن اللى عقدتني وعقدتني من جد .. لان ياكثر ماالقى المكاين لكن بدون ظفيره وكمبيوتر وكنت ابي مكينه مع ظفيرتها وكمبيوترها مع بعض وماكنت ابي ظفيره وكمبيوتر لحالها ومكينه لحالها واجمعهن لان هالحركه دايم تصير من وراها مشاكل في الكهرب ومنيب رايق لها ...
    المهم جلست فتره طويله حوالي تقريبا الشهرين من يوم شريت السياره ومالقيت اللى انا ابي وحتى اني تنازلت عن القير لكن نفس الشي .. عموما رضيت بالواقع ولغلاء مكينه الـ LS_1 قلت خلاص السته سلندر وامرنا لله ...
    وظبت المكينه وجبت كل شي جديد في كل القطع ...




    وكنت فرحان بها بعد ماطلعت رغم الوجيهه الغريبه اللى تناظرني على هالسياره حتى ان ابوي قالي اذا مريت في الحاره تلطم واسرع لحد يشوفك وتفضحنا
    لكن كل هذا مابعد سويت اللى انا ابيه وهو القوه ...
    السياره وخذتها لكن تنقصها القوه
    سته سلندر ماتفي ابدا ابدا بالغرض .. وخصوصا كل مامر واحد قالي يالله قاوم ؟
    بعد كذا قررت على اشياء بسيطه كبدايه .. خذت لها اسلاك وكويلات وبواجي وفلتر وتقسيم الشكمان ...


    يتبع ...




  2. #2
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه



    وهنا توضح الكويلات اللى من نوع MSD والاسلاك برضوه من نوع MSD



    وفلتر ريس (( فلتر رياضي )) نوع K&N وفتحت للمنيفولد (( للشكامين )) ومافكرت ابدا في الهيدرز لاني منيب اواطن صوت الهيدرز على السته سلندر ابدا ابدا وعلى امل اني ارجع للفكره الاولى اللى ماتحققت وبخسر عليها كثير كون الهيدرز بيكلفني كثير لذلك فكرت اني اخلي كل منيفول (( اقزوز )) لحاله من الوصله وبكذا عطتني نتيجه بسيطه لكن فعاله ...
    الين هنا كان الموتر يروح على بعض المواتر البسيطه اللى هي سته سلندر مثل الكمارو السته سلندر والمكسيما والكامري وهذولا ماينقاسن ابدا وكنت اصلا منيب مقتنع وكنت اذا بغيت اتقاوم احرص اكون بعيد عن عيون الناس (( اجل كمارو ومكسيما صافيه ))
    بعد تفكير وتمحيص واستشارات .. وبرضوه غلاء قطع السته سلندر في التزويد من استروكر وسوبر وانتيك.
    قررت ..اني اخذ ثمانيه سلندر واعدل فيها ابرك من السته ...
    لذلك قلت اخسر عليها خساير واحط عليها اشياء كويده واطلعها وقت اللزمه ...
    وكنت ابي اوفر لها كل شي جديد وبسيط .. وقوي .. مع المحافظه عليها.
    وكان السائد والرائج على مكاين الـ LT_1 واللى يسمونها 350 هي كربريتر وانتيك واسلاك وكام وهيدات (( رووس)) لكن في الاساس الكربريتر في هالمكينه مايجي على الكمارو لان الديلكو بيرجع ورا وصعب انك تدخل المكينه جوا والديلكو ورا .. لذلك العمليه صعبه في هالسياره وثاني شي ماكنت مقتنع بقوتها رغم رخص القطع ...
    واذا كنت ابعتمد على الانجكتر (( االبخاخ )) واحط ستروكر ضغط منفخض وتيربو او سوبر او ستروكر ضغط عالي وهيدات وكام وركورات بيكلفني كثير ومع هالتكاليف اقدر اخذ LS_1 وازودها لذلك شلت عن بالي هالمكينه بعد ماكنت ادور عليها دوران !
    وفي الاخير مافيه الا الـ LS_1 طبعا هالمكينه هي اللى تجي على الكمارو من موديل 98 وبرضوه الكورفت من موديل 97 وعلى اللومينا والكابرس SS ...
    وطبعا هالمكينه محترمه جدا بوجود الكويلات الثمان وخفتها وبرودتها وقله الصيانه عليها واهم شي قوتها
    لكن خلونا ندخل في عالم الفلوس والنصب والغباء بعد
    بعد ماقررت على الـ LS_1 رحت ادور هالنوع اللى على الكمارو ظنا مني انها رخيصه او على الاقل ارخص من اللى على اللومينا لاني اباخذها مع الظفيره والكمبيوتر .. لكن لقيت المفاجأه !!
    مكينه وظفيره وكمبيوتر في السكاريب (( التشليح )) للكمارو على 20 الف 22 الف ؟؟؟
    انا استغربت .. ليش بهالسعر ؟
    وبصراحه ايست وقلت اظاهر بسكر الموضوع من اوله .. لكن بالصدفه سألت عن مكينه اللومينا كامله بالظفيره والكمبيوتر قالي بـ 14 الف ؟؟؟؟
    والمكينه لحالها بـ 6 الاف اما الكمارو المكينه لحالها بـ 14 الف ؟
    انا قلت وش هالغباء .. سألت كم واحد من اهل السكاريب (( التشاليح )) قالولي هذي كمارو وهذي لومينا يفرقن في الاسم حتى لو انهن نفس المكينه !!!
    بصراحه انا شفت غباء لكن مثل هالشي .. نادر ونادر جدا .. عموما قررت بعد مكاسر اني اخذ حقت اللومينا دامها بهالسعر .. لكن قبل كل شي وش تخطيطي على المكينه ...
    العالم تقولي كمبيوتر وركورات وكام وانتيك وثروتل وهيدرز مع الظفيره اللى بجيبها من برا وكمبيوتر وكل هذا بيزيد تقريبا فوق الـ 200 حصان وممكن حول الـ 250 حصان للمكينه (( مدري كم بيوصل للكفر ))
    لكن هذا بعد مراجعه مني ومن خويي الميكانيكي اللى انا قلتله هالشي لقينا ان الوضع بيكلفنا وبيكلفنا الكثير وتقريبا اخر حساباتنا عليها توصل حدود 10 الاف دولار بدون مااشتري مكينه ووقفت لكن كان عندنا خيار ثاني رغم صعوبته وانا اصلا كنت خايف كثير منه الا ان الميكانيكي خويي اكدلي وعلى ضمانته ان الموتر بيكون نفس اشتغاله وحالته مع الحركه الجديده .. يعني الايرباق يشتغل وكل وصلات الكهرب في السياره تشتغل مثل الـ ABS والفيوز كامله .. عموما الحركه هي :
    كاربريتر مع ثلاجه (( انتيك )) مع كمبيوتر من شركه MSD خاص بـ الــ LS_1
    من شركه Edelbrock
    وبصراحه هذي الحركه جديده واكرر جديده على هالمكينه وهي تتميز بالكويلات مهب بالديلكو ...
    قارنت هالحركه مع بخاخات وانتيك وكمبيوتر موتيك لقيتها افضل بكثير وارخص بعد بكثير ...
    لكن كانت فيه عده تساؤلات من تفكير عميق على هالحركه وهي :

    1 _ هل الكربريتر بيدخل جوا او المساحه بين المكينه واعلى حد لمكان المكينه بيكفي ؟
    2_ هل عمل الكهرب في السياره بيختلف ولا بيكون نفس شي بعد فك الكمبيوتر ؟
    3_ هل القير بيركب على هالنظام ولالا اذا عرفنا ان القير موصل بكمبيوتر السياره ؟
    4_ هل الانتيك (( الثلاجه)) بيكون عالي مره .. لانه يختلف عن انتيك (( ثلاجه )) الـ LT_1 في الكربريتر !
    وخصوصا ان حنا ماشفنا القطع الا على شكل صور اما قدام عيونا ماشفناها ولا احنا شايفينها الا اذا شريناها وجتنا ...
    5_ هل الكويلات اللى في المكينه مهيب مسببه مشاكل مع الكمبيوتر الجديد ؟
    6_ هل الكمبيوتر الجديد بيتعرف على كل قسائم الكهرب في السياره ؟

    وبرضوه كانت فيه تسأولات على اني اخذ مكينه اللومينا بدلا من الكمارو وهي :

    1_ هل الكراسي بتتغير كلهن مع المنيفولد(( الاقزوز ))؟
    2_ هل الكرنكيس (( الكرتير )) بيركب اذا عرفنا ان حق اللومينا جاي قدام اتجاهه مع الفلتر والكمارو من ورا ؟
    3_ هل الكمبروسر (( المكيف )) بيظبط حق اللومينا ؟
    وعموما جتنا عده تساؤلات لكن عرفنا واستنتجنا ان نغير اشياء معينه وهي :

  3. #3
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه


    1_ القير يتغير .. لان الموجود يشتغل على كويل من الكمبيوتر يشبك في القير وهذي صورته :



    ومن القير يشبك مع الكمبيوتر لذلك لازم ينفك وينزل ونشتري واحد ثاني اللى هو ابو كيبل (( القديم اللى يركب على الكوابرس والتايفونات والفانات القديمه )) وطبعا هو اللى يسمى قير 700 نفس الشي بس يختلف في الاداء ووقت التغيير ...


    2_ كراسي المكينه مع المنيفولد (( الاقزوز )) لازم يتغيرن ويبدلن بـ كراسي ومنيفولات (( اقزوزات )) حقت كمارو ...


    3_ الكرنكيس (( الكرتير )) لازم يتغير وناخذ حق كمارو ونشبك من جوا بين الوصلات اللى طالعه من المكينه على الكرنكيس (( الكرتير)) لـ فلتر الزيت .. لان منول جايه قدام .. وهذي صوره الكرنكيس (( الكرتير )) حق اللومينا ويبين ان فتحات المواصير من اول الكرنكيس (( الكرتير )) اللى موصله لـلفلتر وفي كرنكيس (( كارتير )) الكمارو على طول مشبك مع الفلتر ...





    طبعا وهي مفكوكه من المكينه .. وهذي صوره لكرنكيس (( كرتير )) حق الكمارو ويبين ان الفلتر (( السيفون )) جاي ورا وبرضوه العلبه جايه ورى وهذا الفرق اللى بينهم وطبعا كرنكيس حق الكمارو كبيييييييييييييييييييييييييييييييييير ويشيل زيت احتياطي اكثر من كرنكيس حق اللومينا بـ ليترات واجده ..




    عموما ولمعرفتنا ان بيجينا اكثر من مشكله وانه بيكلفنا اكثر من المتوقع .. حبينا نغامر وطلبنا القطع وهن :
    الكربريتر .. وهذي صورته وهو توه جاي في كرتونه:





    طبعا هو مقاس 650 cfm ...
    والكمبيوتر من شركه MSD مثل ماقلت .. وهو خاص لـ هالمكينه ومكتوب عليه ومعه الظفيره :

  4. #4
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه




    ومعليش لعدم وضوح الصوره
    وبرضوه الانتيك (( االثلاجه )) اللى كانت اعلى من المتوقع




    عموما بعد ماجبنا الكربريتر جا واحد وطلبه وعطانا كربريتر ثاني مقاس 900 cfm (( الموضوع له قصه ثانيه ))
    ومعه الانتيك (( الثلاجه )) والكمبيوتر وكان فيه اختلاف شي بسيط في اسلاك الكمبيوتر ...
    انا خذته وفرحت لكن ادري ان من وراه شفط بنزين بس قلت ولو هذا افضل واقوى .. واقدر مستقبلا لو اركب كام ولا سوبر او اي شي في راسي يتحمله هالكربريتر وهذا اصلا مخصص للدراق ...
    عموما ممكن البعض يسأل كم بتوصل هالحركه من قوه ...
    بتوصل وعلى كلام الشركه فوق بـ 100 حصان للمكينه .. يعني تزيد فرق قوه بـ 100 حصان عن البخاخ العادي حق الوكاله ...
    طبعا هذا اعلن في مجله CHEVY واكدوا لنا الشركه في النت ان هالقطع بتعطي حتى 100 حصان في المكينه وراح تعطي افضل على الداينو من الكمبيوتر والظفيره اذا كان القير مركب عليه كت وبرضوه مداخل ومخارج الهواء في المكينه سهل !
    وخلونا ندخل في معالم هالاشياء
    اول شي راح يكون للمكينه الكت اوف لها عند 7500 RPM وماتقدر تنزل ابد واذا ركبت اشياء زود راح يرتفع .. واعرف واحد مركب نفس الحركه (( ملفقه على نيسان باترول )) ومركب سوبر من دون زوايد في المكينه ووصل عنده الى 8400 RPM وطبعا اللى يتحكم هو هذا



    وهالتشبات تجي مع القطع ومكتوب عليهن (( CURVE 2 & CURVE 4 & CURVE 6 )) وهن ثلاث وكل وحده تعبر عن مرحله من التزويد والـ curve2 للمكينه الصافيه زي اللى عندي .. واصلا عمله هو يتحكم في الكام انه مايطلع اكثر من 7500 دوره في الدقيقه وحتى لو شلته عادي لكن مكينتك بتستقبل خرابات في الـ بش رود والركورات والحركات هذي ...
    وهذا مكانه



    وبالنسبه لو ركبت كام او سوبر او اي اضافه داخليه للمكينه او خارجيه بتركب الـ curve 4 يعطي زياده في الدورات او بما معناه ينظم الكام الى انه يصل الى دورات اعلى وطبعا منتب مركب كام الا ومركب ركورات وبشات رود وسبرنقات .. الخ تتحمل هالدوران العالى لان العاديات مايتحملن حتى حق الوكاله ...
    اما الـ curve 6 للستروكرات وللحاجات الكبيره ولااعرف كم يوصل لان الورقه ضاعت واصلا ماقريتها لان مابعد خلصت من شغلي
    عموماوصلن القطع وبدينا في الشغل .. جبنا المكينه وهي حقت لومينا موديل 2001 كامله مكمله من كمبرسر ودينمو وبرضوه كراسيها وغطاها وسيورها اللى شلينا بها
    وهذي صوره اول ماجبنا المكينه وطبعا كنا مفككينها للوزنيه (( الميكانيكي خويي هو اللى اشتغل عليها مهب انا .. لان حدي فك وتركيب مكينه وودها للمخرطه ))

  5. #5
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه




    وهذي بعد صوره وبتشوفون الانتيك (( الثلاجه )) محطوط على جنب



    وهذي صوره الانتيك (( الثلاجه ))



    وهذي صوره غطاء المكينه


  6. #6
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه

    طبعا الوقت كان طويل الين جبنا القطع والين لقينا المكينه المظبوطه وهذا كله خذ علينا ثلاث شهور !
    شهرين الين وصلن القطع (( لان كانت فيه مشكله في جمارك دبي )) وخذنا شهر او اقل بشوي الين لقينا المكينه المظبوطه والصاحيه ...
    بعد هذا كله دخلنا العروسه في الورشه .. وبدا الشغل ...




    طبعا صايعه مع سيارات تقاس بألالاف الاحصنه !!
    وهذي صوره لمرحله فك المكينه والظفير والكمبيوتر :



    وهنا السياره مرفوعه لفك القير :



    وهذي صوره للقير بعد تنزيله


  7. #7
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه

    وهذي صوره للسياره بعد فك المكينه والقير




    وهذي صوره للمكينه وهي محطوطه في الارض مع ظفيرتها وكمبيوترها وتاريخها



    طبعا على طول ركبنا القطع على المكينه




    طبعا مثل مانتم عارفين المشكله الاولى هي ان الكراسي لازم تتغير وغيرناهن وركبنا حقت الكمارو الثمانيه سلندر لان السته تختلف (( حتى بالتلفيق ماتجي )) وبعد كذا جتنا اول مشكله معضليه وارقتنا وكلفتنا وجت فجأه !
    وهي ان الكربريتر مايدخل جوا لان الانتيك عالي ومالقينا حل ابد لهالمشكله وحلها بعد تفكير وبعد تفسير ان حنا نقدم المكينه كون عندنا خيارات تساعدنا وهي :

  8. #8
    عضو نشط
    تاريخ التسجيل
    31-01-2003
    الدولة
    الامارات
    المشاركات
    388
    معدل تقييم المستوى
    43

    رد: تــعــديــلــي عــلــى الــكــمــارو خــطــوه خــطــوه

    _ ان الكراسي نقدر نقدمها او نأخرها لان لها اماكن في البلوك وتقدر تحطها على كيفيك قدام او ورا .
    _ ان لو قدمناها مسافه بسيطه الين يطلع الكربريتر مهيب مسببه مشكله مع مقدمه السياره ولاهي محتاجه قص او شي من هالقبيل (( المراوح ومقدمه السياره من قاعده واشياء زي هذي )) اللى كنت انا رافض لاني ابي السياره تكون مثل الجديده من اول نظره مابي يبين عليها شي ...
    لكن فيه مشكله او مشاكل ثانيه وهي ان القير مع كراسيه لازم يتقدمن بعد !
    وبرضوه الكرنكيس (( الكرتير )) لازم ينقص ولا مايدخل مع المكينه !!
    وبرضوه عمود الشفت (( عمود الكردان )) لازم يطول ويلحم له
    هنا من جد ضاعت علومي .. معد ادري وين انا فيه .. لكن بعد تفكير قلنا بنقص الكرنكيس (( الكرتير )) بمقاس معين ونركب بليته (( قطعه حديد )) ونخرطها ونركبها مع كرسي القير بدال مانخرطه ونوسع مدخل المسمار وبرضوه اضفنا وصله ثانيه لعمود الشفت (( عمود الكردان )) وبرضوه زدنا الحامي اللى ماسك مع القير في اوله .. علشان مانخرط حق الوكاله ...
    وقبل مانقرر لقينا وبصراحه كت كامل من تحت للكرنكيس وللكراسي هذي لكن بسعر خيالي ومااتوقع انه في محله لذلك خذنا المقاس وخرطنا ...
    وهذي صور الكرنكيس (( الكرتير )) وهو مقصوص منه بقياس معين ...




    وهذي صوره للقطعه اللى اضفناها وخرمنا منها على كرسي القير ...



    وكل هدفنا انا مانلمس الكراسي الاصليه ...
    وهذي صوره لكرسي حامي الشفت (( العمود )) .. ومعه القطعه اللى زدناها في العمود ..



    طبعا كان المقاس هو ثلاثه انش تقريبا ...
    لكن لقينا الكربريتر مايطبق وتوه باقي ويبي من يدف المكينه قدام بعد !
    وقلنا خلاص اكثر من كذا مانقدر نقدم بالمكينه .. فاللى سويناه قصينا على مقاس الكربريتر ...



    وركب الكربريتر ...
    وطبعا ركبنا المكينه وركبت ولله الحمد .. وبكذا راحت اول المعوقات وهي اللى تعتبر الصعبه ...
    ركبت المكينه وعاد خذ التناتيش اللى تطلع ريحة الواحد .. اول مشكله بعد تركيب المكينه هي البونيت (( الكبوت )) مع الكربريتر وكل اللى كنت خايف منه تقريبا حصل وهن :
    تركيب الكربريتر ومشاكله والقير والكراسي وفتحت البونيت وتقصيص من البدي .. وعلى الله انهن ماينبانن
    وهذي صور السياره والمكينه مركبه

X